داا شنو
عقلي ما قادر يستوعب وما قادر يفهم سر التناقض الاحنا بنعيشو دا
ليش كل حاجة بقت زائفة وباهته الاحساس ... الطيبة... الحب...الصداقة الخير... حتى عند الناس البتكلمو بي لغة الحب ويدعو للخير عارفين الخلانى احس بي كدا شنو .... المنتديات السودانية والمجمتمع الاسفيري السودانى يقيت احس انو تلك المنتديات وهذا المجتمع يمتلئ زيفا ...نفاقا كأنو بقي حكر على المزيفيين والمحسوبيين على المثقفيين قبل اسبوع بقرا في بوست في واحد من اكبر المنتديات السودانية واحد شتم زميلة ليهو يابت الشوارع ... ووصفها بانها تحمل اخلاق الفاتيااات ...انا اول مرة اسمع بي الصطلح داا ويادوب عرفت معناهو ... ضيعو في راسي خريطة الجمال الراسماها كدليل لي وطن كبير بداخلي شتتو في داخلي معانى زي...الخزين .. الدخري ... واخو البنات ووتركو ا عوضا عنها وسخ الكلام .... صرت اري من يصفو انفسهم بصفوة المثقفيين وهم صفوة بالفعل لانهم يعزلون انفسهم عن الشارع ورجل الشارع يعيشوون محاطيين بالفاظ ضخمة عصي على ثقافتى ان تستوعبها صرت اري هؤلاء وهم يضطهدوون من لايحمل فكرهم يعنى الاسلاميين يتهمو الشيوعية بالملحديين والكفرة ونسو سماحة الاسلام وديل يتهمو واحد عندو كتاباات دينية انو كوز وعميل وعين للمخابرات وجهاز الامن ومن دا كتير يعنى انا لو اسلامى كوز... ولو اشتراكي ملحد كافر ... والله خوفتونى ... سؤال وجد بتمنى زول واحد يدق سدرو ويقول لي اجابة حقيقية هل يوجد اناس حقيقيين في الفضا الاسفيري ولا كلها زي اسمائنا زائفة ؟؟؟؟؟ وفي حاجة تانية في ناس في المنتديات دي عايشة كأنهم شهدا وهم لم يقدمو شيئا يذكر وبحسسونى انهم اضطهدو في الوطن وابعدو قسرا لكن والله ما اظن في زول هبشهم (زمااااااااااااان كنت بصدقهم) لكن اسي بقيت اشتغل بي قاعدة المتهم مذنب حتى تثبت براءته والبرأة صعبة جدا جدا في زمن الغش وبقيت مابصدق انو في واحد او واحدة يمد يدا بيضاء وان صدقت امد يدي بتردد خوفا من طعنة في الظهر او كلمة كتلك التى سمعت انا عارفة انو لا وجود للمدينة الفاضلة ولا اريدها اريد فقط بعض من الاحترام ... الصدق .... وان ينزل مثقفونا من عليأهم ليكونو قريبيين منا ببساطة ومن السياسيين ان يشركونا قضايا الوطن دون شتم واتهام بالعمالة وان اجلس انا ... بين اهلي ... بدون ان اشتم ... واخوانى قاعديين |
يسعد أيامك..
معليش ما حأشيل الفاتحة على مدينتك الإفلاطونية بإعتبار بمقدار ما حواء والده إلا إنو الواقع ده أكتر ولاده, بمعنى إنو ما نعلَق يافطة حسن نوايانا واجهة في تعاملنا مع الحياتي اليومي.. السياسي بإستمرار بيفقس أشكال إجتماعية مختلفة.. نمط حياتي.. بيملي عليك إنك تتبنَى فلسفة ما حياتيه قبل ما تكون تنظيمية.. إنت من خلال فلسفتك الإتبنيتها دي بالضرورة تطوًر أدوات لغتك. أي نعم للنفاذ إلى لونية الآخر السياسية/ الحياتية بدون تكريس لي إنو أنا الصاح بل للوصول لوضع حياتي محتمل يستوعب الجميع مع الوضع في الإعتبار إنو الوصول للآخر يكون بالحوار الهادف ما بإستعمال اللغات الفطيرة إللي بتعزلك إجتماعياً وبتكون نكره في الغلوتية الإسمها الحياة دي. إشارتك لإستعمال الزملاء والزميلات لأسماء وهمية وإحساسك بي زيف البتتعاملي معاهم ممكن يكون إحتمال وارد لكن ما ممكن نعمم الحالة دي. بإعتبار إنو حالة التقمص والتخفي دي حالة نفسية وبرضو مجتمعية الواحد بيلقى فيها شماعة وجيهة لإنو يعلًق فيها كل أمراضو النفسية.. أو بتلقاها في شكل التماهي بمعنى إنو الواحد يكون مستلب بشخصية محدده كل المفروض يعملو عشان يكمًل شخصيتو copy , paste لكن بأي شكل من الأشكال ما ممكن نعمم الحاله دي قد تكون في أسباب سياسية.. أو تخوفاً من سياط الإجتماعي - وأخص حواء - وغيرها. عموماً كلنا بريئين حتى تثبت الحياة إدانتها لنا. لك كل التقدير |
كلام صعب يا نسائم بس هو الحقيقة... وين حنهرب منو وين... بس برضو أظنك قبرتى كل جميل ، هناك نفحات ماذالت تعطر حياتنا مليئة بكل الجمال وهم كثر وأظن هذا المنتدى ممتلئ بهم... أرفع يدى مؤيدا لكل ما كتبتى و أضيف يذهب الزبد جفاء ويبقى ما ينفع الناس أو كما قالوا...
|
اقتباس:
هذه المنتديات هي الحياة بكل تفاصيلها فاذا انت في الاحياء في السودان بتقابلي الزقاقات والشوارع الكبيرة فاذا بتحبي الزقاقات امشي بيها وذا بتخافي على عربيتك او نفسك احسن ليك الشوارع الواسعة وبتلاقي كوش وبتلاقي ووتركولر وبتلاقي حدائق عامة ومزهرة ونضرة في هذا الاسفير في اناس صحبتهم والله مكسب ومنهم الواحد بستفيد كثير واتمنى ان التقي بهم وفي ناس كتير التقيتا بيهم وطلعوا خير اخوة واخوات ووالدنيا مليانة بالصالح والطالح وعلى المرء ان يتخير |
اقتباس:
ليك التحية اولا توضيح انا مابؤمن بي المدينة الفاضلة هي وهم عاشه افلاطون فقط وبعض الحالميين اكييد انا كتبت ببي بعض الضلامية وشملت ودا خطاء بعتزر عنو لكن شعرت انو اللحظة مستحقة ذلك وانا ممن تاخذهم اللحظة انا فهمت من الكتبتو وجهة نظرك في الحوار وهي وجهة نظري ايضا في ادب الاختلاف السياسي فلا خلاف ... طيب دا الشكل الطبيعي للحوار المؤسس الممكن يؤدي لنتائج لكن هل هذا ما يحدث لا اعتقد فما يحدث بذاءت والفاظ جارحة تخدش الحياء وتجعل عميلة التحاور مع الاخر مقيته وغير مثمرة بتقول انو هم اي مستخدمى البذاءة هم في عزلة اجتماعية انا ماشايفة كدااا عندهم من يلتفون حولهم ويصفقون لكل بذاءة وسفاهة ودا البيخليهم يتمادو |
اقتباس:
الرسول صلي الله عليه وسلم قال(الخير في وفي امتى حتى قيام الساعة) ولولا ايمانى بحديث المصطفي وايمانى بالخير والحق لفقدت الايمان حتى بتلك النفحات وانا عارفة انو المنتدي دا فيهو الكتير من الخير بس برضو علشان يفضل لازم نعزز الحاجات الجميلة فينا وبرضو نكون صريحيين ونقول للغلطان غلطان في عينو |
الأخت نسايم
مرحب بيك اقتباس:
كتبت من قبل عن الديم فتداخلت معى أخت تسكن بالقرب من الديم طوال عمرها . كتبت تشكرنى على مسح الصورة السيئة التى لازمتها عن الديوم . هنا نحاول أن نضيف الجيد ونرتقى بأنفسنا ولا نستطيع أن نطالب الآخرين بالمثل ونكون قد حجرنا وعليهم وجعلنا أنفسنا صفوة هذه أكبر كذبة يعيشها الإنسان . ولا أكتمك فى أوائل تجربتى الأسفيرية كانت أفكارى تتطابق معك . مدينا بالجميل ودعى من يريد فى غيه فلا توجد مواصفات لتحديد الكتاب وتسجيلهم وإذا وجدت لضاعت استمرارية الحياة . مودتى |
الأخت نسايم
تحيات طيبات كلامك مية المية وفعلا توجد اشكالية كبيره في المنتديات السودانية والذي يوجد في هذه المنتديات من شتم وسب وطعن وهمز ولمز انا غايتو عن شخصي في المجتمع النشأت فيهو ما قابلتني وللاسف هؤلاء الاشخاص تجدهم في عدة مواقع واشتهروا بأثارتهم للمشاكل ومشاكل للاسف تصل الي البيوت ونبذ يحيرك ذاتو انت وين وقاعد وين وانا من الناس البيرتادوا منتديات غير سودانية والله بتلقي كمية من الود بين اعضاء هذه المنتديات وحتي التلاسن بيكون حول فكره اما شخصنة المواضيع دي ما لاقتني الا في المنتديات السودانية لكن بعد ده كلو في ناس بيشدوك بي ادبهم واحترامهم وثقافتهم في المنتديات السودانية وما لينا غير نقول ربنا يصلح الحال |
نسايم
هل أشك فى ( نسايم ) الكود .. لا يا سيدتى الاسم و الكود سينشف يوما .. وكل الاسماء الوهمية دى بتنكشف .. والاسفاف صوته عالى .. لا تبتئسى .. فمنتدياتنا السودانية .. كالشارع والحلة و الشغل .. و كل إناء بما فيه ينضح .. يا ستى أدخلى الأماكن الجميلة واختاري الاسماء بعد تكوين فكرة عن الكاتب .. فلا يوجد زمن لقراءة الثمين .. فكيف نجد زمنا لقراءة الغث .. و لا يأخذك أن البعض يدعي أنهم مظلومون .. والبعض يدعون القوة .. و الشتم خلف ستار هؤلاء كلهم خواء و زبد .. و يبقى ما ينفع الناس .. |
العزيزة نسايم
سلامات... موضوعك موضوع جميل جدا... وممكن يتناقش من نواحي كثيرة الاسماء الوهمية مرات بتكون حماية للانسان من ضعاف النفاس ومرات بتكون برضو وقاية لضعاف النفوس حيث يعيش بفكرة جكيل اند هايد من تجربتي يجب ان تحرصي الا يعرف شخصيتك الحقيقية اي شخص تعرفينه من خلال السايبر خاصة النساء.. لان يا كافي البلاء مازال ونحن في القرن الواحد وعشرين من يستخدم اسم المرأة الكامل ليشين كل العائلة.. هذه الاسماء التي نحملها ملك لجماعة من الناس في بلد تحكم بالاسم.. اذا عاب شخص واحد تعيب العائلة اجمعين حيث العقاب جماعي... عندما ياتي احدهم ويضع اسمك كاملا الذي بكل غفلة ملكيته لهم في مواضع الكذب واشانة السمعة سكون امرها وبال على كل العائلة.. قال لي صديق كاتب ممتاز وله اسهامه العظيم في الثقافة السودانية عندما دعواته للكتابة في السايبر ان البوردات السودانية مثل بيوت الدعارة يجب دخولها ملثمين بالعمامة.. قال لي ماذا استفدت من دخولها انت؟ عددت له انني تعرفت على اناس اعتز بهم وشاركت بارائي .. ضحك وقال لي: انك فقد استهونت بنفسك ومكانتك عندما عرضتي نفسك لكل هذا السفه الذي اراه وكان يعتقد انه ما كان لي ابدا ان اضيع اي دقيقة في الكتابة هنا.. وهذه وجهة نظر عدد من الناس رددوها لي.. انا كامراة سودانية اجد ان البورد لا يضيف لك اي شئ لو اخترتي الطريق الصعب.. وصار تواجدنا الان بحكم التعود...قليلا قليلا نرجع الى عوالمنا الحقيقية حيث الاسهام الحقيقي في خلق الوعي.. ركن نقاش في اي مكان افصل مليون مرة من بوست لمناقشة قضية ما.. اود ان انوه الى ظاهرة برزالثعلب يوما التي رايتها في هذا البوست.. هنا من يسهم في اشاعة الاكاذيب ويجيد المطاعنات ويتحرش بالناس ويخرج واعظا علينا ليحدد كيف يكون الامر ومن الجاني ومن الملظوم ويعطي النصائح... اهم شئ ان بالقراءة الكثيرة لكتابات الناس تفضحي تناقضهم ونفاقهم ويجعل لك مقدرة على معرفة الناس .. بحذرك من اخبار اي شخص هنا باسمك الحقيقي..واحذر كل الاخوات.. واكثر الناس تظاهر بالاحترام هم من مدرسة برز الثعلب يوما.. ويا قلبي يا كتاكت يا ما شايف وساكت.. |
اقتباس:
انت من اوائل الناس القريت ليهم في سودانيات اسمح لي انت نقلت الصورة الايجابية او الصاح للتعامل الاسفيري ناس حقيقيين وتعامل حقيقي يمكن لي محدودية مجتمعي ومحدودية تجربتي اقول ليك انا ما لاقونى ناس زي ديل انا اتربيت في مجتمع هادي حتى مشاكله هادئة بنتزكر انو البنشاكل فيهو اخ او ود عم او او ما فيهو لغة غريبة على مسامعى واناس مابفهمو لغة التحاور عاوزة اسالك مووش في امكانية يجي واحد ناطي يخالف وجهة نظري ويعملها موشكلة وفي النهاية يبدي يقول في قبيح الكلام ؟؟؟؟ تهمنى اجابتك!!!! |
اقتباس:
استاذ رأفت ميلاد ... لك الاحترام اولا في مبداء من مبادئ الحرية يقول (انت حر ما لم تضر ) انا مؤمنه بالحرية وانو انت وغيرنا وانا من حقنا نمارس حريتنا في الفكر وفي الاعتقاد والكتابة لكن لما اسف واهين الناس دي ما حرية دا اسفاف انا عرفت لفظ فاتية لكن هل انا سعيت انو اعرفها هل خياري انى اعرفها ما اعتقد وطيب والزلة الاتهانت هل من حق اي واحد يقول قبيح الكلام دون حسيب ولا رقيب حاجة تانية ... في ناس مابسعو انو يعرفو مين انت او اي نوع من الناس وهل تستحق وقفة ام لا او احترام ويبدو يسبو ويذمو فيك يعنى المسأة ما تسول للاحترام علشان تحترم زول او ما تحترمو لازم تعرفو وللاسف كتيير من الشخصيات المحترمة تعرضت لي تجريح واهانات بدون سبب اما عن الارتقاء والتطوير .... فدا رهن بمن يكتب واهدافه من الكتابة والرسالة الخاتيها قدامو ما مطلوب من زول فكر معين بس الاحترام ودا ما خيار دا فرض لانو ما قاعد براهو وليك التحية... |
اقتباس:
اها احنا اتفقنا وريني الحل شنو........ |
دا الكلام الخايفين منو !!!!!!!!
وعودة لكلام د. حسن ليس المنتديات بالضبط تحاكي الشارع السوداني بمختلف طوائفه وافكارة الجميل منها والسئ ... كل العلاقات هنا تحكمها وجهات نظر قد تختلف وقد تتقارب وقد ينعدم أي تآلف ...فالشخص الذي يخرج للشارع تتحكم فيه ضوابط كتيرة لو ما الاكبر منو ... حتما العرف والمجتمع والناس البتشوف الغلط وتعمل حاجه ... اما هنا ... فبتلاقي كلام مكتوب بأسماء حقيقة او وهمية مش مهم ... المهم يصب في الصالح العام والارتقاء بناس تانية ح تجي في يوم ما ... وكل على هواه ولا ندري الخلفية النفسية عن كل مرتادي المنتديات ... لذا نجد الكثيرين يتلفظون بالفاظ لا يرضاها الشارع بأي حال من الأحوال ... ربما تفريق كبت او ما شابه ... ولكن هذا لا يعني ان تصب جام غضبك في شخص لا تعرف اين هو ولا بأي طريقة يتحدث ... فالشارع له مشيته واحترامه وقدسيته والتصرفات الفردية فيه مدعاة للتسأول والمحاسبة ... لو ما من الناس من القانون وما تقتضيه الحاله ... ويا شليل يا ريت تتبنى شوية تفاؤل على الاقل عشانك وعشان ناس تانية يعرفو انو الحاجات لسه بخير ... ويا عاصم عبدالله ... ما من كم واحد تقدر تحكم على مجتمع كامل وحتى لو حقيقة ما مفروض نسلم بيها وقد لا يمثلون واحد في المية ... ويا اخت (..............) لا داعي للقلق ... لا تتوقفي في مكان يبيعون فيه المواشي ... او تشقي (المنطقة الصناعية) وتريدينهم ملائكة ... كلهم ينضحون بما علمو .. واشك في انهم تعلمو شيئا يذكر ... العناوين .. الأسماء ... الأماكن كلها لها دلالات عن الخير والشر ... فاظفري بذات الغير (الصالح منهم طبعا) وارمي ما لعمر لعمر (واعملي نايمه) د.بيان ... رجاء ... ما (تحجّبي) الاسماء .. بالرغم من ان البطاقات الشخصية لا تهمنا كثيرا انها تريد تطمينا لا تخويفا وكما ذكرت في مقال سابق الكاتب فعل عشق مسؤول.. حتى أنفاسه لا تدخل ضمن أشيائه الخاصة.. فلا يقدر أن يدفنها في هامش دفتر مذكراته الشخصية..أو يجتثها من بين ثنايا المعدة. نصرخ.. ولا نحاول تعهير المفاهيم المسبقة.. لكنا نرفض ممارسة فعل الكاتب كما تمارس الخيانة.. نحتاج إلى انتهاز الفرص.. ونهئ كل أسباب الزنى .. وبكل وقاحه نطلب من الله الستر. نصرخ..فالصراخ رد فعل راٍق..لفعل أرقى هو التوجع.. بل هو شرط العنفوان.. وحين يسقط شرط العنفوان..يتوجب على الكاتب أن لا يقرب ورقة الكتابة..لأن اقترابه منها يصبح نوعا من الزنى بالكلمات. |
يسعد صباحك يا بلد..
نسايم..أسمحي لي بهذه المداخلة الأخ أبو عاقله أثمن نصيحتك الغالية وأعمل بها - بشكل ما بطًال-.. بيد أنني أعتقد أنك لم تلتقطني ذلك أنني لا أفترض السوداوية في نظرتي العامة للحياة قصدت أن أواليات التعامل معها يختلف من شخص لآخر, يمكنني أن أتوسط زريبة المواشي ولا تعر أذني إنتباهاً للغتهم بإعتبار الإنسان إبن بيئته وكل تشكيله إجتماعيه لها لغتها ففي الوقت الذي تدار فيه البذاءة تجد في البناية المقابلة محبوبان يتبادلان لغة كاملة الدسم. ما قصدته هو أن حواء والده.. "فهنالك من يتمتم وهنالك من يشتًم وهنالك من يترجم إحساسه بلغه رصينه" ولا نستطيع العيش بمعزل عن القطيع الإجتماعي بإختلاف أمزجته. لكن تكمن المشكلة في أي لغة وجب عليك أن تتقنها فهذا رهن بك وعليك أن- تجابد- كثيراً لتحافظ على رباطة جأش الحوار. لك التحيه. ملحوظة: أدروب الخليج الصباح مزاجو ما بطًال |
اقتباس:
الحياة بها الخير والشر من فجر الخليقة . وقد يوجد داخل البيت الواحد . ما قصدته يجب أن يحُارب الشر بالخير والجهل بالعلم وليس بالمنع والنهى . كماذكرتى أنتى بأنك تتصرفين من واقع بيئة نظيفة وعلاقات نقية . هذا لايخولك فرض نفس الأسلوب على الآخرين . لديكى خيارين وكلاهما ناجع . البعد عنهم وإختيار من يناسبك وتكتبى فى ما يوافقك وإهمال ما لا تريدينه ومن المؤكد لن يتعرض لكى أحد . وإذا تعرض لك أحد سيكون تعدى واضحآ يحميك منه قوانين المنابر . والخيار الثانى المقارعة برأيك للشخص المعنى بالأسلوب الذى تريدين وتتحملى تبعيات ردود الفعل سالبة أو موجبة لأنه إختيارك . كل له أسلوبه وله رؤاه ولايمكن أن يكون هناك حجر عام وفرض أسلوب محدد ويعود ذلك الى فكرة التسلط مهما كانت حسن النية . نحن فى مجتمع عام خالى من القيادة الشخصية التى أرفضها . أطالب بالقانون وأرفض الوصايا . كل إنسان له الحق فى إرتكاب الخطأ وعليه تقبل تطبيق القانون عليه ويعود للقطيع أو يُفصل نهائيآ بتقييم قانونى بحجم الخطأ وذلك لا يقلل من آدميته . لهذا رفضنا محاكم العدالة الناجزة التى كانت تضرب السكارى والمومسات فى الطرقات وتعنى لنا التسلط والقهر ولا أعتقد ذلك يعنى بأننا كنا نستحسن أفعالهم وأقصد السكارى والمومسات . هناك فرق بين العدل والقهر . لذلك لا نعتنى فى المنتديات بسلوكيات الأفراد ولكن نهتم بوظيفة الأمين العام وصلاحياته ودمتى |
اقتباس:
اذا لم تطمئن عليك أن تخمن ... وانا شطاااح شوف يا شليل ... في النهاية لازم يكون غربالنا شغّال على اكمل وجه ... ودي ميزة بتميزنا عن باقي المخلوقات... مافي واحد فينا مولود في زريبة عيش ولا مكان قذر عشان نتعجن من نفس العجينة ... تربيتنا عادية جدا ... لكن الواحد اجتهد عشان يبقى حاجة ... اي حاجة بغض النظر عن المكان الموجودين فيهو ... والعزلة عن وسط خليط ليست بالفكرة الصائبة ... بالعكس تماماً ... ولكن يتوجب علي الكثير من الاسقاطات والزج بامور كثيرة لدرك أسفل لا اتمنى وجوده بأي حال ... لا بأس بالقليل مما يُسقط عمدا وغير مأسوف ... فقط علينا معالجة الأمور بقدر من التروي والحكمة ... وخسارة أن تسمع الكثير من بذاءات المارة والقليل جدا ما يدور في البناية المقابلة ... فلماذا لا انتقل الى البناية المقابلة واسمع حديثا كامل الدسم ... بمقدور اي شخص ان يفعل ذلك ... للشارع لغة قد لا تستمر معنا طويلا ... ولكن لابد من الوقوف بها ... ولابد ان نرتقي بأنفسنا وإلا ستصبح لغة الشارع لغة رسمية لكل معاملاتك والى الأبد ... منهم من وقف في النقطة امدا بعيدا ومنهم من تدارك نفسه ونأى ... ومنهم من سلّم نفسه ابتغاء مرضاة الشر ولم يَسلم ... اذا المحك الحقيقي في التمييز بين ماهو غث ومقيد ... وهنا جر (الشخيت) واجب ولابد من رسم خطوط حمراء تجعل من إنسانك كامل الدسم اذا رغبت في ذلك ... بما إنو حوا والدة ... فدا شي طبيعي... اذن مافي مشكلة !!!!!! نسايم ... اعتقد اننا ما طلعنا من الموضوع ... صاح ؟ |
اعتقد دي الخلاصة :
اقتباس:
|
اقتباس:
الحل هو ادارات قوية لهذه المنتديات ووضع لوائح تحتم أحترام العضو والقارئ ومعاملة الجميع بالمثل فليس لأن فلان يكتب جيدا أسمح له بالتعدي علي الآخرين حسم هذه المسألة بسيط جدا تطبيق اللوائح علي كل من يخالفها وعلي كل من يحاول شخصنة كتاباته |
اقتباس:
وطوق الياسمين الذي وضعته هنا مصدر فخر لي ونصيحتك مقدرة...... |
اقتباس:
خوفتيني ولن ازيد كنت اقول كثير .... وانتي تقولي بل الكل |
اقتباس:
بعد كلامك مافي كلام .... ولكنى كنت اظن انى امشي بين من تعلمو ان يفرقو بين الصح والخطاء وليس بائعي المواشي فما تعلمت المشي بينهم |
اقتباس:
الفهمتو منك انو ما نحكر على حرية الكتاب لهم ان يقولو ما يريدو سواء كان شتم او نبز او او وانا اما ان اقبل بما يحدث او اتنحى لانها مبادي الحرية دااا الانت قاصدو ولا انا غلطانة |
اقتباس:
مرحب بيك فوق رموش العين أقرى تانى براااحة بتلقى نيتى صافية ودى |
اقتباس:
انت ذكرت الصراع الازلي بين الخير والشر الا تري في هذا البوست وبهذا التساؤل الذي طرحته شكلا لمواجهة ظاهرة سالبة وطرح لي رأي خاص بي ثانيا الحياة بغير ناموس وقانون لاتستقيم لكل ما ننفذه اصول وقوانيين والا لتركنا المولي بدون رسالات وانبياء وتركنا لنجد نواميسنا لوحدنا القوانيين موجوده سواء رغبنا فيها او لا لكن المهم ان تكون بعيده عن التسلط حتى لانختنق وان لا نفرط حتى لا تضيع الحياه انا ما زعلت لانك ما غلطت ولي عودة |
اقتباس:
انت طرحت موضوع حيوي للنقاش ومدخل جميل وأقول لك بصدق .. كلنا لنا هناتنا و لكن .. هل هو طبعنا أم أخطاء .. أنت قريبة منا ( .... ) فيمكنك ادراك الحقائق .. |
اقتباس:
لم أرفض رأيك الخاص ولا أتحفظ عليه وإلا أكون أناقض كل الأشياء التى عنيتها . أنا أبديت رأى تحفظآ على الوصايا فى الأداء بأسلوبهم بإفتراض أسلوب محدد نقى أو يكونون خارج المسار . وشمل رأيك فى أسلوبهم إسقاط قضاياهم وتهميش وجودهم بل طال الإسفير كله كوجود كاذب وباهت اقتباس:
اقتباس:
اقتباس:
اقتباس:
اقتباس:
مودتى |
اقتباس:
والادراة القوية ما بتحل الفايدة شنو انو يفصلو الزول النبزنى علي الملاء ولا حاجة ويمكن يرجع بي اسم تانى وتانى ينبز |
اقتباس:
|
اقتباس:
تسلم ... ما قلت ليك لغة القلبوب لا يفهمها الا من يؤمن بهذه اللغة ويمارس القرب دوما فتتكشف له اسرار الاخر ويصبح امامه كتاب مفتوح بكل ميزاته وعيوبه نحن نتحدث عن اخروون غيرك لايمارسون الحب علانية ولا يتحدثووون لغته سأحكم قلبي دوما وان خذلنى سأحكمه مجددا سؤال (الم تجرب ان تبنى مدينة المؤمنيين بالحب !!! ان قامت سأنتخبك ملكا ) |
اقتباس:
الحب لا يأتي بقرار ... أو جرة قلم ... كن فيكون ليست واردة على الإطلاق ... |
يا أيها البت التي ....
تملاك بالأسئلة ... وحاجات تانية كتيرة يا بت الهواجس دي بتطلع روحك .. * محطتك وين ؟ |
اقتباس:
بس حلفت ما تمشي |
اقتباس:
الحسنات يذهبن السيئات |
اقتباس:
كلامك كبار وحا اقسمو واقسمو وتانى حا اقسمو بس اسي ما مستعدة |
اقتباس:
ما عندي محطة القطر لا عندو سواق ولا سكة حديد |
اقتباس:
واحساسي لكل الناااس لا احب ان اشرح نفسي كثيرا اسفة |
اقتباس:
ولا ح نصل معاك مكان انتي ماشه ... اذن ماف داعي للقطر ولا محطتو ... |
اقتباس:
بس ياااتو محطة بتقصد محطة حوارنا ولا محطة حياتى |
اقتباس:
وبعدين اعملي ليك زلط لى قطرك دا عشان يوصلنا بأي طريقة ...:D |
| الساعة الآن 03:45 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.