ستة أسابيع في السجن الألماني.. أجازة إجبارية لخالكم .
في مشوارنا مع ناصر للسويد وبمجرد عودتي تلقيت رسالة من البوليس الألماني
غرامة سرعة لتجاوز السرعة المسموح بها 165 يرو قلت يا ود حمة خفيفة ودفعتها . أول أمس تلقيت رسالة من ولاية (روسير لاندراف) الألمانية.. برضو من البوليس. المرة دي غرامة وفي نفس المشوار للسويد 327 يرو القرار بيقول * دفع الغرامة خلال شهر 327 يرو. * منعي من السواقة في ألمانيا لمدة شهر *إرسال صورة فتوغرافية من رخصتي بتاعة السواقة . * في حالة عدم الدفع خلال المدة المحددة بأربعة أسابيع أسلم نفسي لأقرب نقطة بوليس ألمانية لأقضي مدة عقوبة ستة أسابيع في السجن . إنتهي. بتونس مع شوقي قال لي (في ضمن ما قال :rolleyes: ) : يا أخي أمش سلم نفسك. إجازة ترتاح فيها . أكل مجاني ... وراحة من الارهاق . وحاجات تانية حامياني ;) غايتو ما عارف لكن الموضوع دخل لي في راسي وبيني بينكم أنا فترت من الدفع الكتير والحالة ذاتها بقت ما مستحملة .. دحين نتقابل بعد ستة أسابيع.. أبقو عشرة علي العقاب . :) [align=center]http://www.sudanorg.tk/upload/uploads/fine1.jpg[/align] [align=center]http://www.sudanorg.tk/upload/uploads/fine2.jpg[/align] [align=center]http://www.sudanorg.tk/upload/uploads/fine3.jpg[/align] [align=center]http://www.sudanorg.tk/upload/uploads/fine4.jpg[/align] |
كامل التضامن مع الخال في محنته:D:D
|
لالا ياخ معقولة بس
هسي انا زول يجي يقول لي الخال بقى رد سجون بغتالو واعملو دمو لوحة ادفع الغرامة وما تعمل كده تاني |
اقتباس:
سمح ... بعد ما أمرق من السجن يمكن المظاهرة الجاية أبقي عضو كامل الأهلية :rolleyes: لووووووووووووول :D |
خالد الحاج ســـلام.. وكل سنة وانت طيب كامل تضامننا معك بس بصراحة لو فيها راحات وحاجات حامياك دي:D انا بجي بقضيها بدلاً عنك goood أصلوا الخواجات ديل بشوفنا متشابهين وما بفرزونا بشوفنا زي الكوريين واليابانين والصينيين أها قلت شنو؟looool |
اقتباس:
لكن الفرق أنه سجون "الانقاذ" بتخرج مناضلين looool أما السجن الألماني فما عارف بيخرج شنو لكن أهو نجي نكتب التجربة . |
اقتباس:
يا زول الحكاية يمكن تجيب ليها "تضامن" .. أنا والله حاسي انك "بريئ" فما داير أتقل عليك دحين أحسن نخليك لي قدم (خاتنك لي عوذة يا ابن عمي) :D:D |
يا خال ...
وناصر يوسف موقفو شنو من الستة أسابيع دي ؟؟؟ يا يدفع بالنص ... يا ياخد ليهو تلاتة اسابيع مناصفة على الأقل يونسك في السجن ... ولمن تجو طالعين ... كدراوية أي يا ياااا ... |
اقتباس:
|
الحبيب خلود
كدي خليني من أمين دآ كأيس ليهو رأحة.. لكني وحاة حبي ليك.. لو بيقبلوا بي ناس عمري كدآ.. حسسسسسسسسسسسسسسسسسسسسسسسي بجيكآ طاير... خليهو إن شاء الله يكون حتى إعدام...... نفديك يابا بالغالي والنفيس... طمئنا عليك يابا ومحبة من جووووووووووووووووووووووووآ.... كدي بالله تفها من خشمك.. سجن شنهو الإتا بتسجنهو:mad: |
هانت البطاطس والله عليك الله شوف احفاد هتلر وقلة بصيرتهم
ابو جعفر ينسجن وانا عايش:confused::confused: على جثتىlooool اسمع يا جميل سجنكم دا ما ممكن يحولوهو النرويجgooodgoood ياخ قول يسجنو الجيلى ولا طارق الحسن ولا ان شاء الله حتى شوقى بدرى ظاتو ياخ ياخ معكم قلبا قالبا سجن سجن غرامة غرامة |
اقتباس:
أنا غايتو ما متأكد من سجون ألمانيا لكن عندنا واحد زميلنا قفلوه شهرين في هولندا هنا مشيت أزورو .. ملعب جمباز انتر نت تلفزيون مكتبة حوض سباحة يشهد الله لو صاحبك البشير عارف الحالة كيف أسه يسلم نفسو لي أوكامبو كية في بابكر مخير ومناضلي السايبر :D تسلم يا حبوب وحاشاك انت من السجن ... وحسب صورك الأخيرة الشفتها خاصة المعاك فيها العمدة يتخيل هو الأفضل . ههههههههههههههههههه |
السجن للجدعان والرجالة على رأي الأخوة من شمال الوادي
ودي فرصة يا خال تقارن لينا السجن الألماني ببيوت الأشباح وتكتب كتاب نبيعو في مشارق الأرض ومغاربها يعوضك عن اليوروهات الدفعتها كلها بي صراحة الموضوع بستاهل ما تتجاهلو ونصيحة استاذنا شوقي دي نصيحة خبرة برضو ما ترميها الواطة تسلموا |
ود الحاج حظك سجن في المانيا ده شهر عسل عديل ..... سجن السودان انشاءالله ما نضوق تاني وسجن السعوديه الاختلاف بسيط يا الحبيب ما تعزمنا معاك كان نضوق شغل الخواجات قالوا مجيه علي الاقل الواحد تاني ما ارجع ..... لو خشيت ده بتبقي بعد كده دولي وتسجل في كشوفات الفيفا
|
اقتباس:
تسلمي انت .. السجن شبه الجيلي وطارق .. أي والله .. :D اتصل بي بابكر مخير.. أسه دي .. والراجل لمح يدفع الغرامة .. أداني احساس بأنو بوست استغاثة ... :rolleyes::rolleyes: شكرتو والله من القلب .. لكن مستورة والحمد لله .. أنا بس داير الناس تعرف القعاد في البلد دي ماهو نزهة شي... والخواجات ديل الله ما بيرعرفوه وما بخافوه .:mad: |
اقتباس:
انا اسع جيت طاير بعد مداخلة عباس الشريف دي قت يكون لحقك بي قصيدة ... أقلاها يا تجي مارق ملحن ... يا فنان هابط :D:D وخوفا من التضامن يا سيدي ... كفارة البيك يزول ... والسجن ما بيكتلو زول ... خاصة سجون بلاد لا فوق ديل كت داير اكتب ليك ك ستة أسابيع عشناهن جوة ... زادننا قوة لكن قت قوة شنو كمان مع البلياردو الراجيك دا ؟؟؟ فحذفت الأبيات وطلعت زي الماحصل حاجة طبعا مع الاعتذار في التصرف بأبيات حميد |
اقتباس:
قلنا بمناسبة السجن نسلم عليك ونقول ليك كل سنة وانت طيب انتو المعايدة حقت الله والرسول دى ما درسوكم ليهاlooool |
اقتباس:
التثنية من الضارة ومالو .................؟ ؟ ؟ :mad: المصريين بيقولو السجن للرجالة او الجدعان اها اركز والله انا لك من الناصحين اتوكل على الله وخشو :D :D فرصة للراحة والاستجمام والله والتامل والقراية بمزاج وبتركيز عالى واسال اخوك وفرصة (للتضامن الحقيقى ) :D: D |
المحترم خالد الحاج
كل عام وانت بخير اذا لم تحزم حقائبك حتى الان... نصيحتي ليك اتوكل وادفع الغرامة . |
اقتباس:
قال شنو قال .. كدي وقف العربية دي في الباركنق الجاي ده لأنو نحنّ قربببببببببببببنا لهولندا ومن هنا لهولندا الشوارع بتكون جايطة عليك هييييييييييييع أنا أخوك آآآ ساره .. عليكم أمان الله كنت سايق عربية خالد دي في أمن وأمان .. ومُبرطِع في شوارع ألمانيا المووووو خمج أريتها شارع مدني وبورتسودان لا راداراً طقشني ولا شيتاً كُتُر .. عِلا بس ياهو التسوي كِريت .. قال تضامن قال .. لوووووووووووووووول لكن بيني بينك كلام صاحبك شوقي ده أمسك فوقو قوووووووووووي goood goood goood |
بسم الله الرحمن الرحيم
سلام يا خالد .. ياخى دى مخالفة سرعة وللاّ كتلت ليك زول :D يعنى كم مخالفة كده تساوى دية بنى آدم عديل عندنا .. اللهم لا اعتراض فى حكمك .. بلادكم دى ما فيها ( تنزيلات ) :) |
نعلن كامل إنسحابنا
وانا بجيك في الويك إند أزاملك وأوانسك ياخالـــ د أصلو الجماعة في الويك إند بجهوهم الفرندينات بتاعتهم وأهو نتونس معاهم وكان فيها حاجات تاني حمياهم نحميها معاهم;) يا خالــ د جعلها الله في ميزان حسناتك .. وجعل الجنة عوضاً لك عن مال الدنيا الزايل |
اقتباس:
|
اقتباس:
|
اقتباس:
أسمع كلام أسامة ده أخير ليك.. و.. كامل التضامن مع ودالحاج.. رغم عن أنو سجن الخواجات ولا غباشة حريتنا المجهجهة دي. |
شوف يا سيدي. أنا مستعد وحاضر والله، وحأحقق هدفين:
أولا، أخلص رواية ليها زمن طويل تاعباني، وما لاقي لها زمن، ده طبعا السبب الحقيقي، أما السبب الذي سأعلنه على الملأ "بتفشخر"، فسأعلن أن الشرطة الألمانية اعتقلتني لآرائي السياسية، وحأستغل الموضوع أسوأ استغلال، وأعمل فيها مناضل، واحتمال أعمل حزب جديد عشان الواحد يصلح الميزانية وكده :) مودتي، وسلامتك من كل شر أنت ومن تحب |
اقتباس:
رسل ليهم صورة النيو لوك:D متضامنين معاك ورقبتنا سدادة واقفين معاك بروحنا وامكانياتنا المتواضعة اوعك تسلم نفسك الالمان ديل ما لهم أمان خايفين عليك منهم |
عيش التجربه يا ابوها ..قبلك انا اخدته تلاته يوم فى كركاس فى فنزويلا...وحاتك ياغالى حاجه اقرب للمسلسل بتاع ا...وز ... شفته ...؟
المهم عملت بى كلام عمنا عنتر ابن شداد ...اضعف واحد فيهم شلته خبته بى الواطه ...الجماعه تلاته يوم يحمروا لى ..انقر مافضلت صاحى تلاته يوم .. لحدى ماالجماعه حصلونى ... سجن فى المانيا يابختك ياعم ...مولد .. |
اقتباس:
كدة ضمن التضامن مع كل النزلاء جدد وقدامى لووووووووووووووووووووووووول :D :D :D :D |
ود اللزين يا ود الحاج-- سايق بسرعة 165 كيلومتر فى الساعة وجاى تتباكا--- ياخى اخوك مقرش عربيتو تحت شباك بيتو والملاعين ديل غرمونى 120 يورو--- انا قلت جماعتى البلطيقين ديل فلسوا--- لكن المانيا-- غايتو الله يمرقنا من بلاد الحواجات ديل مستورين
|
اقتباس:
تعال أقعد في بكاني ده هني وأنا أجي أتبلطق في بلاد البلطيق دي وليك علي .... عجلة بس .. ;) مره في نقاش مع عبد العزيز خطاب قلت ليهو أنا عاوز أجي أهاجر لأوروبا ... قال لي ... يا زول أوروبا دي ما حتلقي فيها شُغُل بأخوي وأخوك ... أها عجلاتي كيف ؟؟؟ ;) أصلح ليهم عجلات عجلاتهم ظاتها ياخ وبرضو ده نوع من التضامن الإنساني ولا كيييف يا ود الحاج يا بن عمي goood goood goood |
اريتو سجنى يايابا واريتو حالى ياخال !
النبى فوقك وخسمتك بالخوة والمروة اكان تقولهم عندى بت اختى (حفتية ):D كدى بدوره تسوى لى الجبنة جوة السجن الخمسة نجوم ده !! اتاريك لابد ياخال فوق عديلك وانا الحلمانه بيك عريس looool وزافاك الملائكة بالابيض اتاريهم ديل الحلبة الالمان شكيناهم للنجرهم وواساهم وطلقهم وختاهم !! النبى ياخال وختيته ليك فى ظمتك المافى دى اكان تنسانى جوة الجنة دى !! نفسى ياخ فى سجن اقدر اقعد فوقو مع رويحتىدى واطلع الابداع الجووووة رويحتى دى... غايتو ماقادرة اقول كامل تضامنى معاك عشان الكلمة دى انت بقيت تفهما غلت :D :D |
اقتباس:
سلامات و الله مريت على المداخلات كلهن و ما لقيت زول عاقل غير الزول دا: علي حاج علي يا زول شوقي بدري دا، ع. س. و بضيعك! أحسن ليك أتفكا من الناس ديل و أدفع يا زول لو مفلس بندينك، دين طويل الأجل و من غير فوائد، بس ما تتهور |
سلامات يا خالد
اياك تدخل سجن الالمان ده وامشي ادفع من سكات يا اخوي ديل قالو عندهم في السجون واحدين زي (سلومة الاقرع)بتاع عادل امام :D وبدل ما كنت (متضامن) حا تطلع من السجن وتجهز نفسك للمشاركة في تظاهرات السنة الجاية راسك عديل :D:D ادفع .......ادفع يا خال وفوت الفرصة علي ناس عكود اللابدين ليك ديلlooool |
تبرا يابا انت من السجن ادفعها وامرك لله ياابو جعفر
|
يا ابن عمي الودود
سلامات والجاتك في المانيا سامحتك غايتو ما بعرف اذا السجن عندهم خمسة نجوم بقولك ارتاح شويتين تقعد تجرد حسابتك وتكتب ذكرياتك واذا بيتاثر بيه ورقك وكده فادفع ياشايقي:p وقلت لي حاجات تانية شاهقاك :mad: عاد نحنا كان دخلت الخمس نجوم دي لابد من الزيارة والمؤازرة ويلا ياعزيز دق صدرك ورسل لينا نجي للزيارة :D |
قول السبب الحقيقى..
قول يااخى مابيناتنا:D:D:D |
السلام عليكم
.... والله يا خال الحاجات البتخلي الزول يدخل السجن عديل كدي هرباً منها معناها حاجات زي حقت زولنا ( تفاصيلها تلقاها في النكتة الوصلتك في الخاص) ... غايتو البعرفو الأستاذ محمود محمد طه دخل السجن مرق لينا بالفكرة ادخل يابا أدخل إن شاء الله تطلع لينا بى نظرية :):) .... |
خالد
كل سنة و إنت طيب و الأسرة الكريمة السجن للرجالة يا زول علينا العيش و الحلاوة على قولة المصريين:D |
لاحولا يعنى بعد كلام الصباح داك مرقت وجيت وراسى عديل عشان أتصل بيك وأتضامن معاك .. ألقاك نويت تضامن التضامن الما خمج .. وكما ناشرا علناُ وموثقة :D:D:D
يا زول سحبنا تضامنا زى عمو عزيز :p |
| الساعة الآن 06:21 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.