قناة هارموني الفضائية -- قااااااادمة --- ترقبوها
قناة هارموني الفضائية -- قااااااادمة --- ترقبوها
علي مسئوليتي أقول لكم ...... ترقبوا قناة هارموني الفضائية وحتما سوف لن تغادر أعينكم هذه الفضائية صدقوني ... قريباً جداً سيبدأ البث التجريبي |
[align=center]كيزان برضو يانصور ؟؟؟؟
قبلها قطوف برضو عملو ليها نفس الدعايه ;) :D ;) [/align] [align=center]http://www.silverpattern.com/Morning...39;s%20cup.jpg[/align] |
اقتباس:
هيااااااااا جقجوقي إنت حي ؟؟؟ مشتاقيييييييييييييييييييييييييييييييييييين تصدق مو كيزان ولا يحزنون قناة هارموني قناة خاصه بي زول فنان جدا وفهموا في السياسه زي فهمي في الرياضيات :p |
قناة هارموني كانت حلم يراودنا منذ زمان بعيد وكنّا عندما نتناقش حول أمر أن (هل ممكن في يوم من الأيام يكون عندنا قناة فضائيه ؟) كان صديقي الفنان معتصم الجعيلي يسألني وكنت أرد عليه (كل شي ممكن يا BOSS ) وكنّا نضحك ...
اليوم إني فرح جدا لأنّ أخي الأكبر وصديقي الفنان معتصم قد فعلها بصبره وعمله الدؤوب ومعاناته الطويلة جداً من أجل الوصول إلي المبتغي ... معتصم الجعيلي .. فنان مطبوع كانت له إسهاماته في تطوير شاكلة الإعلانات التلفزيونيه وتغيير بائن في جماليات الشاشة ... أحرزت سلسلة (بلطية بنت النيل) الجائزة الأولي الذهبية في مشابقة إتحاد الإذاعات والتلفزيونات العربية في تونس وهي سلسلة (أنيميشن - كرتون - أطفال).. كما نال عدة جوائز عالميه أخري في مجال الإنتاج التلفزيوني.. أصبحت هارموني هي الشركة الأولي التي تعمل في مجال المراسلين التلفزيونيين لعدة فضائيات عالميه .. أوربيه وكنديه وعربيه وآسيويه ... هارموني الفضائيه ستقدم السودان للعالم في قالب جديد .. وثوب جديد ... قريباً جداً سينطلق البث التجريبي .. تابعوها وأفيدونا بإنطباعكم عنها ... أتمناها لكم قناة تحلومون بها |
[align=right][align=justify]شكرا اخونا ناصر بالتبشير
ارجو ان تكون على قدر تفاؤلك ...وامانينا وفى الطريق فى يونيو قناة شروق ويوجد قناة اسمها زول برضو ما معروفة لحدى هسا هى شنو الرجاء كتابة التردد للقناة وسنكون من رواد المشاهدة ...لانو ما بعجبك الا السمح اخوى ناصر[/align][/align] |
العزيز الفنان ناصر
تحياتي الطيبة لك وإن شاء الله يبشرك بكل ما هو طيب ... برضو اسأل... حتبث من وين؟؟؟ |
اقتباس:
ناصر... معتصم الجعيلي... اسم عرفناه عندما تغير شكل الأعلان في التلفزيون السوداني... وصفقنا باعجاب عندما تم استعراض جزء من (بلطية بنت النيل) و لكن ولعجبي لم يتمتع الطفل السوداني بها... وما زلنا نعاني من (سبيس توون) وما شابهها من خزعبلات تملأ رأس أطفالنا... نتمنى أن تأتي هارموني وتعيد دوزنة النغم الذي اصبح نشازا...وأن تقدم لاطفالنا ما يشبه ديننا وبيئتنا... وأن تكون واحة يرتاح فيها كبارنا... مودتي لكما... [/align] |
اقتباس:
طاهر بدر سلام من القلب وأنا أيضاً أرجو أن أكون في حجم تفاؤلي وأظنني كذلك لمعرفتي التامة بالصديق الجميل معتصم أمّا قناة شروق وزول ... فوالله لم أعرف عنهما شئ يذكر .. ولم أشاهد سوي دقائق معدودات من قناة زول وأتمني أن تكونا بحجم طموحنا في قناة تعرف العالم بالسودان بالشكل اللآئق عذراً حتي اللحظة لم أتعرف علي التردد بعد فلربما قبل بداية البث التجريبي أعرف التردد وأفيد الجميع هنا به وعذراً ... حتي اللحظة لم أستلم تردد القناة ولكنه الوعد قائم ... طالما أستلم من الأخ معتصم التردد وقبل البث التجريبي حتماً سأفيدكم جميعاً هنا .. |
اقتباس:
الزول الواااااضح جداً أبو العز سلام يا صاحبي سيتم بث هذه القناة من القاهره قاهرة المعز بإذن الله ــــــــــ خارج النص ــــــــــ ما تقول ناسي وعدك لي بالجيّه يا زول أنا لسسسسسسسسسسسه ما وصلت حد الخرف والنسيان أوفي بوعدك يا صديقي وإحعل دار سودانيات بحي الضباط يمتلأ فرحاً بمقدمك |
اقتباس:
سالي فو حمر سلام وسلام وشوق إليك تسلمي يا أختي نعم كلنا نعاني من إسبيس تون وحتي اليافعه بنتك رحيق تعاني من إدمان هذه الإسبيس تون وما شابهها من قنوات لا تأتي لأطفالنا إلا بالعنف ... بلطيه بت النيل وفوله وفولايه وأفلام كرتون سودانويه ميه الميه ... سيروا النور عبر قناة هارموني الفضائية بمشيئة الله |
سلام يا ناصر و مشتاقين كتير
نعم...سوألي التاني بالإضافة للفاتوا.. مجاني؟ هل ستبَث و تظهر علينا في أوربا أم ستحاكي قناة النيل الأزرق التي لا نراها هنا؟ طبعآ الناس بغرانين عديل هنا محبتي و بالتوفيق لصديقكم يا ناصر قدم له التهنئة مقدمآ نيابة عنا |
اقتباس:
حنييييييييييييينه السلام عليكم ورحمة الله وبركاته كل التفاصيل دي يا حنينه جايه عليكم وأكيد أي قناة لما تبدأ في البث لابد وأن تكون مفتوحه للجميع لكسب الثقة أما حكاية تكون مقفوله ولا غير مقفوله دي ... بيحددوها أصحاب القناة .. أتمني إنو القناة تجد معين بث متواصل وتكون في متناول أعين الجميع |
ناصر صاحبي ياخي الشوق بالكوم يعلم الله ..
تعرف قبل كم يوم كنت على اتصال مع الاخ الحبيب معتصم الجعيلي .. وأخبرني بمفاجأته السارة ومولوده الجديد هارموني الذي سيطل علينا في مقبل الأيام .. وكنت قد أنزلت بوست بهذه المناسبة في س أون لاين .. وحقيقي سرني الخبر جداً وفرحت شديد لما أعرفه عن الأخ معتصم فهو رجل مسكون بالإبداع .. وأعماله تؤكد ذلك أمنياتنا له بالتوفيق ولكل التيم العامل معه .. وقد أخبرني أيضاً بأن القناة ستبث على القمر نايل سات وستكون مفتوحة بس ما عارف لأي وقت ستكون .. لك ولمعتصم كل الحب والتقدير .. |
اقتباس:
وأنا بين المعتصمان (المعتصمين) أتوه بين محراب الجمال ... وينك إنت يا زول يا فنان يا طيب إنت ؟؟ أوتراك وقد إبتلعتك دهاليز الغربة كما الآخرين ؟؟ القمر نايل سات القناة مفتوحة للجميع باقي لنا التردد فقط .. في إنتظار الفنان معتصم الجعيلي ليدلنا علي التردد ( وما حنتردد علي إطلاعكم عليه ) |
كيفك يا صديقي ..
هي الغربة إبتلعتنا وبعدتنا عنكم .. ولكنكم في القلب والخاطر وكل اللحظات الحلوة معكم .. دم طيب يا صاحبي وتحية خاصة للزول الفنان سمي معتصم الجعيلي .. وفي إنتظار هارموني لتتحفنا بروائعها .. لك والاحباب بطرفك كل مودتي .. |
اقتباس:
ورينى شنو سبب الدعاية دى للقناة دى بدون لف ولا دوران ....:mad: :D ;) |
حبيبنا ناصر
مرحبتين و مبروك القناة سؤال خارج النص : صاحبي عادل ابرهيم موسى عمل عملية عيون و أنا خايف أضرب ليهو في البيت عليك الله أعرف لي هل فتح؟ بقى يشوف يعني؟ ولا لا؟ sorry for the فوضى :D . |
منتظرين هرموني ذي إنتظاري لتلفونك
يا شيخنا يعني لقاءك كان ضواقة من يوم التجمع المشهود في نادي الضباط (أوع الجماعة يفتكرو التجمع الوطني وإجتمع في نادي الضباط ،،، والله كان تكون عوجة) المهم رسلت ليك نمرة تلفوني وإنتظرت لمن جات ساعة السفر والله لوما كانو عملوا الطيارات كان الواحد يكون في السودان وسط الحبان،،، يعاني معاهم ظلم الظلمة ويعيش معاهم يشوف في النهار ضلمة. لك كل الحب والشوق وربنا يجمعنا نعيش وكل أهل السودان في هارموني ومرحب بقناتك هرموني |
ناصر الحبوب .. طبعا متابع البوست دا ومنتظر القناة بي هناك ومنتظر ضربة البداية
اها بعرض عليكم وظيفتين .. واحدة مجانية والتانية مدفوعة الاجر .. ابشرك بقرب قدوم مخرج سوداني شاب سيكون نقلة في عالم الاخرج والرؤية الجديدة .. حقيقي شاب مكسب للسودان واعرفه معرفة شخصية .. اوصيكم احتوهو من الان قبل ان يضيع في سراديب الروتين السوداني .. فيهو سكون علامة فارقه وهذه كلام انا مسؤل منه .. دي مدفوعة الاجر طبعا ... ____ واعرض نفسي عليكم بوظيفة (مراقب رؤية ) دي غايتو شوفو ليها تسلسل في الوظائف في القناة .. يعني لازمكم ناس تشوف بعيون المشاهد وتنقل الراي .. وتكون عارفه البحصل شنو في تلفزيونات العالم لانو بصراحة كل القنوات بتبدأ بي جمال ( النيل الارزق مثالا ) وبعد فترة تقع في برامج الاستديوهات المغلقة .. ودا تعسيم للرؤية وبخلي الناس تمشي تشوف قنوات تانية .. دي مجانية من اخوك كمشاهد يمتلك عيون قط وخبره فني وناقد لئيم جدا جدا بنفعكم والله .. :D d: احترامي للجعيلي ولكل الناس الحلوه .. |
اقتباس:
تحيات واشوق كتاااااااااااااااار والله تخريمة ناصر زايغ من سوالى عارف ليه ؟؟ بقول ليك بعد يزوغ الزوغة التانية ارقد عافية مودتى |
اقتباس:
اكتر ن ابراهيم الماحى ....!! والله يشغلوه معاهم زول واحد ما يغنى نهائى الا مديح وفى المداحين بيكون عنده رائى وبرضو حاد :D :D :D لاحول ولاقوة الابالله منه ومن نقده مودتى |
اقتباس:
وعلي طول شايت ضفاري وبره القون غايتو ؟؟!! ---- وش مجلبط بي ملاح أم تكشو --- معتصم الجعيلي صديقي وهو فنان .. وقناة هارموني كانت هم مشترك وحلم مشترك .... والآن تحقق ... أها شنو ليك ؟؟!! |
اقتباس:
إبن عمي الجميل الطيب بشير سلام عليكم ورحمة الله حبابك وليك شوقاً من شارع الأربعين عادل أخونا ... بخمد لله أجريت له العمليه ولسسسسسسسه الأمل ما مفقود في شوفو ... بس دعواتك يا الحبيب |
اقتباس:
مخييييييييييييير الله فوق عباده إنت ما قلت بتتصل أها مااالك ما أتصلت ؟؟ وما قلت متحكر معانا هني فوق الدفسيبه دي مالك مشيت بسراع (المكنة خَفّت ولا شنو)؟؟ ربنا يعدل طريقك يا الحبيب هارموني سيكون الإنطلاق الأولي (البث التجريبي) في منتصف شهر مارس القادم ... بمشيئة الله |
اقتباس:
[color=#FF6600]عمك تنقو إزيييييييييييك يا منيليك الحبش :p تعرف الظيفه الأولي دي حأخليها لصديقي الجعيلي ينظر في أمرها وخلي المخرج البتعرفو إنت معرفه تامه ده اليصلنا وبعدين نشوف أيه الحيحصل ... أما الوظيفة التانيه دي ... أنا بأكد عليها وأبصم عليها بالعشره بس لأنك زول شوّاااااااااف بالحيل وشوفك شوف زولاً فنان ما برضي بالحاجه النيّه والنيأهلو برجعوا النار ولا موكدي ؟؟ أرقد عافيه .. وتابع عافيه حسن علي هارموني ..[/color]. |
تخريمة
ناصر زايغ من سوالى عارف ليه ؟؟ بقول ليك بعد يزوغ الزوغة التانية أها دحين أنا ما رديت علي آآآآآلمسنوح ؟؟؟ :p :o :p ;) :D لئيم .......!!؟؟ اكتر ن ابراهيم الماحى ....!! والله يشغلوه معاهم زول واحد ما يغنى نهائى الا مديح وفى المداحين بيكون عنده رائى وبرضو حاد لاحول ولاقوة الابالله منه ومن نقده إبراهيم المااااااااحي !!! ولا هآآآآآآآآآآآ إنت بتقصد إبراهيم المعهد بالله الزول ده هو حي يرزق ؟؟ تحياتي القلبية ليه ولأسرته التي نحترم يا طارق .. إبراهيم هذا الموسيقي الهارب من جحيم البشتنه الموسيقيه التي حَلّت بالسودان .. لكم تفتقدك ساورا ولكم نفتقدك يا صديقي .. |
الحبيب ناصر
1- حتكون مشفرة؟؟؟ 2- ممكن التقاطها في اوربا؟ 3- حتكون فيها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ 4- أكيد حنتابعها!!!!!!!!!!!!!!! وأكيد أكيد حنتقابل إنشاء الله في أبريل،،، وبنا على دعوة سابقة يا أخي انا ماعزمت كل سودانيات زفاف بت أخويا في نادي خريجي الاحفاد بالعرضة يوم 12/4/2007 والتوقيت حسب المتفق عليهو في السودان |
اقتباس:
:D :D |
اقتباس:
[color=#FF6600]إنشاء الله حاضرين ده لو ما بقينا في قاهرة المعز من أول إبريل إنشاء الله .. ستبث قناة هارموني علي القمر نايل سات التردد 10976 FEC 3/4 وسيبدأ البث التجريبي صورة وصوت إعتباراً من 15 مارس بمشيئة الله ... ومن اليوم يمكنكم مشاهدة شعار القناة فقط علي نفس التردد ... /color] |
اقتباس:
:D :D :D :D غايتو جنس مِحَن !!!! :D :D :D :D |
اقتباس:
الله ينصرك تكون لي حسي الحبيب ريقك نشف من تفوووووووووووووووو والله ربنا بس يرتى بي حالنا أمس وبعد ما وصلت للعالم التاني قدرت أشوف البث التجريبي بتاع هارموني عمل جميل وربنا يوفق الجمال تقول ينط ليك من الشاشة والبسمة ترحمن القلب والمناظر جميلة وخلابة وأنا سرحان في الجمال الجايينا في الفضائيات، نطت ليا صورة نشرة الأخبار في ذاكرتي ومعاها سؤال كبير وطويل وعريض آهاااااا طيب لما تبدى القناة الإرسال!! ضروري حيكون فيها مساحة بتاعت أخبار وتغطية الحرب في العراق وافغانستان والهرسك وهرسني والكسفو والما بيتكسف والصومال حسي والصومال الجايي في غربنا،،، إتصور الشناة الحتلحق بي جمال هارموني لا إستنا دا كلو قدر والارض بتشيل القدر في قدر ولا صحن ولا حلة،،،، لكن المصيبة الأكبر لمن تكون أخبار الجماعة تفوووووووووو ونبقى نشوف مما نعمل ونسمع مما نقول والله يكون في العون ويجيب العون من ناس المعونة ولا من السماء شوفت الراجي هارموني شنو (ربنا يكون في عونها وعون القايمين عليها) لك الحب همسة يعني لو كنت بتلف السجاير ما كان تلقى التلصق بيهو السجارة ما تفووووووووووووووووووووووووو كملت ريقك:D |
د. بابكر مخير
وأنت في العالم (الثالث) أراك تحتاج للنزول ثلاث درجات أخريات لزيارتنا .. فقد تم رحولنا من عالمكم (الثالث) الجميل إلي العالم الصفري .. فأصبحنا صفراً كبيراً في دنيا الإنسانية ... هارموني ... بالطبع ستكون قناة جمالية تلطف لنا أرواحنا ببعض الجمال وتغسل أعيننا وآذاننا من قبيح ما نري الآن عبر الفضائيات الأخريات أمنيتنا للقائمين علي أمرها أن تتمكن هارموني من الصمود أمام مدِ الفضاء القبيح لتكون هي الجميلة .. في إنتظار مهاتفتك لي لنلتقي في الحدود الفاصلة بين العالمين (الثالث والصِفري) |
ناصر يوسف ياشين
والله والله مشتاق ليك وجدا بطل نقة كتيرة وورينا القمر والتردد مودتى ياجميل |
اقتباس:
سبق وذكرنا وقلنا وكررنا قولنا وقلنا: تردد القناة 27500 10795 3/4 وقلنا أنها علي القمر العربي نايل سات وقلنا لو قطر طبقكم ما أكتر من 120 سم ما حتقدر تشاهدها (في الوقت الحالي) ... نقولو ولا نعيدو تاني ؟؟؟؟ عالم فهمها بطيئ للغايه نعمل ليك درس عصر ؟؟؟ يلا يا د. بابكر مخير عليك بيه وريهو إنك شاهدت القناة كيف ؟؟؟ ملهوزة (علي قول الطيب بشير): في البرومو في أغنية بي عربي جوبا هي من إخراجي للفنان الشاب سليمان محمد سليمان وهو من الفنانين المجيدين القابعين في الظِل وخرجت هذه الأغنية بجمالياتها بمجهود الصديقين المصور والمونتير الفنان فتحي بربري والفنان معتصم الجعيلي ولولاهما لما خرجت هذه الأغنية بهذا البهاء |
اقتباس:
والحمد لله وجدناها حتى من دون معرفة التردد عندما عرفنا انها test 10 لكن اتمنى ان يهتم القائمون عليها على الامور الايضاحية التي لم تتبين حتى الان خاصة الـ TV.show branding يعني لازم يكون في فرق من تلفزيون السودان في oppening title ending stings fillers اضافة الى الـ show templates ورغم مهارات بتوع الغرافيك في السودان لكن ماعارف ليه ما يعملوا virual studio زي الناس يعني مثلا سليمان محمد سليمان(زميلنا في القصر )عرفه الناس منك... وعارفين طبعا ان معتصم الجعيلي من افضل (التفلزيونيين) في السودان وهذه الاشياء لا يمكن ان تفوت عليه بس عليه ان يكون اكثر دقة في هذه التفاصيل الايضاحية والجمالية, يعني لا يمكن ان زي تلفزيون السودان الوحيد الذي لا نسمع فيه فاصل ونواصل. والوصية في الذمة قول لي معتصم وليداتنا امانة في رقبتك عليه ان يزيد من الجرعات لفلذات اكبادنا وبالتوفيق |
اقتباس:
عبد المنعم شيخ إدريس أخوي سلام عليك وشكراً لمداخلتك الفاعلة هنا وتأكد من وصول مداخلتك ومداخلات الجميع هنا للأخ الصديق الفنان معتصم الجعيلي |
والله شفت القناة الفضائية ودي شهادة مني على صدق المعلومة، دا من ناحية لكن الكلام الكتبو ليك العزيز عبد المنعم رأيك فيهو شنو؟
طبعا القصد من السؤال ان ترد على الحبيب عبد المنعم واسرق ليا كلمة كلمتين منها عسى الواحد يفهم عن الموضوع أكتر. (ما قال ليك ناس علم بيرطنو) الحبيب ناصر وبرضو والله أنا في السودان ولو شنو داك لازم نلتقي،،، على آي حال أنا كنت دعيت وبجدد الدعوة لكل الأحباء في سودانيات الداخل أن يشرفونا في يوم الخميس (اليوم) في نادي جامعة الأحفاد بالعرضة _ أم درمان لتناول طعام العشاء بمناسبة زفاف بنت شقيقي (أحمد ---- كورية يا باشمهندس عبدالله) في الساعة الثامنة ونصف مساء الدعوة دي كنت قدمتها من زمن،،،،، بالله يابورداب الداخل وسودانيين سودانيات الفي الداخل شرفونا حتفرحونا وتسعدونا همسة بي صوت عالي،، تلفوني 0914499988 (موباتل يا ناس سوداني وريبا) |
د. بابكر مخير
أخيراً قج حللت بأرض الصِفر الكبير ... ؟؟؟ أخيراً وطأت أقدامك هذه الأرض الصِفريٍة ؟؟؟ نتمناكم ترفعونها درجة إلي أعلي .. مبارك زواجهما وإنشاء الله حاضرين |
شوف يا ناصر
انتو القناة الهارموني دي لكل الناس واغلبهم الغلابة أم لناس معينين؟؟؟ سألت السؤال عشان عدة حاجات.. قول لي كيف؟ اولا بالتبادي انا زاتي ما عارف عندي طبق ولّ ما عندي... لكن قطع شك ما بيكون 120 القلتها دي... تاني حاجة: جل السودانيين طباقتهم صغيرة الا كان طبق الكسرة هو الوحيد الكبير لكن ما بينفع يلتقط اشارات والحزم الغزيرة دي ... اكان عملتوها لينا بطريقة تمكن الكل من مشاهدتها كان يكون افضل، لكن نقول شنو، ننتظر لغاية البث التجريبي ينتهي ويبدأ البث الحقيقي للوقت داك يكون كلام بابكر مخير ملى الشاشة... يعني الحاجات دي كلها حتفوتنا... رابع حاجة: انا حامشي اشوف الطبق الليلة وافتشها عشان نستمتع... طبعا حتقول لي تالت حاجة دي وديتها وين؟؟؟ خامس حاجة: عندي وظيفة لي معاكم، اعمل ليكم فيها حامي الشلاليت والشوت الضفاري زي بتاع حبيبنا طارق ده...خلوهو علي ( طارق ما تخاف انت شلت وانا بحمي والمرتب بالنص) ثالث حاجة: بعدين اقولها ليك... |
يا
أبو العِز يا جنوبي تالت حاجه: إنت وين ؟؟؟؟؟؟؟؟؟؟؟؟؟؟؟؟؟؟؟؟؟؟ وخامس حاجه: إنت وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وأول حاجه: إنت وين ؟؟؟؟؟؟؟؟؟؟؟؟؟؟؟؟؟؟؟؟؟؟ وتاني حاجه: إنت وين ؟؟؟؟؟؟؟؟؟؟؟؟؟؟؟؟؟؟؟؟؟؟ وأوووول حاجه: إنت وين ؟؟؟؟؟؟؟؟؟؟؟؟؟؟؟؟؟؟؟؟؟؟ كرّهتَنَا بي وعودك (جاييك حاييك جاييك جاييك) .. شنو يعني نآخد ليكم إجازه خسوووووووووسي كده ولا نجي نسكن الكلاكله وزاد بُعدي ؟؟؟ :p :p مسألة مشاهدة قناة هارموني علي طبق قُطرٌه 120 سم هذه مشكلة وقتيه مع إدارة القمر نايل سات وقال لي الصديق معتصم الجعيلي قبل دقائق عبر الهاتف بأنهم يعملون الآن علي الإنتهاء من هذا المشكل البسيط وربما في غضون شهر أو أقل أو أكثر يمكننا جميعاً من مشاهدة هارموني في بيوتنا (فكلنا في الهم فقراء) يا صديقي . . |
| الساعة الآن 08:17 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.