الليله يوم رقيس العروس ــ هي بسم الله ــ رقيص الرئيس
|
قال ليك ضارب الهم بالفرح
يجوز يجوز ياناصر بالذات إذا تكلم قبلها وقال: لا لدنيا قد عملنا بعدين الزول دا ماسك زمنو صاح يعني ما أشتر هي لله هي لله مافيها شيء اقول قولي هذا واستغفر الله لي ............. |
اقتباس:
مشتاقين يا الحبوب تعرف أنا ما ضِد إنو يرقص .. ياخي إنشاء الله يفتو أكتر من كدي لكن نحن ديل مانعننا بإسم الدين مالهم ؟؟ شكيتهم لي الله ;) ;) ;) |
ياناصرنا دا رقيص رئاسي يعني عندو فتاوى جاهزة ومفصلة
ثم انو الدين بتاعهم زاتو ماقال لأ في مثل هذه الجدعات وهذا ايضاً دليل ان الرئيس يمشي في الاسواق ويتزوج النساء ويجبجب في الحفلات ثم انو بنت النيل مبالغة و عاصم البنا أبدع فيها فقط أدين واستنكر بشدة تصوير الرئيس في واحدة من تجلياته النادرة دي ثم نشرها ثم بعد هذا استغفر الله لي ............. |
أرقص وزيد الساحة جبجبة
ونحن وراك نشيل نغني غناوي ونحكي حكاوي لمان نذوب في الليل لا بترتاح ولا بتريحنا ولسع الوقت طويل مع الإعتذار لشاعر رائعة أمير الحسن وردي المبدع اسحاق الحلنقي |
من سحر الجنوب نسماتو حاجه تغيظ وداهو التوج وبرقص على شنو هو في جنوب ولا نسمات ولا سحر حليل النيل الشربو مويتو ولسه عطشانين وبنات النيل حليل بنات النيل الحقن امات طه |
الأحباب
حسن ساده يحي عثمان تعرفو يا شباب أنا ما مندهش من إنو السيد الرئيس يرقص في حفل زواج إبنة إبراهيم شمس الدين وإبنة زوجته الحالية السيدة وداد شئ سوداني جميل ووجوده هنا كان بمثابة أبوية صادقة ومبروك للعرسان المشكلة بتكمن في التناقض بتاع الحكومه يعني نجي نحنا نرقص يمنعونا ويقولوا لينا الرقص ممنووووووووع ويجونا ناس الهوس الديني ينطوا لينا في مفتاح دو بتاعنا الموسيقي ويقولوا لينا الموسيقي والغناء حرااااااااااااام طيب شن جاب لي جاب بلا السنجاب ؟؟؟ حكمتو باااااااالغة إنَّا لله ياخ ;) ;) |
ناصر يا حبيب سلامات
عليك الله سؤال وما تزعل من اخيتك هسى كان عرسوا بناتك ما بتفرح وترقص وتعرض.؟؟؟ معقول مافى رجل سودانى رقص ولا عرض فى عرس عياله؟؟ بعدين العرس دا ليهو سنتين الفديو دا مالى صفحات الانترنت وكانوا ما فضل مشكلة تؤرق السودان غير رقيص الرئيس |
يا ساره يا أختي الحبيبه
كدي أرجعي لمداخلتي الفوق ليمداخلتك دي وأقريها كويييييييييييييس أنا قلت ليكم أنا ما ضد رقيص السيد الرئيس وإنما سألت لييييييييييه ليه حلال ولينا حرام ؟؟؟ أنا بتكلم عن التناقض الفي الحيكومه يا ساره .. وبس أذكر في يوم من الأيام وصديقنا الفنان الجميل أبو عركي البخيت بيغني في حفل عام ... قمت أنا بشرت فيه وأخدت راحتي في الرقيص كفعل طبيعي ... يجيني ليك واحد من شباب الأمن يمسكني من قميصي بعنتريه ويقول لي يا زول أمشي أقعد هناك الرقيص ممنوع طيب شنو البمنعو علي أنا وبيخليه حلال علي السيد الرئيس ؟؟؟ نحن مُش عندنا نفس الحقوق والواجبات في البلد دي ولا شنو ؟؟؟ بــــــــس عشان ما تمشي لي حِتَه تانية |
انا ما مشيت لاى حتة يا ابو رحيق:cool::cool:
كدى شوف واسمع اردوغان دا عليك الله http://www.youtube.com/watch?v=eKx-Rd50XLY |
اقتباس:
ويا ساره يا ستي عشان ما توديني لحتة أنا أصلاً ما قاصدها أنا ما ضد إنو رئيسنا يرقص .. ولو ما رقص ما يبقي زول سوداني من أصلو أنا بسأل بس ليييييييه ليه حلال ولينا حرام ؟؟ وسبق إنو منعني رجل أمن في حفلة لأبو عركي البخيت من إني أواصل أرقص كفعل طبيعي ؟؟؟ وبــــــــس أبقي عافية يا الحبيبه |
نصوري الحبيب
سلااااااااااااااااااام تعرف وإتا سيد العارفين،، الفيديو دآ واضح أنه لشخص غير "الموهوم" بتاعنا دآك،، وما دفاعا عنهو، فوالله لو لقيتهو في النار أزيدهو حطب، لكن ظاهر أنه ما هو،، يا أخي حتى الزول الفي الفديو دآ،، وسيم.. بث يعني قصدتا أوري وجهة نظري |
اقتباس:
تحية واحترام حاولت الرجوع مرة تانية للفيديو لكن يبدو إنو إتحزف من اليوتيوب عموماً أنا ماي قاصد البشير في شخصو بقدر ما بسأل ليه أنا ما يخلوني أرقص ؟؟ وليه الشعب السوداني ده في الحفلات العامه .. بيرقص برجلينه وهو جاااااااالس علي كراسيه وبس ؟؟ الحكمة شنو ؟؟ |
اقتباس:
ناصر صاحب البوست ...ودعمتى مدينة والاخت سارة وجميع المتداخلين...عيدكم مبارك بعدين يا بابكر الفديو (هيلو)بلغة اهلك ... والتاكيد جاء منهم من زولم علاء الدين يوسف فى الاون لاين: البشير بمشاعر الأب يُشارك في زفاف كريمة الشهيد إبراهيم (فيديو ممنتج) http://www.sudaneseonline.com/cgi-bi...msg=1321466556 http://www.youtube.com/watch?feature...v=GuWbxUPEJD4#! وحبيت اقول للاخت سارة لا وجه للمقارنة لغناء اردوغان وحت البشير... كما لا وجه اصلا لمقارنة حكم اردوغان بشرعنة البشير البغيضة ... اردوغان وصل للسلطة عن طريق الانتخاب وزولك اغتصب السلطة من على ظهر دبابة |
ليس هنالك ابوه ولا يحزنون
كلنا شفنا الاباء السودانيين لم نر منهم من يرقص ويكشف هكذا ، بل لا ياتوا للحفلات من اساسو مع ان الحفلات في عرفهم وقناعاتهم حلال هنا الوضع معكوس رئيس الجمهوريه شخصيه اعتباريه لا ينبغي له الرقص هكذا لم ارى رجلا سودانيا تجاوز الستين يحتوا هكذا ولكن لهذا اللرئيس خبره في الرقص ومن جانب اخر قانون النظام العام يمنع الرقص المختلط واذا رقص ضعيفا طبقوا عليه الحد الم يمنع النظام العام واعتقل المتواجدين في حفل بيت الفنون للاستاذ طارق الامين مالكم كيف تحكمون !!! وبعضهم يدافع عن هذا النظام بلا منطق اللهم لاتمحنا ولا تبلينا ، ناصر يوسف كل عام وانت بالف خير وبلِغ تحياتي لمراتع الصبا بطرفكم |
يا ناصر منعوك من الرقيص بسبب ابوعركي ما بسبب تاني
تخريمة: غايتو انا بتخيل لي مفروض البشير الإنقلابي دا: * مايرقص في الحفلات الخاصة * ماياكل زي باقي خلق الله * مايمشي بي كرعينو * ماينوم في سرير زي باقي الناس * مايفتح خشمو ويتكلم * مايعمل زي الناس زاتو حكمتو بالغة اقول قولي هذا واستغفر الله لي ............. |
ناصر يا سيدي، تحيّاتي والمحبة.
أرى في نشر هذا الفيديو على اليوتيوب إنتهاك غير أخلاقي لخصوصية عمر أحمد البشير وأسرته. لا يمكن لنا بأي حال من الأحوال أن نستلف عقليتهم البائسة ونأتي لنحاكمهم بها..ما الفرق إذاً!؟ |
أنا بتفق مع (ناصر) بفهم بسيط:
(لاتنه عن منكرٍ وتأتي بمثله) والكلام ده ممكن أحاسب بيهو أي زول بيتناقض في تصرفاتو.. ونعم ضد إنتهاك الخصوصية..ضد مصوري المشاهير البيحرسو الناس ويلقطوهم من شبابيك بيوتهم..ويستغلو صورهم وكدة.. لكن دي مناسبة عامة..لاحظ دهشة الحضور ذاتهم.. في ضريبة لأنك تكون شخصية عامة.. ما معناتها انك ما تمارس حياتك بصورة طبيعية.. لكن على الأقل ما تتناقض لينا قدام وشوشنا!! (أردوغان) يغني بي حقو..لا حجّب الإعلاميات غصب..لا منع الرقص في الحفلات العامة.. حيشوفوهو الأتراك ويبتسموا..الوضع أكيد مختلف وشبعانين حراق دم وروح.. |
اقتباس:
تجدني متفهم لوجهة نظركم القائلة: بلا تنه عن منكر وتأتي بمثله [مع إنني طبعاً لا أرى في الرقص والطرب ما يستنكر] ولكن أولاً من قال إنها مناسبة عامة!؟ وهل هنالك شخصية عامة غير الرئيس في مقطع الفيديو؟ ثمّ إن تصوير هذا المقطع وإدراجه في اليوتيوب لا ينتهك خصوصية البشير فقط بل ينتهك خصوصية جميع الراقصين معه. هل إستأذن أحداً منهم؟ الحقوق لا تتجزأ يا سماح، وفي طريق الإنتصار لها يجب أن ننتبه أن لا ندوس على حقوق الأخرين. |
تحياتي يا مبر وكل سنة وانت طيب
اقتباس:
ولكن..لنكن واقعيين: أين هي دولة القانون التي تُحترم فيها حقوق الإنسان الأساسية من حقة في الحياة ذاتها والتعليم والصحة وغيرها؟؟!..حتى ننظر أو ننتظر منها التعامل بهذا القدر من التقدم في إحترام خصوصية الغير.. نعم الحقوق لا تتجزأ..كما أن المشاكل الإجتماعية في هذا الوطن لا تتجزأ..ويمكن أن نرى أسوأ من ذلك في ظل التردي على كافة المستويات وعلى رأسها القانون..!! نحن لا نعالج مشكلة بمشكلة..ولسنا سعيدين لرؤية خصوصية (البشير) وهي تُنتهك.. ولكن حقّ لنا أن نتعجب..مجرد تعجب..من هذا التناقض المثير _____________ بالنسبة لعمومية المناسبة فأقصد بها أنا المناسبات الإجتماعية في السودان-في الغالب- لا تتم عبر كروت دعوة، وغالبا ما تكون النوادي ودور المناسبات مفتوحة لجميع المهنين، مما يجعل تصوير شخصية عامة فيها متاحا..ولايُشترط أن يتم خلسة.. وأتفق أن في إنزاله عبر اليوتيوب إنتهاك لخصوصية الكثيرين..لا إختلاف في ذلك |
ناصر ازيك
بالجد مستغربه للاهتمام المتنامى فى السايبر لشوت الفيديو ده ويتسال المغزى من الاهتممام شنو و الناس مالا تعبانه و تكتب كمان حاجه عجيييييييييييييييبه يا ناسى دى استغمايه ليه كده كل المنتديات شنو داك بوستات بالردوم ده مفعول اكيد من الجماعة عشان يشغلوكم بس البهلى الفيديو يطلع اسه و ينسحب شنو ... فكرتو فيها زى حكاية الكوكب و لا القمر داك و (طالعنا فايتبن الناس مسافه ) وليه الاهتمام و الكتابه دى ما كانت لامن قالو قولتو فى العيد الشهيرة و هو اصلو كينج فى الراندوك و زاده كمان لامن الضحك شرطنا و الله يرحم سيداحمد الخليفة رئيس تحرير جريدة الوطن وهو بكتب عن .... الفاتيه و كنتو وين انتو لامن كان .... و لا اعتبرتو هظار كمان :eek: غايتو ثبت اننا شعب مسكين ... نكوس لى البرق همنا و نشوف رقيضو ... هو رقص على تفتيت الوطن و اشلاء المواطنين المدنين ... ما يرقص كان رقص!!! و كمان فايقين .... و شنو داك والتحيه لصاحب المقوله ليهم حق الكيزان .... و يحكمونا و يتحكموا فى مزاجنا و سلام لكل الكرام |
اقتباس:
وكان الحفل الكبير في صالتين منفصلتين يا جماعة قالوا ليكم الرجال براهم والنسوان براهم. السؤال كيف سمح ناس الامن بتصوير عمر بشير يرقص مع الفتيات.....هذه مؤامرة صهيونية ;) . |
اقتباس:
وبعضهم "يعارض" هذا النظام بلا منطق!! |
اقتباس:
شكرا علي توضيح أصل القصة،، يعني بالله شوف،، البت القالت ليهو "كل زول بتحبه (بتزوج) أمه"،، بقت قدر كدي وعروسة كمان،، والله حقيقي "هرمنا".............. _______________ ملحوظة: تم تغير كلمة صعبة "مراعاة للأداب العامة" بكلمة (بتزوج):eek: يعني حسي بعد ما الربيع يغشانا، فلول البت والولد ديل يحرم على مسلمة الزواج منهم:( |
اقتباس:
لأنها كانت مرأة... ________ لا ولكن وهلماجرا،، الادهش،، الفنانين والعازفين،، ديلا،، يكونوا "أغاوات" جابوهم من مكة.. "وجه مستعجب ومستغرب،، مراعاة غير متاح عندي أيقونات" |
اقتباس:
بالاخضر دا لب المداخله واصلها ... مره اخرى لا يحضر الاباء حفلات بناتهم ... ولان السودانيين ناس راقيين وحساسيين - هنالك استثناءات - يخاف الاب على تقييد فرحه بناته واولاده وباقي شباب الاسره ويتركهم لياخذوا راحتهم في يوم فرحتهم الكبرى .... واذا اضطرته الظروف للحضور يبشر ويغادر سريعا ولا يحت ويكشف ويرقص هكذا خاصه اذا تجاوز الستين بالعكس الكلام متماسك ومنطقي ومقنع وواقعي .... بس انت من حقك ان تراه ضعيفا مع انو في اعماقك مقتنع بتماسكه ولكنها الشتاره وعين السخط ... وكتابتك - اذا جاز ان نطلق عليها كتابات - كلها ضعيفه وتبعث على الملل وكلام الطير في الامارات .... |
سلام يا ناصر في اعتقادي أن الأمر غير عادي ولا مقبول وهو الآن وقعه عليهم أشد من أي سلاح أستخدم ضدهم لأنهم منافقين لا يريدون الظهور بوجوههم الحقيقية . وما عادي للاتي : *طريقة الرقص ماجنة لا تليق برجل وقور في مثل سنه . *الرقص وسط النساء كما هو في الشريط لا يليق بمتدين في مجتمعنا . *الراقص رئيس دولة أي شخصية اعتبارية ولهذا المنصب هيبته وبرتوكولاته التي تتنافى مع الرقص الماجن أعلاه . *الرجل رئيس حكومة تدعي تطبيق الشريعة وقد سنت في قوانينها ما يحرم هذا الفعل . المشاعر الأبوية التي حاول البعض أن يجعل منها ساتر للفعلة لا تقوى على ذلك لأننا لم نعتاد ذلك من آبائنا فأبو العروس همه في البستر حاله في ضيوفه وليس الرقص في الحفلة . |
اقتباس:
ليش يا كباشي طريقة الرقص دي ماجنة؟ |
اقتباس:
|
اقتباس:
والله كلام عبدالمنعم الفوق ده هو البيحصل في الغالب وكلام منطقي جدا دي سودانويتنا بتفاصيلها وأعرافها الممكن ما تكون مثالية..لكن ده واقعها اقتباس:
وده مثال بس..سووو نفهم رأيك..ما فيها حاجة يعني رقصتو؟؟! |
اقتباس:
من مداخلتك انتي وكباشي ومنعم ممكن نقول: - السودانيون لا يقبلون رقيص الرجل بعد سن الستين - الرقص يفقد الوقار - الحت والرقيص الماجن مقبول تحت سن الستين - يجوز لك وانت في سن الستين حضور الحفلات بشرط ان لا تكون العروس بنتك بالبايولجي أو بالتبني - الرقيص زي رقيص البشير الفي البوست دا يعتبر ماجن (خاصة بكباشي) http://www.youtube.com/watch?v=hgXeU_Du5DM&NR=1 |
اقتباس:
اقتباس:
أنا في مداخلتي وضحت انو الأرضية الأنا حكمت بيها على الموقف ده هي ما صاح مطلق..ما ممكن تطالبني بنظرة متقدمة غير متعارف عليها عشان أتقبل بيها موقف شخصية عامة غارقة في التقليدية وبتتدعي الإنحياز للأعراف الإجتماعية والدينية.. مستوعبة طرحك لكن أفتكر ده ما مقام انتفاض على التقاليد المقيدة للناس تبعا لأعمارهم.. نحنا حكمنا في ظل الموجود.. وانت برضو ما وريتنا رأيك..السلوك مقبول بالنسبة ليك؟؟ |
اقتباس:
يا دكتور بابكر هل يحق لنا ان نقارن رقص يلسن برقص البشير صاحب المشروع الحضارى كما يدعى... يا اخى يلسن دا لم يدعى فى يوم من الايام انه يحمل رسالة ربانية...راجل سكير ومعترف بذلك قال الشريعة الشيوعية دى مكدرة عليه وعلى اصحابه مزاجهم ...ولهذا لا بد من القضاء عليها...نجح فى ذلك وانتهى من الاتحاد السوفيتى وروسيا ...ثم ماذا... وبشيركم عايز يقول شنو |
سلامات يا ناصر و بقية الشباب
و عيدكم سعيد حقيقي لو البشير ما عمل كدا - شخصياً- كنت زعلت منو! دا اقل واجب يقوم بيو تجاه ربيبتو، و من هي في حكم بنتو ما الجديد!؟ حكاية عدم التناقض حق اريد به باطل .. و هي الحجة التي اسقطت في يد الخليفة عمر الفاروق همسلف! اقتباس:
هل البشير اتناقض ليكم قدام وشوشكم ام انتو الزحمتو مش بس انوفكم بل وشوككم دي كلها في خاص الناس!؟ مالكم كيف تحكمون!؟ الحفل في الآخر، حفل خاص .. و الاولى بالادانة القبح في التلصص على الناس، و هتك ستر حيواتهم الخاصة! اليس كذلك!؟ البشير - رغم بغضي لكل ما يمثله - لكنه في الفيديو زول سوداني اصيل .. مسلم سمح .. اسلامنا السوداني السمح داك .. دون غلو او تطرف كونه يدعو لدولة الشريعة، او يحرّم الرقيص .. فدا موضوع تاني و في حقل تاني و ما اكتشفنا التناقض دا الا بتناقضنا نحن ذااااتنا!! اخرها نسترق النظر لحاجات الناس الخاصة كمان!؟ و في عقر دارهم الآمنة!؟ العيب وين؟ في الرقيص و لّ سرقة النظر!؟ سيدنا عمر لما احتج المخطئ في عقر داره، حجاهو بي دي .. فاستغفر ربه هلا تستغفرون!؟ اللهم ارنا الحق حقاً و ارزقنا اتباعه .. و ارنا الباطل باطلاً و ارزقنا اجتنابه |
تحياتي ياقيقراوي وكل سنة وانت طيب
اقتباس:
اقتباس:
اقتباس:
اقتباس:
|
اقتباس:
ما بكفي انو تقولي ما اخلاقي و تواصلي في البتقولي فيو دا!؟ لا اول و لا تاني .. ما دام اساس النقاش ما اخلاقي .. يبقى النقاش ما اخلاقي بعد ما اخلاقي دي - مفروض- بق فل استوب! لانو مافي اساس للنقاش اصلاً ما بني على باطل فهو باطل!! ---------- افهم انكم بتناقشوا سياسة سياسة هنا!؟ و لّ قصدتي شنو بانكم بتناقشو في الموضوع التاني القلتو انا! ما بنفع الالتفاف على السياسة بخصوصيات الناس فيما نقاتلهم اذاً!؟ |
اسمحوا لي بادراج المداخلة دي من الصديق سيف مصطفى .. و اضافتها لوثاق البوست دا :
اقتباس:
|
[rams]http://alrakoba.net/videos-action-show-id-118.htm[/rams]
|
اقتباس:
اقتباس:
والسياسة is a dirty game متى ما إتوفرت ليك معلومة عن الخصم..لازم تستغلها، وتحديدا بطرق الحتة بتاعت التناقض الزي ما أنت قلت اقتباس:
نحنا ما ملايكة ياخ! وبعترف تماما انو المشهد المرتبط بالفيديو ده برمتو بيعكس تردي قانوني وأخلاقي، وفساد الراعي والرعية.. _________ بالنسبة للمداخلة المنقولة،مافيها حجة قوية لأي شئ، بالإضافة للعبارة الفنانة دي: اقتباس:
|
اقتباس:
لومتابع للحوار هنا، أنا أمنت على الجزء الأخير من مداخلة عبد المنعم. جلبي لفيديو داير أقول بيهو انو السن والمركز "الأعتباري" لا يمنعان الرقص. |
| الساعة الآن 06:41 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.