شارع المك نمر الجرابو
كلنا سمعنا عن نكته
شارع المك نمر ورد العوض (الجرابو)...... هنا الكلام عن شخصيات سودانيه لها حظ من التاريخ المكتوب والمؤثر لكن السؤال هل تستحق هذه الدرجه من التبجيل و الاهتمام وحتى تسميه شوارع باسماءهم؟ ما هو دور المك نمر المؤثر تاريخيا؟؟؟؟ هل حريق اسماعيل باشا نقطه مضيئه؟ وما هو سبب غضب المك نمر؟ ولماذا تاخير الرد واين الجعليه ؟؟؟؟ ما وجه المقارنه بين المك نمر وعبد الله ود جاد الله كسار قلم مكميك (ماك مايكل)؟؟؟ ماهو الدور المؤثر المشرف للزبير باشا فى التاريخ السودانى؟ اليس بتاجر رقيق؟ يبيع ابناء شعبه اليس الزبير من وأد اخر مملكه سودانيه خالصه ؟ ولصالح من ؟ وانظرو التضاد حكم بالشريعه وبيع رقيق ؟؟؟؟؟؟؟ اعتقد ان التاريخ لم ينصف الكثيرين ممن يستحقون تسميه الشوارع باسمهم كاقل ما يمكن لتكريمهم دعوه للحوار |
عمار ..
شكراً لفتح هذه النافذه وأضيف شارع (...... عليه الرحمه والذي توفي ثملاً ! ) تكمن المشكلة في أن الساسة هم من ينظرون بشأن هذه الشوارع ولعله من الملاحظ أن الشوارع اليوم مزيفة كما المدن فتجد شارع أمية بن الصلت وبالقرب منه مدينة الشارقة. هنالك من يعمل بهدوء لتزييف معالمنا. خليك من الكلام ده نرجع للموضوع المك نمر في تقديري إنو ما إنسان رجعي بإعتبار إنو رفض موقف, رفض الإهانة, الوجود الأجنبي. غض النظر عن تكتيكو الحربي في إنو يزوغ إلا إنو يستاهل يتسمًى شارع بإسمو لأنو قدر يرسًخ حاجه للمستعمر. لكن في نفس الوكت ما كان في إنتفاضات تانيه زي بتاعة جبال النوبه والدينكا ليه ما إتسمًى شارع بإسمهم! عشان كده نحن مفترض نرجع للتاريخ وولزول البيكتبو ومزاجيتو. يمكن يكون عنصري قدر يفرد صفحاتو للجعليين ويتناسى البقية. أو يتقاضى عن ممارسات الزبير باشا لإنو نحن لسًه ما قدرنا نتخلص من مفهوم العبودية. ده جانب. الليله الناس البيرسمو في التاريخ بمواقفهم المشرفه سواء كانو مناضلين أوعلماء أومثقفين موقعهم وين! يا إما نلقاهم إما في السجون أو شردتهم الحكومة أو في المنافي ده كلو ليه! علشان العلاقه بين الدوله والمواطن هي علاقة بتاعة أهواء ما بيحكمها أي منطق عشان كده لازم تكون شوارعنا وأحياءنا بل إنو أسماءنا ما منطقية. |
العزيزه نهى
ازيك اتفق معاك على كتير من كلامك وافتكر قدرت تدخلى لب الموضوع بسرعه وحقو نكون عمليين نداء من هنا من سودانيات وياريت لو اتبنتو الاداره اعاده كتابه تاريخ السودان واحقاق الحق لكل الساهمو بشرف من اجل البلد اكتر من كده اعاده صياغه ثقافه اسماء الشوارع لانو هناك الكثير البيستحقو اقلاها تسميه احد الشوارع باسمهم على الاقل نطلع من الغربه والاستلاب( زى مدينه الشارقه زى ماقلتى ......) نهى المساله خطيره وفى جيل كامل لو ما لحقناهو حيغير اسم شارع المهاتما غاندى لىاشارع ......بت بجيك تانى |
لك التحايا اخي عمار
لابد من النظر لتارخينا القديم والحديث بمنظور محايد ومختلف عن السابق ولكن هذا لا يعني التندر علي رموزنا الوطنيه واجحاف ما قدموا للوطن المك نمر قام بفعل بطولي لم يقم به من كانوا في عهده .. وقد وضع حد لحياة المستعمر المتعجرف الي اذل الشعب السوداني واحتقره وفي النهايه الحرب كر وفر وتكتيك ودهاء فعندما انسحب خالد بن الوليد بجيشه بخطه محكمه وذكيه حفاظا علي الارواح في معكره غير متكافئه .. قال لهم الناس .. ايها الفرارون فقال النبي ( ص ) بل هم الكرارون كدي نلقي لينا فرقه ونرجع للبوست دا تاني عظيم مودتي اقتباس:
ليس الاصل في تسمية الشوارع القبليه والجهويه .. بدليل الجلعيين عندهم شارع واحد بس ;) بل يجب ان يكون الاصل في التسميه للذين قدموا للوطن ولانسان الوطن فماذا قدم عبيد ختم مثلا ؟ حتي يسمي اهم شوارع الخرطوم بأسمه من حيث الموقع والمساحه يعني اي واحد جاري فيهو ممكن ياخد راحتو علي الاخر .. وهمر ما تحصلوا :) |
[align=center]سلام يا شباب و عساكم بخير :
انا غايتو كان لقيت لي فرقة في منصب و قرار في بلادنا الحبيبة يوما ما، و دي ممكن تحصل اذا ربنا سهل و اراد :D:D:D ، قطع شك حأسمي ستة شوارع بمزاج :D:D:D : شارع خالد الحاج الحسن شارع معتصم الطاهر شارع اباذر الكامل عكود شارع الدكتورة بيان شارع الجيلي احمد شارع عصمت العالم و ذلك اعترافا لما قاموا به من مجهودات في تنقية السايبر السوداني من الغث و الزبد ، و نشر الوعي و العلم و المعرفة و الفكاهة و المرح ، و تقديرا لكل ما بذلوه من خير اجتماعي و ثقافي و انساني ، و هذا ابسط ما يقدم لهم لتلك الجهود اعترافا و عرفانا ببذلهم و عطاءهم و ريادتهم و ردا للجميل ..[/align] |
اقتباس:
ياخوانا دا حالتو عملوهو مراقب بس أمال لو كانو عملوهو الأمين العام كان سمي لينا الخرطوم سودانيات ولا كيف:D:D:Dيافيصل انت قعدت في مصر كام سنة:confused:بقيت أخطر منهم يا ود سعد ولحقت سعد زغلول ذاتو:D |
ياعمار ياخوي لكن ما جننتني خليتني أقعد أفتش في الاسم الكامل للمك نمر وهل الجرابو دا اسم ابوهو وما خطر علي بالي انك قاصد الجري بيهو لغاية ما اتذكرت كلام اهلنا الجعليين وناس منطقة شندي وهم بيقولو الشارع المشابو حتين بعدين الكلام وقع لي:D:D:D |
اقتباس:
ثلاثة سنوات عجاف يا خواجة ، و اتمنى و اتشرف اكون زي سعد زغلول يا قروبير :D:D و نحن لا نكسر الثلج ايها الكج :D:D و يا ليت الكل يرعى و يحفظ حقوق الناس و افضالهم ؟؟؟ و لكن !!! هكذا حالكم و حال البلاد و اهلها :eek::eek::eek::eek::eek: |
عمنا فتحى
صباح الخير المساله عايزه شويه خيال وحبه ثقافه( اهل عوض) وطبعا انا منهم شكرا |
يا شباب الموضوع محتاج حبه بحيت منكم وواضح انكم مسكتو مكمن الداء بس عاوزين نظره اوسع
فى انتظار خالد الحاج وبيان وعكود وياريت شليل اديكم العافيه |
دعونا نقتبس من بوست جلال محمد جلال نخلات انتن نساء بلادى
مختار ود بخيتة .. هكذا عرفناه .. وهو كان يعرف نفسه دوما بأنه ود بخيتة .. دعوني أخبركم عن بخيتة .. بخيتة يا أخوتي زوجة شهيد .. وإبنة شهيد .. ووالدة شهيد .. هل عرفتم بخيتة ؟؟ وهل ثمة من لا يعرف بخيتة ؟؟ أبوها مات لانه رفض أن يترك أرضه لأجداد الجنجويد .. فنزحت بخيتة بعد مقتله هي وأخواتها الأربعة إلى مدينة الأبيض .. لتجد نفسها فجاءة وهي إبنة الرابعة عشرة تعيل أربعة أطفال ..وكانت خير أم .. تزوجت بخيتة من عسكري .. كان من أشجع العساكر في حينه .. فإغتالته طغمة النميري في مؤامرة دنية .. ولكنه ترك لها إبناً .. مختار... فقنعت بخيتة أن يكون نصيبها من الدنيا مثل نصيب الطير.. ووطنت نفسها أن تقر عينها بمختار .. ولكن مختار ورث عن آبائه الشجاعة .. وأرضعته بخيته حب الحق .. وحب العدل .. فنشأ كما أرادوه .. مختار وهو طالب في الثانوية .. كان من أوائل المتظاهرين ضد نظام الجبهة .. وكان من أوائل من إعتقلهتم كلاب الأمن المسعورة .. ولان مختار قد نام ليال كثيرة على الطوى .. لرقة الحال .. فإن جسده الغض لم يحتمل نهش الكلاب المسعورة .. و.. رحل مختار الى الرفيق الأعلى بعد أيام معدودة من إطلاق سراحه .. رحل مختار .. وبقيت بخيتة .. قوية .. صابرة .. صامدة .. كما لو أنها .. كما لو أنها .. بخيتة. حجة بخيتة (كما ناديناها دوماً ) : أنت القوية لا هم .. أنت اليوم مشرقة كما كنت دوماً .. لا هم .. أنت الأم العظيمة .. والزوجة الكريمة.. والجارة الحنونة. وأنت إبنة هذا الوطن السامي .. فما صنع تاريخ الشعوب .. إلا رجال ونساء .. كمثلك .. ومثل مندي . __________________ أمشى إليكَ .. معزياً فينا ، فحالي صار من حالِك أمشى إليكَ .. فألقي من أزاهيري ، علي أزهار آمالِك أعدُ قلبي .. لأقطف ورد جذوته وأوقدُ شمعةً في صُبحـِك الحالِك أحــ مطرـــمد الا تستحق بخيته شارعا باسمها؟ الا تستحق مندى ايضا؟ |
الأخ عمار
في تاريخنا شخصيات كثيرة لها أدوار متميزة ومختلفة تركت بصمات واضحة على جدار الزمن , منهم من كان له دورا إيجابياً بارزا رغم بعض السلبيات المحسوبة عليهم , ولكن العبرة بالنتيجة ولا بد من تغليب جانب على جانب , فإذا كان الجانب الإيجابي أكبر كان لهم الحق علينا في أن نعيد إجترار سيرتهم بقليل من التبجيل والفخار . أما مسألة تسمية الشوارع فهي مسألة شكلية وفي طريقها إلى الإنقراض مع تيار الثقافات الطافية على السطح ( ثقافة السلام - والبترول -والتأصيل - و غيرها ) أتفق معك تماماً أن دراسة التاريخ عندنا بحاجة لإعادة النظر وتحتاج للكثير من النقد والنتقيح , بشكل علمي مدروس يبين المأثر والمناقب ويوضح السلبيات والإيجابيات بنوع من الشفافية والموضوعية , بعيداً عن التشهير أو الإساءة أو المحاباة والتدليس وتغييب الحقائق . وأضم صوتي لصوتك عبر هذا المنبر , ولندعو معاً لإعادة صياغة و دراسة التاريخ الوطني دراسة نقدية واعية وعلمية , تجلي الحقائق وتعطي كل ذي حق حقه , وتنصف الشخصيات المغمورة والتي لم تجد حقها الشرعي في التقدير والإعتزاز . |
أما مسألة تسمية الشوارع فهي مسألة شكلية وفي طريقها إلى الإنقراض مع تيار الثقافات الطافية على السطح ( ثقافة السلام - والبترول -والتأصيل - و غيرها )
سمر ازيك ما بتفق معاك لانو التسميه هى اعنراف و تبجيل لشخصيه اراد الناس ابقاءها خالده لمواقفها العامه المشرفه بس مساله انها شكليه ما افتكر اكتر من كدا الثقافات السائده الانتى ذكرتى منها نماذج هى البتشكل الاطار العام لثقافه المسمى خاصه وانها بتمثل الواجهه الفكريه للمسمى والمسمى به والقدره على مراكمه ثقافه مجموعه معينه فى الغالب ما بتعبر عن الشريحه الاكبر من الناس مثلا ممكن واحد يتعقد من السكن فى يثرب مثلا عشان هو ما مسلم مثلا او عندو راى فى تسميه حى الرياض لانو بفتكر انو دى ثقافه وارده وممكن كان يسموهو اى اسم يمثل الاتفاق العام يديك العافيه |
عمار
أسألك سؤال كم منا بيمر بشارع المك نمر أو الكبري بتاعو و ويقعد يتذكر الراجل ده - رحمه الله -؟ و يتذكر ويفكر في التساؤلات اللي إنت أثرتها في البداية ؟ الفكرة في تسمية الشوارع والأحياء من إستناها في البداية أكيد كانت فكرتو إنها تكون كنوع من التبجيل ورد الجميل لشخصيات مؤثرة في التاريخ والماضي والحاضر . أما في واقع الأمر فالمسألة أصبحت مفرغة من مضامينها وأهدافها , واتحولت لمجرد شكليات , وكلنا نتداولها ونمر بيها ولا نتذكر الفكرة الأساسية والغرض من التسمية . وأحيانا نكون ما بنعرف الشخصية أصلا ولا سمعنا بيها قبل كده , ولا بنجتهد عشان نعرفا . لذلك أنا في إعتقادي إنو مسألة التبجيل والعرفان ما بتكون عبر التسميات الشكلية , لكنها ممكن تكون عبر المناهج التعليمية لكل المراحل والمستويات , خصوصا طلبة الجامعات , والدوريات والكتب والمطبوعات والمنتديات , وكذلك ممكن تكون عبر المراكز الثقافية والندوات و ليالي إحياء لذكرى الأحداث المهمة وتأبين للشهداء وما إلى ذلك . |
كلام زى السكر يا سمر بس برضو دا بيكون فى جو معافى وفيهو راى وراى اخر ولا شنو؟
|
اقتباس:
لك التحية حريق المك لاسماعيل كان له ظروفه وانت ادري بها طالما قمت تبحت في القديم...يعني ملم ممهما كان الطريقة العبر بها عن غضبو ..وسميهل زي ماتسمها .. حريق اسماعيل باشا في شندي كان بداية اول شرارة...ضد الغزو الاجنيبي مهما قلت قدر انتقام شخصي .... المك نمر رمز وطني لايستهان به جاي انت تورينا دور المك نمر شنو زاكر التاريخ عن ممالك الجعلين ..القديمة .. ثتنيسا مافي مقارنة بين المك نمر وكسار قلم ماكميك .. الموقفين مختلفين ..وقفي ظروف مختلفة .. ولا رايك شنو..افيدنا ... ......................... قال شارع المك نمر الجرابو... المك نمر ماجري ..واحسب كم معركة درات الا ان وصل الحبشة .. ولولا ظروف المرض ..في تلك المنطقة .. واعقبه الموت لكان في حديث تاني للمك نمر.. .................. ومرحب الجعلية..موجودين ومافيهم من مرخرخ .. ويكفي اي واحد بقول انا جعلي ..ويكفي المتمتة..كان بحلم بيشرب فيها قرنق الجبنة ولا ماسمعت ..يكفي ..رمز للشموخ .. ولنا لقاء ..وراجيك في الدرب ... وعليك الله ..جيب لينا شوية حبة تاريخ عن كسار قلم ماك ميك.. ودتم |
باسط اخوى
ازيك كدى روق شويه انا ماقاصد المك فى شخصو هو مثال وواضح انو جعليتك حاره وساقتك بقوه بعد داك انا مابوريك دور المك نمر خاصه وانت جعلى وقطعا ليهو اضاءاتو بس حقو يكون الحوار هادف وعلمى وموضوعى بعيد عن الشخصنه وانا زاتى فينى لحمه جعليه وبعرفوم واهلى اما مساله المقارنه فموجوده اكتر من كدا عبد الله ود جاد الله ما جعلى بس شكلو اجعل من المك نمر بدليل انو ما فكر بتكتيك ولا راعى بس ساقتو زعلتو باسط اخوى لو كان تاريخيا المك نمر موجود وبتاثير اكبر من عبد الله ود جاد الله ما نبخس دورو حتى ولو كان موقف واحد بس مشرف والله شنو؟ |
اقتباس:
والتجلة والتقدير ..والفخر .. لعبد الله ودجادالله ..اسم وعلم ..تب مافيهو كلام .. كسار قلم ماكميك.... ............... اخي لو سالتك العنوان الانت كاتبو شارع المك نمر الجرابو بالله عليك دة كلام زول يقولو في علم زي المك نمكر زي مابتقول وشنوشارع المك نمر الجرابو ..فسرها لي لو مافيها استفذاذ.. لقبيلة كاملة ..مها كان ..انت ماصحب المقولة ... لكن راعي برضو .. والقال معروف ..واحدة من البتاجرو بالنكات بالله دي شغلة .. ينكت ..عشان يضحك الناس .. علي حساب ..الغير وازكرك اذكرو محاسن امواتكم .. انا فاهم قصدك ..ماراح علي لكن برضو راعي .. للغير ..والسكات ولا الكلام الني.. |
اقتباس:
والتجلة والتقدير ..والفخر .. لعبد الله ودجادالله ..اسم وعلم ..تب مافيهو كلام .. كسار قلم ماكميك.... ............... اخي لو سالتك العنوان الانت كاتبو شارع المك نمر الجرابو بالله عليك دة كلام زول يقولو في علم زي المك نمكر زي مابتقول وشنوشارع المك نمر الجرابو ..فسرها لي لو مافيها استفذاذ.. لقبيلة كاملة ..مها كان ..انت ماصحب المقولة ... لكن راعي برضو .. والقال معروف ..واحدة من البتاجرو بالنكات بالله دي شغلة .. ينكت ..عشان يضحك الناس .. علي حساب ..الغير وازكرك اذكرو محاسن امواتكم .. انا فاهم قصدك ..ماراح علي لكن برضو راعي .. للغير ..والسكات ولا الكلام الني.. |
اقتباس:
عواااافى.. و طبعا كنت اتمنى ان لاا يكون هدف و مغزى هذا البوست غير الدعاابة.. و المنااوشة.. لكن لو كنت تريد ان تفتح نافذة نقااش موضوعية كان من الحكمة ان تلتزم الصدق فى الاستعارة من الدلاالاات التأريخية.. و الظااهر انو قد تشابهت عليك الحقائق.. اولاا ..... المك نمر ماا جرى.. تعاال نوريك الجروا منو يا عشايا.. انت قايل مهيرة بت عبود لما غنت كانت فنانة شايلة دلوكة؟؟؟؟ مهيرة غنت عشاان تثبت الرجفوا....و جروا !!!! عشان كدا حفظت ليها كتب التأريخ اسطر.. و دى حقيقة ان نطلب المساواة و تخليد كل من يستحق .. فذلك مشروع اما ان تصيبنا الغيرة و ننادى بتبخيس من دخلوا التاريخ من باب البطولة و نعمل بمبدأ الما بتلحقوا جدعو .. فذلك عيب كبير !!!!!!!!!! و اسئلتك دى كلها .. صفحة واحدة من كتاب تاريخ السودان بتاع سابعة ابتدائى بجاوبها المك نمر كان شايل سيف .. و قائد جيش و مكون اول شرارة و بناار حقيقية ..حرقت فعلاا قلب المستعمر ان يسمى شاارع باسمه فهو فخر للخرطوم .. و اساءه له لاانه يستحق اكثر من ذلك دون شك ..[/align] |
يا جماعة
استهدوا بالله أخونا عمار قصدو خير نحنا يا جماعة ما تشيلنا الجعلية ساكت ونتجوعل ونقيف عند جزئية صغيرة وننسى لب الموضوع والهدف الأساسي من الطرح القضية مع احترامنا للمك نمر ومواقفو و إسهاماتو التاريخية إلا إنو ما هو القضية الأساسية , إنما هو مجرد مدخل , قصد منو عمار إنو يضرب على أوتار حساسة لقضايا مهمة تستلزم النقاش فيها بموضوعية وعقلية مفتوحة وإنتقاد واعي ومدروس زي ما قلنا قبل كده . يعني يا جماعة ما نقعد نجتر ونسلم بموروثاتنا وتاريخنا وثقافاتنا كما ألفينا عليها أباءنا , عشان ما ندخل في مأزق الجاهلية الأولى . لازم نفتح عقولنا وأعيننا ووعينا بالماضي والحاضر من أجل المستقبل , نبين الصالح ونستفيد منو , ونبين الطالح أيضاً كي لا نقع في نفس الأخطاء مرة أخرى. لابد أن نفكر ونبحث و نتعلم وننتقد بشكل علمي و موضوعي ونتقبل الرأي والرأي الاخر . ونسمح بمساحة من الأختلاف المحمود . والذي لا يفسد قضايا الود بيننا . ولا شنو؟؟؟ |
اقتباس:
اقتباس:
|
أخوي مكي ،،،،، اسمح لي اتداخل بعيد عن موضوع الشوارع وقريبت من موضوع المك نمر .....
التريخ كتب بأمزجة خاصة وممايؤسف أن الأقرب للصدق فيه قد كتب بأقلام أجنبية وهذه الأخيرة أيضا لم تسلم من بعض الافتراء... في اعتقادي .... هل جرى المك نمر؟؟ نعم ولكن هروبه كان شجاعا...... بعدين يانوفل المك نمر جرى عملو باسمو شارع وكبري ومحطة كهرباء ، دايرين تموتوا :D:D وسأعود مرة أخرى ان شاء الله لصلب الموضوع. |
| الساعة الآن 01:39 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.