خريطــــة جغرافيـــة لأعضــاء ســـــودانيات
في بوســــت (زيارتنــا إلي منزل قارســـيا) للأخت حنينة ، هممت بطرح ســــؤال:
أين يقيم قارســيا؟ أين تم اللقـــاء؟ في هولندا؟ في لندن؟ في ميونخ؟ فقد إكتشـــفت أنني جاهل جداً بمواقع إقامــة الزملاء أعضـــاء ســـودانيات، كما أن تعليق منعم إبراهيم و جملته الإســــتنكارية في نفس البوســـت دعتني لكتابة هذا البوســـت. قال منعم في حزن و أسي: ســـافرت من بنســلفانيا حتي ولاية أريزونا ولم أجد ولا واحد من أعضــاء ســـودانيات. لا حظــوا (حزن و أسي) هذه - تقابلها في الجهة العكســية تماماً ( ســعادة و فرحـــة ) كبيرة عندما يلتقي واحد أو واحدة بزميل أو زميلة من ســودانيات في أي مكان. ســعادة تســـري حتي في الذين يســــمعون بالخبر أن فلان/ة قابل فلان/ة . و تقرأ التعليقات : بختكم والله حاســـدينكم عديل كدا و تكاد تري الصدق يلمع في حروفهم : والله الواحد يتمني لو كان معاكم فســــودانيات يا إخوتي لم تعد حصراً علي بوصات محدودة في شاشة الكمبيوتر ولم تعد محكومة بباندودثات الكترونية و كيلوبايتات .سودانيات تجاوزت أصابع الكي بورد و نقرات الماوس و دخلت في اللحم الحي ، صارت نبضــاً و إحسـا ســــاً و شــعوراً . صارت ثقافـــة و قيمـــة و معني أخجل من نفسي وأنا لا أعرف أكثركم أين يقيم و كيف يقيم لذا جاء مقترحي هذا بأن يســـجل كل منا مكان تواجده : الدولة و المدينة كحد أدني و إذا شـــاء فيمكنه أن يضيف أي معلومات أخري. أقله إذا مر أحدنـا في مدينة ما في العالم عرف أن له فيها بعض من أهله و إخوته في ســــودانيات، فربما تتم الزيارات و يتم التلاقي. و أبدأ لكم: أســـكن في مدينة هريندون HERNDON ولاية فرجينيــا VIRGINIA بالقرب من مطار دالاس DULLES - فركة كعب من المطار . زوجتي أميرة و أبنائي ثلاثة ديمة ، محمد و أحمد . تلفوني 17039533666 مرحباً بكل من يمر عبر هذه المنطقة أو قريب منها. و مرحبا‘ بكل من جاءنا قاصداً ولو من بلاد الصين. الدار داركم . و يا منعم إبراهيم بنسلفانيا علي مرمي حجر منا فتعال لزيارتنا أرجوك |
العزيز خالد الايوبي
لك التحية علي هذه اللفة البارعة ...وأحييك علي هذا الكرم الفياض .. وحقيقة لابد من الاشادة بها ..سودانيات ليست هذا الفضاء البلوري...الذي نطالعه حتي و لو لفترات قليلة من زمن راحتنا ...سودانيات أصبحت شريان اسفيري يوحد دماءنا ..ويشكل خارطة جديدة لوطن افتراضي ...وطن نفتقده كجغرافيا..لكننا تحسه كقيمة تتجذر في كل ثانية ..وفي كل لمحة ..وحقيقة كم كنت حزينا في سفرتي تلك ..وأحسست بالغصص التي ازدرتها لفقداني خارطة الاصدقاء ..واتجاه بوصلتي اليهم..في طريق رحلتي . وأتمني ان يثبت هذا البوست .. منعم ابراهيم - زوجتي سمية قسم الاطفال: مظفر 8سنوات نيسر 5سنوات سامهيرا 3سنوات أحمد سنة ونصف مكان الاقامة : ولاية أريزونا المدينة: فينيكس معلومات اضافية لاحقا |
مهند الجيلي بادي تابع لي كوم العزااااااااااابة (أبو الحسين المرقك يمرقنا) رفااااااااعة بلدي الحنينة والجميلة اد درمان تعااااااااااااالوا الشهداء أم درمان وتلقوا نص بورداب الداخل لمة حنينة وإلفة ما عادية وكبابي الجبنة والشاي تطاقش في منتدى إخلاص العائلي لبورداب سودانيات واصدقائهم المواظبين على المنتدى العائلي : جمال تاج السر مهند الجيلي بادي ناصر يوسف الرباطابي (فاااااااااقدنك والله) مااااااااايم (دا راجل محطاتو مشتركة وما بطلع جملة مفيدة) المهندس (زي هلال رمضان) سجيمان (فلتة الزمان) عبد الغني محمد (بتااااااااوق مرة مرة) ياخي فترت من الكتابة ... المهم تعالوا بس مرفق : كل الحب بـــــادي |
ناصر يوسف حسن التوم
الأبيض أمدرمان أمبده بيت الأسره حي الضباط مسكني سميه فرج الفنانه التشكيليه زوجتي ورحيق الدهشة الكبري هي بتنا سنه وشهر ونغم خيتها التي جاءت بعد هذا البوست بأعوام 0912372759 ده رقم جوالي أها تاني شنو تاني شنو ؟؟ العمر كبيييييييييييييييير أحمد الله تعرف يا خالد الأيوبي نفسي أغمد وأفتح وألقاكم كلللللللللللللللكم كده قاعدين قدامي تسلم يا زول يا رايع وجاءت نغم وغاب خالد اليوبي وضاع في خضم الوطن يا حليلك ويا حليل أمريكا الكانت مخلياك باين يا خالد |
احييييك والله ياايوبي يازوق
واحي ال(التثبيت):D بنعود جقجق |
ود الايوبى / احييك على هذه الفكرة , التى تعمق اواصر المحبة والصداقة بين الاعضاء ..
عوض عثمان عوض غرب لندن / بريطانيا العمر : اصغر من جقجق بعشرة سنوات السكن بالسودان : ودنوباوى / امدرمان زوجتى : الخنساء عمر محمد العماس الابناء : نادية خمسة سنوات عمر ثلاثة سنوات تلفون : 00447947542230 |
اقتباس:
يعني أنا خلاص مرقت؟؟؟ واحلالي يا الله... لي هسع ما مصدق... يعني أكوع مع ناس ناصر يوسف وعصمت العالم وقصتي من قصتهم؟؟؟ أها نجي راجعين للتعريف:: الإسم: جمال الدين أحمد الحســـــن... الإسم الفني: جمال أبريـــــــدة... الكنية: أبو الحســـــــــــــين... الأصل: من الشمالية ريفي كريمة قرية المقـــل... في الخرطوم: الصحافة مربع 18 في المملكة: الخُبر ـ شارع الملك عبد الله... الحالة الإجتماعية:: متأهل في الدور ربع النهائي والحمد لله... :p العمر:: عمر الزهور... لوووووووووووووووووول!!! ;) وألف شكر ليك يا الأيوبي على هذا البوست الرائع... ولكم جميييييييييييعاً من المودة والمحبة أحلاها وأعذبها... أبو الحســــــــــــين... |
خالد ...
و الله العظيم ، هذا من أعظم البوستات قاطبة ، من حيث الهدف و المضمون ... ياخي إنت لخصت الموضوع و كله ، و بادرت بخطوة عملية لها من الفوائد الإنسانية ما أعجز عن الإحاطة به .... بس دي تكون فكرة أميرة .. لأني جيتك في (نزوى) و ناوي أقعد معاك شهر كاااامل ... قمت طردتني بعد إسبوعين بس .. يعني شنطتي لسع ما فتحتها كويس !!!!!!... أخوكم في الله : محمد ابراهيم قرض .. صور - سلطنة عمان ... هاتف جوال 0096899770915 أولادي في السودان ... طفشوا مني من زمااان .. ما قدروا يتحملوا البخل و الضغط الشديد ... يعني قاعد براي في غرفة 2سم x 2 سم .... سرير واحد مكسر و ملاية واحدة قديمة من غير مرتبة أو مخدة (المتخددين ليها شنو) ؟؟؟؟... و هو أنا عندي مطبخ عشان تكون عندي تلاجة ؟؟؟؟ مرات باكل سندوتشات فلافل ، لكن معظم السنة صايم ... أول من يعيش في حر الخليج من غير مكيف هواء (المتكيفين ليها شنو) ؟؟؟؟ الهواية : إستقبال الضيوف و الحفاوة بهم !!!!!!!!!!! |
يا جماعـــــة أســــمحوا لي أبدأ ليكم من ( قرض )
اقتباس:
اقتباس:
اقتباس:
أما كل ما أدناه فهو قرض كما عرفناه اقتباس:
ولا تنســــوا أنه دكتور قدر الضربة و مســــئول كبير في إدارة الصيدلة بالمنطقة الشرقية منذ أن كنا هناك .. يعني دلوكتي يكون بقي وكيل الوزارة عديل |
اقتباس:
كويس .. بغير محل إقامتي عشان (ضيوفك) يتجهجهوووووااااا !!!!!!!!!! |
الاخ الكريم خالد السلام عليكم ورحمة الله
جزيل الشكر على الفكرة وفعلا جميعنا يحتاج لهذه الوصفات وخريطة الطريق لبورداب سودانيات انا، نزار يوسف كروم أصلا من مدينة الكوة بالنيل الابيض أعمل بدولة الامارات بمستشفى دبي قسم علم الامراض موبايل 00971507940537 في نهاية هذا الشهر ان شاء الله سأكون بمدينة شيكاغو لحضور مؤتمر علمي وحسب التساهيل سأزور فرجينيا أتمنى ان نلتقي هنالك كما أتمنى ان التقي ببورداب شيكاغو وقبلها ارجو ان التقي بالرائع قارسيا ورفاقة بورداب لندن،،، |
العزيز / منعم إبراهيم
ألف شـــــكراً للإســـــتجابة الســــريعة و جعلك الله دائماً ســـــباقاً للخير. و كذلك افكرة تثبيت البوســــت رائعــــة. و برضــــو يا منعــم ولايـــة (أريزونـــــا) ما بعيدة ... والدعوة ما زالت قائمة لك و للأســرة . يعني (أريت تزورونــا) من (أريزونــــا) |
مهند الجيلي
شــــلتكم أو - منتداكم الأســــري - معروفة لدينـــا ، عرفناها و إســــتنتجناها من خلال بعض البوســـتات. و قهقهــاتكم واصلانا لحدي هنا . ربنا يديم اللمة والعشــــرة و التواصل. ولو ما أخاف الكضب يخيل لي د. سيد أبوقنات و عبير خيري ما بعيدين منكم صاح ؟ سلامي و أشواقي للشــلة مع وعد بالتواصل في أول جية للسودان |
ناصر يوسف
الأبيض - أمدرمان - أمبده - حي الضباط و بالعكس يا راجل يا جميل .. عرفناك من خلال لطافة مشاركاتك و من مواقفك التي تشــــهد لك بالروعة و بما يحبب الناس فيك. و ما هذه الجملة - التي أراها نابعة من صميم قلبك تنبض صدقاً - إلا أكبر دليل: اقتباس:
|
أبو جقـــــادو .... راجينك ... ما تطول
قارســــــيا : منزلكم و أطفالك هم من أوحوا لي بفكرة البوست - و طبعاً حنينة بلا شـــــك ً - ســـيكون بيننا إتصال إن شاء الله .. تحياتي للأسرة ود الحســـــين : شــــكراً للمعلومات الضافية يا شيخ العرب . و بيننا التواصل أيها الرائع |
اقتباس:
سنه وادي السليكون ظهر بهنا والله يامهند الجيلي قديتو الشهدا عديل انت والباقر ومأمون التلب ... وانا ذي قريب منك في البوسته حي الرباطاب عشان كده ما تستغرب المساخة الفيني ودمت بخير |
دكتور نـــزار
تشــــرفنا بمعرفتك يا راجل ...... و هذا دليل علي نجاح فكرة البوســــت. اقتباس:
بس إنت خلي النية قوية. لي صديق في شـــــيكاغو .. ســـــنخبره بحضورك و ســـيكون لك خير معين. و ســـيكون بيننا إتصال قريب قبل حضورك إن شاء الله |
أنتو الجكسي ..وين ..شايفو زايغ ....
يلرب ساكن ..في بيوت الشعر ..بكسر الشين...والله آآه لزوم الاكواد.... لكن شفرة دافنشي ماخطيرة :D :D :D لك التحية العزيز خالد الايوبي : والزيارة دي وعد مؤجل ...والبلد لو مانفعت معاك .. تلب بي جاي البلد سمحة ... فرجينيا شهريا كنت ازورها...ولدي أصدقاء روائع فيها عاطف انيس صلاح الزين حسن مبارك(ككو) خطاب حسن أحمد عوض ابو جديري نور الدايم عبد الوهاب (حسن هينو) |
اقتباس:
مرحب بيك وتشرفنا فى اى وقت , اسكن على بعد محطتين فقط من .. مطار هيثرو , بس ورينا جاى متين ؟ ولك كل الود والتقدير ... ------------------------------------ اقتباس:
ياقرض يعنى اركب واصلك هناك طوالى :confused: اصلوا امنيتى من زمان اشوف صلالة :p |
سلامات
تسلم يا خالد الايوبي علي هذه الفكره الرائعه من فتره صادف ان التقيت مجموعه محترمه من سودانيات في هولندا كنت سعيده جدا بهذا اللقاء انا ايمان محمد حسين اقيم في بلجيكا ام 3 اطفال مي 9 سنين اليسار 6 سنين داني 3 سنين الاصل من مدينه كوستي اب عن جد |
يقوم هسى الواحد يجيكم تقول ليهو الدخلك بيت العزابة شنو :mad: :mad:
عالم تغيظ اها انا اول الجكس وبعدين ناس عبد المنعم ابراهيم يمتنعون :p بس يا عبد المنعم ما دايرة معاك اى كلام :mad: دايرين تعرفوا انا منو وانا وين؟؟ قادر الله انا سارة الضارة واللقب أمينة من مواليد بحرى الاملاك بس اتربيت فى الغرة ام خيرا جوة وبرا حاليا فى اوسلو النرويج شغاللة وبدرس قراية الكبر بعيد عنكم بس آخر سنة ان شاء الله اى واحد ولا واحدة داير تلفونى يكتب على الخاص وعلى راسى فى ناس ممنوعين من الصرف حتى لو قالوا الروووب لكم جميعا بورداب سودانيات فى اى مكان مودتى وتقديرى |
اقتباس:
ياربي ديل نحنا!!؟ :confused: :confused: _ اللبن الرايب ... :mad: رب ضارة نافعة...(مثل من أوسلو) :D :D :D |
الأخ خالد الأيوبى
أحيك على المبادرة وهذا ماطلبتة من أسرة سودانيات أن تقوم بهذى المبادرة وأرى أنها فكرة رائعة وتؤدى للتواصل بين أسرة سودانيات وتقضى على الشللية ولولاحظت فى مداخلتى فى بوست حنينة فى زيارتها لقارسيا طالبت بذلك . الأسم نبيل عبد الرحيم الأقامة لندن فى قلب العاصمة حلفاوى تليفون 00447961194256 أشكرك نبيل |
العزيز : خالد الأيوبى ...
صاحب الفكرة الرائعة ..: وكل ناس بيتنا فى سودانيات (البيت الكبير)... الذى ينتهى به مطاف الجميع .... وتفئ إليه كل الطيور المهاجرة ... بحثا عن ظلال الوطن فى أقلام من أحبه وّامن به ... سودانيات ذلك الملتقى الأليف الذى يمدنا بالدفء .. والإنتماء ..ذلك الظل الوريف الذى يحتضن أمالنا وألامنا فى اّن ... (ففى الإلتقاء تكمن جميع الحلول ...) حينما تقرأ لأحدهم فى سودانيات .... تشدك إليه كلماته .. وتربطك به معانيه ... وتبدأ بينك وبين نفسك فى معرفته من خلال ما يسطر ... كأن ملائكة ما ترسم لك ملامحه بين الكلمات وتعينك للتواصل معه من خلال الحروف .. فتمنحه فى ذهنك كل الأمكنة تصويرا وتجسيما وأخيلة ...هلك تظفر برؤيته ولو فى خيالك وحسب ... وياله من شعور حميم ... ينتابك حينها وأنت تمنحه إعجابك حينا ... وتمده بتحفظك حينا ... وفى كل الأحوال فإنك لا تقايض إبتسامته بشئ .... تلك هى سودانيات بالنسبة لى ....(بيتنا الكبير ) ... حيث أبدأ قيلولتى تحت شجرة النيمة الظليلة فى إنتظار الجميع ... لنلتقى على فنجان القهوة المنكهة ... ثم نحول الأخيلة إلى لقاء أكيد .. ونبدأ بمعرفة بعضنا البعض ...(من قريب) . ( الوليد عمر)....هو إسمى الحقيقى ... مقيم فى مدينة (دبى) ... بدولة الإمارات العربية المتحدة ... أعمل لدى (بلدية دبى) فى مجال الرقابة على الأغذية ... من شلة العذابة .. أصلا من حلة صغيرة فى الجزيرة إسمها (ود عشا ) تابعة لمحلية بركات جنوب واد مدنى ... يعنى المعنى من (عريب الجزيرة اليبيعو الزيوت ) .... أها والمسعول منى فى ناس سودانيات .. ترى عمنا (عكود) ... باقى نعمنو قريب منى فى الإمارات ... أكان درتو الزيادة حبابكم ألف ... و شرفونا بالطلة ... مع فائق ...الود و الإحترام .. ودمتم .. |
الأخ خالد الأيوبى
والسادة المتداخلين عندى إقتراح وهو أن يقوم الأعضاء بكتابة محل الأقامة مع الصورة الشخصية لأن هذا البوست بعد أن يرفع سوف ننسى كل كل شيىء أن يسجل المشرفين هذى المعلومات وتحفظ ويقوم تعارف بين الأعضاء فى كل بلد. نبيل |
i tried to write in arabic but the mouse + key board failed to help me
my full name Elsayed Abdelgadir Yousif Gannat M y phone is 00249912355920 All of U dont Hesitate to Call at any thme my phone is open all the day when the keyboard works in arabic i will re write in Arabic in details |
العزيز خالد الأبوبي
تحياتي لك كثيرا، والشكر أجزله على هذا البوست الرائع كروعة صاحبه... الفكرة عظيمة واعضد ما قاله نبيل عبد الرحيم من تثبيت العنوان جانب الصورة كما كان سابقا، وحاليا يوجد بعض الأعضاء مثبت عنوانهم...... شكرا ليك نبيل، لأني كنت ماشي انتهي من قراية الردود عشان اقول نفس مقترحك ولنفس السبب وكأنما هناك تواصل غير مرئي في التفكير.... بالمناسبة ، سلامتك، وكفارة ليكم، طبعا ما كنت عارف انك بلندن، بس لو كنت عارف ما كنت قلت ليك رأيي في تشجيعك للفريق الانجليزي....والفضل في المعرفة دي يرجع لود الأيوبي... الأسم : المعز محمد احمد المهنة: محام اللقب : ابو العز الجنوبي، أو الصيني بالعربي والانجليزي.. السكن حاليا: الكلاكلة القبة ، قريب جدا من اللفة، انا عارف ناس امدرمان وحي البوستة حيقولوا لي : ياااخ انت قايل نفسك ساكن في العاصمة؟؟؟ يا اخوانا انا عارف اني ساكن في الضهاري في محافظة جبل اولياء... الأصل: دنقلاوي، من لبب وجزيزة بنه، ومن اوربي.. ومن ناحية تانية جبل ام علي (حبوبتي جعلية) اجدادنا رحلوا زمان لأمدرمان، ودنوباوي شارع الدومة(طبعا يا قارسيا ممكن نعرف اهل بعض كان اتونسنا شوية)... لكن اتولدت بشمال اعالي النيل، القيقر، ونشأت هناك... افتكر كده كفاية.... اها نسيت التلفون: 0912220387 |
اقتباس:
لكن يامعلم المحيرني الجاب لبب لي جزيرة بنا لي اوربي شنو ؟؟؟ يامان جدك وابوك شكلهم كانو حوامين خلاص :D بس ان شا الله انت تكون طالع ليهم ;) :D حبي الكبير خالد الايوبي ماتقول علي متهرب من الرد لكن والل انا بس متابع واكيد بجي تاني للبوست الروعه ده جقجق |
العزيز اب جقادو
تحياتي لك كثيرا، وطولت ما عبرتنا ، لكن ظهرت انك عنصري وبتاع قبليات، يعني كان ما قلت دنقلاوي ما كان كتبت، مش كده؟؟؟ والله صحيح كلامك، كانوا حوامين بشكل رهيب، جدنا سعد كان تاجر ويمتلك كثير من المراكب، عشان كده الحوامة رقدت هبطرش.... ما تقول لي كمان الجاب لبب، وبنه، واوربي لجبل ام علي شنو؟؟؟ ما دي الحوامة... الحوامة الخلتني اتولد في الجنوب..... تسلم يا عزيزي مع ودي |
اقتباس:
اكيد دة لو ما طلعنا معرفة كمان , وعلى فكرة تجمع بيننا صفتين اصولنا دناقلة ايضا , درست قانون بجامعة القاهرة / الفرع .. دنقلا طبعا شفتها فى الخريطة , فقد هاجر اجدادى لامدرمان منذ فترة طويلة .. |
ابو العز قلت
اقتباس:
يكون ياربى حبوبتك دى اخت جدى :p |
اقتباس:
ساره كان ليك يامعلم :D |
اقتباس:
اسحن ليك تختانى لان لو قمت كلمت اهلى فى انجمينا هسى بكرشوك :p ألمى حار ولا لعب كعونج :D |
حياك وبياك والله يا أيوبي ...
الاسم : عبدالعظيم الطاهر الإقامة : السعودية - جدة في السودان : الاصل من الشمال منطقة كريمة - نوري الاقامة بمدينة بورتسودان - حي دبايوا - جوار نادي البجا الزوجة : إخلاص أحمد عدد الابناء : اربعة ويا ربي ليك الحمد .. قاعد أفتش لي في بنية ماني لاقيها :D 1- الطاهر - 17 سنة 2- البراء - 15 سنة 3- عماد - 11 سنة 4- محمد - 10 سنوات العمر - أصغر من عكود بى شويي :D تلفون المكتب : 6060282 009662 الموبايل : 0551245654 تاني الفضل شنو ..؟ |
اقتباس:
بالمناسبةعشان نخش على طول زي ما قلت ليك اتولدت في الجنوب، عشان كده المعرفة بتكون بمن هم متواجدين في ودنوباوي، واوصف ليك البيت: شارع الدومة وانت ماشي شرق ناحية الهجرة، خامس شارع على يدك الشمال كان هناك دكان جعفر وجنبه غسال، تدخل بالشارع بيلاقيك اول حاجة على يدك اليمين بيت ناس كورينا البيت البعده على طول ده كان بيتنا(لاننا شلنا نصيبنا ورحلنا الكلاكلة) به الآن اولاد وبنات عماتنا، البيت البعده مباشرة ده بيت ناس جدي عبد القادر السنوسي، غرب بيت ناس ابو شيبة سابقا، في نفس حلة ناس نجم الدين الفاضل(جون) وبشرى وهبة...كده تمام.؟؟ |
سارة كتبت:
اقتباس:
|
اقتباس:
مالك علينا..... الصلبطة من ناس سارة دي انحنا بنفتشها تفتيش لمن تجي لا عندنا تقوم تطفشها؟؟؟ كان جات من ود الحسين ولّ ودعثمان كان نقول..... لكن من ناس............. اريتها صلبطة السرور.... |
اقتباس:
وجدى التانى اب صالح وحبوبتى بت محمد احمد ود الفكى على من كبوشية والبجراوية لكن بيكون جدى صاحب ناس حبوبتك :D وجارهم وود حلتهم اها برضها قرابة :p كية لىاب جقادو الشين |
اقتباس:
تسلم يا قريبى ودا شرف يا ود العم جقادو اها خوم وصر ماكان اسحن ليك تتكتم :p |
اقتباس:
بعض الاسماء التى اشرت لها يجمعنا معهم صلة قربى .. ونكمل الباقى فى الخاص بعيد من جقجق :D |
| الساعة الآن 10:30 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.