هااااااااااااام نرجو التصويت لاختيار اللجنة التنفيذية
[align=justify]إخوتي وحتى نكون عمليين أكثر ولأن الاختلاف في الاجتماع ليس من صالحنا يجب أن نتفق من الآن على كثير من التفاصيل أهمها انتخاب اللجنة التنفيذية وإليكم قائمة بالاسماء المقترحة وهي ستة عشر اسماً منها ثلاثة أسماء غير قابلة للتصويت (السفير جمال ، د. سيد و أبو العز الجنوبي).
سيتم الترشيح والتصويت بين بقية الاسماء لاختيار عشرة أشخاص من هذه اللستة ليكونو اللجنة التنفيذية للمنظمة. المناصب الثابتة 1. السفير جمال .......... رئيس المنظمة 2. د.قنات .............. نائب رئيس المنظمة 3. أبو العز الجنوبي ........... المستشار القانوني المرشحون 4. ناصر يوسف 5. عمر صديق 6. الرباطابي 7. الملك 8. مهند بادي 9. عثمان المهندس 10. جمال تاج السر 11. اسماعيل حميم 12. دير 13. أمين 14. عبير خيري 15. ندى 16. بنت النيل وننوه إلى أن مكاتب اللجنة التنفيذية المقترحة هى كالأتى * الرئيس * نائب الرئيس * المدير التنفيذى * المستشار القانونى ثم منسقين للمكاتب الأتية * منسق المشروعات والأنشطة الدورية المنتظمة * منسق الشئون المالية * منسق الإعلام والعلاقات العامة * منسق الشئون الثقافية * منسق الشئون الإجتماعية * منسق شئون العضوية * منسق المكاتب الخارجية سيكون هنالك إثنين إحتياطى ننوه إلى أن باب الترشيح مفتوح لترشيح من ترونه مناسب كما أن باب الاعتذار مفتوح لكل من لا يود ترشيح نفسه عضوا في اللجنة التنفيذية [/align] |
[align=justify]سأفتتح باب الترشيح وأرشح هؤلاء لتكوين اللجنة التنفيذية
1. ناصر يوسف 2. عمر صديق 3. الرباطابي 4. جمال تاج السر 5. اسماعيل حميم 6. دير 7. أمين 8. عبير خيري 9. ندى 10. بنت النيل[/align] |
اقتباس:
لغة الكيزان دى شنو يا بتى ياندى ;) قولى سكرتير مالى سكرتير ثقافى سكرتير إجتماعى سكرتير إعلامى وكدة طوالى وخليك منقة بلا تنسيق بلا تنسيق معاك ;) ماعندكم لىّ خانة فاضية، إن شاء الله (سكرتير عاطفى ;) ) |
سلام ندي
الأخ عثمان كلامو مظبوط 100% نحن الحكاية سيك سيك معلقة فيك شنو منسق يعني ؟؟ نحن وألله العظيم لغة الجماعة ديل شككتنا في حاجات كتيرة مالو زي ماقال عثمان حصاحيصا سكرتير ما بتنفع ؟؟ سكرتير عام المنظمة أو الأمين العام أمين المال سكرتير شئون العضوية وهلمجرا كده أحلي وتمرقنا من الجك الفارغ وكوزو المقدود أبقو عشرة علي المبادئ يديكم العافية |
اقتباس:
وللاسف الجماعة ديل كرهونا حتى فى الكلمات :D |
الأخ جارسيا
سلام ورمضان كريم أولا أشكر بنتنا ندي علي ثقتها في عمها دكتور قنات ثانيا أنا عندي وجهة نظر العمل الطوعي هو تكليف محض يحتاج لجهد وتفاني ودفع عديل كدي وزمن كتير عشان كدي أقترح :: أن يتقدم من يأنس في نفسه الكفاءة لشغل عضوية اللجنة التنفيذية ومن ثم تختار اللجنة التنفيذية من بين أعضائها من يشغلون المكاتب وعشان كده أجتماع الثلاثاء مهم جدا ، بل لا يقل أهمية عن أجتماع الخميس 5/10 أها رايكم شنو ؟؟؟ |
الأعزاء جميعكم
كلمة منسق هذه تم الإتفاق عليها بعد مناقشات طويلة أظنك كنت حاضراً لها ياعمو سيد عدنما أقترح الأخ الرباطابى ان تكون مكاتب وليس أفراد على ان يمثل منسق للمكتب فى اللجنة التنفيذية ولم يكن هناك إعتراض عليها فى حينها أو حتى عندما نشر الدستور هنا لمذيد من التداول ، ولكن يمكن أثناء مناقشة الدستور فى الجمعية العمومية تعديلها إذا تم الإتفاق على ذلك ......... ولكن ياوحد حمد .... غارسيا وعمو سيد ألم يحن الأوان لنسترد لغتنا .... الى متى ( سنحرد ) لهم كل شئ .... بخصوص الترشيح كما تفضلت ندى فقد تم الإتفاق على تسمية السفير جمال رئيساً ودكتور سيد نائباً للرئيس وأبو العز الجنوبى مستشاراً قانونيا ورغم أن الدستور ينص على ان يتم إنتخاب أعضاء اللجنة التنفيذية على أن يقوموا هم بتوزيع المكاتب عليهم إلا أننى أستميحكم عذراً فى ان أؤكد على ترشيح أمين أولاً وعلى ترشيحة لمنصب المدير التنفيذى ثانياً ( من هنا دا ) ثم أرشح ندى دير ناصر يوسف عمر صديق الرباطابى بنت النيل اسماعيل حميم جمال تاج السر عبير خيرى بحيث يتم إختيار سته للمكاتب وإثنين أحتياطي ياود حمد عندنا ليك منصب المدير التنفيذى لمنظمة سودانيات الطوعية - مكتب ألمانيا .... جهز شغلك من هسع مسعولين من الخير إنو بقية الناس ديل و ين :( :( :( خالص ودى بنت النيل |
اذا الاشخاص الاقترحتهم ندي موافقين
يبقي خلاص انا موافقه عليهو مع شكري والتحيه لهذا الجهد يا ندويه |
ألف مبروك هذا الانجاز !!
وأكيد حنبنيهو البنحلم بيهو ... !! سعيدة جدا يا ندي ان ارى ذاك الحلم يرى النور .. وان تتحقق الرؤية على ارض الواقع الصلد !! اقتباس:
|
أوافق على الترشيحات أعلاه
و أضيف بيتو و سمرية (إذا وافقن) بالتوفيق و نتابع معكم بالتليفون إن شاء الله |
الأحباء جميعا هنا سلام من القلب ياتيكم اينما كنتم
ورمضان كريم وليكم كلللللكم الحب لوقفتكم النبيلة معي في محنتي غبان مرضي وإساشفائي من المرض بارك الله فيكم وأنتم تنثرون إسمي هنا لعضوية اللجنة التنفيية المقترحة ... وعذرا عذرا وبكل إحترامي الذي أكنه إليكم أطلب منكم أن تسمحوا لي بسحب ترشيحاتكم لإسمي كمرشح لعضوية اللجنة التنفيذية المقترحه .... وكما ذكرتي أختي ندي بأنّ باب الإعتذار مفتوح كما هو الحال لباب الترشيحات ، وكم ذكرت لكي يا أختي سابقا في زمن ما بعدم إستطاعتي فعل شيئ يذكر للمنظمة من داخل مسميات المكاتب ... أرجو شاكرا قبول إعتذاري لعدم مقدرتي وفاعليتي في تحمل هذا العبء الثقيل جدا .. ونسبة لإنشغالي بأمور أخري قد تأخذ مني جل الوقت فلا أجد حينها وقتا للمنظمة ... بيد أنني سأكون خير عون لللجنة التنفيذية القادمة متي ما طلب مني ذلك...... شكرا لكمولكم الحب |
اهلى بسودانيات ..... رمضان كريم
أوافق على القائمة اعلاه ولكنى اضيف لها عضو فعال هو الاخ مــــــــايــــــــــم لكم حبى وشكراً ،،،،،، واحة[B] |
الأعزاء
ندي بنت النيل دكتور سيد أوافق علي الترشيحات خاصة المناصب الثابتة. لي أمنية فقط أن تكون الأسماء من الناشطين في سودانيات بأمانة وبدون زعل بعض الأسماء لا تشارك في سودانيات وتجدهم يشاركون في منتديات أخري بصورة مكثفة وهذه المنظمة إسمها (منظمة سودانيات الطوعية)؟ هي أمنية لا غير. |
موافق على الترشيحات,
واؤمن بشدة على كلام ود الحاج, اقتباس:
|
حنون... الخال ..... الجيلى
تسلمو على الإهتمام وياها المحرية فيكم وطبعا كل الترشيحات على العين والرأس ... وأمنية الخال التى أمن عليها الجيلى أكيد ستكون محط إهتمام ومناقشة فى الإجتماع التحضيرى يوم الثلاثاء خاصة ونحن نعلم يقيناً أنها أتت من باب حرص وغيرة على سودانيات المنظمة والمنبر . واحه ....البركة فى الطلة بس باين ليك مايم بعد الوزارة برضى ليهو بى مكتب تنفيذى .... أنا سمعت قالو بيتطلع لى رئاسة الجمهورية ترشيحك و ترشيح سمرية لعثمان المهندس وجميع الترشيحات ستناقش بإذن الله فى الإجتماع التحضيرى أبو رحيق حمد الله على السلامة ..... جهزت شوال دقيق لى عصيدة يوم الثلاثاء ولا لسة :p :p غايتو إنت قدمت إعتذارك ( هنا) ..... لكن نشوف بنقبلو ولا ما بنقبلو ( هناك )..... لأنو إصرارك الشديد والمتواصل على الإعتذار رغم أنك صاحب المبادرة الأولى بالفكرة ... ورغم معرفتنا بمدى حرصك على قيام المنظمة ونجاحها ...هو مؤشر يحسب لصالحك و ليس عليك .... ستقوم دير بتأكيد الزمان والمكان تلفونياً للجميع .... ونرجو الحرص على حضور الإجتماع التحضري خالص ودى بنت النيل |
اقتباس:
و كنت حاأكتب التعليق ده .. لكن أنت سبقتني يجب أن يكون أعضاء المكتب التنفيذي يؤمنون تماماً باهداف المنظمة والسبب الذي قامت من أجله ... وقبلها يؤمنون باهداف الموقع .. حتي نضمن نجاح المنظمة واستمرارهالذلك نرجو من الأخوة الأعضاء الترشيح لمن يرؤنه مناسباً وفعالاً وعدم المجالة أو المحاكاة |
الأحباب جميعا ،، لكم مودتي وتقديري والهم كبير وتقيل ربنا يقدرنا كلنا على حملو .. ربنا يوفق .. ودايرة كربة حزام أوافق على اللستة المرشحة : اقتباس:
مرفق : صادقات الدعوات بـــــــادي |
الأعزاء الكرام
رمضان كريم وكل عام وانتم بخير الفوق ده بابتسامة كبييييييييييييييرة التحت بتكشيرة كبيييييييييييييييييييييييييييييييييييييييييييييييي رة أولا: معقول نطلع من الموضوع الاساسي ونمشي نتناقش في كلمة بتاعة كيزان وحيشران؟؟؟؟؟ يعني حنخلي ليهم الكلمات زي ما خلينا ليهم السودان؟؟؟ ما هم ديل سبعتاشر سنة متحكرين في رسين الناس وخاتين السودان في جيبهم هل حردناهو ليهم؟؟؟؟ وبعدين يعني اي حاجة يشيلوها او يجو عليها نقوم جارين منها؟؟؟؟ كلام عجيب... ثانيا: من بالسودان يعلم المعاناة التي صادفت من قام بالإعمال التي بدأت تتضح الآن، ان تكون هناك منظمة سودانيات، معقول نخلي مجهود ومعاناة الناس دي كلها عشان نجيء نتحارن في كلمة ؟؟؟؟ هم قبل كده ما قالوا الدين ده حقهم وانهم مسئولين في الارض هنا منو .. بقينا كفار وخليناهو ليهم؟؟؟ ثالثا : نكون عمليين شوية، وعشان سودانيات العظيمة دي تتجسد في المنظمة ننسي الحاجات الصغيرة ونعمل من أجل انجاحها.... لكن كدي يوم الثلاثاء ده ما سمعت بيهو إلا هسع ... رغم انو ندى وبنت النيل (ملاح ويكا... او ويكي) يوميا... رابعا: قارسيا: (دي خارج الموضوع) كتبت : الناس ديل كرهونا.... ولم تضع الشدة على الراء... ممكن واحد يفهمها انو الناس كرهوكم في الكلمات وتدخل انت في زمرة المكروهين.... خامسا: اوافق واعضد اي اقتراح بيمشي بينا لقدام.... لا مجاملات....التعويل على الناشطين في سودانيات اكثر... اضافة مجموعة اخرى لديها المقدرة والكفاءة والاخلاص والاستعداد للعمل... سادسا: العصيدة لازم تكون حارة... |
اقتباس:
الاخ ابوالعز الجنوبى ياخى أنا أسف جداً جداً جداً وإلى ما لانهاية، إذا كان رائى او كلامى بخليك تنفعل بالشدة دى. بعدين دا رائى لو كان هامشى او أساسى او سيدو هامشى او موضوعى!!! ومن حقك تعقب عليهو ولكن دون إتهام بأننا لانحس بمجهودات ناس السودان لانو نحنا برة. أرجو أن تراعى لمشاعر الاخرين. بعدين لو عندك معاى مشكلة شخصية اتمنى ان نحلها برانا فى الخاص او التلفون إحتراماً لمناخ سودانيات العام (لانو دى تانى مرة تواجهنى بهذا الاسلوب، بالرغم من ان مداخلاتنا نادرة مع بعض). بعدين انا لا احب المشاحنات ابداً، والحمد لله علاقتى بالمنتديات قديمة جداً وحتى الان لم تكون عندى خصومة مع اى شخص، وإذا وجدت ان وجودى يضايق شخصٍ ما، تركت المكان وذهبت دون أن أخسر أحد. وللعلم انا تركت الكتابة فى اى منتدى اخر من اجل سودانيات ومن اول يوم قامت فيهو سودانيات ولكن اذا كان وجودى او رائى يزعجك، فبكل الحب والود لك، سوف اكتفى بالقراءة فقط. سلام |
يا أخوانا الصيام سخن بي الناس ولا شنو
العمل الطوعي يحتاج لجهد وتضحية بالزمن والمادة وراحة العيال وراحة الجسم وزي ما قالو الأخوان :: أي واحد قلبو ما حار علي سودانيات أو ألتزامو بالمنتدي نص نص الناس ما تجامل وبعدين المثل بقول ركاب سرجين وقاع وصاحب بالين كضاب وماسك دربين ضهاب الواحد يمسك شغله واحدة وينجضا ويكربا بي حبل متين حبل التضحية ونكران الذات والمجاملات وشيلني وأشيلك ما بتودي لي قدام يديكم العافية ملحوظة لازم يا جماعة تشكلو حضور بأعظم قوة بمنزل الأخ ناصر يوسف يوم التلاتاء 3/10 الفطور دامرقة |
لكم التحية الاعزاء في سودانيات المنظمة والموقع
ورمضان كريم .. اقتباس:
واحدة من فشل منظمات المجتمع المدني هي احتكاريتها وعدم انفتاحها الي فضاء سودانياتنا ..وهذا الامر بقراءة سريعة تتضح اشكالية الوقوع في مثل هذا التمييز طالما هنالك من مخلص باهداف المنظمة وله الامكانيات والقدرة علي ذلك وطالما هنالك لائحة داخلية وخطط عمل لانجاز اهداف المنظمة أري لا غبار لوجود اعضاء غير فاعلين في الموقع ..أو حتي خارج خارطة سودانيات مع احترام وجهة نظر الخال التي قد يفسرها البعض كنوع من ابتزاز للكتابة في المنبر ...هذه المنظمة اهدافها غير محدودة بالفهم العميق لان تحت بنود الدعم والصرف تطول اللائحة بحسب الامكانات ولكم الشكر ... مسالة الترشيح بهذه الطريقة لا اعرف مدي قانونيتها السؤال مطروح لاصحاب الاختصاص وشكرا جزيلا |
اقتباس:
إحتكار شنو يا منعم وإبتزاز شنو يا أخي؟؟؟ ببساطة شديدة هذه المنظمة قامت من خلال هذا الويب وبجهد عضويته كوني أتمني أن يكون لعضويتها الأفضلية في الترشيح أكون بمارس إحتكار أو إبتزاز؟؟ نحن لا نملك في هذه المنظمة يا منعم شيئ لا نرشح ولا نختار ولا نتدخل فقط نأمل ونتمني ولو نظرت للمجموعة المرشحة ككل تلقاها من مختلف الإنتماءات السياسية إذن لا يوجد محاولة للتكويش من هذه النقطة. لا زلت أقول أتمني أن أري عضوية سودانيات هي الأولي بالترشيح وإن كان المنتمون إلي منتديات أخري يرون في أنفسهم القدرة علي العمل وتقديم ما هو جميل فلما لا يسعون لتكوين مؤسساتهم؟؟ وفي النهاية أهل مكة أدري بشعابها وأيا كانت الأسماء المختارة نباركها ونقدم لهم ما بوسعنا من دعم. |
العزيز عثمان حمد
تحياتي لك وكل سنة وانت طيب، ورمضان كريم المرة دي الكتابة بدون تكشيرات، بل بابتسامات عريضة جدا... واستميحك عذرا في أن ابدا بالرد على ما كتبت لا على سبيل المناكفة او المشادة او الشكلة، ولكن كلام ناس اخوان وحبايب وقلبهم على بعض.... اجيك من الآخر.... والله العظيم يا عثمان انت لا مضايقني في سودانيات ولا حاجة، يا زول مالك خاشي بزعل شديد كده؟؟؟ بل العكس اتقبل رأيك بصدر رحب ، وما من حقي ان اصف اي انسان بأي وصف كان خاصة واني لم التقه، هذه قناعة من قناعاتي، لذا عندما كتبت الرد السابق لم اكن اقصد ان اسي إلى احد، بل كنت اشعر اننا لم نكن نشعر كفاية بمعاناة الاخوة الذين تكبدوا المشاق في هذا العمل، لكن لم اقصد ابدا ان اصف انسان بأنه لم يكن يحس بمعاناتهم، على العكس ، فيا عزيزي الغالي دي ما قصدتها على الاطلاق... ارجو ان تكون مقبولة. تاني حاجة: والله احترم رأيك إن كانت لنا مشاكل مع بعض نحلها في الخاص...لكن ياعثمان ما عندي معاك اي مشكلة ، وانحنا جمعتنا سودانيات وتعارفنا من خلالها من اين تأتي المشاكل الخاصة بيننا؟؟؟ لا والله ماعندي معاك اي مشكلة، وردي حتى لوكان بنفس حار مش عشان مشكلة خاصة بيني وبينك على العكس من ذلك لم اقصد اثارة اية مشكلة ومع اي من كان... فيا عزيزي امسحها لي في وشي...اذا كنت زعلتك او قلت ليك كلام لم ترضه... يا اخي انحنا لسع ما اتلاقينا نقوم نتشاكل من هسع؟؟؟؟ قبل كده اذا برضو واجهتك بنفس الأسلوب برضو انا آسف... ولم اشعر بهذا من قبل لأني بكون اتكلمت في الاطار العادي، وما اخدت فيها حاجة، ياعزيزي عثمان... انا مازعلت منك لمن طلعتني كذاب لم قلت لي انت راكب اير باص عشان تمشي مسافة سبعة دقائق بمبلغ قدره الف ونصف جنيه سوداني..... وسألت عرفت انك في المانيا وليك مدة من البلد وبحثت ليك عن العذر في انك ما قصدت ان تطلعني كذاب بس انت ليك فترة طويلة من البلد...يعني انا ما زعلت وما هاجمتك...بس رديت بطريقة بسيطة ... ما تزعل في دي برضو واذا زعلان قلي ارضيك بشنو؟؟؟ يا عزيز والله اسف .... اخيرا: والله انت لا هامشي ولا حاجة... وانا ما قلت كده.. وآسف جدا إذا كان كلامي خاشي شمال بدون مراعاة لشعور الآخرين فهذا آخر ما كنت اقصده...واقول بصراحة أسف دي حقيقية جدا ومن جوه قلبي أرجو ان تجد طريقها لقلبك... واخيرا ثانية اقول ياعثمان يا ود حمد يا ناس الحصاحيصا....الا تشاطرني الرأي ان نقوم انحنا كلنا وانا اولهم بالواجب ونكون فاعلين من اجل المنظمة؟؟؟؟ قطعا عارف اجابتك بنعم... عشان كده اقول ليك يدي ويدك ويد غيرنا كلنا من اجل هذا العمل... وما تزعل من كلامي ... وانا إذا قلت الكلام ده بس عشان عايز الناس ما تطلع من الموضوع الأصلي اليس ذلك بصحيح.... مع تحياتي ومودتي لك... ملحوظة اخيرة: ياااااخ تكتب لي الأخ أبو العز.... كده طوالي بشكلة كبيرة؟؟؟؟ برضو دي ما لايمك فيها عشان انت كنت زعلان مني .... |
موافق وأويد القائمة أدناه
.... .... 1. ناصر يوسف 2. عمر صديق 3. الرباطابي 4. جمال تاج السر 5. اسماعيل حميم 6. دير 7. أمين 8. عبير خيري 9. ندى 10. بنت النيل |
سلام لكل الأخوة والأخوات
الكلام دا كلو فنتليشن المحك الصح صح أن يكون الحضور بمنزل الصديق ناصر حضورا يشرف بمثل قامة أسرة سودانيات تاني شي حضور يوم الخميس هو مربط الفرس عشان ناس المفوضية بحضروها وكمان بشوفو كيف ناس سودانيات يكونوا متفقين ويمثلوا اسرة واحدة ورايم واحد وكلمتم واحدة وكيف لا يكون ذلك وأنتو معدنكم تبر خالص يديكم العافية |
الأخت/ ندي
اثني علي اقتراحك مع التوفيق وربنا يحفظكم وكل سنه وانتو طيبين |
للجميع كل التحية
بالنسبة للترشيح فاعتقد الناس ما تفاعلت مع البوست بالشكل المطلوب لانه الفيصل فى تحديد وجهت الناس وارائهم وخاصة ان المنظمة وليدة هذا الدار / فكلا يرسح نفسه او غيره والفيصل الاصوات ولكنى لا اجد لا حصر ولا توزيع والكل يومن على الاجتماع بالرغم انى اجتماعنا التحضيرى لكون قد اتضحت الصورة له من هنا . نرجو مساهمتكم فيما تبقى من وقت ... بنت النيل انا موجودة .............. اما مسالة الترشيح فهى لا تحتاج لنقاش المسالة يحسمها التصويت ولا دى ما الدمقراطية ......... لكم التحية واحة |
اقتباس:
اهو سيدى اتصلت عليك وطيبنا الخواطر ;) وانا سعيد ان اخرج من هذا النقاش الساخن باخ صديق ذيك :) لك كل الود |
الأعــزاء ..
القومة للمجهود الجبّار وبالتوفيق الدائم إن شاء الله يا ريت لو نخلي بالنا لتنبيه العزيزة واحة بالتماشي مع عنوان البوست فيما تبقى من الوقت اقتباس:
وإن كان أعضاء الداخل هم الأدرى بمن يمكنه/ها تقديم الأفيد على كل حال، بالإضافة للثلاثي (السفير، قنات، أبو العز)، هذا ترشيحي: 1- ناصر يوسف 2- ندى 3- واحة 4- بنت النيل 5- مايم 6- الرباطابي 7- مهنّد الجيلي / جمال تاج السر أبو العز / عثمان حمد، إنتو الصيام ده دخل العضُم وللا شنو؟ عالم ما تتصاحب إلا بعد شكلة!! :D بس عجبتوني والله لكما المحبة الكاملة. |
اقتباس:
|
اقتباس:
اقتباس:
ندى إزيك بما أنني تقريباً الوحيدة في القائمة من النشطات في المواقع الأخرى أرجو أن تلبي أمنية الريس والمؤيدين باستبعاد إسمي وإدارج إسم آخر أقترح أن يكون مايم أو سمرية إذا جاز لي الإقتراح . تحياتي للجميع وكل سنة وإنتو طيبين عبير خيري |
[align=justify]
اقتباس:
عبير بت خيري ، وكل من ثنى على الاقتراح أدناه : اقتباس:
كان يوم أمس الاجتماع التمهيدي للجمعية العمومية في منزل الحبيب ناصر يوسف .. الناس اتكلمت في الحتة دي كتير جدا .. ووصلت لي إنو إنها ما مسألت نشاط في المنتدى .. لأنو المنظمة ما محتاجة لي نشاط في المنتدى .. محتاجة لي نشاط في الحركة لإنجاح أهداف المنظمة وإنجاح برامجها .. وبي كدا منظمة سودانيات مستمرة بي أداء أفضل بفضل العضوية بتاعتها .. سواء أن كانت نشيطة في المنتدى أو العكس .. وشخصيا شايف .. إنو إذا دعا الأمر أن يستصحب في العمل من هو ليس بعضو أصلا في المنتدى فليكن .. إذا كان هذا الفعل يصب في صالح وبرامج وأهداف المنظمة .. وما المانع إذا كان ذلك كذلك .. ؟؟؟ وهؤلاء الأعضاء الغير نشطين داخل المنتدى .. هم أكثر حرصا على بعضهم وعلى كل العضوية في الداخل .. وكلنا يعلم ذلك .. - المنظمة تحتاج إلى جهد فوق جهد . - تحتاج لكل فرد وعضو . - تحتاج إلى أصدقاء سودانيات (كما أحب أن أسميهم - وهم من يحرصون على لقاءاتنا من غير الأعضاء). - المنظمة تحتاج إلينا كلنا .. فدعونا من مثل هذا الحديث . وهذا رأيي .. وأود أن أقرأ آراء أخرى .. سلبا أو إيجابا .. وإن كنت مخطئا فقوموني .. مرفق : محبتي وامتناني بــــادي [/align] |
[align=center]لاااااااااااااااااااااااااا
تعليييييييييييييييييييييييييييييييييييييييييييييق[/align] |
[align=center]لاااااااااااااااااااااااااا
تعليييييييييييييييييييييييييييييييييييييييييييييق[/align] |
السادة الكرام لكم التحية
الاخ مهند..... اعتقد اننا قتلنا هذا الامر نقاشاً واوضحنا بصورة جلية ان سودانيات المنتدى هى الاصل للمنظمة وليس العكس وهى الرحم الذى افرد سودانيات وبالنسبة لاصدقاء المنظمة كما افردة من تسمية فهذا شى سابق للأوان ،ولهذا ظللت اضع مليون خط على ان سودانيات شى متفردة بالنسبة لبقية المنظامات الموجودة بالساحة فهى ذات عضوية منتشرة بجميع انها العالم وهذه ميزة ماكانت لتكون مالم تكن سودانيات . والاهم من كل هذا وذاك انها تضم كل ابناء الشعب السودانى بجميع انتمأتهم واعراقهم والكل يهدف لكل المليون مربع ونحن ان رشحنا او صوتنا لهذا او ذاك فمن خلال المعرفة الفكرية والاراء لكل عضوء هنا بأختلاف حتى جنسيته فكيف يمكن لشخص ان يضم اسمه لكوكبة هو غير ملم بجوهرها وهم غير مدركين لمن هو بينهم ، ولتقريب المعنى ( كيف تنضم لرابطة كتاب القصة ولم يعرف عنك يوم انك تكتب حرف ، سودانيات فكرتها جاءت بشفافية المحبة التى جمعت الناس دون سابق معرفة او قربى سوى الفكرة والتفاعل الذى ما قصد منه تملق او منصب جاء فقط لاجل هذا البيت الذى افرد صورة نادرة للتواصل ونقله لارض الواقع بهدف أسمى يجتمع الجميع حوله ................. هذه زاوية الروايا لدى ... عليه كل من دخل سودانيات المنتدى فهو عضو بسودانيات المنظمة ومن بعد ياتى ميول كل شخص واهتماماته أن يكن هنا فقط او فى الاثنين معاً . وعليه مناقشة او اتخاذ قرار او تعين او ترشيح عضو يكون خلال منبر سودانيات وان طلب من الخال بتخصيص قسم للمنظمة لمناقشة قرارتها وبرامجها اثق تماماً انه لا يبخل ............ اذن سودانيات المنظمة عمل متفرد يحتاج لعقول غير نمطية لا تامن بالحدود الوهمية للمكان وتستطيع خلق التواصل الامثل لبلورة فكرة وان اتتها من الصين ... اتمنى ان اكون قد ابنت واوضحت ... واكرر اهلى سودانيات بغير اصـواتكم و مناقشاتكم لن تقوم المنظمة على الاساس المتين الذى نأمل .. فكونوا هنا بقدر المـحبة التى ربطتنا كون ...هنا بقدر المسافات التى تفصلنا ....وبرغم ذاك تنتفى بفضل هذا البيت .. رجاء واحة |
[ :) [align=justify]size=4]العزيزة/ واحة
وكل سوداني سودانيات تحياتي بالرغم من وجودي الحديث بالبوست الا أنني من المتيمين باستمرار في قراءة ما يكتبه بورداب سودانيات ولغتهم الانيقة والتي جعلتني أطلب العضوية للمشاركة. وفي أحايين كثيرة أكتفي بالقراءة فقط . ولكن ما يدور في الفترة الاخيرة وبالذات مسألة اللجنة التنفيذية للمنظمة الوليدة (سودانيات) أثبتت أن هناك حقيقة لا بد منها وهي مسألة التمرين الديمقراطي. فالكل يدلي بدلوه ويرشح من يري مناسباً لذلك ولكن يتطلب الأمر النظر للعملية الديمقراطية وكيفية تحقيقها. في بعض الاتجاهات والاتهامات بالميول السياسية وهو شيئ مقبول بالنسبة لقناعاتي ولكن أن يتم استخدامه كأداة لإقصاء آخرين فهو عمل يتنافي مع جوهر العملية الديمقراطية. وللحقيقة أنا بري انو ناس سودانيات كلهم بيت واحد من خلال الترابط الحميمي الموجود في نقاشاتهم، وعشان ما يتم افساد للفكرة كلها أرجو من الجميع الانتباه للعملية الديمقراطية وكيفية تحقيقها دون احساس آخرين بوجود اتفاقات بين آخرين علي الرغم من أنها عملية منطقية ومشروعة لكن كل الافكار لا تلتقي فيها علي الاطلاق. والي الأمام[/size][/align] |
الأعزاء
عبير مهند ناصر دعوتمونا لندلي برأينا ثم دعوة أخري للترشيح أدليت برأي كغيري وأظنه حق دمقراطي والأهم لم أفرضه علي أحد، يعني بالعربي أنا لا أعطي أوامر ولا يحق لي. هو مجرد رأي إن أخذ به كان بها وإن لم يؤخذ به أيضا كان بها. ولا زلت عند رأي الذي تفضلت به مسبقا. الأعزاء عبير ومهند أولا أنا ليس بريس ولا أحب أن أكون ريسا علي أحد. ثانيا أخي مهند الإقتراح أعلاه له صاحب وصاحبه له اسم لن يكلفك شيئ أن تقول (إقتراح خالد الحاج) يا أخي. وأسأل الله لكم التوفيق. خالد الحاج |
مهند,عبير ,واحة,
والجميع.. عاطر تحياتى, ربما يحتم الموقف الآن شرح تثنيتى لإقتراح (أمنية) ود الحاج, منظمة سودانيات جسد يتخلق فى بداياته ,وليست منظمة مكتملتة البناء إجرائيآ , وذاك أمر (من وجهة نظر خاصة) يتطلب وجود أقرب الأقربين لسودانيات الأم ليس لشئ إلا لضمان (الحبر السرى) لفترة كافية فى فترات النمؤ,ولتنطلق بعدها المنظمة فى كل الآفاق والجهات فذاك أمر لن يكون بمقدور أحد تحديده , أختصرت لضيق الذمن, وأرجو أن أكون قد أبنت وجهة نظرى, وأعود للإيضاح ماتطلب الأمر.. لكم جميعآ خالص محبتى -------- ((ليس فى الأمر أستقصاد لأحد بعينه فالجميع يتساوون فى أقساط الحب والموده والأخوه الصادقه)) |
الأعزاء
ندي بنت النيل دكتور سيد أوافق علي الترشيحات خاصة المناصب الثابتة. لي أمنية فقط أن تكون الأسماء من الناشطين في سودانيات بأمانة وبدون زعل بعض الأسماء لا تشارك في سودانيات وتجدهم يشاركون في منتديات أخري بصورة مكثفة وهذه المنظمة إسمها (منظمة سودانيات الطوعية)؟ هي أمنية لا غير.[/size][/color][/QUOTE] اوافق على الترشيحات لاننى ماذلت جديدا على المنتدى واهله ولمزيدا من التعارف اترك رقم هاتفى وهذا الرجاء يا ناس سودانيات اتصلوا على 0122002858 |
ألف مبروك القيام الفعلي لمنظمة سودانيات
كنت في إتصال تليفوني الآن مع الأخ ناصر يوسف و قد زف إلي البشرى تم إختيار ممثلي المكاتب بحضور ممثل مسجل المنظمات الطوعية في الإجتماع و بعد نقاش مستفيض تمت إجازة مسودة الدستور المعدل و إختيار اللجنة التنفيذية تفاصيل أوفى من أهل سودانيات بالخرطوم ألف ألف مبروك |
| الساعة الآن 05:38 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.