يا نسـاء المنبر..خباركـن ما بتباركـن لينا عيد الأب؟ التهانيء لكل الآباء و تحديدآ حديث
يا نسـاء المنبر..خباركـن ما بتباركـن لينا عيد الأب؟ التهانيء لكل الآباء و تحديدآ حديثي العهد..
|
الناس اللي اتزوجو السنة الفاتت
القبلها و ربنا أكرمهم بولد بنت بيكونوا هسع طايرين من الفرح نعمة و الجماعة المتل حالنا أبوات من بدري برضهم بيفرحوا باليوم دة لكن الفرحة الحقيقية بتاعة ناس طلع جديد أول مرة يضوقوا طعم الأبوة مبروكين تلاتة لو لقيت فرصة برفع ليكم هدايا بشير شخبيت و ألوان و كل واحدة عندها اسم يا حليل زمن علب الصلصة و بت الصـول ;) |
???
|
والله اتلومنا لوم شديد وتهانينا الحاره خاصة لابو راشد مع شوقي وحبي
|
اقتباس:
كيف حالك و شـكرآ ليك بركة البقيتي متذكراهو معليش (النّـســو) دايمآ مع الناس بركة الجيتي هسع تحية ليك |
اقتباس:
التحية للمناضــل الجســور أبي راشــد و كل المعزات ليهو..طولنا من أخبارو كل سنة و انتو طيبين |
سلامات يا الطيب
فرصة نقول لجميع الآباء كل سنة و هم طيبين و ربنا يحقق الأمنيات الشغل ما خلى لينا فرقة نفكر في أي حاجة تانية إنت لحقته ..نحنا يوم باكر جاء نتمنى من كل الآباء أن يعطوا أكثر من وقتهم لأسرهم و لإطفالهم و أن يتشددوا و يتمسكوا بحقهم في أخذ إجازة الأبوة عند ولادة أطفالهم Paternity leave و من حقهم أن يبرهم الأبناء و البنات كل سنة و كل آبائنا بخير و ربنا يطول لينا في عمرهم |
العزيز الطيب بشير:
كلما فاتنا جميل ما ألحقتنا بركابه ولفت إنتباهنا إليه...فسلمت لنا من كل شر..حتى الأباء منا لم ينتبهوا لعيدهم الوحيد ... ودائما ما يمر عيد الأب دون وقفة يستحقها كل الاباء... الذين منحونا من حياتهم حياة.. ومن وجودهم , وجود.. فدمت ياعزيزنا لأنك دائما هنا من أجل كل جميل ولك التبجيل...(و ربنا يخليك لى وليداتك..).. **** أبوى يافارس الحوبة أبوى دخرى السنين لينا. أكان للكرم والجود.. ضيف الهجعة عشيتو. ويا الفاتت فضايلو حدود.... يتيم الحلة ربيتو. ويالضل الضليل ممدود.. عنوان الكرم بيتو.... ويا عكازة المسنود فيضك ديما ساقينا... ************************************************** كل عيد أب والجميع بخير مع ودى وإحترامى |
اقتباس:
ان شا الله تسلمي و الشغل ملحوق احتفلي معانا و لو بأثر رجعي كلامك عن الزمن للأطفال مهم و مصائب عدمه كثيرة لكن بنحاول قدر فوق الممكن . |
اقتباس:
أهـلآ أخي الحبيب الوليد عمر كل سـنة و انت و الجميع بألف خير كمان انت برضو لفتت نظري لأمر هام و هو أني أب و إبن في الوقت نفسه!! و أعترف لك نسيت في غمرة احتفائي كأب أن أتصل بالوالد في السودان يمكن لأنها ما ثقافتنا و لن (يفقدني) أبي اليوم تحديدآ و ان شاء الله أحصلها بكرة لكن لو ما كلامك دة أنا قايل روحي كبرت على حكاية اني (ولــد) دي وينك يا عكود تشوف الهنا الأنا فيه ;) . |
ربنا يخلى ليك ليك والدك يأبو الطيب ويديهو ليك العافية...
التهنئة موصولة أيضا إلى العزيز عكود... وعليك الله ياالطيب قول لى عكود وين تلفونك الوعدتنا بيهو ؟ أنحنا راجينو بى فارغ الصبر مع الود. |
ربنا يخلى ليك ليك والدك يأبو الطيب ويديهو ليك العافية...
التهنئة موصولة أيضا إلى العزيز عكود... وعليك الله ياالطيب قول لى عكود وين تفلفونك الوعدتنا بيهو ؟ أنحنا راجينو بى فارغ الصبر مع الود. |
كل سنة وانتة طيب وكل الابهات بخير وعافية وانشاء الله تكونه اسعد ابهات فى الدنيا
|
تسـلم الوليد الملك..كتر خيرك و بكلم عكود يضرب ليك بالحــيل يا ولـيد يا أخـوي و هو بس بيكون مشغول..لكن أبو محمد حاشاه التقصير..يا ما اتصل و أرسـل هدايا عابرة للقارات أرجاه طــب..ضمانتو فقرتي الغليدة دي :) |
اقتباس:
و يديك الرضا و العافية شكرآ لتهانيك و عيد سعيد علينا كلنا . |
[quote]
اقتباس:
ان شاء الله جنابو الطيب البشير( المقدم بلغة الصوفية جزاك الله عنا الف خير والاباء بتنسو((انتو انتو بتتنسو**مانتو روحنا وحبنا )) وبلاكم البيوت خراب كل اب ربنا يديهو الصحة والعافية وربنا يفرح اي اب بتفوق ابنائه ويشوف جديدهم واهم من ده كله يكونو بارين واخص الاخوة بالبورد ابو النسب عكود وخالد وخطاب وعقبال للماضاق يضوق طعم الابوة وان يجعل الابناء غرة اعينكم ربنا ارحم ابي ويتقبله قبول حسن «®°·.¸.•°°·.¸¸.•°°·.¸.•°®»نشهد بانه كان خير اب«®°·.¸.•°°·.¸¸.•°°·.¸.•°®» |
[align=center]http://sudaniyat.net/vb/images/uploa...64ef3a687c.jpg[/align]
دي كانت هديتي في عيد الأب يا طيب... أحلي حضنة... كل سنة وإنت طيب يا أبا بشير |
كل سنه وكل الاباء بخيروخاصة الاباء بسودانيات
واخص التهنية لى اعز واحن واحب اب فى الدنيا ابو اولادى وتاج راسى عمدة سودانيات ربنا يخايهو لينا ويديهو الصحة والعافية ربنا يرحم والدى ويسكنه فسيح جناته الطيب اخوى كل سنه وانت بالف خير ودى |
أستاذي الطيب بشير ... كل عام وأنت وكل الآباء بخير وصحة وعافية
أسأل الله أن يرحم والدي الحبيب وكل موتى المسلمين [align=center]http://members.cox.net/dangilberttx/...07x165-url.gif[/align] |
اقتباس:
اوعه فى غيابك دا تكون باريت شلة ناس عزيز ;) |
إن كنا أخطأنا ولم نبارك فى حينها
ربما لأننا تعودنا من أباءنا المسامحة والغفران نقصرفى حقهم دوما ويفيضون عن حقنا أكثر عيد سعيد لكل الأباء وعيد سعيد لعمو عبدالله الذى كان سائقا لسيارتنا أثناء عملى فى احدى المصالح الحكومية عمو عبد الله نموذج لأب متفرد لأبنائه ولنا أيضاً احب كل صفات الزمن الجميل الذى تسكنه وأحبه كأبى محبتى بنت النيل |
اقتباس:
يا بت النيل ما تحنكينا - الابوهات ساي - وبما اني لست بأب بعد فاهني كل أب بأبوته والسنة الجاية كل الناس فاكرين عيد الاب وكل سنة وانت طيب يا الطيب |
Altayyeb (I hope the spelling is right)
Actually I did not forget as I am surrounded by the event here, however I did not post because I am stupid or say suffering a state of stupidity at that time. I am sitting at a system in a university away from my home one, whenever I open the board the Arabic is dismantled into separate letters without spaces and is backwards. The only in tact part is the subject line; of course this is due to the lack of Arabic support her. My stupidity is clearly shown in how I totally did not think of sending a message in English?!!!! as I am doing now!!! Well a belated happy Father's day. I hope you did not do what I saw here fathers and daughters and sons stuffing themselves at restaurants. The best I have seen is how these kids are serious about the occasion. Single mothers are being honored on father's day because they did the job of a father and single fathers were honored on mother's day for their successful taking of a mother's role. Have yourself a ball for the rest of the week and may Allah bless fathers everywhere. Asma |
الطيب بشير برى يا يمة عينى باردة وصلاتى على الحبيب الزين
زى الوليدات ...علا يا ود امى الصورة دى سنة كم :D :D اها نرجع لموضوع عيدكم وما ادراك ما عيد الاب نحنا ما عندنا مانع نبارك ليكم علا يا اخوى العرب قالوا الحامى بيكبا ,< بكسر الباء والياء والكاف > سيدها وكمان بكسر السين والياء بمعنى انتو الرجال تحرروا موضوعكم وتعملوا الدعاية اللازمة عشان الماعارف يعرف والجماعة الداقسين زى ناس هناى يعرفوا اما عيدنا يا اخوى ما بدور ليهو دعاية كدى يعنى كرامات من رب العباد انحنا الامهات طول السنة معيدين :D نظام مكاواة والذى منو :p اما شماراتك ايام انا فى هولندا بجيك ليها باقى انا جعلية بى فردة وفلاتية بفردة يعنى حقى ما بخلى كلو كلو حتى اسعال خالد الحاج :p |
[QUOTE=قوت القلوب]
اقتباس:
أريت عيدكم مظبوط و الله كلامك صاح..أنحن ما بنقدر على جزاء الأبوات..و كتر خيرك في الكلام دة النعمنو ما كل البنات قالنوا ســنة حلوة و عيد سعيد . |
اقتباس:
تلاحـظ غياب جعفر.. البنات حنينات ســنة حلوة |
اقتباس:
الرحمة و المغفرة للوالد و لكل موتانا دحــين في داعي للشكاكير دي لي أبوكم؟ :mad: ..نظام ريدة على الهواء؟؟..و لاّ مكاواة للناس الحسابهم طاشّـي من زمن سودانيات الخدرا؟ :rolleyes: ..و بمناسبة الخضرة، انتي دحين مو كان خط كتابتك أخضر؟؟..البنفسـج دة جديد.. ســنة حلوة |
اقتباس:
يرحم الله والدكم..و لا أوصـيـك بأفضــل من الدعاء له و عيد الأب مبارك عليكم ســـنة حلوة . |
اقتباس:
أها النزيدك في الشمار قالوا شكلك برييييييييء و مهذّاااااااب..و أصـلآ ما بيشبه كتابتك :cool: الكلام دة القالوهو شكلهم شافوك قريباااات دي ;) ...انت متهم بالبراءة و أنا بحذّرك في وكـت كويّـس |
اقتباس:
التحية ليك و للعم عبدالله و لكل الآباء جميل أن نلحـظ تميّـز البسـطـاء مثل سـائق المصلحة و الجو دايمآ قابضنو المدراء مبروك عيد الرجال و زي ما قالت سوما ( الليلة يوم الرجال) ســنة حلوة . |
اقتباس:
ان شا الله السنة الجاية أب لتوأم ;) ..و محتفل بعيد الأب معانا |
اقتباس:
تحياتي و تقديري بالغت في إسمي دة لأنو كل الناس بيبدؤوهو غلط و هو يبدأ كما استهللته تمامآ..لكن (الواي) وااااحدة..و تسلمي..الجاتك في عربي الجامعة سامحتك..و بالله اشتركي و اكتبي خواطرك و ردودك نحن نقرأ الفكرة بالانكليزي و نرد عليك بالعربي و التواصل ممكن بالإشارة ..المهم انك تجي..لكن كمان لا تقسي على نفسـك في العتاب لو انتي نسيتي و دة عااااادي.. ســنة حلوة و كل الآباء بألف خير..و لا تأخير يا عزيزتي و لا حاجة..حبابك دايمآ.. و معاك بحيي باحترام الآباء/الأمهات الذين فرضت عليهم الظروف الإنفراد بالأبوة/الأمومة لأي ظرف أو سـبب ..حتى لو كانوا هم سببآ له و طرفآ فيه ..و هي وظيفة صعبة لاثنين فما بالك بواحد..و الله ليهم التحايا.. و ســـنة حلوة . |
اقتباس:
حباااابك و بركة البقيتي طيبة أولآ الصورة نهايات 1997 ..يعن بالصلاة على الحبيب كدة فوق للتمانية سنة و شوية..الشارب ظهرت فيهو شعيرات بيضاء متـل (الشارب) روب.. :D و أصـداغ المتهم لم تنج من تلكم الشعيرات البيضـاء أيضـآ..بيد أن الغنّـايات تؤكّـد قيام إمكانية (ابو الضّـراء)..و الله أعــلم :D بالنســبة لي انو السـنة كلها بتاعتكم..لا اعتراض ..أنا برضو شايف كدة و الشباب في القرية كان ليهم راي مخالف..خسوسآ دومة و عاشة يت فاطنة..لكن كلامك صاح. أهــا الشمار دة ما عرفتو.. ندى و شعرها الطويل حلو ..و حنينة فاتتها الطيارة...و خالد الحاج و عزيز و الفسحة في هولندة..و.و.. تاني شنو يا ربي..أنا قلت لخالد انو كلامك (لزيز) و هو لا يشبه كتابتك و بكان عيشتك..أنا اتخيلتك حنكوشـة لا تفهم في الدنيا كلمة دارجية فاذا بحديثك ينساب مثل حبوبتي و ليس أمي فقط..أها يا ربي دة الشمار؟؟..تاني أنا ما قلت لود الحاج أي شيء.. لوووول أخوكو مزنوووووووق :rolleyes: . |
كل سنة و إنت طيب يا أبو بشير و مُوحى..يا صديق و يا أخو...
كل سنة و إنت طيب يا أبوي يا حبيبي و يا سَنَدى و يا رُكازتي.. كل سنة و إنت طيب يا أبو وليداتي يا شريك حياتي و يا..حتة مِني... كل سنة و إنتو طيبين يا آباء سودانيات..يا أهلي و ناسي... كل سنة و كل الأبهات طيبين و ....سيوبر...! http://www.bowblog.com/archives/images/superdad_360.jpg |
شرط للارض كسرت السنبر :) :D كلو يا جنابو
|
الطيّب الطيّب،
[align=center]يا حليل الحنين من ريقو يدّي رفيقــو زاهد في الرُّطَب ساعة قَلَـــب دفّيقــو يا حليل الرَّكَزْ وكت البصبرو يضيقو يا بخت البروهو وشربوا من إبريقـو أبوي مُهْر المسيري الدّاخرو للما جات وابوي بَرَبيت جوامعاً كلّو صبّابـــــات أبوي سُتْــرة فقيـــر مقنع فقيريــــات وشمّر قلبو نور "النجم" و"الذاريــــات" [/align] رحِم الله والدينا ووالد والدينا وأطال الله في أعمار من بقي منهم ومتّعهم بالصحة والعافية اللهم أرزقنا برّهم وبركة رضاهم وارزقنا من ذرّيتنا من يخافك ويخشاك |
| الساعة الآن 09:51 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.