تسلم يارئيس ..
زيارة السيد رئيس الجمهورية الى اقليم دارفور تعتبر فريدة فى ظل الاوضاع التى نسمع بها عن دارفور .
الاوضاع مستقرة فى الاقليم .. احسن بكثير وافضل ومايذكره الاعلام الغربى تشويش لاغير وفبركة وترزق ومكسب من قضية دارفور . والاهم رغم الازمة افتتح العديد من مشاريع البنى التحتية . اللهم رد كيد الاعداء المتربصين على الوطن . |
والازمة تفبرك لها أجهزة الاعلام الغربية بصورة بشعة ابادة جماعية ودواليك من الحديث .. ربنا يكون فى عونك يابلد .
|
الأخت سلافة
سلام أما بعد ... متابعين ... زى الهبوبة البى ترابا وسط البرد الشاقاو سحابة جوز سطور مشات حبابة زى البرق الغزالة والكترابه واصلى |
اقتباس:
ما هو دا لو حصل حنرتاح من ناس ديل همسة؛ لأاحظتي كم مرة نفسي إنقطع ودا طبعا من الشدة الوجع |
الاخوة الاعزاء
رأفت ميلاد وبابكر مخير دى النهاية ؟؟ الاخ بابكر الله ماقطع نفسك ولا جاب الشدة !! |
اقتباس:
والله الفبركة ما عندك لكن قلت لينا ولا ابادة جماعية ولا دواليك ؟؟ ياخى تخ كوزة وكمان مكابرة ذكرتينى بنكتة البيقنع الديك شنو لكن قصــــــــــــــــة غريبة |
اقتباس:
شنو القصة دى خوة جريوات زى ما قالت سارة ولاشنو ؟؟ انت البيموت ولا يحرد ولا يغرق ما بتجيبو خبرو ؟؟ والله بالغت وشذيت ؟؟؟ لكن والله مشتاق يا جميل لكن طلعت ديامى اى كلام سلام تخريمة : تخيل لحدى لان فى ناس بتكابر فى ما حدث ويحدث فى دارفور حتى الان اليوم مجلس الامن بيناقش مشروع دخول القوات الدولية او الهجينة او العجينة او اى شى فقط المهم والاعظم تحت البند السابع ودا الاحسن والاهم عشان ناس كتار يقبضوهم قبيض الفرة تعرف الفرة اكيد طبعا ! ! اما سلافة الكوزة فى دى زولة مكابرة بخشم الباب |
اقتباس:
والله نحن بنتمى انه الشفناهو يكون حقيقي... بس لمشكلة انه ما حقيقي... هي الشغلانة كلها اتعملت عشان العالم يعرف انه دارفور آمنة... عايزاهم يجيبوا لينا شنو؟؟؟؟ لكن بيني وبينك كدا والجماعة ما يسمعونا شفتي قوات التأمين دي كانت مشتتة كيف؟؟(اللهم فرق شمل أعدئنا - قولي آمين)...[/align] اقتباس:
بعدين يا أختي مسئولة من الخير الشوش وفبرك واترزق ظهرت في عويناته وجضيماته وكليواته... والله بس عجبتني (البنى التحتية دي) شديد... ربنا يقويهم على عمل الخير.. اقتباس:
مودتي... [/align] |
اقتباس:
العزيزة دير يسلم فمك وقلمك مودتى |
الأخت سلافة وجميع المتداخلين ، حقيقة تتملكني روح الرد على هذا البوست بصورة الهتر! ولكن تذكرت أن للعقل الفرصة الأولى ومامصابنا الا من تغييب العقل وعدم الامعان ... فأقول:
ان الاعتقاد بأن دارفور بلد آمن مطمئن لأن مجلس الوزراء قد اجتمع فيها هو اعتقاد أحمق،(والا الناس مالا قايمة وزعلانة فوق كم!!!!) وان أمعنا النظر الى كامل الخريطة لرأينا مستنقعات كما رأت الأخت سلافة سهولا بزيارة الرئيس ومجلس الوزراء... ذكرت بيانات أمنية أن الحكومة بصدد ارسال 20 ألف رجل شرطة يلحقون بـ 20 الف آخرين سبقوهم الى ذاك الأتون!! أربعون الفا!! دون ذكر غيرهم من القوات الأمنية والجيش وووو !!!! وهنا نطرحه سؤالا جليا ، هل هذا دليل أمن ؟ اعتقد أن حشد كل تلك القوات لهو دليل على استفحال الوضع ان ذكرنا أن عدد قوات الشرطة بولاية الخرطوم يربون قليلا عن ربع هذا الرقم! الجهات الحكومية تتحدث عن مليون لاجئ ، هل هذا دليل أمن واستقرار؟! ماالذي يجبرهم اذا على حياة أشبه بالموت في معسكرات تشبه المقابر؟ الحكومة تتعامل مع أزمة دارفور بدراماتيكية واضحة وبحتة وقمة الدراما كانت في عقد اجتماع مجلس الوزراء بدارفور لتظهر دارفور بمظهر الآمنة والأمن منها براء.. برة الموضوع:طارق ،،،، ياخي شوقا كتّال... |
الأخت سلافة
كانت البداية فى دارفور والنهاية فى كجبار و ماحدث فى دارفور والشرق والشمال من مذابح كان بصنع الإنقاذ أما المسرحية التى مثلها البشير لا تخدع طفل . هؤلاء السفاحين يجب تقديمهم للمحاكمة لما أقترفوة فى حق الشعب السودانى من جرائم تمثلت فى تعذيب الشعب فى بيوت الأشباح والمذابح التى أرتكبت فى دارفور والشرق وأخيرا وليس أخرا ما حدث فى كجبار من ذبح مواطنين وهم تظاهرون فى مسيرة سلمية كما شاهدها الجميع فى الفيديو وأسألك هل ما حدث لهؤلاء المساكيين الذين يتمسكون بأرضهم هل هو نتاج مؤامرة خارجية أيضا ؟؟؟ وأى كانت الإجابة فهذا لا يجعلنا نصدق مسرحية البشير فى دارفور!؟؟ لأن فاقد الشئ لا يعطيه |
الحبيبة سلافة
والله الزول دا ما عوير وبس كمان قبيح طبع ما بقول قبيح خلقة لأنو دا الله ودي حكمتو لكن شنو قباحة الطبع دي لمن في دارفور بيقول ما في فرق بيناتنا، أنا وعلي دينار أولاد عم يعني خلاص أفرحو يا ناس دافور بالنسبة المافي ذيو؟؟؟ هو منو القالك ليك هم راضيين بيك ذاتم الحبيبة سلافة قال ليك أنصر أخاك ظالما أو مظلوم لكن بالفهم الحقيقي والنصرة بالتأييد كما هو بالنصح والنقد دحن أنصريهم وأنصحيهم خليهم يفكونو والله ينصر دينك |
الاخوان سلام عليكم
كيفنكم إن شا ء الله تمام طولنا منكم .. والله الزيارة فى ظل الازمة الحالية انا اعتبرها رسالة هامة للكل بانوا الاحوال هادئة .. |
اقتباس:
|
زمااااان كان فى حى منسي فى كرتون الخرطوم يعيش فيه كلب وغنماية
كانت الغنماية لما تجى تاكل من الكوشة تتدبى عشان الكلب بكون نايم فى الضل تحت المزيرة المرطبة مايحس بيها . لكن إبن الكلب كان فاضى ليها ينوم مغمض عين ومفتح عين . أول ما تبقى نص الكوشة ينط ليك عليها بكل رشاقة "هو هو هو" . تقوم المسكينة فللى . يوم فى نص الكوشة وكانت غنية غير الورق بورتاب ملوخية طازجة وباقى عيدان جرجير مفرهد لامن بطنا غوغت . جاها الما بتسمى طاير "هو هو هو" . الدم طلع فى راسا دنقرت ليك قريناتا وغمضت عيونا وهبرت فيو . لما فتحت عيونا لقتو فزع بعيد . صرت وشيها وواصلت الهجوم . جرى ولبد تحت المزيرة لامن "بال" وهو يقول "الغنماية دى جنت ولا شنو" . |
غايتو ربنا يفرج ازمة دارفور ويهدا بال الناس من الفتنة الباقية ليهم شوكة حوت ..
الاخ رأفت ميلاد لكن غنماية ومفتحة وتهرش كلب والله دى قمة (الهزل) .. |
قوي يا بوس
سلفا
بالمناسبة عندي قريبة إسمها مشابه لي إسمك وبيدلعوها (مع أنو أهلنا غبش وما بيعرفو الدلع) لكن ذي إختصار بيقولو ليها سلفا بس شوفي الأقدار جاكم شريك برضو إسمو سلفا لكن فيها كير وممكن يتقري (كير) والمقصود خير (يهني سعيد بي سعيدة) المهم يا الحبيبة سلفا أمس شايف البوس (BOSS) الريس قال كلام والله زولكم دا أخير شوفو ليهو كومبارس يتكلم بي وراهو، قال كيف: بيسمسي القوات الأممية (بتاعت حليفة الطلاق المشهورة،،، الجاية جاية) الإستعمار الجديد يا أخي لا بالغتا ولا شنو يا سلفا (طبعا انا صيدلي وسلفا دي عندنا بلسم للكتير من الامراض وإنتي برضك بلسم للإنقاذ،، إنشاء الله) |
نحزف ده للتكرار
وأشعر بالأسف لأن الأخت سلافة لم يعجبها الأمر لن أعود رغم أنى لا أعتقد إننى خرجت عن زيارة السيد الرئيس والأيام دول |
الأخت سلافة سلام
اقتباس:
زماااااان كان بدرسونا فى (الأدب الإنجليزى) حاجة إسمها Animal Farm مترجمة لكل اللغات . هم حيوانات فى مزرعة عايشين حياة متكاملة وبنهم حوارات وأحداث فى الحياة ممتعة وحكمة للبشر إذا كانوا يفهموا لغة الحيوانات . http://www.rhifilms.com/data/propert...Farm_large.jpg أهديك قصة أخرى بعنوان ميع العتان (ميييع هو صوت المعزة "الغنماية" والعتان جمع عتوت وهو إبن المعزة "الغنماية") كانت توجد قرية نائية فى ضواحى العيلفون تُعرف بـ (ميع العتان) أصبحت مهجورة اليوم بسبب الحرب الإجتهادية الأخيرة بالقرب من هذه القرية توجد غابة صغيرة من السنط يسكنها ثعلب و مرفعين يقتاتان من البقايا التى تلقى خارج القرية . يحاول الثعلب أن يرتقى بطعامه فكان يتربص بصغار المعيز التى كانت تكثر فى هذه النواحى وتعرف بالعتان ومفردها عتوت . والعتوت يعرف بالعنبلوق فى ديوم الخرطوم بالعنبلوك فى غرب أمدرمان كان الثعلب يتقرب من هذه (العنبلاليق/ك) ويثري أحلامهم بالفردوس من البرسيم داخل غابة السنط . ويعود بأغباهم عقلآ وأكثرهم شحمآ الى الغابة . قبل أن يفترسه يظهر المرفعين ويخطف الفريسة ويلتهمها وحده . ضاق الحال بالثعلب المسكين ففكر مليآ وقرر أن يعالج محنته بحنكة وهو لا يستطيع مجابهة هذا المرفعين الصنديد . إحتال الثعلب على (عجل) سمين وأخذه فى فضاء خلف الغابة وأدخله ميعة من الطين اللذج . ذهب الى المرفعين وأخبره بالصيد الثمين الذي يكفيهما معآ . تصنّع المرفعين الرضا وذهب معه . وعندما رأى العجل قذف بالثعلب بعيدآ وقال له ليس لك نصيب عندى . برشاقة قفذ نحو العجل وتوكر فى وسط الميعة . جلس الثعلب خارج الميعة يرقب المرفعين بإمتاع وهو يحاول إقتلاع قدمه الأمامية اليمنى متكئآ على الخلفية اليسرى فتخرج هذه وتغرز الأخرى . صار فى هذه الحال حتى أنهكت قواه فجلس فى قلب الميعة وقال : (والله دى مصيبة) قهقه الثعلب ورد عليه : المصيبة لما يجوا أسياد العجل) دمتى طيبة |
الاخ رأفت ميلاد
ثقافة شعوب شنو .. داير تورينى ثقافة (الغنم) أرجو الا تحور الموضوع الى محاور هو الادب الانجليزى دا مقصور على ناس معينين برضو نحن درسنا أدب إنجليزى وبنفس القصص البتحكيها دى .. أرجو الا يخرج الموضوع الى مرامى بعيدة وترمى بكلام الطير فى الباقير ..وتقول ماهزل والله دا قمة الهزل والسخرية .. _______ الاخ بابكر المخير قلت لى سلفا والله سلفا دا أحسن بمليون مرة انوا دافع عن قضية وحصد الثمار ..احسن بمليون مرة من غيروا .. وقلت لى صيدلى .. عشان كدا مستوحى الاسم من المهنة .. |
الاخت سلافة...
ان ألباس المرضى ثياب جديدة لايدل علي تعافيهم... عدم الامن في دارفور أمر لاتنفية الحكومة ولكن تتملص من تورطها فية. ليس من الحكمة أن نحكم علي الامور بسذاجة الظاهر . قضية دارفور أعمق من أن نبرهن علي امنها بأجتماع للحكومة فيها... تخريمة ... الاخ رأفت ... يبدو أن العجل والمرفعين ليسو هم فقط من ورد الميعة :D |
| الساعة الآن 05:15 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.