الحب في بلادنا : رؤيا مفطوطه
أول إنتاج لشلة الحب في بلادنا
تحت رعاية رهط المفطوطين لا توجد شروط للانضمام للشله لكن يفضل ان يكون الاعضاء من الذين درسو في المرحلة الابتدائية صف ثامن وانهم عندما يسافرون خارج السودان يحتاجون لشهادة من الخدمة الوطنية وأن لا يتعدي عدد الشواكيش في حياتهم حتي كتابة هذا الموضوع 4 شواكيش لاسباب سوف ترد من خلال السرد الهدف الموازي للهدف الاصلي تخفيف تداعيات المرحله الاوكامبيه |
تاجوج و المحلق
من له علاقه بالشخصين الحقيقين نحن لا نعنيهم من له علاقه بشخوص الاسطوره مالنا علاقه بيه هي حالة حب مفرض في العذاب و صناعة سودانية خالصة |
[align=center]ما بتجيك في كور عشيه الوارد
و تعرف غزة الكوع اب خليلا شارد عرق الزرزرو و مسك النسيم البارد تلقا فوق وريد ست الحشا المتمارد[/align] |
بالله
يا Wadosman و لو ما فيها تكليف الاغنية بتاعت فايت مروح وين وخد دي عربون : كان فى واحد زهجان قاعد تحت شجرة أمام بيته ، جوهو ناس التعداد سألوهو ( الأخ من أهل البيت ) قال ليهم ، لا... من كفار قريش !! |
اقتباس:
كيفك يا زول..؟؟ ما شفت البوست الا هسى..و شكلو بيت بكاء عديل نفتش على الاغنية و نجيك راجعين..اها كان ما لقيناها الحنين البى ما قدروا..تنفع...;) تسلم يا حبيب...[/align] |
تقول الاسطوره أن عشق المحلق لتاجوج سكنه و تملك حواسه حتي اصبح موضوعا للاستهذاء من اصدقاءه و رفاق الدراسة و النادي و غرفة التجارة و صار مثلا يضرب و نادرة تروي كل حين و ما كان حديث المجالس اصبح سيرة تروي و يسمعها المحلق عندما يخرج نادرا من الفيلا . الا انه وذات يوم زارته نسيبته و كان يبدو عليها شئ من الامتعاض فظنها المحلق انها ربما تحس ضيقه بالضيوف وتمنياته بأن يذهبو سريعا و لكن علي غير العاده لم توافق النسيبه علي الجلوس رغم الحاح تاجوج و لكنها قطعت الرجاءات بكلمة حاده شوف يا المحلق يا ود اخوي الواجب يا هو الواجب خالتك سهام ماتت من المقابر و جريت راجع الفراش مافي زول شافك ولدها نديدك و اخوك ود رضعتك ليهو من جاء لي بكاء امه اسبوع الفاتحه ما ودتك ليهو يا ولدي الستره والفضيجه متباريات ماء بارد لطش وجه المحلق و اراد الخروج مسرعا الا إن تاجوج نبهته كالعاده أن ملابسه تحتاج للتبديل وبدل ملابسه بسرعه و كأنه يخشي أن يغير رأيه في الخروج بكي المحلق علي عتبات دار المرحومه سهام فأهاج عبرات الجميع و تجمعن نساء الحي و كأن الجنازه سوف تخرج مرة أخري و بكي الجميع وصار النور إبن المرحومه سهام يحاول أن يهدي المحلق و لكن المحلق كان كمن يطلب منه المواصلة وسقط المحلق مغشيا عليه وسكت الجميع وانشغلوا في محاولة افاقة المحلق و نواصل |
[align=center]بت عمها...;)[/align]
[align=center] [media]http://sudaniyat.net/wadosman/uploading/habib.wma[/media][/align] |
احححى انا يا فردة قلبى الشمالgoood
اللهم اجعلنا من من عبادك المفطوطيين ولهم من التابعين اخد نفسى واجيك وكت فيها فراش بكى ( يفوتنى مفلقة ) اللهم لا تحرمنا حبهم ولا تبلينا ببعدهم |
(2) كان منظر المحلق محمر العيون في وسط المجلس اشعس تائه النظرات لا تستقر عيناه علي موضوع نظر اليه النور انه اقرب الي زين الطيب صالح منه الي المحلق فارس قبيلة الحمران الصورة المخزنة لدي النور . طلب النور من بعض الاقارب أن يحاولوا اخراج الناس وجعله لوحده مع المحلق وكان له ما اراد فالكل يحب المحلق الفارس الرياضي المطبوع الخطيب المفوه في الليالي السياسيه الشاعر المطبوع الذي غير اقترانه بمحبوبته تاجوج مجري حياته وبدلا من أن يكون نيل المراد دافعا و مزود إضافات ابداعية الي حياة المحلق تحول المحلق الي جزء من أثاث بيت تاجوج لا يطيق أن تغيب تاجوج عن عينه لحظة و حكت تاجوج الي امها يوما أن المحلق حول حياتها الي جحيم لا يطاقو انها تخجل أن تحكي ربما لا يصدقها الناس و همست لأمها منذ زواجها لم تري المحلق نائما ابدا قهو ينوم بعدها ويصحو قبلها وتصحي تجده قد صلي الفروض الخمسه دفعة واحده ومنتظر صحوها واقفا علي راسها و عندما تذهب الي الحمام يظل واقفا علي باب الحمام يستجلها الخروج الا أن طلب منها يوما بأنه سوف يغير باب الحمام المصنوع من خشب التيك بأخر من زجاج فإنتهرته فجلس يبكي مثل الطفل فقالت أم تاجوج انه حال لا يمكن السكوت عليه وانتهي الامر بان وافقت الوالده أن تترك لتاجوج اختيار الوقت المناسب لطلب العلاج أو التدخل. اغر تاجوج و أشبع غرورها عشق المحلق و اشعاره اليومية و اغانيه و رقيصهما معا علي الاضواء الملونه وعاشت هذا الترف العشقي و الذي جسد لها ليالي حكايات العصر العباسي كما قراتها في كتب الكيلاني اثناء دراستها في المدرسة الثانويه ببورتسودان و كان ذلك دافعا خفيا أن تعمل علي اجادة الرقيص و كانت تطلب من المحلق أن يتابع معها حلقات استار أكادمي و محطات روتانا و ميوزك توب لمتابعة الجديد وشهد لها المحلق بأنها تفوق من تقلدهم تاجوج لا تعد وجبات و لا أي من اعمال المنزل فهي امام المحلق طوال الوقت و ليلهم شعر و غناء و طرب و رقيص و نواصل |
الاخ عثمان و ضيوفه الكرام الافاضل :
نبارك لكم انطلاق تياركم الجديد و تحالفكم و فصيلكم المرهف، و نحسه اتحادي الهوى و ديمقراطي النشأه و وطني الحب و العاطفة .. سيروا بمحبة و لا عاش من يفطكم .. و ليكن شعار التأسيس : [align=center]بنحب من بلدنا ما برة البلد سودانية تهوى عاشق ود بلد في عيونها المحاسن شي ما ليه حد[/align] يديكم العافية .. |
اقتباس:
شكرا يا حبيب لكن ماطال الحكاية عوض كان تشوف ليا اختها الصغيره |
اقتباس:
سألوني ليه بريد السودانيات، مع أنو الأثيوبيات في كتير الأحيان أحلى وبشرتن مخملية ورقيصن جميل، يهزن الكتف وترتجف القمم.. والأوربيات لونن أفتح وقوامن بالمقياس، ولطيفات في كل الأوكات وبيفهمن في الأمور أكتر.. ولا دقدق الفليبين، نظاكآ وأدب لي الطيش، في كل الأحيان، السهل فيها والصعب، بس ياها قولت: sir حتى لو كانت هي السيدة في وكتها وإتا المضطهد تحت القدم.. وجنسيات وجنسيات وشعوب وجمال ومحن!!!! قلتا ديل، الكلام معاهن سآآآآآآآآهل، عارفينك وعارفهم، وللمقصود إتا سببك هن ناقشنو.. لو الأثيوبيات رقيصن جميل وبهزن الكتف، السودانيات رقيصن من القمة لي الوطاية بنهز، إن رقيص العروس وقفة الجرتق، إن الكشف والترترآ، إن المردو ولا جدعة وفدعة الشايقية، إن الكمبلا ولا غنج اللابسات الأسود الجرجار، إن قطعة القماش المزكرشة وكاشفا الكتف والقمم نبال... إن للبشرة، يا هن المطمسات في الصندلية والحنة مرسومة سرتية وسوادها محلبية، هي ياها المدعوكة دلكة، اللفة فركة والسباتا فرشة عنقريب وزاينين المنظر؟ ختتا الحريرة وتوب القرمصيص.. ولون سوداني الماخد من الليمون خضارو ومن الرمُل لون إصفرارو والدهب الفتح حمارو،، وإن كان لي الفهم والله البنيات فاتن هناك، بقن يعرفن ويعملن ويجيدن، حلو الكلام وطيب السلام.. والنظاكا فاتن المنيكان نعومي في اللبس والهندمة ولي الأدب قولة سيد بتحسها قبال تسمعها، تلمسها قبال تشوفها، وشكرن بقت في طرف اللسان وإتا دايمن خاتينك عالي المكان... بريييييييييييييييييييييدن بنات بلدي |
اقتباس:
|
اقتباس:
بمناسبة فردة قلبك الشمال واحد جالس مع المدام يتابعو برنامج تلفزيوني عن الغرائب ذكر ان احد الاشخاص عندما راجع الطبيب اكتشف ان لديه قلبان يعملان بتناغم كامل فصاح الرجل يا ريتني انا وعندما عاين بقعر عينو للحكومة النافخه جضومها قاليها( واحد بخلي ليك كلوا) هسي انا قلبي من كترت ماب يقع في كرعي ما عارفو شمال واللا يمن خايف يكون بقا دفه |
معليش ياعثمان
سحبت المداخلة الاولى فقط من اجل تنظيم البوست وعدم قطع تسلسلك وساتي بها عند نهاية قصتك وهذا لايمنع وضع بعض الفواصل الخفيفة ودا اول واحد [frame="1 80"]اندهاش الفكر وذهول المشاعر ورهف الاحاسيس لحظة ابداع بمعنى الحب[/frame] |
(3)
قدم النور الي المحلق فنجانا من القهوة واضاف اليه لفافة مارلبور محاولا أن يغير الاتجاه العام لغرض أخر وبعد محاولات شعر النور أن المحلق قد دخل الفورمه و اكمل التسخين و يمكنه أن يشارك في اللعبه الان - شنو يا المحلق الكلام القاعدين نسمعوا ماب تطلع من البيت تركت عملك ونشاطك يا خ الناس دي كلها معتمده عليك خاف الله فيهم - ما كان ممكن يعتبروني ميت - المحلق اخوي دي كلام ماب يودي لي قدام فارس قبيلة متلك ماب يقعد ملازم ليهو حرمه انت نسيت وللا جنيت - بكون جنيت ... انت يا النور و الناس دي كلها ما فاهمه حاجه انا زمان كنت بلقا نفسي في حاجات كتيره يعني لمن نعمل عمل عام ونشارك في فعاليات ونسافر مع الوفود لمقابلة المسئولين وكل العارفو ده كان عشان انا عايز كده و رغبتي كده والشئ ده كان بيريحني . هسي انا بيريحني شئ تاني و بلقا نفسي في وضع تاني .... بس الناس تخليني في حالي انا ماقصرت فيهم زمان و خلاص ده زمن جديد زمن غير - ده كلام شنو انت مقتنع بالكلام ده - يا النور انت شفت النتائج من طرف الناس ما شفت و لا عرفت الاسباب - ولا شفت تاجوج واقفه علي اصبع رجلها الكبير وفارده يداها و راسها في وضع موازي للارض و شعرها قد غطي علي كعبيها و يتمايل جسدها و روحي علي انغام لم تصنع لغيرها - المحلق ده كلام شنو - لم تري تاجوج في دورانها و قد اسقطت جزء من ثيابها و تراقصت معها وحولها اضواء الشموع هالة تدمج الروح في الجسد و يوميا اجمر و اصقل بكمال الجمال اغار من ضؤء الشمع الخافت عندما ينعكس علي وجنتيها فيزداد الضؤء القا وبهاء اعرف من اليوم اليل و النهار كل الايام عندي مكرره توقفت عن الحساب انا عاشق كاهن في صومعة حاول النور أن ينقل الحديث الي اتجاه اخر - شنو ما قربتو تبقوا تلاته وانتفض المحلق كمن لسع ناهرا النور بثورة غضب لم يعهدها النور فيه من قبل كلمة واحده قالها المحلق حيوان واراد الخروج بسرعه و نواصل |
اقتباس:
اخونا فيصل سلام وموده بنحب من بلدنا و من بره البلد ليس للحب وطن عارف كم سودانيه اتزوجو بنغال الماب يجيب تارو .... شنو عاين وبعدين ناس المنافي و المهاجر والجنسية المزدوجه قدر الظروف |
(4)
عندما وصل المحلق الي الباب الخارجي رن جرس المحمول في جيبه .... اخرجه بسرعة ... و جلس القرفصاء متهلل الاسارير و عاد النضار و الحياة الي وجهه الكئيب .... وقف النور مراقبا يمني نفسه بإكمال الحوار مع المحلق بعد المحادثه التي جاءت في وقتها تماما انتبه النور الي أن المحلق يغني بصوت شجي الي الطرف الاخر ... حاول أن يلطقت بعض الابيات .. كانت المسافه مانعه .. وصوت المحلق هامسا ... ولكنه التقط بعض الابيات يا خداري النامي في الساب وسيدو عجمي سعايتو الكلاب و يا جني الوزين اب رقاب انت ليا الخاطر أن طاب .......................... ................................. ............................ المكوكب عودها ما نجرنو فارات و الموقه نهيده جبنه بلا وقايات يا خيل دنقلا للعرضه شارفات وينقلب الحظ ونلقي الجنيهات ومستجد النعمه دايما تلقا غلاط ....................................... ..................................... .......................................... بعد نهاية المحادثه عاد المحلق الي الداخل مستفسرا من النور كنا بنقول شنو ... ولكن النور ساله من وين المحادثه ... تأوه المحلق مجاولا .... واحده حزن قديم بتسال عن اخر التاجوجيات ... احتار النور و نظر مليا الي المحلق بدون كلام جلس المحلق وطلب الي النور الجلوس قائلا ... عشان تعرف قيمة تاجوج لازم تكون في مقارنات عارف دي قبل شوية انا بقوليها في الكلام وهي بتقولي يا سلام عارف نفس الكلمات دي لمن اقولها لي تاجوج بيحصل شنو .... طبعا ما حتعرف الفرق .. ايه رأيك تخش التمرين ده - كيف يعني - تمشي معاي البيت و بدون ما تشوفك تاجوج وبعدين شوف واحكم |
اقتباس:
احححح ..كدا ريحتني وضمنت لينا مستقبلنا ... الاستاذ عثمان شروطك دي مضروبة ولكن لو حاولت التعديل ممكنة شوف لينا طريقة كدا او كدا ..ولكم محبتي |
اقتباس:
ربنا يسعدك و يهنيك و يريح بالك ، قولي آمين .. |
اقتباس:
اوعك من الريآكشن يا ود العم :D:D |
اقتباس:
تكاد تكون الابنوسية طريقه صوفيه في العشق البشري |
اقتباس:
لكن دائما الرؤوساء يرو ما لا نري مع كامل التضامن والدعم |
اقتباس:
نعمات حمود سلام ممسرح عريض الشروط للاشتراك في الشله هو بالله لمن كان محي الدين صابر وزير تربية و تعليم انت كنت في السلك المدرسي؟ |
القصة عجبتنا وكدا :)
قصة المحلق وتاجوج في زمن العولمة وبما أنو زمن عولمة يعني منتظرين التكملة وخليك سريع شوية وما تشحتف روحنا كدا :D احنا من الذين قد يسهرون الليل لتكملة القصة يعني لما يقع في يدنا كتاب ما بنخليهو لحدي ما نكملو:p نهم قراءة وكدا |
سرّ التجار وصاحب الكُبار والسُّغار ودرغيم
سلام مربع يازول ياجميل تعرف ياعثمان... الليلة أول مرة اقراك كدة بي مزااااااج والله ياخي أنتا زول (عشرة من عشرة) :D وطبعا مازدناها لأنو (زمنكن القلتو دة كانت الدرجات مابتزيد عن العشرة) أو كما قالوا كُبارنا :rolleyes::D نقطة وسطر جديد شخصية المحلق وتاجوج دي ياعثمان ...أنا من كترت ماعاجباني لامن (حلفتا) أني أكتب فيها مالم يكتبه الأوائل (وقد شرعت في ذلك منذ زمن) :) وعشان كدة قلت ليك قريتك بي مزااااااج ياخي أشيد بي (النفس) الحلو ال(غير متكلّف بالجد)... وهاأنذا أتقدم بدعوة صااااادقة للأحباب أنو يقروا البوستر دة بمزاااااج يفوق مزاجي دة... نجي بقا لي موضوع ال(فططان) :confused: الموضوع دة طبعا ياهو الماشي في البلد دي اليومين ديل (والبلد البقصدا هي المنتدى دة ياجماعة عشان ماتفهمونا غلط ):mad: نحنا طبعا لا (نرقا) الى (درجة) التمتع بالعضوية الكريمة ...وذلك لأنتفاء عامل السن وما يلازمه من (مواهب) عمرية وكدة :p لذلك نتساءل ان كانت لديكم عضوية بدرجة مراقب زي بتاعت المرحوم ياسر عرفات ديك أم لا؟ والى حين تفضلكم بالأجابة الكريمة سنتهيأ للعودة ... أما (مشاركين) أو (شاكرين ومقدرين) والتحية ليك ولل(شلة) بدون فرز ;) :D |
(5) دخل المحلق الي البيت و احس أن تاجوج غير موجوده بالبهو الرئيس فخرج مسرعا لجلب النور . كانت تاجوج علي باب البهو والذي يحتضن سهرتهما يومياعندما رأت المحلق يسرع خارجا ... ادهشها السيجار في يده .. وهذه الهرولة الي الخارج و هو من يكره الابواب الرئيسية .... ارتابت من الوضع واخذت موقعا خلف باب الممر تري ما يحدث و لا تري ... دخل المحلق مسرعا و ممسكا بيد النور و ادخله خلف الستائر المخملية الكثيفه علي الجانب المقابل للمدخل الرئيسي الذي عاد اليه المحلق و اغلقه ... نادي المحلق علي تاجوج و التي لم تصدق اذنيها منذ زمن لم تسمع صوت المحلق ينادي كان دائما بجانبها يناجي وانتظرت أن تسمع النداء مرة أخري ... لماذا يختبي النور خلف الستائر ... ماذا يظن المحلق انه فاعل ...لم تستوعب الموقف و بدلا من تذهب الي المحلق ذهبت الي الجانب الاخر من الفيلا علها تمنح نفسها برهة من الوقت لتستوعب الموقف ..... عند سور الشرفة وجدت غرابا يصارع الموت علي سياجها .... وجمت ... تطيرت ... عاشت الهم و أن لم تفهمه ... ارتدت بسرعه كارهة للموقف .... في الممر وجدت المحلق يبحث عنها و هو يحمل اسطوانة مدمجه في يده ... اه يا حياتي هذه الساعات و كأنها سنين ... ماذا فعلت بدوني .... هذه مقطوعة الدانوب الازرق لاشتراوس اخترتها هذه الليلة لنا ... لم تفهم تاجوج ... أو قل انها فهمت لكنها استبعدت .. طلبت من المحلق بضع ثواني لتلبس ثوبا يتماشي مع فالس يوهان اشتراوس .... و كالعادة وقف المحلق عند باب غرفة الملابس ... ولكن تاجوج استغربت انه لم يطلب منها أن لا تغلق الباب لانه دائما يقول لها أن فكرة تاجوج بينه وبيها باب مغلق تصرعه ... تلاطمت داخلها الافكار ... لماذا يتماوت طائر الشؤم علي شرفتها ... النور صديق المحلق الوفي لماذا يختبي خلف ستائر صالتهم الخاصه .. اه يا ربي ..... خرجت تاجوج في غلالة حرير سوداء اللون شفافه عارية الاكتاف ... وصاح المحلق ..... وبهت الذي كفر .... وتقدمها مسرعا نحو البهو ...... |
اقتباس:
يا بن عمي انت عارف فلسفة التار انك تأخذ التار وتنجو بنفسك عشان الدوره تستمر |
اقتباس:
|
اقتباس:
تحفة حوا سلام و موده شكرا علي الدعم بس المشكلة في نهاية الاسبوع بحاول اخد اجازه من الاكترونيات لكن ليك علي قبل نهاية الاسبوع القادم تتم قولي معانا يا معين |
| الساعة الآن 02:14 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.