التحية لأخوان مصر برابعة العدوية والنهضة وهم يواجهون وزير الداخلية
تتجه أنظار العالم الآن لمشاهدة المواجهة الحتمية بميدان رابعة العدوية وميدان النهضة بين الأخوان ومناصري الشرعية ضد وزير الداخلية الإنقلابي الذي أصدر قرار بإخلاء الميادين.
قلوبنا مع مناصري الشرعية الإنتخابية ونتمنى لهم النصر. |
عندي فكرة لكتابة رسالة للرئيس الأمريكي باراك حسين أوباما أطلب منه فيها دعم الشرعية والوقوف مع الرئيس الشرعي لمصر ونحذرة من مغبة وقوفهم مع اللإنقلابيين في مستقبل الديمقراطية بالمنطقة
طبعا ما ح يستجيب، لكن الخطاب ح يفضل في الإرشيف وبعد تلاتين سنة يمكن يلقاهو طالب دراسات عليا، ويقص درب الخطاب لحدي ما يجيبو لكمير العوضية غرب شندي، وطبعا الطالب ح يستغرب من: كيف زول كان عايش في الحتة المغمورة دي، قدر يقرأ مستقبل مغبة الموقف الأمريكي!! |
draft الخطاب:
الأخ الصديق باراك حسين أوباما رئيس الولايات المتحدة المحترم تحية طيبة،، الموضوع: موقف الإدارة الأمريكية من أحداث مصر صديقي الرئيس، أُخاطبك بصفتي مثقف، ليبرالي، تقدمي، مسلم مهموم بتطوير نظم الحكم في مجتمعاتنا ذات الأغلبية المسلمة. يتبع... |
اقتباس:
حتكون وسيلته شنو؟ بنتمنى بس انه خطة الاخلاء تكون امنة لدرجة كبيرة |
مبروك عليك أصبحت تساند الإرهابين .
المعتصمين الذى تزرف عليهم دموعك يحملون أسلحة ويردون عمل دروع بشرية من المساكين حتى يسقط ضحايا يتاجر بدمائهم أمثالك للمعلومية عصابة الإخوان يعرضون اموال لجذب المساكين للاعتصام ومن يفكر في المغادرة يقتلونه ويلقون بجثته خارج الإعتصام المسكين هم سكان رابعة العدوية التى إحتلت منطقتهم وأصبحت المنطقة تمتلئ بالقاذورات التى خلفها عصابة مرسى . شوف كلام رجال القاعدة وتهديهم بتحويل مصر لبحر من الدماء http://www.youtube.com/watch?v=v90HtmrJPOs |
لاحظ كلام المجاهد صفوت حجازى
هناك خطوات تصعيدية وهذا التهديد قبل إقتحام مبنى الحرس الجمهورى وترتب عليه سقوط ضحايا هذا لا يهمهم لأن الغاية عنده تبرر الوسيلة وهو كرسي الحكم كما أوهمنا الأسلامين في السودان بالحرب الجهادية في الجنوب وبعد سقوط ضحايا بالملايين وعرس الشهيد اكتشفنا إنها أرض غير سودانية تنازل عنها إرضاء للكرسي http://www.youtube.com/watch?v=iNTBLoJltAw |
|
العريان نائب رئيس حزب الحرية والعدالة الإخوان يهدد بمجذرة
http://www.youtube.com/watch?v=lxIYv...layer_embedded |
سكان رابعة العدوية تحت حصار الإخوان في جميع الدول الديمقراطية قانونا لا تجيز ولا تسمح باحتلال أي مجموعة لمنطقة وإرهاب سكانها والقانون يسمح لها بفضه بالقوة
http://www.youtube.com/watch?v=q6dFJZ6UDvE |
الإخوان قاموا بسرقة ثورة يناير ومرسى فاز بالصندوق بفارق 51 في الميه والذى رجح أصواته هم الثوار وليس الإخوان بعد تساوى مع شفيق المحسوب على مبارك بعد وصوله للحكم تجاهل مطالب البسطاء والثوار .
والشعب المصري الذى خرج في تظاهرات يناير 30 يونيو ضد مرسى فاق 33مليون في أكبر حشد منظم شهده التاريخ ليدلل على أن حكم الاخوان ليس مختلف عن حكم مبارك، وإن الشعب يرى أنه لم تتحقق أي من الشعارات التي رفعتها ثورة يناير المتمثلة في: خبز، حرية وعدالة اجتماعية، وأن "الأخوان سرقوا الثورة وقاموا بسياسة التمكين والولاء على أساس الإنتماء للجماعة وأخونة البلد مصر؛ مما أدى لغضب الشارع خاصة بعد أن نصب مرسي نفسه كحاكم مطلق ومحصن قراراته بعد الإعلان الدستوري الأخير"وإنعدام الأمن والتدهور الإقتصادى والبطالة . أدى به للخروج للشارع، رافعا نفس الشعارات. وهى ثورة شعبية"، وشرعية مرسى أسقطها شرعية الشارع "إن ذلك استدعى دخول الجيش الذى إنحاز للإرادة الشعب وان الجماهير استعانت بالجيش كما حدث في السودان في ثورة وإنتفاضة إبريل وأكتوبر عندما إنحاز الجيش السودانى للشارع لأنها لم تستلم السلطة أو وتعلن حالة الطوارئ ولكن ما حدث في مصر ليس انقلاب كما يردد إخوان السودان ولكنه انحياز الجيش للجماهير ونقل السلطة والشرعية للجماهير في الشارع، وقيام حكومة مدنية وخارطة طريق كما أعلن . لكن الإخوان يردونها حربا ويتعاملون بسياسة الأرض المحروقة بعد أن خسروا كل شيء . فيديو رد فعل الشعب وهم يرفعون الشباشب والأحذية في وجهة لمسيرة للإخوان http://www.youtube.com/watch?v=IfV9duSFx0w |
اقتباس:
إتّا، الحزب فرع لندن عندو منك كتير؟ |
اقتباس:
عارف كنت في السابق أعتقد إنك إنسان محترم لكن طلعت مش محترم ولا تعرف تناقش وحججك ضعيفة ولهذا تلجئ لإسلوب الكيزان في المراوغة والإساءة لكن وقعت مع الشخص الغلط وسوف أبلعك كلامى الفطيرالعبيط مشكلتك عايز تعمل فيه ملاسى لكن ما لا تعرفه أن ملاسى إنسان محترم وأثبت إنك إنسان مهرج فقط اقتباس:
وبينى وبينك سودانيات ليوم الدين شاهدا والبوستات تجمعنا |
اقتباس:
|
اقتباس:
وبعدين أنا ما قاعد أوجه ليك إساءة! فقط قاعد أحلل ليك في الكلام القاعد تنقلو من هالة سرحان وعمرو أديب والميديا المصرية البسيطة. كدي كلامك بتاع الأخوان بدفعوا للناس عشان تجي رابعة العدوية والبطلع من الميدان بقتلوهو، قولو لأي واحد من أصحابك اللندنيين، ولاحظ لردة فعلو بعد حديثك، لو إبتسم إبتسامة خفيفة وشاح وجهو منك وغير الموضوع؛ طوالي تعرف إنك هببت هباب إبن ستين نيلة!! يا أخي ربنا دا، عندو قنس سياسيين!! |
بالتأكيد محاولة فض المعتصمين بالقوة ستكون نتائجه كارثية على مصر ، نتائجه الآنية و المستقبلية ، و يجب ألا ننسى أن هؤلاء المعتصمين يمثلون من أتى بشرعية صناديق الاقتراع ، و الطريق الصحيح لاقتلاع مرسي كان يجب أن يكون أيضاً عبر صناديق الاقتراع ،
اللهم احفظ مصر من الفتن و احقن دماء ابنائها و اجعل لهم فرجا و مخرجا مما هم فيه |
اقتباس:
ملحوظة: يجب عدم تكرار نفس الإقتباس بنفس البوست. |
draft الخطاب:
الأخ الصديق باراك أوباما (من غير حسين عشان خاطر رأفت) رئيس الولايات المتحدة المحترم تحية طيبة،، الموضوع: موقف الإدارة الأمريكية من أحداث مصر صديقي الرئيس، أُخاطبك بصفتي مثقف، ليبرالي، تقدمي، مسلم مهموم بتطوير نظم الحكم في مجتمعاتنا ذات الأغلبية المسلمة. قبل ربع قرن إعترف جورج بوش الأب بنظام إنقلابي عسكري على ديمقراطية منتخبة بالسودان، تبين فيما بعد أن هذا النظام ديني إقصائي، إكتوى منه الشعب وذاق الأمرين منه. صحيح ان هذا النظام الديني قضى على الأخضر واليابس وأضاع منا سنين عمرنا النضرة، لكننا في السودان خرجنا بفائدة كبيرة عبر هذه التجربة وهي إستحالة تنزيل الفقه الإسلامي المتوارث على أرض الواقع لإدارة دولة مدنية حضارية أساسها العدل والمساواة وهم قبلنا من أقر بهذا الفشل. الأخوان المسلمين بمصر يمثلون 24% من عموم الشعب المصري، دخلوا الإنتخابات الأخيرة وهم يعرفون جيدا التجربة السودانية، والإيرانية في مقابل التجربة التركية، ويعرفون الواقع الإقتصادي المصري والتوازنات السياسية الدولية المحيطة بهذا الواقع الإقتصادي. وصول الأخوان المسلمين للحكم بمصر عبر صناديق الإقتراع وفر علينا جهدا كبيرا لإحداث تغير جذري في تنظير هذا التنظيم عبر التجربة الديمقراطية وتقديمه المتوقع لكثير من التنازلات. يتبع... |
اقتباس:
صعب الاستقرار السياسي و الأمني في بلد لا وعى ديموقراطي يحرسه و لا إستبداد عسكري... كل الدول العربية التي تم فيها تغيير عبر الميادين مرشحة لمزيد من الانفجار و عدم الاستقرار، كونها تسير على خطى الانتفاضات السودانية (أكتوبر و أبريل) من أنها مجرد ميكانيزمات لتغيير الحكام تفتقد للرؤى الاسترتيجية لرسم دولة مدنية راقية، و تفتقد لمتابعة الثوار لمكتسباتهم الثورية و تسليم السلطة لانتلجنسيا انتهازية لا يعنيها في الأمر سوى أنه رزق سلطة ساقه القدر لها، أضف الى ذلك أن هذه الانتفاضات تركت اللعاب سائلا لمزيد من الخروج للميادين و البقاء فيها لحين تغيير الحاكم، ان نجحت جموع رابعة العدوية في ارجاع مرسي سيخرج آخرون للاطاحة به. هي حلقة الميادين الجهنمية و لعنة الفوضى النابعة من إنكسار حواجز الخوف إثر ذهاب الاستبداد الذي لا يرحم... الصبر على مرسي و الضغط عليه من خلال مؤسسات العمل الديموقراطي كان سيرسم خارطة الطريق لرسوخ الديموقراطية في مصر |
اقتباس:
___ بابكو، اليساريون في السّودان، وهناك في مصر، ذبحوا الحقيقة قرباناً على محراب الكراهية، فقط لأن الضّحية هذه المرّة هم الأخوان. اقتباس:
|
اقتباس:
:D يا ما انت كريم يا رب |
اقتباس:
----- المافي شنو!؟ نفس قصور القراية السياسية للمهدي .. ونفس الوهم والفكا في الروح .. وتوجيه الخطاب للاشخاص الخطأ .. عن الموضوع الخطأ!!:D |
اقتباس:
|
اقتباس:
المشاركة الأصلية كتبت بواسطة بدر الدين اسحاق احمد http://sudanyat.org/vb/images/buttons/viewpost.gif :D يا ما انت كريم يا رب الكيزان أخر ناس يتكلمون عن الشرعية فهم أول من قام بؤدها وينتهكونها كل يوم في السودان . والغريب الأن أن الكيزان ومعهم بابكر عباس هم من يتباكون على الشرعية . وللمهنية والمصداقية عندما تقتبس من كلامى ياريت تقتبس الكلام كله حتى لا يخرج المعنى عن سياقة لكن مش غريبه عليكم ومع حليفكم المتلون المهرج الذى يلعب على جميع الحبال بابكر عباس . الاقتباس الذى قصدت عن عمد أن تقطعه حتى يخرج عن سياقه اقتباس:
|
اقتباس:
يعنى عبيط وأسمك بابكرعباس وساكت على نفسك أوعى تأكل سمك :Dذكرتنى والله بكلام عادل إمام أنت مصيبه والله طيب خلاص إذا كنت مهزق وتحب التهزيق معاك للصبح وزى ماقلت الزعل مرفوع بس ماتجرى تبكى في الأخر وتجري تشتكى:p اقتباس:
اق والله ما توجهه إساءة هو أنت فاكر أن الناس هنا مثلك بتقرأ بعينها فقط طيب كلامك الذى طرشته هنا لو ما إساءة أقول عليك شنو؟؟؟؟ اقتباس:
|
سكان رابعة ينظمون مسيرة لطرد المعتصمين
http://www.youtube.com/watch?v=EgzwZ0hV8Vw |
اليوم ما فاضي أقرأ مداخلاتك يا "بلبل"، لكن بكرة بجي أرد ليك من غير ما أقراهن برضو، أكيد "هنّ هنّ خنير آل اليحر"
|
اقتباس:
الخطاب موجه لأمريكا وأوباما كرموز للديمقراطية في العالم. |
[gdwl]الإخوان قاموا بسرقة ثورة يناير ومرسى فاز بالصندوق بفارق 51 في الميه والذى رجح أصواته هم الثوار وليس الإخوان بعد تساوى مع شفيق المحسوب على مبارك بعد وصوله للحكم تجاهل مطالب البسطاء والثوار[/gdwl]
كيف تمت سرقة يناير ؟ الاخوان جزء اصيل من يناير . اخر القيادات التى خرجت من سجون مبارك هم الاخوان مرسى لم يطرح برنامج انتخابى يعد فيه اى تنظيم سياسي بشى غير البرنامج الانتخابى مرسى فاز ان شاء الله بفارق ( ربع زول ) بيصبح هو الرئيس المنتخب البسطاء ديل ما هم الاخوان ذات نفسهم وفقاً لقراءات الحزب الشيوعى ( انت ما قاعد تذاكر ) ان الكيزان يؤثرون فى البسطاء مستغلين عاطفة الدين . الثوار ديل الكيزان جزء اصيل من الثورة 22 الف معتقل فى سجون مبارك لا يوجد اى تنظيم سياسي مصرى يمكن ان يكذب هذه الحقيقة دا المشهد المصرى بدون زيف .. |
من عبدالله أمين محمد سليمان إلي بكة الذي لم يبارك حوله أحد !!
الحمد لله الذي بنعمته تتم الصالحات، و الصلاة و السلام على من بذكره تستجاب الحاجات !! ياخي أنا موضوع مصر و موقف من كنا نظنهم من الأخيار خلاني أكفر بالديمقراطية و الديمقراطيين و الديمقراطيات الأحياء منهم و الأموات !! الله يرضى عليك الموضوع ده جليه ... و شوف لينا عسوم وين نادي خلينا نتونس !!! |
يابروف بابكر ده بقى ماخد المسألة دي مكاواة وغلاط ساي
|
اقتباس:
بكة الموضوع دي مؤزمو تماما ... نحن على إتصال و أنا عارف حجم دهشتو التي وصلت حد الفجيعة في مواقف كثير ممن ينسبون أنفسهم للديمقراطية، عارف حجم الفجيعة تماما لانو ده نفس الحاسي بيه أنا !! |
اقتباس:
خلينا نناقش المسألة دي بي رواقة وبدون احساس بخيبة الظن اولا من المفترض ان تستصحب التجربة المرة جدا المرينا بيها كلنا من حكم الكيزان، عدم وضع التجربة دي في الاعتبار فيهو ظلم كبير لو تعلمون اها مرارة التجربة دي يابروف هو المخلي الناس ديل يلقو تبريرات موضوعية للحصل في مصر ده، مرارة التجربة دي بتخليك تعرف تماما انو اي خيار غالبا حايكون افضل من انو الناس تمر بالتجربة كلها استنادا على مبدئية الديمقراطية واحترامها وتحملها، المهم وعشان ما اخش في تفسيرات كتيرة واستخدام جمل كثيرة غالبا حاتزيد من خيبة ظنك خليني اسوق ليك التبريرات الموضوعية القلتها ليك فوق الحصل يابروف باختصار غيرر مخل، انو بعد الثورة المصرية وايام الانتخابات القوى السياسية في مصر اتوزعت اصواتها بين مرشحين كتار جدا، وده اتسبب في انو الجولة التانية تكون بين مرسي وشفيق الانت عارف رمزيتو تعني شنو، ولمن وعت القوة الثورية للحاصل كان قدامهم الخيارين الكل واحد امر من التاني ده، انا عندي اصحاب كتار جدا مصريين وكنت بتناقش معاهم في الفترة ديك وكان كلامهم كده ( حانصوت لي مرسي، وحاننضم للمعارضة مباشرة !!) ده هو راي الاغلبية الصوتت لمرسي يابروف ودي عينة الناس الانتخبت مرسي، بالمناسبة المصريين واعين جدا، والتزموا تماما بالمعارضة الديمقراطية الصحيحة، لكن للاسف مرسي هو الدفع الناس للتصعيد ده، مرسي يابروف ولانو قاري كويس الطريقة الجابتو للرآسة ابدا ما عوّل عليها كتير في تثبيت حكم الاخوان في مصر، كان عارف كويس هو وحزبو انهم في اول انتخابات حايتزيلو القائمة بلا منافس، عشان كده استخدم طريقتهم التقليدية في تثبيت الحكم (التمكين) وعمل خطوات كتيرة جدا انت عارفها كويس ابتداء من انتخابات مجلس الشعب والاعلانات الدستورية والدستور نفسو وتحصين نفسو ضد اي حاجة متجاوزا بمراحل كبيرة التفويض المنحو ليهو الشعب، وده في حد ذاتو انقلاب على الشرعية وانقلاب على الديمقراطية، الشعب المصري والسياسيين المصريين ماعبطا وعارفين كويس انو لو كان في قنوات رسمية ومؤسسات حقيقية ممكن بكل سهولة يكسبوا قضيتهم عن طريقها، لكن مرسي قضى على المؤسسات دي وبقى حقيقة مافي اي طريقة غير القيام بثورة تانية لاستعادة الديمقراطية والمؤسسية، ودي الحاجة العملوها شباب تمرد، تدخل الجيش ممكن يكون مستعجل شويتين، لكنو كان لابد حايحصل طال الزمن او قصر لانو وانت عارف كويس الكيزان لايمكن يسيبو السلطة باخوي واخوك، من الظلم اعتبار تدخل الجيش انقلاب عسكري لانو مافيهو اي مظهر من مظاهر الانقلاب العسكري، الحشد الفي رابعة العدوية هو حشد الكيزان وطبيعي انهم يأيدو مرسي سوا كان صاح او غلط المهم انو زولهم وبتكون شايف براك نوعية الحشد ونوعية الخطب القاعدين يقولو فيها المهم يابروف ... انا اتفق معك انو مرسي جا بي طريقة ديمقراطية سليمة( مع الاخد في الاعتبار الاسباب الموضوعية الخلت الناس تصوت ليهو) لكن الاسئلة هي هل فترة حكم مرسي كانت فترة حكم ديمقراطي؟ هل قراراته كانت ديمقراطية؟ هل كانت الديمقراطية في يد امينة في فترة حكمه؟ هل كان في ضمانات لاستمرار الديمقراطية والانتقال السلمي للسلطة بعد نهاية فترتو؟ الاجوبة على الاسئلة دي يابروف لو ما اقنعت بوجاهة الحصل في مصر ده، المفترض على الاقل تزيل عنك احساس الفجيعة وخيبة الظن في الناس الكنت تحسبهم ديمقراطيين :) تحياتي |
اقتباس:
|
اقتباس:
مع إنو كلامك موجه للبروف، بس كلنا في الهم ديمقراطيين أصيلين:D -- يا عزيزي خالد ذلك كله لا يبرر اجهاض التداول السلمي الديمقراطي للسلطة بواسطة العسكر. العديد من الطرق التي كان يمكنها أن تضع مسار حكم الكيزان في مصر في طريقه الصحيح، بدون التدخل العسكري،لكنها كراهية فعلهم في السودان دفعت كثيرين الى تبني هذا الموقف المتناقض. وفي مصر، لايزال السؤال البكر قائم قيامة شديدة.. ماذا لو جاء الأخوان مرة أخرى للحكم؟ يا أخي العزيز،بكة والبروف وآخرين من دونهما الفي الديمقراطيين عرفوها، الله يجمعنا نشوف كشتينتك العاجباك دي:D |
اقتباس:
اقتباس:
ياخي أنا متفهم كلامكم و حججكم دي كلها، لكن زي ما قال ليك الدوك (( كله لا يبرر اجهاض التداول السلمي الديمقراطي للسلطة بواسطة العسكر)) و دي النقطة البنغني حولينا مما الفلم ده بدأ ... المظاهرات مهما كثر عدد مرتاديها هي وسيلة ضغط لها ما بعدها من الوسائل الديمقراطية و التي ليس من بينها تدخل العسكر لازاحة رئيس منتخب بقوة السلاح period !! بعدين ياخي الله يرضى عليك ما تجرجرني في الفلم ده تاني، لو داير تساعدني نادي لي عسوم خلينا نتونس !! |
اقتباس:
سلامات يادكتور والمتداخلين والمتشاكلين والمتهمين بالكوزنه والشيويعية والمصروة . فى واحد قال لى صاحبو: (قالو سعيد عرّس) . متلقى الخبر كان زهجان من سعيد شديد فكان رده : يستاهل . |
اقتباس:
جاني احساس انكم ابدا ماقريتو كلامي، كوتوهو ورديتو رد قاعد محفوظ عندكم منذ الازل!! كدى خلوهو كلامي الكتير الكتبتو داك كووولو، وبس ادوني رايكم في السطرين ديل اقتباس:
انتو عارفين الحوار ده مأزوم لييه؟ لانكم ماقاعدين تجاوبو على اسئلتنا نفسها، ماسكين في حاجات معينة وبترددوها، تقتبسو مداخلة الزول وترددو كلام يظن محاوركم انو ليهو علاقة بالكلام الكتبو، ولكن بعد يقراهو يكتشف انو امتداد لي خطبتكم السابقة نفسها ! مرسي جا للحكم عن طريق الديمقراطية، لكنو مارس الحكم ومن اول يوم بطريقة الانقلاب العسكري وعندي شواهد كتيييرة مبزولة في مداخلتي الطويلة الفوق هل ممكن تجاوبو لينا على السؤال ده؟ في ظل الظروف (الخاصة جدا) في مصر ايام حكم مرسي، كيف ممكن الشعب يقول ماعايز الرئيس؟ طبعا لايفوت على فطنتكم انو انا ختيت الخاصة جدا بين قوسين عشان احدد انو الاجابة المفترض تكون في الكيس المحدد اللهو بتاع مصر تحديدا والاخذ في الاعتبار كل الظروف الكانت حاصلة، يعني ماتجاوبو لي بشكل عام وتقولو انو بيتم الامر عن طريق المؤسسات والخ الخ الخ عارف ده كلو وبتفق معاكم فيهو، الكلام هنا عن نموزج مصر بالذات ماغيرو |
اقتباس:
|
اقتباس:
عني شخصيا فانا قريت كلامك بذهن مفتوح ... و كان ممكن أرد ليك عليه نقطة نقطة سطر سطر ... لكن لو قريت مداخلتي الأولى في البوست ...بتلقى اني نعيت على بكة مسألة فتحو للموضوع ده أساسا و طلبت منو - و منك إنت ذاتك - انكم تجلو الموضوع و تشوفو لينا عسوم وين لانو شهد الله مشتاق ليه زي الشئ السمح !! طبعا ما حجرا لرأي و لا قفل لنقاش من طرفكم ... لكن من طرفي أنا ده !! نقاش القصة دي أنا بعتو بثمن بخس دراهم معدودة، و كنت فيه من الزاهدين ... و السبب - بالنسبة لي على الأقل - إنو كل الأطراف قالت ما عندها ... أي حاجة ح أقولها في الموضوع ده قلتها من قبل الف مرة مما تعدون ...و أي حاجة ح تقولوها اتقالت من قبل الف مرة مما تعدون ... و أسئلتك دي ذاتها ردينا عليها و على بنات عمها من الأسئلة كان هنا كان في س. أونلاين الف مرة مما تعدون برضو !! لم يبق غير فجيعتنا فيكم يا خالد ... فخلونا نتسربل برداء الفجيعة فيكم حتى يبلى، أو يقض الله أمرا كان مفعولا ... و حتى ذلك الحين... رجاء... رجاء... ما تجيبو لينا تاني سيرة ديمقراطية و تبادل سلمى للسلطة ... لانو اعصابنا ما بتستحمل البل مع فجيعتنا فيكم في آن واحد !!! |
اقتباس:
الغريبة انا ما مفجوع فيكم رغم اني ماقادر افرزكم من الكيزان الا بالصلعة :) |
| الساعة الآن 10:38 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.