الحاصل شنو فى منتدى البركل؟؟
لينا يومين نتاوق بى هناك ومافى غير
This site has been suspended قلنا نسأل من الأحباب فى حوشنا التانى ده بى جاى ... |
انا ذاتى زيك يا محمد اتاوق بى قلق
|
سلام يا شباب [flash1=http://sudanyat.org/vb/showthread.php?t=24289]WIDTH=800 HEIGHT=800[/flash1] |
الحمد لله حبيبنا عكود يبشرك المولي بالجنة |
خير انشاء الله خير
اخى العزيز عكود
خير انشاء الله خير والحمد لله الموضوع نظافه بس بنصبر وخفنا مت الدعت الحايم والله يبشرك بالخير دايماً |
سلامات يا ماريل حبنا لمنتدى البركل وصل لدرجة الإدمان والواحد بقى يحس انو يومو ناقص لو ما دخل المنتدى .. نتمنى أن لا يصيبه مكروه |
التحيه والشوق
اخى العزيز عادل عسوم
ليك التحيه والشوق ولى قلمك الرشيق اولا تبرى من الهجمه وتانى تعرف الواحد بقى البركل المكان والبركل المنتدى ياها ذاته السبايق بى تحت والجبل والقعاد فى شارع العربات وتمدد كرعيك لمن العربيه تلف هى منك طبعا ده قبل الظلط يحدد للناس الشارع ... طلباتك اوامر وربنا يقدرنا ونشارك فى سودانيات أكتر لكن تعرف جنس زحمه |
اقتباس:
العمدة عكود الله يبشروا بالجنة وربنا يحشرنا معاهو إن شاء الله ... لكن أمانتن في ضمتك دي يا يحي عكود جاك هنا ؟ نحن نشيل ونعتـِّل :) وجبنا ليكم الرابط ورابط مرئي كمان يعني ما حوجناكم حتى تضغطوا على الرابط ... حق المناولة ساي ما نلقاهو !:D |
العزيز شبارقه شكراً لك .. وأكيد بالنا ارتاح شويه بعد ما قرينا مداخلة عكود تسلم |
اقتباس:
المشاركة الأصلية كتبت بواسطة شبارقة http://sudanyat.org/vb/images/buttons/viewpost.gif ... حق المناولة ساي ما نلقاهو !:D إنت بس إستعجلت شويه .. لكن حقك محفوظ يا حبيب . شكراً ليك تانى وتالت |
اقتباس:
ماني مستعجل ولكن بعض المزاح .. الشكر ليكم إنتو ... ومرحب بيكم يا ناس البركل بي جاي وعشمنا كبير فيكم وفي مداد أقلامكم. |
سلامات يا عادل عسوم ومشتاقين كتير شايفك فتحت موسم التسجيلات بى جاى وداير تخطف مننا مولانا أزهرى ...نحن حنتقدم بإحتجاج شديد اللهجه للجهات المسؤوله لأنو أزهرى ده أساسى عندنا بى هناك وما بنفرط فيهو ... |
اقتباس:
.... إتّا الزول ده آ حُمّداللمين ماشي يكمل ؟؟ مالو الليكتب بى هِني وبي هنوك يكون آ ربي القصدو محمد سفلة هِني: قلب ما همو يقضي ايامو جنب الضامر المحزوق قلب مشغول بهم اكبر من اشواقو ورضى المعشوق هم وطنا عشانو نزف دماهو على الارض ماروق هم انسان قضايا كتار ما قادر عليها يحوق :D:D:D ... |
اقتباس:
المشاركة الأصلية كتبت بواسطة الزوول http://sudanyat.org/vb/images/buttons/viewpost.gif .... إتّا الزول ده آ حُمّداللمين ماشي يكمل ؟؟ مالو الليكتب بى هِني وبي هنوك يكون آ ربي القصدو محمد سفلة هِني: هم انسان قضايا كتار ما قادر عليها يحوق :D:D:D ... محمد سفله أسألنى منو أنا ينفخ ساكت و شغال بى نظرية - أعذب الشعر أكذبه - ... لكن مولانا ازهرى بالجد قضايا كُتار ... عشان كدى ما تعوقونا فيهو .. أسِّع نحن نفتش فى الطريقه النباصر بها عكود عشان يدينا طله بى هناك تحياتى .... |
اقتباس:
الزوول أخوي حُمّد اللمين دا في الباقيلي ماشي بالمثل القع يقول: التبيخ ان بقا ماكفّا ناس البيت يحرم علي الجيران نان لكن آ مُحُمّد أزهري دا (تبيخو) مِي بالحلّة الكبيري يكفي الحلّي كللللها ياحبيب التحية ليك عزيزي محمدالأمين وللأحباب في البركل بلا فرز مودتي |
اقتباس:
ياخي الشوق قدر جبل البركل ومعاهو الليل السويقات وفوقن الخزان كمان بمناسبة شارع العربات أيام قع يرصفو فيهو داك ضربت لي مامون عسوم قتلو بختكم قالوا بقا عندكم ظلت أملس زي ضهر الكديسي قام قال لي ياحاج الشي بقا عندنا ظلطين واحد بي فوق وواحد بالبركل تحت كل صباح ونحنا ماشين علي كريمي نقول ياأيدي شيليني وختيني في بيت الله العاجبني:D تسلم ياعزيزنا والله |
وعادت الحياة الى موقع البركل ..... الشكر للاخ الحبوب الزوول وللعمدة عكود وشكر خاص للاخ محمد الامين وللمشاركين فى هذا البوست والشكر لكم جميعا ... أزمة وعدت بحمد الله وفضله |
شكيت محنكم أتاريكم حاتلين بي هنا وانا ما جايبا خبر
حمدلله علي سلامتنا :):):):) |
اقتباس:
العزيز عادل عسوم علي بالايمان مشتاقين . كان ما عرفتني اسال امين عسوم :D:D:D:D |
اقتباس:
مامون مرة حكا لِي عن واحد من أهلنا ناس البركل فوق ديل (مافي داعي نقول اسمو) ...سعالو موبايل أول مرة في حياتو:confused: قام واحد كدي من ولاد الحِلّي جا يسأل منو في بيتو ناس البيت قالولو الزول دا مشى سوق كريمي لكنو سوالو موبايل ودا الرقم اللّيلو... طوالي قام اتصلبو: -السلام عليكم يافلان ومبروك الموبايل ياخي -وعليكم السلا ورحمة الله وبركاتو الله يبارك فيك ويديكا العافي (من شدة فرحو بالمكالمة حتى نسى ميم السلام)... أها المتصل قالّو: -ياخي ماعرفتني؟ زولنا أخد لو صنّة كدي وقالّو: -والله ياخي الوشي دا مااااهو غريب عليّ... كدي بس أرفع العِمّي دي لافوق شويِّي وانضم :D بس أمين أليصحا ونسألو تسلمي أم زينب |
اقتباس:
المشاركة الأصلية كتبت بواسطة عادل عسوم http://sudanyat.org/vb/images/buttons/viewpost.gif :D:D الزوول أخوي حُمّد اللمين دا في الباقيلي ماشي بالمثل القع يقول: التبيخ ان بقا ماكفّا ناس البيت يحرم علي الجيران سلامات يا عادل الشوق متِل شوك الكِتِر طعن الجسم لامن خِدِر إنتو ماكُن جيران إنتو أهل البيت .. الحوش واحد والزاد يكفينا ويفضِّل ...وعشان ماتزعلو منى إنت والزووول حأبدأ ليكم أنا بنثر إبداعات مولانا أزهرى هنا وأبدأ ليكم بالعام بدا - هذه القصيده الخالده كما اسميها - فإليكم نص القصيده وبعدين نجى نكمِّل باقى الكلام حولها .... العام بدا وأرواحنا عاد ما أسعدا أنا وإنتَ راشينا الندى فى جلسة العشق النبيل يوم جيتنى لبيت النِدا ياإنتَ ياخاتى العِدا أناعمرى مابيك إبتدا وفتحتَ درب المستحيل أفراحى بيك مُتْجَدِده ذكرنى رجِع لى الصدى لى جلسه ليلك شاهِدَه يوم غنى صفق لينا نيل يوم كُنا فى عِفه وهُدى فى روض زهورو مفرهده لمّا الكنار طربان شدا غنينا رقْصّنا الخميل أنا روحى عندك قيّدَه وأبقالها سيدى وسيّده بس من سعادتك أسعِدا وارويها عطفك ياجميل روحك رويحتى تمجِده ماأصلو بيك مُستنجِده لو مره تعطف تَنْجِده تسقيها ريدك سلسبيل شوف كيف عيونى مُسَهَده مشتاقه ليك مُتْعَوِده وطيفك تملى يعانده ياريتو مره يزوره ليل غنوة هواكَ بردده والإلفه شوقى يأكده أنا ريدى لى آخر مدى إنشاء الله بالعمر الطويل كل يوم محاسنك أعدده القاها دايماً مُفْرده عنك مناقص مُبْعده شخصك نبيل معدوم مثيل |
الحمد لله عاد إلينا منتدى البركل سالماً ... الشكر لكل الذين شاركوا فى هذا البوست وتمنياتى بدوام التواصل والمحبه |
اقتباس:
..... [rams]http://www.sudanyat.org/upload/uploads/al3am_bda.mp3[/rams] .... |
انتو ود القرير دة أصلو قاعد ينضفلو في أم فتفت:D:D:D:D
|
اقتباس:
يامحمدالأمين ياحبيب أعلم يقينا كم قريبة هذه القصيدة من نفس شفيفنا أزهري! فقد أنبأني بذلك صديق مشترك...وزاد عليها تثمينه لمناسبتها كما أفضى بها اليه أزهرينا!! ليت الحبيب أزهري (يتحفنا) بمناسبتها الوضيئة... والتحية للدكتور العوض على (التماهي الحميم):) أشدُّ على يدك وأرجوك أن تواصل اتحافنا بابداعات أزهرينا الجميل... وليبقى الزوول (الوسيم) كالعهد به قريب التحية لك والتحية للزوول والتحية أجلّها الى مولانا وشاعرنا انيق المفردة أزهري مودة تترى ياحبيب |
اقتباس:
المشاركة الأصلية كتبت بواسطة عادل عسوم http://sudanyat.org/vb/images/buttons/viewpost.gif يااااه يامحمدالأمين ياحبيب أعلم يقينا كم قريبة هذه القصيدة من نفس شفيفنا أزهري! فقد أنبأني بذلك صديق مشترك...وزاد عليها تثمينه لمناسبتها كما أفضى بها اليه أزهرينا!! ليت الحبيب أزهري (يتحفنا) بمناسبتها الوضيئة... والتحية للدكتور العوض على (التماهي الحميم):) أشدُّ على يدك وأرجوك أن تواصل اتحافنا بابداعات أزهرينا الجميل... وليبقى الزوول (الوسيم) كالعهد به قريب التحية لك والتحية للزوول والتحية أجلّها الى مولانا وشاعرنا انيق المفردة أزهري مودة تترى ياحبيب تسلم ياعادل وشكراً على المداخله الجميله كما عودتنا دوماً العام بدا فعلاً من اجمل ما قيل فى شعر الشايقيه وهى قصيده رسخت فى اذهان الناس منذ أمد طويل وهى بالفعل قريبه جدا من أزهرى شرشاب وقد تعودنا أن نسمع بصوته كلما سنحت لنا فرصة اللقاء فقد انعم على الله على بأن يشاركنى العزيز ازهرى غربتى بدبى لذا فإنه كلما سنحت الفرصه نحث الخطى نحو كافتيريا الفنانين بدبى لنستمتع بمايجود به ازهرى وبدرى الياس ... العام بدا كتبها ازهرى شرشاب فى عام 84 تقريباً وحينها لم نكن نقرأ كتابى الأوّل ناهيك عن قراءاة الشعر ولكن بالرغم من انها كتبت فى ذلك الزمن الا انها ظلت راسخه فى الاذهان الى يومنا هذا وتناقلتها الأجيال جيلاً بعد جيل وكلما تستمع اليها فانك تكتشف فيها شيئاً جديداً وقد أضاف اللحن الجميل الذى منحه اياها الراحل يس عبد العظيم شجناً محبباً فأضحت لحناً خالداً إكتملت أضلاعه الثلاثه - مفرده ولحن وأداء - .. ثم جاء عثمان عبد العظيم بعد وفاة شقيقه يس ووضع عليها بصمته الخاصه فأدّاها بطريقه رائعه ... ولعل الفنان ميرغنى النجار أيضاً من الفنانين الذين انتبهوا لروعة هذه القصيده فأداها بشكل جميل ومختلف .. وأزهرى شرشاب إذ يجود علينا بهذا القصيد الطاعم ينبغى أن نقف له تحية وتقديراً ونتمنى له الصحه والعافيه والمزيد من الإبداع ... |
اقتباس:
تعرف آ ود جبرين ام فتفت النضفناها في الدنيا دي كان وزعوها على ترزية العالم كلهم تكفيهم جيوب برااااااحة gapgap ... |
اقتباس:
|
ليكم كلكم سلام
ليكم كلكم سلام
ومحمد اللمين شكرا ليك وانت تفتح السيره بى هنا وزى ماقلت البركل وسودانيات عندنا واحد اسه شوف فقدنا البركل طوال سألنا منو سودانيات .... ويكفينا انو فيهم ريحة الخالد خالد ... وفيهم نخبه الواحد يفتخر بى معرفتها .... العام بدا ذكريات جميع الاحبه ... ايامها الخالدات وشخوصها فرحا وحزناً اما كلامك انك معايا فى دبى ... هووووووى ياجماعه ولا قاع اشوفو.. ولابيجينى دامت محبتكم وحتى اللقا |
اقتباس:
ولنواصل طاعم الحديث عن هذا الأزهري القاضي الدكتور الجميل اقتباس:
فالقصيدة عندما تقرأها ...تكاد تتلمس لحنها يتمشى في مفاصل أحرفها وسياقها وئيدا!... والحق يقال... الدكتور أزهري مبدع عندما يكتب بالدارجة وأجده أبدع عندما ينحو الى الفصحى! بالله عليك تملّى هذه القصيدة التي أحفها له عن ظهر قلب: والآن وجهُكِ فى إمتدادِ تَنَهُدِى .. والأحلامُ .. فى ليلٍ مُجِنْ . وأنا إمتدادُ تواصلٍ .. بينَ التمرّكزِ فيكِ .. أزماناً من التحديقِ .. واللا مستحيلِ .. الآنَ عندكِ ما يفيضُ ويُرتَهَنْ . قد كان ظنُ الروحِ .. أن تَهَبى المدائنَ بعضَ شَهْوَتِها .. وَتَنْفَجِرى كمثلِ دواخلى .. غيثاً .. وتحناناً .. وتحترفى التواصلَ .. أنْ .. وأن . .. لكنهُ الزمنُ الحزَنْ . مُدّى الىَّ الكفَّ .. علِّى أستريحُ .. تواثباً أطوى المسافةَ .. والمسافةُ فرسخُُ من بعضِ أحزانى .. سدودُُ من توحُشِها . وخيلُ العشقِ صاهلةً بداخلتى .. ويملؤُنى الشجنْ . كفِّى على كفيّكِ نُبْدِعُ عالماً .. للعاشقينَ توهجاً .. شبقُ الحروف الوعدِ نُشْبِعُه .. نغنى صادحينَ الصبحَ .. كَىْ تلدَ المدائنُ كلَ ما نهوى .. وأطفالاً لبحرِالعشقِ .. للوطنِ السلام .. بِلا ثمنْ . ولنواصل ياعزيزي محمدالأمين مودة باقية ياحبيب |
ويبقى اعجابي -حدّ الدهشة-مستصحبا عندما أقرأ أشعاره الدارجة...
بالله عليك أقرأ معي هذه الخلاسية البديعة: وتر الأمانى يامرتع الشجن البكاتل فى ضياع صبر المسافه ويافرح عشناهُ لحظه وكان خرافه فينا صاح عمر المحنّه وجنّه ليل اللقيا بعدِكْ وزاد مخافه وإنقطع وتر الأمانى وتانى ماغناهو ريدك وبيك زمان زايد رهافه دغدغى الليل الخرافى وأسرى فينى فرح تمنى أمشى مابين ذاتى جوه وغنى للناس قولى لحنى منى قربى تانى أكتر ومزقى الوتر البِعِيد أحزانا فى زمن التجنى نغِميهو كلام غناكى ورقّصى الأفراح معاكى خلى ليلك داك يبشّر وتانى غنى أصلى منك قبل أريدك ورغم بعدك إنتِ منى أصلى إتعلمتَ منك أغزل الفرح المشتت فوق متاهات الكتابه وأنسجْ خيوط اللقيا فى حضرة عيونك كسوه للناس الغلابه منك إتعلمتَ أفرح وروحى تسمو وتبقى فوق حِضْن السحابه عشان أغنيك غنوه لى كل المداين العامره بى حزن الصبابه واشيلك رايه للبلد البريده ولسه مفتون بى ترابه منو الغيرك بيرسم فى جدار الصمت فى حاضرنا نحن كلمة الشرف القديمه منو الغيرك بيكتب فى جبين اللقيا فى لحظة تجلى عشق بلادى وحب أديمه منو الغيرك بسافر فى دواخل الحزن جواى يغسل النفس الأليمه ومنو الغيرك بقصِّرْ لى المسافه وأبقى أحلم بى زمان الصدق فى الأرض الرحيمه يالابداعك ياجميلنا أزهري... ويالارهاف المعاني حدّ التسامي والتبخر في فضاءات الحزن النبيل ياصاحب ممنون أنا اذ أكتب عن أزهري يامحمدالأمين ممنون والله |
اقتباس:
المشاركة الأصلية كتبت بواسطة ازهري الحاج شرشاب http://sudanyat.org/vb/images/buttons/viewpost.gif ليكم كلكم سلام ومحمد اللمين شكرا ليك وانت تفتح السيره بى هنا وزى ماقلت البركل وسودانيات عندنا واحد اسه شوف فقدنا البركل طوال سألنا منو سودانيات .... ويكفينا انو فيهم ريحة الخالد خالد ... وفيهم نخبه الواحد يفتخر بى معرفتها .... العام بدا ذكريات جميع الاحبه ... ايامها الخالدات وشخوصها فرحا وحزناً اما كلامك انك معايا فى دبى ... هووووووى ياجماعه ولا قاع اشوفو.. ولابيجينى دامت محبتكم وحتى اللقا العزيز أزهـــرى شرشاب سعيد جدا بى طلتك بى جاى لكن شايفك نكرت جياتى ليك.. كدى شوف الصوره دى [mtohg=undefined]http://im14.gulfup.com/2012-05-08/1336483612972.jpg[/mtohg] |
اقتباس:
بختكم |
اقتباس:
المشاركة الأصلية كتبت بواسطة عادل عسوم http://sudanyat.org/vb/images/buttons/viewpost.gif يالابداعك ياجميلنا أزهري... ويالارهاف المعاني حدّ التسامي والتبخر في فضاءات الحزن النبيل ياصاحب ممنون أنا اذ أكتب عن أزهري يامحمدالأمين ممنون والله ونواصل ياعادل فكم أعشق السير فى هذا الدريب ... هالة بهاك أنا فى رجاك مصلوب على خبر التلاقى ومُبتداك طلينى من بين المحال مابين بدايتك ومنتهاك طلينى ياكل المباهج ياملاك بِقّى من كل الفجاج وانْشُرى الضىْ من صفاك اقرينى من اول سطر ابدينى من النطفه.. والتاريخ .. وذروة مشتهاك ياجايه فى زمن التباريح والجوى قلبى العليك مليان هوى وانا وانت والشوق العنيد ماشين سوى شاغل مسارب الروح ضياك يلاّ ادخلينى صباح جديد واندَسّى جوه الروح بعيد ما الدنيا بيك افراح وعيد طلى مابين الشعاع والإبتسام غنينى زغروده ونشيد اكسينى من صرخة ملامحك انبهار ياهاله ياضىْ يانهار ما اصلى بيك مليان غنى خلينى فى خاطرك قصيد ضمينى فى زمنك معاك تلقينى واقف فى رجاك كايس رضاك لو القى بين عينيك شوق يفرحنى فى زمن القسه ارحل اتوه فيهن معاك فى كل صباح فى كل مسا واحسب سنينى اتحسسه واصدح واقول دايماً غناك حتى الشمس تاخد شعاعه البدرى من هالة بهاك انا فى رجاك ازهرى شرشاب الخرطوم بحرى 29/9/2004 |
سلامات ..ود اللمين والاحباب
حمدا لله بسلامة العودة .. انتوا يا احبابنا ناس سودانيات تعالوا (وحمدلولنا بالسلامة) ..وان شاء الله يوم (مكادنتكم) ما يجي قريب ..:D عادل عسوم .. انت الدخلك هني شنو ؟:D مشتاقييين يعلم الله .. |
اقتباس:
والله ياحمّيد ماعرفتك علاّ قريت ألمانيا دي:D ياخي الشوق قواسيب ياعاملات خالك أبوالحسين (الزويل دا شكلو كدي ناس سيدي بي غادي ناوين يدوهو وزارة أو معتمدية على أضعف الايمان):rolleyes: ... مرحب حباااب الباشمهندس حمّيد لا أود بأن أتوّر الأحزان ... لكن صدقني طفرت من عيني دمعة اذ ذكرت الخالد الذي ظل يكن لك الوداد ياحمّيد مودة تترى ياحبيب |
| الساعة الآن 04:16 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.