لوكي القرضة وأمسكي في ...
[align=center][flash=http://www.youtube.com/v/8wsmovp6mMo&hl=en_US&fs=1&" type="]WIDTH=400 HEIGHT=350[/flash][/align]
|
[align=center]كدي يا بنات ويا نسوان
اسمعن الغنية دي بتفحص وتمحص وادنني رايكن ضروري الرجال يمتنعون:eek: [/align] |
اقتباس:
مشتاقين يا همسه .. كل سنة وأنتى طيبة |
اقتباس:
بالله جعري وكسير تلج لين هناااااااااااك.. طبعن المقصودين بالفقرة الأخيرة، ديل ناس إتو البتنطوو من فوق الدرابزين،، الممنوعيين لستتهم، توحة، الزين (المدعو أبو أماني) كيشو، وليدي عبد العزيز وود الخال ود فرح.. أنا دآك؟؟ مع ناس عسومي وعكود، مش برضو أول إسمي "عين":o |
اقتباس:
دي اسمها حندكة و تحفيز سلبي .. تحايا يا همس و بداية قوية، و ايدك ملانة تب .. نسمع تاني .. و نجي ولا ما نجي !! |
اقتباس:
|
اقتباس:
دى بتقول ليها راجل السترة ما تفكيه لوكى القرضة وأمسكى فيه وبيت حلالك ما تخليه دى زى قولة بنات بمبة (ضل راجل ولا ضل حيطة) :D:D شوف اللماضة .. خاتين نحن الفكينا بورتن .. المشتهى الحينطير يطير :mad: قال يمتنع الرجال قال |
اقتباس:
وكل سنه وانت تنعم بالصحة والعافية وموسوع الرزق تعرف يا رأفت انا المحيرني في الغنية دي لوك القرض دا !!![/align] |
اقتباس:
يا جماعة ما تفهموني غلط الاغنية فيها على حسب فهمي إرغام للمراة على تحمل الرجل لدرجة أنها تلوك القرضة احسن ليها من ان تفك بيت حلالها دا الواجعني |
اقتباس:
لا انا ما كنت عايزه اسألم بوصفهم من سبقونا في هذا المجال هل صحي نلوك القرضه ؟؟؟[/align] |
اقتباس:
يا أخوي ما سمعته بي بنات بمبه لمن قالوا دهب في خزانه ولا جوازه وسخانه اها جنس البلوكني القرضه دا بعتبره جوازه وسخانه :mad: كركدي وما عرفته ليه:D[/align] |
اقتباس:
تلوكوا سوا سوا :D:D يعني كل زول يستحمل زولته، و كل زولة تستحمل زولها، و هنا سر السعادة و البقاء .. |
اقتباس:
فتح الله عليك يا فيصل الحياة الزوجية مشاركة في كل شي ليس فرضا على المراة دون الرجل الصبر وتحمل المصائب ولواكة القرضة هذا ما عنيته [/align] |
الخوف الواحد نايم يبلع القرضة
ودقي يا مزيكة |
همس الشوق
كل سنة وانت طيبة.. مالك واجعة قلبك..أغنية جميلة والله..ما فيها إرغام ولا شي..دي وصية كويسة جداًً..ولاحظي انها قالت هو راجل (ستره) يعني زول كويس..والحياة الزوجية فيها ما فيها..هو بيفوت ليك وانت برضو فوتي ليه حتى لو بقت ليك زي (لواكة القرضة)..وعلى قول حبوبتي الله يرحمها الما ببلع ريق على ريق ما بمسك رفيق.. والأنفة الزايده والندية والعتاب واللوم بين الأزواج ما كويس لأنو كرامتك من كرامتو وانتو واحد -في حال هو راجل سترة وكده-:D خلي الازواج..في البيت الأخوان بيفوتوا لبعض وحتى لو اتخاصموا بيرجعوا..صح.. وانشا الله ما تحتاجي تلوكي اي شي looool |
اقتباس:
طرف يدفع و يدفع والطرف التاني؟؟ يستهلك و يبذر ميز ثقيييييييييييييييييييييييييييييييييل[/align] |
قال قرضه قال ...:cool:يا همس يا ناعمه بيني وبينك ما بنلوكهم نحن القرضه ونقعد نتفرج ...
والله يستر زي ما قال نزار الواحد لو نايم وبلع القرضه يحصل شنو.....:D الحياه الزوجيه تنازلات ...لكن ما وصلت درجة لوك القرض ...يا ساترlooool |
اقتباس:
تحياتي وكل عام وأنت بخير بتحصل بس أوعى تنوم أعمل حسابك [/align] |
اقتباس:
انا في إعتقادي ان لوك القرض هو أقسى درجات الصبر ... والصبر المتعب كمان يعني اقسى من استحملي .. مشي ........ أهي دي الحياة ... هل لك ان ذقتي طعم القرض الله لا وراك :D[/align] |
اقتباس:
حرام عليك يا مخير يكفي المراة انها بتحمل الطفل تسعة شهور في بطنها بعدها بتجي الآم المخاض بعدها بجي التربية .. الرضاعة نص الليل والناس نيام السهر على راحة الطفل الذي يحمل اسم ابيه ... دي برااااااااااها أحسبها لي هسع الميزو ثقيل منو؟؟؟؟:eek:[/align] |
اقتباس:
مش كدا بالله دا ما مربط الفرس ومضمون البوست انه الحياة الزوجية لمن يبقى فيها لواكة قرض الله المعين [/align] |
همس الشوق صباح الخير
الزوجة البتلوك القرضة وتمسك فيهو لو ما انقرضت في الطريق الي الانقراض لانو راجل السترة البيلوكو ليهو القرضة هو زاتو ماشى للانقراض يعني حايلحقو الدينصورات وكدا زمان دي كانت وصية كل ام لي بنتها لانو الشينة كانت ماموجودة والزوج كان بيلوك القرضة هو الاول علي الحياة ومشاكلا حتي بعد داك هي تلوك المابيقدر عليه هو والسترة هي البتجيب المودة والرحمة لما كل واحد منهم يكون همو انو يستر حال التانى قدام الدنيا كلها بالفي والمافي بعد داك افتكر انو القرض ما حيكون مُر شديد كدا لكن الصبر في الحياة مع شريك لايستحق مافي اي داعي ليه ولا في لزوم للقرض |
اقتباس:
لواكة القرض ليست أقصى درجات الصبر والصبر ذاتو خشم بيوت..لكن الانسان بطبعو بهوّل وكان شاف غيرو أكيد بتهون!! والحياة فيها ما فيها زي ما قلت ليك..لكن نحن (النسوان) والحق يقال مع أول هفوة أو زلة أو حتى غلط بننسى كل الحاجات السمحة ونقيف على الواحده..وأحسن نعترف..وكمان الرجال زاتهم بيصبروا على حاجات كتيرة..يعني ما برانا!!والله ما تجيز مني للرجال لكني كنت ممن يرفعون شعارات المرأة ونديتها مع الرجال لكني بعد الزواج ومعتركه والتبصر والتروي ورؤية الأمور بمنظار محايد(خلي بالك من محايد دي) لقيت المشكلة اننا بنفكر بطريقة والرجال بفكروا بطريقة تانية وده سبب المشكلة والحل أنو الناس تحاول تصل لنقطة وسط ودي ما بتجي إلا بالتنازل من الطرفين ومحو فكرة الندية والاقتناع انو لكل منا دوره في الحياه ولازم تدي زي ما بتاخد!!بس!! بريتك موش؟؟:D ويا ختي لواكة القرض دبغت لساني(القرض الصحي صحي) بنفع في النزلات والالتهابات ووجع الحلق والجروح وفوايدو كتيرة..مغلي أو مطحون أو حتى لواكة:D:D *أرجعي لبوست باسمي (الزواج قبله وبعده)حتلقي مداخلات كتيرة تنفعك في نفس الموضوع.. مودتي الخالصة يا حبيبة |
اقتباس:
و على متنها كافة اسلحة الدمار و متأبطة شرا و كدا :D:D |
انا مستغربة جدا راجل بالموصفات المذكورة فى الاغنية دى
يقولوا لوكى القرض:confused::confused: هو لو فى راجل كدا صدقونى الموضوع ما بيحتاج قرض بس المشكلة مافى القرض المشكلة فى البلوكو ليهو القرضgooodgooodgoood |
بالله عليك اللما همس الشوق مع لواكة القرض شنو
لو ما بتحبي اللخبطه,كل سنه طيبه شوفي في رجال تلوكي عشانهم الحنظل موش القرض و في صنف تاني لو شربتي برميل عسل ما تقدري تعيشي معاهو الرجال يختلفوا باختلاف بيئتهم و تربيتهم و موروثاتهم و الحياه عامه خليها الحياة بين اتنين لابد فيها من التنازل و التضحيه عشان نقدر نعيشها و نستمتع بيها بس في خطوط حمراء اذا وصلتيها او اتعديتيها لاتلوكي قرض ولا يحزنون كل زول من سكه و كفى الله المؤمنين شر القتال عمو مخير كيف يابا كل سنه و انت طيب الميز ياتو التقيل looool |
]
اقتباس:
تحليل جميل وقدر ما هو معنون لينا (إحنا المساكين ديل) فهو أيضا يشير الي الطرف الأخر (إتو الطيبات:( ديكآ).. والقصد يبين في الخطوط، لمن إتي بتقولي حمراء، إحنا بنقول بمبآ،، شفتي كييييييف.. تعرفي يما لو كدآ بصيتي وشوفتي،، كم من الرجال يقول لمحبويته "بحبِّك" تلقيهم كتييييييييييييييييير وفي نفس الوكت إتصوري (يعني إفتراضن لما هو غير حادث او معقول) كم من النساء قالت لمحبوبها "بحبَّك" تلقيهن قلييييييييييييييييل لو دآ أصله في.. أمشي قول ليا التربية والذي منهو،، التربية لا تمنع أبدآ الإحساس لمن هو قريب منك.. غايتهو همسة فتحت ليها موضوع فيهو لمسة "ذي الضربة في النافوخ" تجيب الدمعة وبرضو فيهو غمزة "ذي الصفعة متبادلة" تجيب الوجعة.. وجهة نظر:o اقتباس:
ما قلنا الميز الغير متكافئ بتاع ناس؟؟؟ عايزة توب ذي فلانة وسلسل دهب يجرجر ذي فرتكانة وعايزة؟؟ تكون عندي شغالة شينة متنانة وعايزة وعايزة أسكن جم ناس أمي تتفاخر بيا عن جيرانها وخاتم فص لوليهو قدر البرتكانة ودآكآ سيد الميز فلقة تفلقو، لا لزقة ولا علاج في الإجزخانة |
اقتباس:
ايوه كلامك درر يا سمورية بس الزمن إتغير وحتى نوعيه المشاكل اصبحت جديده على المجتمع وبدون زعل حتى راجل الستره اصبح قليل اذا ما كان معدوم وحالات الطلاق الاصبحت رقم مخيف تدل على انه ليس هنالك رجل ستره ولا إمراة مستعده للواكة القرض ..... [/align] |
اقتباس:
أولاً ...لا بريتيني لا شي بالعكس كلامك في محلو بس ما كلو بس حكايه انه اللوكه ما اقصى درجات الصبر دي خوفتني يعني في اقسى من كدا؟؟؟؟؟ المشكلة يا مي أنه نحن شعب اساسا ما عارفين عايزين شنو !! يعني تفكير الرجل هو غير تفكير المراة في حته الزواج والمشاركه وكيفية سير الحياة في ظل الظروف المتقلبه ..... مشكلتنا في السودان الكبرياء وعدم التنازل في كتير من المواقف التي تحتاج منا لشوية تنازل حتى تسير المركب بأمان.. الرجل تأبى رجولته ان يتنازل في بعض المواقف ظناً منه ان في ذلك مزلة للرجل والمرأة تخاف على كرامتها من الرجل حتى لا يزلها بعد ذلك وهي افكار خاطئة لا مجال للنقاش في ذلك تحياتي ياراقية وخليك قريبه [/align] |
اقتباس:
فيصل يا إبن عمي ازيك وكل سنه وانت بالف عافيه خليك قريب ما بتجيك الحبه :D[/align] |
اقتباس:
دا الكلام المشكلة هل هنالك رجل يستحق ان يُلاك له القرض؟؟؟؟؟؟؟ وهل هنالك رجل يمكن ان يلوك هو القرض حتى يستر اسرته ؟؟؟؟ أم ماذا؟؟؟[/align][/align] |
اقتباس:
نبراس كل سنه وانتي طيبه تقولي شنو ناس بتحب اللخبطه كلامك دا بيقودني الى سؤال هل الزواج من شخص مختلف تماما في الموروث الثقافي ومنطق فهمه للحياة....فيه لواكة قرض ؟؟؟؟؟ يا نبراس في اكثر من انه الوك القرضة يا اختي دي ما فاتت الخطوط الحمراء بعيد برررري :D[/align] |
الموضوع إياه .. جدل لا ينتهي وحوار متجدد ومتشعب ..
ظني ان الخلاصة ذكرتها العزيزة مي هاشم عندما قالت أن طريقة تفكير الرجال والنساء تختلف .. لذا ينظر كلٌ منهما الي مختلف الامور وفق رؤية مختلفة ..وهنا يأتي التعارض في بعض الأحيان ... ويبرز السؤال الأكبر حول كيفية التعاطي مع هذا الخلاف في وجهات النظر .. ترفض النساء التسليم بأفضلية الرجل في حال تضاربت الآراء واستعصي الوصول لمنطقة وسطى بدعوى أن ذاك يعتبر تسلط ذكوري غير مبرر وإستعلاء يجب مناهضته .. ويرفض الرجال الإنقياد لرأي المرأة بدعوى أن ذاك يعتبر مساس بحقوق قيادة الأسرة المسلم بها للرجل ... ويظل السؤال بلا إجابة قاطعة كما كثير من وقائع الحياة .. |
اقتباس:
[align=right]وهنا تكمن المعضله شأنها شأن البيضة والحجر او أيهما خلق اول الدجاجه أم البيضة والساقية تدور في رحى الكبرياء والتعنت وعدم الانصياع الى الجنس البشري الذي خلقه الله بكل محسناته وأدواره في الحياة تبقى المشكلة كاملة وكامنه فينا ولا يغير قوم حتى يغيروا ما بأنفسهم كيف للمرأة ان ترتضي التنازل وكيف للرجل ان يتقاضى عن عنجهيته ؟؟؟؟[/align] |
همس ازيك
اقتباس:
غايتو ناس الدنيا ديل عجيبين جنس عجب يعني اسي يا فيصل انا حالتي جبت الكلام دا من الدرج البمبي يعني كان مشيت الدرج الاحمر ولا درج الكلكي اللابس ملكي كان قلتا علي جارة الشر من اضانو عديل بس مامشكلة عشان انا طيبة خالس :o:o الله يسامحك :o:o |
اقتباس:
و يعفى عننا و يرضى علينا .. بس ما تبالغي يا بنت العم و تحنبكي من اخوانك و مناوشاتنا الحميمة و كدا :D:D يديك العافية .. |
اقتباس:
يا حبيبة المشكلة ما مشكلة شعبنا..لأنه موضوع عام..والمرأة والرجل -خلقة الله- بيختلفوا في تركيبتهم النفسية والفكرية..يعني شي طبيعي الاختلاف!! أما طريقة التعاطي مع الاختلاف هي مربط الفرس.. وفكرة الكرامة والتنازل هي المشكلة الحقيقية..(أرجعي لبوست الزواج قبله وبعده بتاعي بتلقي نقة كويسة في الموضوع):D من عادات بعض القبائل في السودان وضع بعض الملح والشطة والسكر في خشم العروس تمثيلاً لما سيواجهها في الحياة.. بجيك تاني.. |
اقتباس:
أنا من زمان أقول المنبر دا مافيهو جندريات ليه ؟ اديهم يا همس الشوق وافضحي كل ذكورية كامنة و مستترة :D و المتعاطفات مع الذكورية من جنس النساء gooodgoood و آن لحاتم أن يمد رجليه و يرتاح |
اقتباس:
وينك مختفي يا راجل الله يخليك انت للعجاجات,حبوب الفتنه دي بتجيبا من وين gooodgoood لكن بالله عليك يا حاتم موش مجتمعاتنا العربيه عامه مجتمعات ذكوريه بحته |
اقتباس:
انتي دايرة تبقي بتاعة مشاكل ولا شنو..:eek: أكتبي لهمس المفيد في موضوعها وخلي المشاكل وتحميش النيران(حاتم أداك حبة ولا شنو)goood |
| الساعة الآن 04:28 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.