يارأفت هل هناك مجلس ظل في سودانيات؟؟؟؟؟؟
ما حدث فجر اليوم شيئ غريب لا أجد له تفسيرا..
حيث قام الزميل فيصل سعد بابلاغنا بتجميد بوست المك نمر وسودانيات والصمت الرهيب وهذا قرار جيد وان تأخر كالعادة ولا اعتراض عليه.. ولكن ما يثير الدهشة هو ان من أعلن القرار هو الزميل فيصل سعد الذي أعطي نفسه صفة المشرف العام ونحن نعلم جيدا ان المشرف العام هي الزميلة سمراء.. السؤال هنا من هو المشرف العام وبأي صفة قام الزميل فيصل بابلاغنا بقرار التجميد وهل هناك كادر سري في سودانيات لا نعلمه..ولماذا اختار اقتباس من كل نبع قطرة وكأنه يقول لهذه الأسباب تم تجميد البوست..ومن قرر تجميد البوست فان كان المشرف العام قد قرر التجميد فلماذا لم يتم اعلامنا من المشرف العام مباشرة دون اللجوء للاستعانة بمن ليس له صفة رسمية لاعلان القرار الذي أشك في انه قد تم بطلب من عضو معين أعلمه جيدا وهذا العضو ليس له علاقة بالمجلس..ياجماعة لسنا بهذه السذاجة فالأمين العام لم ينقطع عن المداخلات ومعه موبايل ويمكنه ابلاغنا بالقرار شخصيا فالصباح رباح ولكن ما تم يذكرنا بالانقلابات العسكرية التي تتم في جنح الظلام.. أرجو أن يتم توضيح ما حدث ففيه سابقة خطيرة لا أجد لها تفسيرا.. |
إزيك يا خواجة
أولا بوستك ده مخالف لأن الأسئلة للإدارة يجب أن توجه برسائل داخلية أو ايميل. ثانيا فيصل سعد أيضا مشرف عام ومشرف منتدي الحوار . ثالثا في غياب الأمين العام وعدم وجود نائب أمين عام يقوم المشرفون بمهام الأمين العام بإجراء مؤقت يتم الفصل النهائي فيه بعد عودة الأخير. أخيرا لا تضع يأخي افتراضات وظنون أن الإجراء تم بإعاز من فلان الذي ليس له علاقة بالمجلس. فيصل سعد ليس جديدا علي الاشراف ويعلم ما يفعل بل هو أقدم أعضاء الإدارة الموجودين حاليا وأكثرهم خبرة . بعدين رأفت دخلو شنو زرعتو في العنوان وبتسأل فيه ؟ ساعدوهم يا أخي فهم متبرعون ولا يتلقون مرتب بدلا عن تكسير مجاديفهم . |
اقتباس:
إشتكــى ليــه الفيفــا :D انت والعجوز بتاعــك دا .. ___________________ تمام يا ناس النظام العام .. |
اقتباس:
اوكى مهام المشرفين واضحه حسب اللائحه وفيصل سعد زى سمراء مشرفة منتدى النوافذ و ليس الحوار و حسب التعديل الجديد الصوت له العضويه اوردت صلاحيه للمشرف فيصل سعد و عمله ان يغلق البوست مارس هنا صلاحيته الى حين البت فى الامر ده لو عم فتحى فايته عليهو الحته دى لانو خلط فى مهام المشرفه سمراء لكن خلينى اتسال هنا فى البانر كان يوجد تثبيت لبوست الرشيد مأساة رجل فوجئت برضو نزل بدله صورة فى حين انو ما تجديد للبانر نزل الموضوع ليه تساؤل ... صلاحية رفع البانر عند منو؟ و الكاتيريا او الشروط شنو لرفع البانر و انزاله رجاء التوضيح كامل الود |
[motr1]والنقة بدت[/motr1]
|
اقتباس:
البوست شرعى 100% لأنو موجه لى رأفت ما للإدارة .. عرفت رأفت دخلو شنو :p رغم أنى ضد التجميد .. وحرية الطرح الكاااااملة .. كان الأجدر بالإدارة حذف الخارج من الكلام المعنى فقط .. (رغم أن الأقتباس مافيه شيئ خارج) .. لأن حذف البوست أو تجميده سفه لكل المتداخلين بالموافقة والإعتراض .. يعنى مصادرة للرأى والرأى الآخر .. رغم ده كله يا فتحى .. الإدارة ليها منتدى وبتناقش فيه .. ولا يهم من الذى يصدر البيان .. وأعتقد فى الوكت الحالى سمراء بعد أزمة طارق من الحكمة القرار يصدرو زول تانى :o عموماً شكراً يا فتحى بتنصيبى المناكف رقم واحد :p .. غايتو بنستنى النور يرجعو لينا .. وبعدين يا خالد أنت دخلك شنو مشوبر فى رقبة كل زول .. وبعدين بصراحة محتاجين نائب أمين عام .. وكلنا عارفين شليل ما بمسك تانى .. وسمعنا تحت تحت أنو أستقال .. ولا نقبل أن يتم المنصب بالتعيين ولا الإحتيال بخلق مناصب جانبية تنوب عنه :mad: .. منصب نائب الأمين يتم بـ (الإنتخاب) .. فتحى أعلن تملصه ولا يوجد غيره .. أرجو فتح باب الترشيح لإختيار نائب للأمين العام .. وخالد ليس له حق الترشيح .. بل النور .. عشان أوريك رأفت دخلو شنو :mad: |
اقتباس:
غايتو تعبت تعب عشان أفهم سؤالك ده ... يمكن الكبر حصل .. الجزء الأول أظنك أمنت فيه علي تعليقي علي الخواجة . الجزء الثاني الخاص بالبانر : (1) رفع الموضوعات في بانر مسؤليتي (المشرف الفني)- حسب اللوائح . (2) تقييم الموضوع "ويترك التقدير في ذلك للمشرف الفني وفقا لما يرد فى لائحة الموجهات العامة الخاصة بذلك " - اللوائح . (3) لم يحدث أن رفعت صورة مكان بوست الرشيد بل تم "تجديد" للموضوعات المرفوعة . (4) التقييم حسب نصوص اللائحة " يجب أن تكون كافة المواضيع المراد رفعها بصدر الصفحة الأولى ذات قيمة أدبية أو فنية متميزة أو تتسم بصبغة النداءات الإنسانية أو المتعلقة بالنشاط العام للجاليات السودانية بالمهجر." . (5) بوست الرشيد نفسه رفع بعد تقييمي لجودته وأحقيته في أن يكون بانر ولم يرفع بتوجيه من شخص أو بأمر إداري . ود كامل الدسم |
اقتباس:
أولا أفتكر انت اكتسبت خبرة كويسة من المحاكم وبقيت بتعرف كيف تنفخ في الزبادي. أنا ياخوي زيك قمت جبت لي مراقة عشان ما أقع في المحظور وتجو تقولو لي خالفت اللائحة. ياخ أنا خاطبت رأفت لسببين ودي برضو خباثة مني .أولا مخاطبة رأفت بتشيل مني تهمة مخاطبة الادارة علي العام ودي أفتكر واضحة وأتحدي أي زول يجيب لي جملة واحدة بخاطب فيها الادارة أللهم الا اذا الادارة بقت الجماعة البخاطبم.. ثانيا كنت عايز بدل رأفت أخاطب بابكر عباس قلت مافي داعي اتسبب ليهو في أذية عشان ممكن يقوم بي لياقتو يتهور وتحصل ليهو نكبة بي سببي.. فكرت ووصلت انو أحسن حاجة أخاطب الزول القاعد هنا للربا والتلاف وما لقيت أحسن من رأفت..عموما في كل الأحوال أنا ما خاطبت الادارة..اتهامك دا فشنك:D:D طيب ليه من ما فيصل اعتذر ما حصل جات سيرة انو لسة موجود لدرجة انو في جماعة اتعاملو في الموضوع من منطلق: أذكروا محاسن موتاكم..ولو هو مشرف الحوار ليه مخلي سمراء ناطة في حلوق الناس..أها بالمناسبة سمراء دي انتو جنيتو عليها ..اتسببتو ليها في عداوات مع الناس بعد ما كانت الشخصية المحبوبة رقم واحد..سوري رقم اتنين عشان أنا رقم واحدgoood:Dعشان كدا أنا ولا بي مال الدنيا كلو ما بقبل أكون عندي أي صلة بالمجلس من قريب أو بعيد وفي منتديين تانيين رفضت أي عضوية في المجلس عشان أكون فري. وانت بالذات ياخالد مفروض تكون فاهمني قاصد شنو..بعد حرية التعبير اللقيناها واحنا برة التنظيم يازميل.. نقطة أخيرة عشان ما تقول لايوق وبحب المشاكل.. ياخالد انا ما بتهم من طرف وحتة انو زول من برة المجلس هو الأوعز لي فيصل يجمد البوست ما تخمين عشان الموضوع بتاع التجميد دا جاني من خلال اتصال قبل ما ينزل قرار التجميد بي عشرة دقايق وما أفتكر انو البلغني دا نبي الله الخضر ولا أنا زارع لي زول وسطكم..دي حاجة والحاجة الأضرط(دي فوتا لي) انو الاقتباس الاتخت ما ليهو أي معني غير انو حيعمل مشكلة وحنخسر عضو ليهو هنا سنين من قبل فض الائتلاف.ودا برضو ما افتراض وحتشوف...مادام في قرار بتجميد البوست يبقي مافي لزوم لاذاعة حيثيات الأسباب الاتجمد بيها البوست عشان دي مواضيع داخلية..ولا انتو قررتو تعملو محاكمة علنية؟؟؟؟؟؟؟؟؟؟؟ يازول أنا قلت العندي وانت قلت العندك وسببك شرعي وواضح وأنا بحترمو وبرجعنا تاني لي كلام رأفت الزمان.وأقعدو بي عافية.. |
سلامات يا خواجة
تعرف معزتك يا زول والحكاية ما استقصاد حتى لا تظن بأخيك الظنون . لكن الجماعة شايلن شيلة تقيلة في غياب العمد "النور وعكود" وما تدخلي "الحشري" إلا لتخفيف الحمل عليهم وأنا كان لي "جضما معود علي الكفيت" وبراك شفت مداخلة منال ;) نجي للمهم . فيصل كان في أجازة تقريبا شهر وأعلنتها أنا مرتين . لم يكن هناك من الطاقم الإداري إلا سمراء . وقد قامت بواجبها تماما مشكورة . أخيرا مسألة تثريب المعلومة وما سيحدث من تجميد "وجعتني" دي ظاهرة جديدة وجب حسمها وسأرفع الأمر للمجلسين . سلام يا صاحب وبطل استهبال مستقبلا... ولا حا أعاملك بالمثل أنزل بوست يكون المضمون هكذا : يا رأفت الخواجة ده لايوق .. ويا رأفت الخواجة ما عندو موضوع ، ويا رأفت الخواجة متلقي حجج وخاتي بنبرو ومتصدر لأي بوست بتاع شكلة ;) ولما تسألني أقول ليك أنا موجه كلامي لي رأفت إنت الحشرك شنو ؟ واخد بال حضرتك :D |
اقتباس:
هسة عليك الله منو فينا اليبطل الحركات أنا ولا انت:confused: الكلام الداير تفتح بيهو بوست قلتو كلو هنا وباين عليك اتعلمت من دروس الحياة ..لكن يشهد الله أنا ما قاصدك انت اطلاقا وعاذرك وبزعل من الهجوم البتتعرض ليهو بدون مبرر لكن أسوي شنو وأنا ما قدامي حيطة قصيرة غيرك..ياخوي دا قدرك ولازم ترضي بيهو.. لك مني مليون تحية ومنال ياخ المعزة الجواها وأنا عارفا وسمعتها منها وشفتها بي عيني مفروض تخليك ما تسيئ الظن بيها ياصاحب.. |
السلام و التحايا للجميع،، اود التأكيد على ما يلي : 1. مشرف منتدى الحوار لا تحركه و لا ينقاد من ايادي خارج المجلس و الجسم الاداري .. 2. مشرف منتدى الحوار لا ينفذ بدون تعليمات الامين العام لسودانيات، و يحترم جميع مرئياته و اسلوب و منهج ادارته لهذا المنتدى .. 3. مشرف منتدى الحوار يعمل دون كلل او ملل في جمع وحدة الصف و التعاون المثمر، و يدفع في اتجاه تدعيم حسن الظن و النوايا و ان اختلفت الآراء و تباينت و تقاطعت .. 4. في موضوع هذا البوست و الاجراءات التي تمت في بوست المك نمر وسودانيات والصمت الرهيب تصرف فيصل سعد بصفته الرسمية كمشرف على منتدى الحوار و لم ينوب عن احد اعضاء الادارة، حسب البوست المعلن بواسطة الامين العام لسودانيات بتااريخ 1/5/2010 هنا : http://sudanorg.tk/vb/showthread.php...t=%DD%ED%D5%E1 و لم يتطفل، و يتدخل فيما لا يعنيه، و ليس هناك ظل و ظلال و تظليل و استظلال في هذا العمل الاداري و ليس هناك انقلاب و جنح في الظلام، عملنا واضح كالشمس و جليا كالنهار، و ارضاء جميع الناس غاية مستحيلة الادراك، و لكننا نعشم في حسن ظنكم.. و للجميع وافر الود و عميق المحبة .. |
اقتباس:
|
اقتباس:
واخد بال حضرتى .. برضو شرعى 100% |
اقتباس:
الاعزاء جدا فيصل ورافت من امبارح عاوز اكتب المداخلة دى وكل ما امشى اجيب الاقتباس من البوست المشكلة اجى القا نفسى خشيت بوست تانى اقراء ويروح الاقتباس اها .... النكتب ليكم كلامى هنا وبعد داك اجيب الاقتباس الدائره ويا فيصل تحديدا اىا جراء تقوم بيهو والله ما عندى اى اعتراض وعلى عينى وراسى من فوق بس ملاحظتى لمن يصدر قرار ادارى باغلاق البوست وسرد حيثيات اغلاق البوست المعنى ليه جلبت اقتباس من مداخلة لى وللنقر ؟ ؟ وبرضو قمت ربطتهم مع بعض من غير فاصل بين مداخلتى ومداخلاته ؟ ؟ دا مش بيوحى م باشياء محددة لدى المطلع على البوست او القارى . فى امر لم يتم البت فيه اتاكد ثماما يا فيصل من توفر حسن النية لديك تخريمة : يارافت ياخى مافى طريقة يكون فى مشرفين واداريين من برة البورد نهائى عشان ما نناكف اصحابنا وحبايبنا ديل :D :D :D اقتباس:
دا الكوت بالاحمر دا كلام النقر وبالازرق كلامى |
اقتباس:
أقترحت يتم تعيين ناس متباينين من داخل المنتدى وخارج الإدارة .. وموضوع الخلاف (زى البوست المعنى) .. يتم التصويت عليه داخل منتدى مغلق .. (حزف .. تعديل .. لاحرج) .. تعلن نتيجة التصويت مع القرار .. يضيع دم البوست وسط القبائل .. هسة فيصل سعد ما فضل ليه إلا يكتب فى النهاية (صدر تحت توقيعى أنا فيصل سعد) .. ياخ بصراحة زى ما قال فتحى شغل (الضل) ده بقى ما برضى الزول .. يعنى زميلك يتعاقب بليل .. وأنت ترد وتكتب وتتقاوح .. لامن يتبرع فتحى ويقول ليك أم التيمان موقوفة .. القصة بقت قصة تانية .. وبعدين كلامى ده لامن أرسلو للإدارة .. يا تتخطاهو ولا تبيع لى بكلام ساكت .. يبقى فكرة فايدة قرار المجموعة شنو .. غايتو قبال ما أسرح .. يا ريت يتبرع زول يشرح لى نوع الديقراطية دى |
260658]يا طارق والله أقترحت أقتراح زى ده زماااان .. وأتسفه زى أخواتو .. الناس ديل أنا ما مستقصدم والله .. أنا بعوارة حلمت معاهم بديمقرطاية حقيقية .. لكن ما لا يدع مجالاً للشك نحن تربية إنقلابات .. والردع صفة أولى الأمر ..
أقترحت يتم تعيين ناس متباينين من داخل المنتدى وخارج الإدارة .. وموضوع الخلاف (زى البوست المعنى) .. يتم التصويت عليه داخل منتدى مغلق .. (حزف .. تعديل .. لاحرج) .. تعلن نتيجة التصويت مع القرار .. يضيع دم البوست وسط القبائل .. هسة فيصل سعد ما فضل ليه إلا يكتب فى النهاية (صدر تحت توقيعى أنا فيصل سعد) .. ياخ بصراحة زى ما قال فتحى شغل (الضل) ده بقى ما برضى الزول .. يعنى زميلك يتعاقب بليل .. وأنت ترد وتكتب وتتقاوح .. لامن يتبرع فتحى ويقول ليك أم التيمان موقوفة .. القصة بقت قصة تانية .. وبعدين كلامى ده لامن أرسلو للإدارة .. يا تتخطاهو ولا تبيع لى بكلام ساكت .. يبقى فكرة فايدة قرار المجموعة شنو .. غايتو قبال ما أسرح .. يا ريت يتبرع زول يشرح لى نوع الديقراطية دى [/QUOTE] تعرف يارأفت أكتر حاجة بتضايقني اني أضطر أدخل في مناكفات مع صديق بعزو وفي نفس الوقت ما بقدر أسكت ودا بزعل ناس كتير علي رأسهم خالد الحاج:D شوف مثلا فيصل دا قال انو مافي قرار بيصدر الا بايعاز من الأمين العام: وبعد. مشرف منتدى الحوار لا ينفذ بدون تعليمات الامين العام لسودانيات، و يحترم جميع مرئياته و اسلوب و منهج ادارته لهذا المنتدى .. وبعدين جا قال: في موضوع هذا البوست و الاجراءات التي تمت في بوست المك نمر وسودانيات والصمت الرهيب تصرف فيصل سعد بصفته الرسمية كمشرف على منتدى الحوار و لم ينوب عن احد اعضاء الادارة، حسب البوست المعلن بواسطة الامين العام لسودانيات بتااريخ 1/5/2010 هنا : بصراحة دا كلام متناقض وبيثبت انو اتصرف من نفسو بدون استشارة أحد ودي حاجة ما مفهومة..وأنا ما عارف ليه ما انتظر لغاية الصباح وبلغ الأمين العام أو أي جهة ادارية أو خالد الحاج. أنا شخصيا ما شايف في سبب واحد يخليني أغير موقفي وما مقتنع بي موضوع الانشاء الكتبو فيصل دا وعارفو حيزعل مني لكن أنا تركيبتي كدا ما بجامل زول علي حساب ما أراه حق مشروع لي في ابداء الرأي واحترام الرأي الآخر.. حاشية: تخيل يارأفت لما عشماوي البشنق الناس يجي يعزل ليهو مسجون قاتل من السجن ويسوقو يشنقو ولما يسألوهو ليه عملت كدا يقول أنا اتصرفت حسب السلطة المدياني ليها الحكومة.. |
اقتباس:
تعرف يارأفت أكتر حاجة بتضايقني اني أضطر أدخل في مناكفات مع صديق بعزو وفي نفس الوقت ما بقدر أسكت ودا بزعل ناس كتير علي رأسهم خالد الحاج:D شوف مثلا فيصل دا قال انو مافي قرار بيصدر الا بايعاز من الأمين العام: وبعد. مشرف منتدى الحوار لا ينفذ بدون تعليمات الامين العام لسودانيات، و يحترم جميع مرئياته و اسلوب و منهج ادارته لهذا المنتدى .. وبعدين جا قال: في موضوع هذا البوست و الاجراءات التي تمت في بوست المك نمر وسودانيات والصمت الرهيب تصرف فيصل سعد بصفته الرسمية كمشرف على منتدى الحوار و لم ينوب عن احد اعضاء الادارة، حسب البوست المعلن بواسطة الامين العام لسودانيات بتااريخ 1/5/2010 هنا : بصراحة دا كلام متناقض وبيثبت انو اتصرف من نفسو بدون استشارة أحد ودي حاجة ما مفهومة..وأنا ما عارف ليه ما انتظر لغاية الصباح وبلغ الأمين العام أو أي جهة ادارية أو خالد الحاج. أنا شخصيا ما شايف في سبب واحد يخليني أغير موقفي وما مقتنع بي موضوع الانشاء الكتبو فيصل دا وعارفو حيزعل مني لكن أنا تركيبتي كدا ما بجامل زول علي حساب ما أراه حق مشروع لي في ابداء الرأي واحترام الرأي الآخر..[/QUOTE] مشكلتك راسك ناشف والكبر مأثر فيك :) يا أخي الموجهات بتاعة الأمين العام ختاها لأعضاء الإدارة من المشرفين واتفقو أن يعملوا علي اساسها . الجزء الثاني : فيصل سعد كمشرف لمنتدي الحوار محكوم بلائحة "يا ريتك ترجع ليها" وهو هنا لم يخرج عنها ولم يخرج عن موجهات الأمين العام . أما بالنسبة لتعيين نائب أمين عام فهذه مسئولية مجلس الإدارة الذي إرتأي تأجيل الأمر حتى تحسم مسألة استقالة الأخ شليل . ومافي تعيين "يا رأفت" في انتخاب في حالة اعتذار التالي في قائمة الانتظار . بعدين ليه نجيب ناس من برا عشان يفصلوا في إشكال ؟ طيب طاقم الإدارة ده الانتخبو منو ؟ وليه ؟ أنا غايتو مقتنع لو جاكم قرار مبرأ من الخطأ وأصدره "نبي" ستقولون له : أطلب من ربك ينزل لنا مائدة من السماء :rolleyes: |
[/color][/size][/QUOTE]
مشكلتك راسك ناشف والكبر مأثر فيك :) يا أخي الموجهات بتاعة الأمين العام ختاها لأعضاء الإدارة من المشرفين واتفقو أن يعملوا علي اساسها . الجزء الثاني : فيصل سعد كمشرف لمنتدي الحوار محكوم بلائحة "يا ريتك ترجع ليها" وهو هنا لم يخرج عنها ولم يخرج عن موجهات الأمين العام . أما بالنسبة لتعيين نائب أمين عام فهذه مسئولية مجلس الإدارة الذي إرتأي تأجيل الأمر حتى تحسم مسألة استقالة الأخ شليل . ومافي تعيين "يا رأفت" في انتخاب في حالة اعتذار التالي في قائمة الانتظار . بعدين ليه نجيب ناس من برا عشان يفصلوا في إشكال ؟ طيب طاقم الإدارة ده الانتخبو منو ؟ وليه ؟ أنا غايتو مقتنع لو جاكم قرار مبرأ من الخطأ وأصدره "نبي" ستقولون له : أطلب من ربك ينزل لنا مائدة من السماء :rolleyes:[/QUOTE] أنا يادوب فهمت حسني مبارك ليه ما عايز نائب رئيس في مصر..أتاري الخكاية ليها أسباب تانية...طيب ياخ ما تعملو انتخابات ولا خايفين من الانقلابات:Dgoood |
اقتباس:
اقتباس:
ممكن تقول لى بكون تهميش للأمين العام المنتخب .. أبداً على الأطلاق .. هو سيكون صاحب القرار فى عرض الموضوع للتصويت وما غيره .. ويصاحبه برأيه الشخصى .. يعنى خطاب فيصل سعد الأوقف بيه البوست أو سحبه .. كان المفترض أن يكون على المجلس وليس لنا .. وبذلك ينفى عن القرار صفة الفردية .. فمثلاً إذا سحبه فقط بعبارة (حتى يبت المجلس فى أمره) لن يعترض أحد على القرار .. وبعدين النبى دخلو شنو فى شئون منتدانا .. النبى ينبأك بحق ربك عليك .. وتشيل شيلتك براك .. |
اقتباس:
|
طيب يا رأفت
المشرف اتخذ القرار " الشنو" المؤقت . وجا الأمين العام أكد عليه أو أبطله . وجا صاحب البوست أو الإشكال أرتضي بالقرار أو استأنف لمجلس الإدارة . وجا مجلس الإدارة أكد علي القرار ورفض حيثيات الاستئناف أو أبطل القرار . بعد ده عايز ليك مجلس شورة ؟ والله الكيزان كان حكموكم 100 سنة ليهم حق .. يا أخي انتوا لواييق "بالقاف يا رأفت " ;) ما يجي زول يقلب الحروف ويعملها عواليق ونبقي في شكلة جديدة .. الشكية لله يا ناس بيزنطا ... وبرضو تقول لي نبي . :( |
اقتباس:
|
اقتباس:
وبعدين الزول ده بتكلم معانا بصفته شنو .. صاحب فيصل :( .. حقو الزول ينادى ليه منال gooodgooodgoood |
اقتباس:
اقتباس:
|
اقتباس:
غايتو ياخالد لمن تكون داير تقول الكلمة لى زول بتقولا ليهو فى النهاية :D:D هسع الكلمتين ديل الاتنين بالقاف,:D ومافى أى حاجة بتخلى الزول يغلط بيناتم :D كاااااك :D:D |
اقتباس:
لك السلام و التحايا عزيزنا طارق، افيدك علما ان كل الاقتباسات التي اوردتها تخالف اللائحة ان كانت نبذ، اسأة، او تهاتر و جمد البوست مؤقتا بسببها و رفع الامر لمراجعة الامين العام، فانتظر قراره .. الود و التقدير .. |
اقتباس:
و رئيس مشرفي المنتدى يا رأفت، دون ان يصيب الصحبة اي اهتزاز .. |
اقتباس:
اها فيصل انا شايفك طنشت سوالى ولا بقيت مع التحت ديل :D :D :D اقتباس:
|
اقتباس:
يافيصل أفتكر أنا ما محتاج أقول ليك انت بالنسبة لي شنو لكن أسوي شنو وألله جابك في سكتي.. كدي راجع ردك دا علي طارق بي رواقة وبتلفاهو بيدينك عشان يالحبيب لامن تكون في قضية مطروحة قدام المحكمة بيمنعو الجرايد تكتب عن تفاصيلا عشان ما تأثر علي جهات القرار وانت هنا وضعت عريضة اتهام وختيت مفرداتا هنا ودا غلط عشان جهة الاختصاص مفروض هي التجي وتفلفل البوست وتطلع المخالف شنو وانت كنت ممكن تحضر الحاجات دي وتحتفظ بيها وبعدين ترفقا مع تقريرك لي جهات الاختصاص وما تجي تنشرا علي العلن.وكنت ممكن تنشر القرار بدون أي اقباسات والناس عارفين ليه البوست اتجمد بدون ما تشرح ليهم....وبعدين طارق معاهو حق في انك كنت مفروض تعمل فواصل بين الكلام عشان ما يختلط الحابل بالنابل ويبقي شكل الاقتباس كأنو الكتبو شخص واحد. أبقي طيب يالحبيب وما تاخد في خاطرك مني.. |
اقتباس:
فيصل يا عزيز انا عارف انه البوست جمد عشانها وعشان كتير غيرها فى داخله بس سوالى ليه ربطت و ليه حملت اعلان غلق البوست اقباسات محددة قبل ما يتم اجراء محدد ؟ . مش كان ممكن تكتفى باغلاق او سحب البوست من غير الحاق اى اقتباس فيهو مودتى |
اقتباس:
|
اقتباس:
ولا التالتة:confused::confused::confused: |
اقتباس:
انتو يا ناس عمنـا ود ميلاد دا بقــى كوز ولا شنو ؟ ما فضل ليهــو الا يقول التمكين للمشروع الحضارى :D |
نتكلم يقولو ليك أختاتى نقترح يطلعوك شاويش معاش و قدامو زيرين و " كوز" أها .. كان دقوتى ما بسكت ..
|
انا ماشى خم الرماد
اى زول دايرنى ( يسبت معاى) ..بكرة |
اقتباس:
أخير منو نقة رأفت وفتحى دى |
اقتباس:
لا ياخ معاه ملاح روب:D :D |
اقتباس:
فتحي اتذاكا ووفق ما ذكره فتحي ديل خباثة منك ياباش ما بتفوت عليgoood:D بعض أعضاء المجلس يخالف اللائحة دي قلتها انت ما نحنا. المجلس ما مخترق أنا قلت زول معين اتصل وطلب تجميد البوست وتم له ما أراده وانت عارفني ما كضاب وكنت ممكن أقول البلغني كضاب لكن تجميد البوست بعد عشرة دقايق أكد لي صحة الكلام..وللعلم البلغني ما ليهو علاقة بالمجلس ولا الاتصل ليهو علاقة بالمجلس . فيصل صاح دي احنا معاك وفيها وبنصيح معاكم. طريقة اقتباسو خطأ فني دي جبت فيها التايهة وأثبتا حياديتك وكسبت زبادة في احترامتا ليك.. أوعي برضو تاخد كلامي دا نوع من أنواع الذكاءlooool:o |
اقتباس:
اخــتانــى المرة دى من غبر خطأ كيبوردى لتسهيل الاقتباس:D:D و هذا اختيارى عليك انت احترامه لانو شنو ... هنا تعلمت من عم فتحى مسعد كيف يكون الوضوح و من الشيوعين الخطاب المباشر |
اقتباس:
اقتباس:
اذا أردت نفسك فـ : هاك عديل .. هل لم تشاركي فى صياغة هذا اللائحة ..؟ كعضو مجلس لدورتين .. ألا تعرفين هذا البند ؟ اذا أردت أن نتخطاك فلا تقفى فى دربنا .. واذا اردتى أن نختاك .. فلا نستطيع ..مع أخطاء مثل هذه .. بعدين دخل الحزب الشيوعي هنا شتو وأنا أعرف أنك من بيت رباك كأحسن ما يكون.. قبل الحزب ..فلا يمكن أن أقصدك فى شخصك أو خاصك .. ولكني أنتقد فى العام .. هذا للعلم ..و أرجعى هذه الجملة لما ذكر أعلاه .. |
| الساعة الآن 06:13 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.