انتا يا خالد اديتني شنو بالضبط ؟؟؟؟؟؟
دة اكيد ما بس باسويرد
دي ما مجرد ارقام بسبح بيها في العالم الماليه اخر دة دي رئة تالتة كلنا محتاجنها مع ثقب الاوزون الكل يوم بوسع رئتين مابكفو ,,,دة عالم من التواصل والتوادد غريب ناس لا بتعرفم لابعرفوك لاشفتهم لاشافوك بينك وبينم خيوط ممتدة بي عرض الوطن الجينا منو ومصيرنا حنرجع ليه خالد اداني ناس لمة وصحبة رفقة ونس اولاد بلد وبنات اصليات ناس تلقاهم في حارتك يواسوك يعزوك ويرفعو يدينم بالدعا ليك ولي بالبهموك تشاورم وتفاكرم تتفقوا وتختلفو بمنتهي الحب وبينكم الاحترام دة شنو ياخالد دة الاديتني ليه؟؟ ولادا البحلم بيه؟؟ ياخوانا انا جدييييييييييدة استحملوني |
اقتباس:
[align=right] حبابك شرفتى أبقى لى جوة .. [/align] |
اقتباس:
البقولو ليك آمالك هينا ما بتخيب بس أبقي عليها وقدرها جيتي مرحب بيك والمكان بالتمام بيساويك أدخلي أهلاً وقطع شك بتحلي سهلاً ولي علمك خلود دا واحد من درر منثورة تملى سودانيات وتملى الكون بالحلاوة وكترت الغلاوة |
حبابك أختنا آمال
كما قلت لك في رسالتي هنا في سودانيات عالم جميل سيعجبك ولا شك.. أناس يفتقدونك إن غبتي ويفرحون لفرحك ويحزنهم حزنك ، يختلفون معك بمحبة .. ألف مرحب بيك يا إبنة العم |
[QUOTE=الوليد عمر;102183][color=#6600FF][size=5][align=right][B]
حبابك شرفتى أبقى لى جوة .. اولاد بلد حباب وترحاب شرفي ذاد بي وجودي معاكم ما اجمل مصطلحاتنا السودانية انا دفيانة بيكم ومعاكم |
اقتباس:
,,انا جيت بالفعل فدفء الترحاب اشرع كل الابواب الموصدة والونسة حلت وطاب المقام و يا زول انا قدر احلامي مادام دي طريقتكم وخلود دا الاداني ليه ربنا يديه قدرو |
اقتباس:
ابنة العم ,,دي السودانوية الاصلية شكرا ليك يااصلي وقول لي الباقين خلاص قمتو بالواجب وزيادة وصوانيكم لاقتني من قدام مغارف محبة وقيزان ود تملا وتفضل عالم ماوردي لكن حقيقي ناس ماهالامعة ولا مجلية لكنها صادقة جواها ذي براها حاشاهم ما مزيفين ولامدهونين وبت العم دي كتلتني كتلة ياخالد عشان مافي زول غيرنا بعرف يقولا بالطريقة دي |
مرحبتين حبابك..
الدار دارك.. كل الأمنيات بإقامة طيبة. |
[align=justify]حبابك عشرة بلا كشرة .... إتفضلي ... نتر ليك لي غادي وتصنقري تب وتتوهطي ... وتشيلك عيونا قبل رؤوسنا ... أعذرينا ما عندنا تفاح الشام ولا عنب اليمن ... ولكن قدرتنا لالوب بلدنا وبليلة المباشر ..وح نقدم ليك الليمون ونهز ليك الكانون .. وحبابك .. جيتينا وفيك ملامحنا.. ونتمنى ليك إقامة طيبة وسط أهلك وعشيرتك وحبان قساك .... ومرحبتين حبابك واليوم السعيد الليلة جابك [/align]
|
اقتباس:
وحنعمرا بالمحبة ونسورا بالالفة والاحترام والفهم المتبادل اكيد اقامة طيبة وضل بارد وشليل تحت القمرة لحدي الليل ما يهود |
اقتباس:
حبابك انت واهلا بيك شوف انت جبتا كم مفردة سودانية جميلة ومليانة ديل انحنا وبس ومافي غيرنا ولا زيناولا بشبهنا وانامتوهطا تب وادي قعدة وكانونك بدفيني قبل يغديني والله يكفيك شر برودة الروح وعشتا اخوي |
مرحب حبابك عشره اختنا آمال
الدار دارك وابقي داخله لاجوه هكذا هي سودانيات عالم من التواصل والموده والاخاء الصادق كوني بالف خير |
اقتباس:
احطموني بدفق من الترحاب يعجز قلمي او بالاصح كيبوردي عن الرد شكرا جميلا |
الف اهلا بيك و مرحب يا آمال،،
حبابك ما غريبة دار ،، و قطع شك نورت الديار ،، بكري و عمر ابناء عبد الرحمن سليمان و سكينة عبد الغني اخوانك و لا تشابه اسامي ؟؟ |
اقتباس:
|
اقتباس:
بكري وعمر وسكينة وفيصل وشبارقة وكل الناس الجميلين اخواني الما ولدتم امي,,, بعدين شنونازلين فيني ترحيب بي اناشيد مايو:confused: : العزاء انها كلمات محجوب شريف:) |
اقتباس:
اها ان شاء الله كدة تقع ليك و تفهمها كويس ، غايتو مستوى ذكائك الايام دي في الحضيض خصوصا بعد الرحلة و سفر كيشو :D:D بكري و عمر ابناء عبد الرحمن سليمان و سكينة عبد الغني ،، اخوانك و لا تشابه اسامي ؟؟ |
اقتباس:
اخونا شبارقة دا مهترش و صواميله حالجة شوية فاعذريه و اعذرينا يا بت العم .. اها ، و في الاجابة على سؤالك في عنوان البوست،، خالد ما اداك الا ريدتنا و محبتنا و ادانا نحن خير و بركة .. |
اقتباس:
وانا ريدتكم ومحبتكم عندي بالدنيا افردت لها مكانا في الدواخل بحجم معزتكم عندي بنيت لها صرحا من وفاء اودعتها صدري فنامت مطمئنة كن بخير يا فيصل |
اقتباس:
تاج السر فردة شديد :D:D لكن عوضين قطع شك تبع شبارقة :D:D و سلميلي على فيافي الصعيد :D:D |
اقتباس:
اقتباس:
[align=justify][align=justify]أها بعد ده المهترش وصواميلو حالجة منو؟ بعدين شنو حكايتك مع الصواميل والمفكات وحالجة وعاضّة واللقم والسلسيون !!! ما خلاص عرفنا إنك كنت عجلاتي في يوم من الأيام :D:D[/align][/align] [align=center]أفاطمة لو شهدت ببطن خبت ٍ وقد لاقى الهزبر أخاكِ بشرا إذن لرايت ليثا ً أمّ ليثا ً هزبرا ً أغلبا ً يبغى هزبرا نصحتك يا ليث فألتمس غيري إن لحمي كان مرا أنت تروم لأشبالك قوتا ً وأطلب أنا لإبنة الأعمام مهرا[/align] |
اقتباس:
|
اقتباس:
|
اقتباس:
[align=center]بأكل حارة ما ضوق باردة ماك داريني؟! وأسأل عني ربعاي البعرفو قريني حس أب جقرة والقربين والمرتين دوام طاريني وأنا أخو الساهلة واللينة والباردة كان يبقى الكلام (الفوق داك :D)عانيني[/align] [align=center][align=justify]هيع .. ومعاها تبة قوية تهز الواطه يا فيصل .. وسلملي على حناكيش كندا البتكاتلو بالمناديل [/align] [/align]:D:D |
فيصل وشبارقة
المديدة حرقتني باقي جنس الشكل دة بطلع حاجات لذيذة ,, ماتسكتلوش,, وكمان كان جابت ليها مطالعة خلا حلا وحمار وعجاج كارب بس يا اخوانا راعو الاسلحة المشروعة دوليا يعني مناديل ما معانا وانا اخت الغالب وزغاريدي في السماء:p:p:p |
اقتباس:
[align=center]وليهو الحق عشان ما خاض فى وحل المطر والطين ومن الترعة ما سوّا شراب الهين وما قَـيَّل فى ضل دومة بى فرعين وما شاقق عرق النيل مع الوزين وليهو الحق عشان أدمن عيشة اللين مشي الأسفلت ما جرّبو بالكرعين ركوب اللورى فى شمساً تصر العين وما عانى وقوف الصف وراء التموين [/align] [align=justify]هِيع ... هِيع ... [/align] [align=center]تبة تبتين والتالتة في مصراني أكان ما حبهن كان العذاب شقــّاني وفي هواك يا فيصل سعد العذاب سرّاني ;);) [/align] |
اقتباس:
إنتي يا آمال عملتي شنو بالضبط! |
[align=justify]يا ود سعد يا لذيذ يا رايق :-[/align][align=center]مِرحاتنا شرابهن يوت ماغبَّن
شبعانات في الشقل أب شوك ... ما شبّن الحُمَّل ولدن وربّن حَلمَاتِن تِقلن..جَرّن.. فوق سيقانن كبّن اللبن العاتم في ضرعاتن جبّن المغصة إن كان ضرعاتن خِربن القرعة آ وليد .. السعن آ بنية القربة كمان... كبوها المية المغصة إن كان ضرعاتن خربن شوفو النعمة السالت فوق قيزان الرملة ناس فيصل لبن الشاي بالعملة سمح الخمج الفوق أسيادو سمح العز المن أجدادو الجنيات المشو ما عادو كان بالردة أكان اتنادو غَرّب فيصل وشَرّق بلة كانوا بحلبو الضرع الدلة كانوا بحضرو الخير القدحو معلا الجنيات ما كفرت بنعمة الله بالحيل آ جني إيه والله[/align] |
اقتباس:
اقتباس:
[align=center]يا شليل مشتاقين للعرضة والقدلة ونحن بُعاد عن دار جعل وسلملي على البلد الغائب تمساحا ويقدل فيها الورل :D:D[/align] |
اقتباس:
اسال خالد ;) |
اييييييييييييييييييييييييوي
لي شبارقة ayyyyyyyyyyyyoy to FAISAL قصرتا معاكم ياشباب بس ماشفتا اي مليص قمصان |
اقتباس:
|
اقتباس:
ونترس البحر خيرصان من الشبارقة لي ناس فيصل في أم درمان :D:D[/align] |
وتاني ايييييييييييييوي
انت قايل ياشبارقة اخوي البالانجليزي دي بتتسمع والله فيصل يفتش لي بكرة مايلقي برنامج يترجما ليه بس قلنا نرضي علي ساي باقي في بلدا طيرا مابعرف يقول ayoyyyyyyy |
اقتباس:
معجون بالمحلب ومضمخ بالمسك وياحليلك يافيصل رحتا فيها Hard luck |
مرحب بيك يا امال---دحين انتى ما بنت اخينا مهندس البترول عبدالرحمن سليمان---
|
اقتباس:
انا بت عبدالرحمن تاني الظاهر في كتاربالاسم دا سودانيين جنهم يحاكو بعض انتو ابوي دا محل اتصالات ولا شنو:D اسعدني مرورك |
مرحب بيك في سودانيات علامة فارقة
|
اختنا آمال
كالعادة انا آخر الواصلين يبدو انهم كلهم هنا قد اعتادوا ذلك لكن افضل الوصول المتأخر من عدم الوصول يازولة مرحبتين حبابك وسعيد اليوم الجابك ويللا زغردي واملي الكون غنا طبعا الخروف والشربات على المشرف لكن في البنكنوت ده مشرفنا طواااااااااااااااااااالي عامل اضان جلد خالد بديهو حق الضبايح والحلويات والبارد وصاحبك نازل ضرب شديد الشكية لي الله غايتو حقوقنا مأكولة دايما حيكومات على مجتمع دولي على اصحاب مخير الله ياختي كده ادخلي لي جوه وبتعرفي حبابك |
اقتباس:
لو نفسك بارد شوية وعندك شوية وكت ارجعي لي البوست دا من بدايتو وشوفي الروح الدخلتا بيها سودانيات والله العظيم دة شعوري الحقيقي ودا احساسي تجاه اي زول هنا عليك الله شوفيني وصفتكم بي شنو ماعندي اي روح عدائية تجاه اي زول ارجوك ما تسقطي علي اي مشاعر سالبة وعامليني بي البقولو ليك هنا راجعي مداخلاتي ليك ولي غيرك في بوستاتك وبوستات غيرك هل خرجت فيها عن حدود اللياقة والتهذيب وهل ناديتك بغير المحترمة احزني جدا ردك الجاف وقبلو تجاهلك لمداخلتي وانا لم افعل غير اني اختلفت معك في الرأي وبمنتهي الود اوصلت لكي ذلك بل عبرت لكي بمنتهي الصدق اني بحب وطنيتك ودوافعك النبيلة البتخليك تقولي كلام قد يجانب المنطق احيانا انا حزينةجدا عليك الله وعليك صورة امك السودانية الجميلة دي اقريني من الاول والله انا ما اي زول تاني غير الاسم القدامك دا ولو ربنا مدا في العمر حتعرفيني كويس كسرة زي مابقلوا خلينا نتلما احسن فما يجمعنا اكثر مما يفرقنا مهما اختلفنا ودمتي |
| الساعة الآن 12:28 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.