بين "خالد الحاج" الإرهابي و "خالد الحاج" المغني وخالد الحاج المليونير والشكية لله
سلام...
يبحث أخونا شوقي عن بوست قديم كنا قد شاركنا فيه قبل أعوام، وطلب مني أن أبحث عنه وتعلمون عداوة شوقي لتقنيات البحث. توكلت علي الحي الذي لا يموت واتجهت ل "النبي قوقل" .. كتبت -خالد الحاج - وفي بالي أن أبتعد من اسم شوقي بدري لأن سيدنا قوقل سيأتيني بألف رابط ولا وقت لي لكل هذه الروابط .. ماذا كانت النتيجة ... (1) خالد الحاج المغني : هو فنان صوته لا بأس به اسمه خالد الحاج ... ونترك الفيديو والسيد خالد الحاج يحدثكم عن نفسه : [media]http://www.almshaheer.com/videos/khaledalhaj_output.wmv[/media] [align=center](الفنان خالد الحاج)[/align] (2) خالد الحاج الإرهابي- أو المناضل الإسلامي - "حسب موقعك ووجهة نظرك" http://www.amin.org/look/amin/articl...=1&NrSection=1 [align=right] اقتباس:
(3) خالد الحاج (تلميذ الأستاذ الشهيد محمود محمد طه) . اقتباس:
خالد الحاج المليونير وصاحب مجموعة الشركات "أوعدنا يا رب :mad: " [align=center]http://sudaniyat.net/upload/uploading/a1231.jpg[/align] وللمزيد عن خالد الحاج المليونير أضغط الرابط : http://www.addlinkat.com/daleel/deta...9%87-1801.html (5) معالي المهندس خالد الحاج حسن: :( http://www.arabdecision.com/cv_image...j%20Hassan.jpg اقتباس:
يا شوقي بدري دي هي الروابط طبعا تجاهلت الروابط التي تشير للعبد الفقير لله خالد الحاج الحسن إبن المرحومة حاجة علوية الفقران المسكين. والشكية لله. |
خالد الحاج المليونير يمكن افضل
[align=center]خالد الحاج المليونير يمكن افضل
خالد الحاج باقي لي اكان خيروك قطع شك بتختار(الارهابي ,الفنان,الداعية الجمهوري,المهندس) ولا واحد لاكن يمكن تختار خالد الحاج المليونير ممكن[/align] |
العزيز خالد
انا غايتو بعرف خالد الحاج الفنان الذي يطربك بظرافتة ولسانة الطويل وكرمه الحاتمي وبعرف خالد الحاج المليونير وصاحب مجموعة سودانبات غني النفس والروح ومقدود الجيب وعدمان القرش :D :D :D لكن خالد الحاج الإرهابي- أو المناضل الإسلامي:confused: ده الله بيتي وبينه الله يكون في عونك ياخوي وبنصحك اوعك تمشي لي لبنان اوسوريا اسرائيل اليومين دي سمها فاير . والتحية لخالد الحاج المطرب صوته جميل |
اقتباس:
وحياتك يا إبن عمي لن أرضي إلا أن أكون خالد الحاج الفقران القدامك ده قالوا يا مجيد "جنا تعرفو...." |
اقتباس:
عم خضر ليك وحشة والله يا زول يا "شاب" :D قلت لي بيروت؟ يا زول الدول العربية دي كلها إن زرت دولة فيها لن أزور سوا الأمارات.. أخوك يا خضر ما بدور قلة القيمة .. تشكر لكلماتك في حق أخوك يا زول يا حبوب. همسة: المحفضة جمعت ولا لسه.. قالوا لي لا بطاقة شخصية ولا بطاقة بنك .. خلوك سليقة :D تعرف الحرامي المسكين بيكون قايل عندك قروش لوووووووول إنت قايل شنو يا خضر حتى في الحرامية الغبيان في :D |
[frame="1 80"]القناعة كنز لا يفنى[/frame]
كفاك أنك خالد الحاج الهو إنتا وكفانا بيك خالد الحاج لأنك يا كا إنتا |
اقتباس:
دكتور مخير حبيبنا.. تعرف يا حبوب دي ريدة منك ساكت والله أحمد الله عليها ربنا يخلي "عين المحب" يا دوك لولاها كنا رحنا ساكت :D تسلم يا ملك. |
خالد العزيز جداً الحاج الغريبة يا خالد إنت كل الجماعة ديل! بل تفوقت عليهم جميعاً، في تخصصاتهم، (ما إنت المعلّم)! يا خي خالد الحاج الفنان ده صوته أشتر (ولسه بتمرّن، ما لا قي ليه شخصية يندغم فيها)، يعني يحتاج إلى (Polish) كتير حتى نعرف حيرسى على إيه، [mark=FFFF00]وإنت فنّان محترف ومشهود [/mark]له! خالد الإرهابي، أظنك إرهابي أعظم منه بمستوى(جيفارا، ولوممبا ومانديلا، مش ديل برضو مصنفين إرهابيين، حسب رأي الأعداء؟) الإرهاب مجرد زاوية نظرمضادة للآخر المعادي، وبالتالي فهو لقب محايد! وبعدين عمايلك الإرهابية واضحة، وكمان فيها ديكتاتورية كمان(وإيه يعني)! خالد الحاج تلميذ الأستاذ محمود (هذا شرف لا ينكر،) وأشهد أنك لكذلك وتشهد المقالات التي أنزلتها عنه والبوستات العديدة والأرشفة( فأنت تلميذ، وتلميذاً نجيض وما خايب)! تلاميذ محمود كثر، في فكره وحرية رأيه وجسارة تفكيره وعقلانيته، وأشهد انك تلميذ فالح (حتى ولو كنت شيوعياً أحمر أو بنفسجياً!) وأما خالد الحاج الداعية، فتكفيك "سودانيات" المنتدى والمجلة، ويكفيك شعارك ( نعم ننافس، فنحن نخدم أمة)، وما الدعوة والدعاية إن لم يكن هذا؟ وأما خالد الحاج المهندس فهندسة الحاسوب التي تتألق فيها "سودانيات" تشهد لك ومعتصم الطاهر! عايز إيه تاني! وأما خالد الحاج المليونير أنظر حولك، كم تساوي هذه المحبة التي تصرفها في أي بنك إنساني، وكم من محبيك على استعداد لتلبية إشارة منك؟ كم أنت مليونير بأمر تُنْفَق الملايين من أجله ولا يبلغ معشاره أصحاب الملايين المؤلفة ، ابتداءً من.... وانتهاءً ب (بيل جيتس)! المليونير الحقيقي من يأتي إلى فراشه، وينام ملْء جفنيه، لا يعكر مزاجه رقم ولا هم و لا شيك طائر ولا بورصة! المليونير من يصبح الصباح وعلى وجهه ابتسامة ودعاؤه أن الحمد لله رب العالمين، على نعمة الحياة والصحة والعافية فاعجب كيف جمعت في نفسك كل هذه الصفات ، وتوهمنا بأنك مفلس (علشان تتوارى من أعين الحساد) [grade="00008B DC143C 008000 4B0082"]ما هو باين ، باين في العيون وين حنهرب منو وين وين[/grade]! |
يا لها من سنارة شحمانة يا خالد وهى تصطاد كنز من بطن الحوت ( قوقل ) :D :D أنا علقت مع خالد الحاج الأول ( المغنى ) يااااخ صوتو جميل وأحسن من كتار غيرو , بس عندو مشكلة حفظ وداير حبة تمارين وبعدها إركب الظلط طوالى :p :D :D الشيالين عندو أمانى ميرغنى صاحبة الصوت الخرافى ... والأجمل ان الأغنية تكون إحدى دررالشاعر الراحل / عثمان خالد ... رحلة عيون عثمان خالد ننساك انت انت بتتنسي ما انت روحنا وحبنا سافرنا في عينيك ولسه قلوبنا بيك ... متجننه يا اغلى من نور العيون يا احلي من النور غنا كون من رشاقة وامسيات باقات انيقة ملونه الحان طروبه ووشوشات انهر .. موسيقى .. ودندنه ذابت قلوبنا عليك حنان وانت بعيون ذوبتنا غار المساء و الكون صبح عشاق جمال يتاملو وكل الحروف الفي الخيال في لحظة جادو وما غلو حتى القمر حولو النجوم اتلفو فيك اتغزلوا وقالو الجمال يا غالي بيك كانت نهايتو .. واولو ونحن في هواك يا غالي لا بنطيق فراق لا بنحملو واصلو المحبين الحنان لا بنسوا لا بتحولو ننساك هو انت انت بتتنسي |
اقتباس:
نهاراتك ندية.. أها دي من اللحظات "البتبكم " فيها الواحد .. أعترف وأقر "يا حنينة" أني بريد الشكر :D :D ** ولما الشكر يجيك من زول رائد بيعجب والله الشاهد يا أخي والله زي ما قلت لي بابكر دي ريدة ساكت اللهم زد وبارك ليتني كنت في أي مقام ينسبني للأستاذ الشهيد محمود محمد طه أين أنا من هؤلاء يا أستاذي .. هلا هلا علي قول أهلي الغبش محمود محمد طه .. يا له من رجل.. إهتزت من ثباته المشنقة ومات قاتله جيفة وهو حي ؟؟؟ أين أنا من ذاك يا رحمك الله:( الله يديك العافية. ** حنينة قالت أنا بدور الشكر:D قلت ليها يا حنينة لو زول شتمك بترضي؟ قالت لي: لا . قلت ليها : وتيب:D |
اقتباس:
تعرف الزول ده تعرفو أشتر كيف ؟ بيقلد صلاح بن البادية! صلاح لا يقلد يا قارسيا فنان ذو صوت فريد لا ثان له.. كنا في حفلة زواج صديقي عوض الله سيد سليمان وكنت أقف إلي جانب المرحوم الخال علي ميرغني وهو يتحدث إلي الفنان محمد ميرغني كان حينها صلاح بن البادية يغني.. قال المرحوم علي ميرغني : ده الغنا يا محمد . أما صلاح بن البادية المتحدث فيذكرني بوردة الجزائرية ولا أنسي المقلب الدولي الشربتو ليه أختنا "سارة منصور" :D أما عثمان خالد فهذا قصة أخري.. يا له من شاعر عذب الكلمة والمعني.. |
[align=center]http://sudaniyat.net/upload/uploading/a1231.jpg[/align]
يابن عمى مسالة خالد المليونير دى بفتكر انها سمحة وقيافة وبتلفق معاك شكلا ( شفت الشكر دا ) :D :D نرجع للسجل التجارى بالله شفت جمال السجل التجارى دا كيف ؟ ؟ تكون قاعد وراء مكتب طول عرض والسجل دا فى برواز مذهب خلف كرسى المكتب مباشرة والسواق والخدم والمراسلات والحشم وتجى داخل مكتبك الصباح واحد قدامك يفتح ليك المكتب والورانى شايل الشنطة او اللاب توب وبسنس ما قبل البحار وبعد البحار وبورصة وسمسرة ومضاربات فى اسواق المال والمعادن والعملات والبترول وعيييييييييييييييييييييييك دنيا وعالمين والجيب سمين ريدة الناس سمحة و مطلوبة والله يكتر منها والشكر سمح ;) والقرش بجيب الشكر والريدة وان كانت مخلوطة بمصالح ومكاسب ما بطالة برضو ، انت ما سمعت المثل بتاع اهلك البيقول الريد مع الليد البتدى والحن مع البطن المتغدى :D :D لكن يسو ليك شنو ؟ ؟ زول تدور الفقر والشلهتة :D :D اما مسالة ارهابى ما لافقة معاك وان كنت قد تعرضت لقليل من ارهابك الادارى :D :D :D اما خالد المغنى دى لا من قريب ولا من بعيد جاية معاك واكثر مكاسبك اللى ممكن تجنيها من خط الغنا دا تكون شيال فرقة ليست لها صيت ومن النوع البتنجد الناس فى الحفلات البيشر فيها الفنان ناس المناسبة :D :D :D الرابعة شنو ؟؟ المهم ما عرفتها لكن اقوليك كن كما عرفناك تكن كل شى |
غايتو سيدنا قوقل دا خِجل منك ساى وما طلع ليك خالد الحاج (الطباخ;) )
|
حبيبنا خالد الحاج
تحياتي كلام مخير و عالم عباس سمح لكن كنت داير ليك القريشـات:D :D النصيحة لي الله.. تمشي تشتري بيت كبير في الخرطوم تلاتة و تجهزو في يومين، زي الكيزان، و تقعد وسط الأهل..و أنا أكون في بالي زيارتك..نمشي رحلة نيلية باليخت الخاص بتاعك..طبعآ خفير الهلب ذاتو ح تكون بنية حبشية و الديليخ حتى في التحلية..لوووول..و تقعد تتحايل علي أمسك ليك الفضائية بتاعة سودانيات، و كلما أعتذر بظرف تزيد الراتب السنوي بتاعي عشرة ألف يورو (ما يفوتك انت غنيان و فهمك انو الحل في القروش بس)..بعد داك ح يكون عندك أصحاب كدة نحن ما طايقينهم..صلاح ادريس:rolleyes: ..ود الجبل:( ، عصام الترابي:mad: لوووول..بعدين عمائم غريبة كدة و (قـُـطرة) لابسها واحد خليجي مزعج..و كلهم بيعاينوا لفتحة اسكيرت السكرتيرة الحبشية و هي تخطر أمامهم، إلا أنا، بعاين في نوناتو الفي وجناتو;) و انت في الكلام معاهم بتعلـّـي صوتك بالأرقام الفلكية: (عشرة مليون دولار كحد أدنى للسهم يا المرطيخي يا أخا العرب و قول لطويل العمر أنا مهتم بالتفاصيل)...لووووول رايك شنو في اسم الخليجي؟..قصّـرت مع أصحابك؟ يعني انت فاكر ح تكون غنيان و حولك أصحابك الحلوين ديل؟ أو انت ممكن تكون بي فهم خالد الحاج بتاعنا دة؟ هذه لقطات من دنيا الأثرياء بحبشها و مرطيخها! و هي شَـروة واحدة بالمناسـبة:p فهل أنت فيها من الراغبين؟ |
إزيك يا طارق
تعرف حكاية الزول يكون غني دي ذاتها خشم بيوت أذكر "المناقرة" بين العم أبوشوك والحاجة بتول (تجد القصة في شخصيات من حلتنا) وحاجة بتول عندها بيتين وقريشات داساهن في السحارة لليوم الأسود.. أبوشوك : يا حاجة بتول الله بيسألك في شيتن يقولو لو البرسيم إشتريه لي غنماياتك ديل. يا حاجة بتول غنماياتك كان ما زهوري وأكياس النايلون كانن فطسن.. إنت أقعدي لمي في القريشات لامن تموتي وتخليهن. يا حاجة بتول إنتي شن قايلها ماك حارساهن ويومك التومتي يمحقوهن البطان في السفاهة. وترد الحاجة بتول : غنمايتي آخير من بطانك الفاكيهم في الشارع النهار كلو.. يا أب شوك أختاني يموت نصك يا الما بتشبه الرجال. كانت الله يرحمها تثق فيني يا طارق وكنت أحسب لها القريشات و "أصمهن" ليها. ماتت وتركت كل ذلك رحمة الله عليها ... نسأل الله محبة الناس يا صاحبي فهي زادنا يوم القيامة نلاقي به الكريم ونقول هذا كتابنا مدعوم برحمتك يا إلهي.. ويمكن .. يمكن ..ندخل الجنة :D |
اقتباس:
"والعافين عن الناس" "والكاظمين الغيظ" وبنتلاقي يا ود الناظر :mad: ونشوف "البنبر" كان بيشيلنا الإتنين :D |
اقتباس:
والله يا طيب السناريو سمح :D قلت لي حبشية :o القروش طايرة لووووووووووووول لكن يا طيب بعد ده ؟ زماااان كان ممكن يا طيب الزول ينخدع بي الزي ده.. لكن ما فضل فيها بقية نضيعها مع ناس ود الجبل وعصام الترابي. نسأل الله حسن الخاتمة نحن بقينا ناس "عيييين" ساكت " من عاين يعاين وأظنها جمع تكسير :D حا توحشني سربعاتك يا طيب والله.. |
خالد الحاج
بتاعنا سلامات براك سويتا فى روحك .. قبل كدا عشان ابحث عن سودانيات حانى مليون اسم قمت كتبت خالد الحاج .. جاتنى البلاوى دى .. قلت أكتب بوست .. حكاية الارهابى دى ( أو المجاهد او المناضل ) خالد الحاج خلتنى اسكت منك خوفا عليك خاصة انو سمعتنا بقت فى الطيش .. لكن يا خوى من سبت الطفشى و قعدت اتحكرت للحردان والــ ... شكية لله نقول ليك المليونير دا .. فى الأردن فى عمان الغربية سمعتو والحمد لله زى الفل .. بتاع أكل و ( شراب) .. والارهابى قال حرم مابسيب بلدو .. و الفنان اهو قدامك .. لسه عندو مستقبل .. انت عليك الله ما كفاك بس كلمة ( يا خال) |
خالد الحاج سلامات
والله يا خالد ضحكتنى من قلبى تلقى الفى مرادك بس انت نسيت ..لو كتبت خالد الحاج الانسان القلبو ابيض وشكال ابو احلى عيال فى الدنيا وزوج اعظم امانى واخو امينة بين قوسين سارة الضارة كان شفت العجب يا اخوى مودتى لك ولجميع ضيوفك |
سلامات سلامات يا اخوانا
غايتو انا بفضل خالد الحاج بتاع سودانيات .. جميل خالص الارهابى دا بيخلع يا بابا |
اقتباس:
أقول ليك سر.. هذه الكلمة (يا خال) تجردني من كل شرور الدنيا وتفتح قلبي علي آخره لقائلها... فيها حنية وفيها إلفة .. يديك العافية يا صديقي الجميل |
اقتباس:
وأخو أمينة دي براها بالدنيا يا سارة يعني الواحد يحلف بيك تاني "لما يكضب" :D وحيات أمينة أنا أخوك يا أمينة لووووووول يخليكي لينا ويبهجك دايما يا زولة يا جميلة |
اقتباس:
تعرفي العاجبني فيك شنو؟ إنك بتعرفي تشوفي كويس :D تسلمي من كل شر إن شاء الله |
| الساعة الآن 04:54 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.