سودانيات و (فقدان البوصلة) ،، وهل يستقيم المزاج ؟؟؟؟؟ !!!!!
أو ،،،،،،، هكذا كما ورد إلي خلايا الروح بعضاً من هِزال وكفي ،،،
أهو فقدان لبوصلة التواصل أهو فقدان لبوصلة المحبة أم هو فقدانٌ لماذا يا تُري ؟؟؟؟؟ !!!!! هي مجرد أحاسيس تعتمل في الروح ،،، بوست غير قابل للتجزئة غير قابل للتحاور غير قابل للعودة إليه مجدداً ،،، |
اها الليلة قام عليك ولا شنو يا ناصر
هذه الشنشنة أعرفها.. الناس مرمضنة واحوالها مقلوبة.. فما في أي حاجة متعلقة بسودانيات.. أو هكذا أظن... بعض الظن |
يا ناصر ما تستهدى بالله وتخلّينا نخش كويّس ,,الواحد يا دوب يدقّش داير يفهم الحاصل , أجي ألقاك رافع اللاءات التلاتة بتاعتك دي .
انت ما مؤمن بالله ورسولو ؟ :) |
اقتباس:
؟؟؟؟؟؟؟؟ ؟؟؟؟ |
اقتباس:
فلازم ترجع وتشوف دا!! التواصل والمحبة عندي في حيرة!!!! ممكن انسى، أو أنتاسى الحصل لي من ضرر نفسي جراء المداخلة دي العضو الجيلي*: يازول انت ماعندك ضمير ؟ والله أكتر حاجة هسه مزعلانى, انو عاملتا طحلب زيك كسودانى أصيل , وأدخلته بيتى وأرقدته فى سريرى , وراعيته كما علمنا أهلنا... ولم تكن لك كلمة, أتيت فى سرب أولئك الشباب المناضلين والنضاف ... فاأصمت اذآ أصمت http://sudanyat.org/vb/showthread.php?t=22639 ....... مع العلم بأن الساعات التي قضيتها في البيت المذكور لا تتعدى الأربعة!! وأيضاً من جراء المداخلة دي: العضو رأفت: أهمالى لرسائلك الداخلية ومحاولاتك للتهادن رسالة كافية .. مثلك يصيبنى بالغثيان .. http://sudanyat.org/vb/showthread.php?t=18031&page=6 وفعلاً، في الحالة الأولى(الجيلي) قدرت أخلق ليه عُذر، وأنا متأكد إنو ما منطقي لكن اهو، إرضاء للنفس، مع إنها زي اخواتها، (امارة بالسوء)، مشت بي يمين،شمال وشبكتني ليك.. إنت مالك ما سألته..... وإنت دايماً بتقع ساي!!!وإنت ..وإنت.. ما خلت لي جنبة أرقد عليها. المهم في الآخر أقنعتها إنو إحتمال يكون.... أو إحتمال ياأخ ...... وعلى كدا، إنتهيت منها(نفسي). وما يمر كم يوم كدا، وإلأ يفأجئني العضو رأفت بهذه المداخلة(الآخيره) رغم إني الشي المتاكد منو إنو سنة 2011 و سنة 2012 ما أرسلته رسالة خاصة له إحتمال في السنين القبل السنتين ديل!...فوجئت إنو بعيب عليّ أو شعر بإني كتبت ما كتبت له متأثراً بعدم رده علي رسالتي التي لا أتذكرها ولا المناسبة التي أُرسلت من أجلها..لكن بالطبع ما بكون قلت ليه انا جاي لعندك، لأني لما أمشي بلادهم الجميلة دي حتي في ناس ما بكلمهم، لضيق الوقت ولأسباب كثيره أخرى..من زمن ألخ.... أها التواصل والمحبة الكان عندي، على الإكتسبتها هنا من سودانيات بعد مداخلة الجيلي، كانت في حيرة..لكن بعد كلام رأفت عن الرسالة المجهولة أصبحت في خطر!! يوم8/8 القادم أنا مسافر السودان، وبنيت نسبة كبيرة من برنامج الإجازة علي المحبة والتواصل، ومن ضمنها غشوة الخليج!! ياربيييي!!! تعديل حجز وتوابعه...الوقت متأخر شديد!! العمل شنو؟؟؟ ميزانية التواصل والمحبة(والهدايا:)) ممكن ألقي ليها بند أصرفه فيها! لكن!! يا ناصر يوسف كنت متمني أشوفك، وأستمتع معاك بوقت جميل، لأنك إنت عندي عنوان سودانيات بالخرطوم! وكمان عندي ليك معاي (غرض)! لكن باين علينا أكلناها الإثنين لا أنا حا أشوفك وأستمتع ولا إنت حا تشوف (الغرض) شفته يا ناصر الساكت عليه أنا!!! *متأكد إنك لا تنقصك الشجاعة، حتى تبيّن لي سبب منّك عليّ بأربع ساعات..وأنا الكنت معتبر إني قمت بعمل جليل، بإختيار تواصل ومحبة(سودانيات) جسر لهذا التواصل!!! مع العلم بأني لا أطالب بحق أدبي..لاني أنا من أعطاك الشرف لإلتقاط هذه الصور http://sudanyat.org/vb/showthread.php?t=22156&page=3 ، في الحدود الالمانية في الحدود الالمانية خاصة!! لم تسجل صوت شكر، لهذا الحق، ولكن أنهلت عليّ بالسباب!! في أربع ساعات؟؟؟!!! فليك الحق يا ناصر....أحاسيسك صادقة أقلاها بالنسبة لي. |
اقتباس:
وبعيدا عن كل ما لا نعلم سودانيات تواصل ومحبة، فاذا ضاق صدر فهناك صدور تتسع ومرحب بيك لو جيت الخليج في 8/8 او قبلها والجاتك امسحا لي في وشي دا[/justify] |
حبيبنا أستاذ / ناصر
سلامنا .. [rams]http://www.youtube.com/watch?v=1Hcs4PM5Qn4[/rams] |
اقتباس:
والله ياشيخ عصام ود الخير دا قدر ما حاولت أفهم هو قاصد شنو ولا قاصد منو غلبني تب.هسة المزعلو ياتو فيهم الجيلي ولا ناصر ولا رأفت ولا كلهم شاركوا في زعلو..تعرف آلاء ان شاءالله مسافرة باريس يوم 12\9 وكنت حأديها تلفون خالد لكن بعد ما لقيت الزول دا حساسيتو عينة نادرة أخير أعمل نايم..تلاتة غلبني أفهمهم أو أزعل منهم:ود الخير,البديري,بدر الدين اسحاق.. |
اقتباس:
أنا قريتو الآن فقط وتعبني جداً وغايتو الله يكون في عون ناصر لأنو الكلام دا كتير عليهو وهو زول ما عليهو كلام[/justify] |
اقتباس:
وأشكر ليك شعورك دا..وما تشيل هم الأخ ناصر لأني خاطبته لأني بقدر جداً جداً سعيه الدائم لجمع وربط الناس، وقولي له (إنت سبب زعلي) لأني ربما متأثراً بتواصله الدائم مع الاعضاء، قمت (بغشوتي) الجابت لي الهوى دا فناصر ليس له علاقة سوى انا حبيت أوريه نهاية تواصل ومحبة معاي والله يا أخ عصام لا يوجد اية شي يمكن أن يكون مخفي! |
اقتباس:
أجاويدك وآقعة عليّ. الروابط معاك شوف... وعليك الله طمئني قول لي ...دي بتحصل عادي |
\\
ناصر هذه الدورة .. ( الأمانة العامة و شوية ادارة ) بما فيها من انجازات .. و لكنها فقدت البوصلة .. و أفقدتنا البوصلة .. جميل أن جعلت لنا ( سماح ) شئون عضوية لكنها شئون عضوية تنتظر أن تصلها أخبار العضوية ولا تسعى إليها .. آلمنى جدا .. ما حدث لفخرى الزين من تجاهل .. و اللوم والعتاب منو يغرقنا و ما حدث لى من تنكر .. و ما يحدث من الجيلى من ( شوت ضفارى ) .. و نحن .. بقينا نتخدث عن شعار و رسالة سودانيات أكثر مما نطبق .. أسع ود الخير راكب موضوعك دا فوق شنو .. وانا ذاتي .. ليه !!!! |
اقتباس:
وعليه يا ناس سودانيات: العندو راي فيني كإنسان بالله يكلمني أو يوصي لي واحد تاني عشان بصراحة أنا بليد في حكاية المودة دي، وفاتح قلبي ومادي يدي، ومهنضب نفسي الأمارة دي بي (بغض النظر)[/justify] |
اقتباس:
خليتنى ذاتى أشك فى نفسى وأفتح الرابط أشوف الحاصل شنو .. ياخ ردى عليه الشايفو قاسى ده بعد المداخلتين ديل اقتباس:
اقتباس:
|
انحنا زماااان شن قلنا ما قلنا الطير بياكلنا؟؟؟؟
قالوا كلام القصير من بينسمع الا الحراية تحمى |
الفتة ام توم حمتنا النوم
ويامقبول ياخ زيد الفول:p |
اقتباس:
منو القصير دا يا عامود النور:confused::confused: |
اقتباس:
يختلف معاك أديهو لامن يقول تبت ولكن في الحدود المقبولة، ومعظم الناس هنا بتعرف تكتب أنا كلامي هنا واضح مقصود بيهو العلاقات الاجتماعية (يعني ما موجه ليك) لكين حارة الواحد تمشي ليهو ويجي يكتب هنا إنو انت ما كان مُرحَّب بيك (دي كيف نسكت عليها، كلنا كيف نسكت؟، لازم واحد يتدخل) أنا أول مرة أزور فيها معتصم الطاهر سقت أسرتي كلها معاي وكنت فرحان جدا، وجيت فتحت بوست نطت لي واحدة سفهت أحلامي ولما رديت عليها بقيت أنا الما كويس ياخ المن والأذى دا قتل بسكين باردة، عشان لازم أطمئن ما يجي واحد يكتب هنا يطلعني ذي الشحات لمجرد اختلافي معاهو في وجهة نظر، لازم اعمل حسابي ياخ في ناس فاتو وخلو المنتدى دا لي خالد الحاج عشان ترك الباب مفتوحاً لكل الناس، أها تاني جايين لشنو؟ عشان يصححوا أخطاء خالد الله يرحمو؟ الطرد بالطريقة دي بيعبر عن خسة وانحطاط والله يستر من الجاي[/justify] |
السلام عليكم ورحمة الله وبركاته
ورمضان كريم على الجميع إنه من الحكمة أن يتوقف الجميع وينظروا حولهم ليتحسسوا مواقع أقدامهم ومدى قربهم وبعدهم عما يردده الجميع من تواصل ومحبة؛ هذا أمر يدفع بكل تأكيد الى مزيد من الترابط بين الناس. رغم أن الأخ ناصر يوسف لم يكتب سوى ما يشعر به في خلايا روحه كما يقول غير أن حديثه وجد فيه كثيرون نوعاً من الحقيقة دفعهم لبسط مابين ايديهم من تحفظات حول مدى تواصل الجميع في هذا المنبر. إن مسئولية التعاضد بين الاعضاء لا تستطيع أي ( إدارة) أن تقوم بها منفردة ؛ هو جهد من المخلصين والمخلصات في تفقد بعضنا البعض لا أبرئ نفسي منه اذ كثيراً ما تأخذ الجميع مشاغل الدنيا فنذهب بعيداً جداً عن قيمة الشعار المرفوع؛ وفي تذكير بعضنا البعض نقييل كل العثرات. حول ما تفضل به الاخ ود الخير أقول أن الاخ الجيلي أحمد الآن (موقوف) ولا يمكنه الرد على ما جاء في مداخلته لذا ألتمس منه ومن الجميع وضع ذلك في اعتبارهم. ثم اتفق مع أن الذي جرى للأخ فخري الزين يستحق منا الاعتذار بشجاعة؛ اذ لم نكن بالقرب الذي يجعلنا معه عند محنته، ونأمل أن يغفر لنا ذلك، وهو أمر لم يكن فيه سوء القصد ولاتربص لكنه حدث جراء عدم المتابعة اللصيقة وفي اعتقادي يشاركنا هو نفسه هذا الخطأ اذ الذي يغشاه الضُر يتكئ على كتف أصدقائه. هذا هو اعتقادي بشكل عام أما اذا كان للأخ ناصر يوسف ما دفعه لكتابة هذا البوست غير ما فهمنا وفهم كل الذين تداخلوا هنا فذاك أمر آخر نأمل أن تكون الحكمة حاضرة في مناقشته. إن القول بأن سودانيات( امانة عامة وشوية ادارة) - كما تفضل الأخ معتصم الطاهر- فقدت البوصلة قول فيه كثير من المبالغة؛ إذ ظلت وما تزال الأمانة العامة وبقية ادارة المنبر تقوم بمهامها والتي وان شابها قصور يتعلق بمراعاة علاقات الأعضاء بعضهم البعض كان نتاجه كثير من الملاحظات التي تفضل بها البعض هنا،غير أن هذه المهمة ليست مهمة ادارية بحتة هو جهد الجميع لأجل الجميع. نأمل أن يكون في هذا البوست ما يمنح الادارة والجميع بوصلة تقودهم الى الرضاء الذي هو غاية الجميع . ولكم جميعا تقديري واحترامي طارق صديق كانديك |
عفوا لم أعرف أن الجيلى موقوف ..
فاعتذارى للجميع و للجيلى .. |
اقتباس:
شكراً كيشو وأنت تكتبها بثقة وصدق .. |
اقتباس:
لم ننكر على الادارة قيامها ببقية او بعض من مسئولياتها .. و لكن .. مسألة التواصل و المحبة فيها كثير من مسئولية على الامانة العامة و شوية على الادارة .. مثال واحد الديمقراطية و حرية الكتابة على حساب العلاقات .. نعم هي معادلة نختلف فيها ..لكنها بالجد كانت على حساي التواصل و المحبة .. فترك بعض المواضيع تثير المشاكل بين الاعضاء .. ولّد مشاكل وأدى لتقطيع ااواصل و أواصر .. شكرا على تقبلكم نقدنا .. |
اقتباس:
المشاركة الأصلية كتبت بواسطة ناصر يوسف http://sudanyat.org/vb/images/buttons/viewpost.gif أو ،،،،،،، هكذا كما ورد إلي خلايا الروح بعضاً من هِزال وكفي ،،، أهو فقدان لبوصلة التواصل أهو فقدان لبوصلة المحبة أم هو فقدانٌ لماذا يا تُري ؟؟؟؟؟ !!!!! هي مجرد أحاسيس تعتمل في الروح ،،، بوست غير قابل للتجزئة غير قابل للتحاور غير قابل للعودة إليه مجدداً ،،، أبو رحيق سلامات ياخ ... وحات شيخي داك أت حثاث أكتر من اللزوم يا أخو الأخوان ... خثمتك بالنبي لما تمشي أبيي تاني تعال غاشيني ... تحياتي يا حلوين !!!! يا ربي أنا وين ؟؟؟؟ أمين جونية |
هو فعلاً أهداف البوست ده ما معروفة .. وإذا ناصر فاتحو مخصوص لود الخير عشان يجى يعمل الشويتين ديل تبقى كارثة ..
دخلت منفعل لكلام كيشو .. موش عشان صاحبى .. لأنو زول بيتوخى العدالة وما بجامل فيها .. وكان يمكن بتكة ماوس يشوف مداخلات ومواضيع ود الخير كلها .. غير كدة سئمت ياخ عناوين سودانيات بيتنا وأواصر المحبة وكلام الإنشاء ده .. العلاقات شيئ ومطارحة الفكر شيئ آخر .. وده لا فيهو بيتنا لا مجاملة ولا تهادن .. هنا يأتى التثقيف والحقائق مجردة بدون مجادلة .. والناس هنا يقعدوا يتغازلوا وينسوا الشريك الثالث لسودانيات وهو المالك الحقيقى وهم (القراء) من خارج الأعضاء .. بوستات مثل هذه مكانها الخاص .. وليس هنا لمناقشة الخصوصيات .. ود الخير يستضعف غضب الناس على بعضهم البعض ويلقى مناصرة .. دى حالة دى وأقول لود الخير بالفعل أنت قالب المثل الجبتو (العملتو بايدك يغلب أجاويدك) .. المثل ده محلو هنا بالظبت .. المضحك لامن تقولو أنت .. يا كيشو فى مسلمات لا مجاملة فيها مثل العقيدة .. الوطن أحداهما .. مثل ود الخير وآخرون لن أفرط فى مواقفى معهم من أجل شعار سودانيات .. سودانيات باب مفتوح بشروط عضوية فقط (عنوان واضح) وتوقيع على لوائح وقوانين .. خلاف كدة لا توجد موانع للتسجيل .. وأى عضو يتوقف بإختيارة .. فلا ننسى ذلك .. فليس من له حق طرد شخص من هنا .. ولكن لن أجامل شخص على حساب نفسى |
يا عم رأفت ياخ انت بتقول في شنو ياخ
انت ما قريت كلام الجيلي ؟! بالجد انا اصبحت مؤمنا بان اكثر الناس تشدقا بالحرية هم اكثرهم انتهاكا لها على العموم ثبت وبما لا يدع مجالا للشك انو السايبر حاجة والواقع حاجة تانية اللهم الا من حالات خاصة |
اقتباس:
اقتباس:
اقتباس:
|
اقتباس:
في الإساءات، لا بتحترم عمرك!..لا بتحترم وضعك الإجتماعي!،..ولا ولا يازول الهوى ما يعتر ليك! لكن بين كل إساءة وإساءة أقيف وفكر وأسأل نفسك...يا ربي ليه الناس دي ما عاوزة تجاريني؟؟ وأبحث، وأبحث.. شوف دا إسمو شنو!! البيمنع* واحد زي ما يجاريك...لما تحتار شديد بتلقى البساعدك، ويوريك..لسه الدنيا بخير *ما رمضان حاجة تانية |
اقتباس:
وأعتذر لما سببته لك |
سلام ياجماعة ورمضان كريم ......
أعتقد أن انطلاقا سليما لمناقشة موضوع جامع بهذا البوست رغم تشتت الأراء والأهواء يجب أن ينطلق من مداخلة عمنا رأفت التالية: اقتباس:
|
هسي ياكيشو نحن ملزمين باللائحة وللا بتقاليدنا البرة المنتدى؟؟؟
غضبتك وحزنك مبرران ... لو الشي الحصل ده حصل في الحلّة ...... بالجمبة كده: أحزنني تصرف الجيلي مع المدعو خالد محجوب ولكنني لا أستطيع أخطئه .... بالجمبة تاني: بيتي وبيت جيراني مفتوح ليك ياكيشو برة المنتدى حباااااااااااابك وحباب اليجي من جهتك.... لكن عليكم الله خلوا لينا حبتين الرأي والفكر هنا نبني عليهن.... |
اقتباس:
اقتباس:
وبرضو تاني ما "بطمش" ساكت يقوم زول يفقد المنطق مرة ويقول شربتك عصير وأكلتك باسطة، تاني بشيل معاي تعهد أي زول يعزمني يوقع على التعهد، دا شرطي الأساسي:) اقتباس:
ونأتي إلى هنا (حيث عالمنا الإسفيري هذا)؛ ما الذي يحكمه؟ هل هل تحكمه اللائحة فقط؟ وهل ما يتولد من التلاقي هنا من علاقات (صداقات وعمل وديون وحب وزواج إن شئت) هل هو تطبيق للائحة؟ أليس ذلك مخالفاً للائحة؟ لقد اجتمعنا لنسكب أفكارنا وننصرف، فلماذا تجلس خلفنا مشاعرنا؟ وماذا تفعل تلك المشاعر الآثمة بعد انصراف الأفكار؟ وهل ما يسفر عنه الحوار من كره وبغض وخشونة لفظية، هو تطبيق للائحة؟ لماذا لا نقول لهؤلاء التزموا باللائحة وعبروا عن أفكاركم بهدوء وتفرقوا بإطفاء أجهزة الكمبيوتر، وعودوا إلى وعيكم؟ ولماذا عندما نسب بعضنا نقلب اللائحة وننظر إلى بعضنا بعضاً والبراءة تملؤ جوانحنا ونسأل عن اللائحة؟ الكلام عن اللائحة لمن يعتدي ويسب هو مزيد من الاعتداء والسب، ودليل عجز في الحوار، ويأس من إقناع المتابعين[/justify] |
اقتباس:
اقتباس:
زمان اللواء محمد عبد القادر محافظ كسلا أعلن الشريعة في المحافظة التي كانت تغطي الإقيليم الشرقي الحالي بولاياته الثلاث، أها الواحد لما يقبضوه سكران في القضارف يقول شربتها في مدني[/justify] |
يقول شكسبير:
إنّنا بحاجةٍ للخلافات أحياناً لمعرفة مايخفيه الآخرون في قلوبهم؛ قد تجدُ مايجعلك في ذهول؛ وقد تجدُ ما تنحني له إحتراماً ... ! |
نعم يا طارق محتاجين للخلافات و ليس للمشاكل..
فعندما يصل الحد للشتم و فقدان البوصلة هنا يجب ان يتدخل الآخرون لنحافظ على شعرة معاوية .. و هنا تكمن حكمة الحكماء و أصحاب القرار .. |
اتفق معك يا باشمهندس بدون شك .
|
اقتباس:
وبالتحديد الكلام دا اقتباس:
الاهتمام بالمعرفة والثقافة ما بتصلح حال والدليل عندك اهو كلام الجيلي اعلاه , الجيلي الذي كان اكثرنا مناداة للحوار الجاد وشابكنا الفنان الفلاني مقدس وما تقعدوا تضاحكو في حضرته والعالم الفرتكاني اله فوق ترهاتكم والخ الخ اخر حاجة جاء فكا اخره في ود الخير وورانا حقيقة قول اهل السودان انو القلم ما بزيل بلم يا اخوي شين فايدة الثقافة والمعرفة اذا كانت السلوكيات معوجة؟! علي العموم لو دا فهمكم للحوار وانو فقط حكر للمفاكرة والمثاقفة والجدال يبقى واطتنا اصبحت ياخ علي الدين الحوار الجد جد بكون بين ولد وبت بجكسوا بعض او واحد وصاحبو بناكفو بعض |
ياوجدي كنت أعتقد أنك ممكن تقدّر على الأقل عدم امكانية الرد من الاخ الجيلي التي أشرت اليها في مداخلة سابقة.
ان الذي تمّ بين الجيلي وود الخير حتى الآن لم يقل فيه الجيلي كلمة واحدة فمن باب العدالة أن تترك له فرصة التعليق على كل ذلك قبل أن تناله بمثل هذا الحديث. |
بعد عام كامل من الابتعاد عن المنبر الا من اطلاع في أحايين بعيدة ومتقطعة فقط لأرى ما تبقى من فكرة سودانيات التي أراد لها صاحبي/ها.
وبعد الأبعاد القصري الذي مارسه البعض بعد ان تنبأت لهذا المصير مبكراً. واكتملت الرؤية بعد اسبوع تمام داخل دهاليز الادارة (ولان هذا سيثير الصفوة امنحو الناس حق الاطلاع على مداولات النخبة المنتخبة منذ تسلمكم قمع الفكر والقلم بمنبركم المقدس) خرجت وصمت حتى لا ينهار ما بناه صاحبة واضعف الايمان ان يكون صدقة جارية له ان لم يكن دعماً لورثته الشرعيين، اتهمني البعض بالنكوص والبعض بالهرب. ما كتبته لكم بليل فى آخر مداخلاتي ازيل في ليل وحرف عبر الهواتف. انها أمانة حملتموها ولم تحتملوا سؤال الاعضاء. فكيف ستواجهون بها الله. |
اسف جدا علي تغولي في رد الجيلي لود خير
وكلامي كان صادر تحت شعار (السكوت في معرض البيان بيان) ولان الجيلي لم يتدخل ليقول شيئا عليه اعتقدت ان الجيلي سكت عن تبيان معاني مقاصده لانها كانت واضحة كما هي مذكورة في هذا البوست عليه يظل قولي معلقا تذروه الرياح حتى عودة الجيلي |
اقتباس:
وتكبر تنسى ياخ :p |
| الساعة الآن 06:15 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.