هنا نتلقي التهاني بفوز المريخ
[color=#FF0000]انتهت المباراة ....
و اسدل الستار علي كأس السودان ...... و المريخ بعد اداء جيد و بالتخصص في بطولة الكأس ..... يهزم الهلال 1-0 بهدف ايداهور ...... و التباريك للمريخ بهذا النصر .....المستحق .... و هارد لك للهلال .....[/color] و هنا نتلقي التهاني و لا للشماتة :p |
اختلاف الراي فينا .... يجعل المريخ اقوي
نحن في المريخ اخوه.. نعشق النجم و نهوى اهداء من اكبر مريخابية في مصر |
مرحبا آلاء و مبروك لمريخ السودان.
الواحد يا دوب كدة يشم نفس .. احلى عيدية و الله. تحياتنا لبابا و ان شاء الله هو كويس.. |
[align=center]مبروووووووك يا آلاء يا فنانة[/align]
[media]http://www.sudaneseonline.com/video/edahor.wmv[/media] [align=center]قوووووووون .... زى السريحة فى الضفر لا خروف لا "أتّى" يا كافى البلا .... بدون شماتة شنو ياخ ...[/align] |
قوووووووون .... زى السريحة فى الضفر
لا خروف لا "أتّى" يا كافى البلا .... بدون شماتة شنو ياخ ... __________________ رأفت ميلاد الشماتة مرض يا رأفت والبت دي أصلا مريخابية من منطلق خالف تعرف0أولاد آخر زمن:(:p:eek:0 أنا شخصيا في تلاتة حاجات بكرهم عما0 المريخ والأهلي واسرائيل00الظاهر حأضيفكم انتو وآلاء للقائمة |
الف مبروك للمريخ الشقيق :D
|
اقتباس:
عمو انا مافاهمة حاجة من الكلام ده :confused: |
عمو انا مافاهمة حاجة من الكلام ده
طيب لما ما فاهمة الفصاحة عليك شنو وعاملة فيها سودانية؟ وانت قايلة عمك رافت معلوماتو في الكلام السوداني أكتر منك:confused: |
اقتباس:
بابا لكن فهما .. ما شايفاه بحمر كيف .. السريحة الفى الضفر .. هى الخشبة البتدخل فى ضفر الزول .. شفتيها حارة كيف زى قون المريخ فى الهلالاب . وبعدين الخروف السنة دى محرومين منو خلقة فى العيد عشان مرض الخرفان فى السودان وبقوا محرمين من الفوز كمان .. أما "الأتى" أسألى أبوك كان بياكل "مرارة" ودى 100% مرارة الخروف .. ما المرارة العملا ليه القون ده :D:D:D اقتباس:
كدى أشرح ليها المرارة وضرورة "الأتى" قالوا يا فتحى عزابة فى الديم .. واحد من أولاد الجيران مكابسم يوم الجمعة فى أم فتقت .. زهجوا منو ودسوها قالوا نطلعا بعد ما يمشى .. الراجل إتأخر طلعوها كدا سمعوا صوتو قاموا دسوها تانى ونسوا "الأتى" .. الراجل دخل وسأل من أم فتفت .. قالوا ليهو الليلة ما جبناها .. أشر ليهم على "الأتى" وقال ليهم " وده مودينو للتحليل " :D:D:D |
فتحي مسعد
البت غصبنا عنك سودانيه و مريخابيــــــــــــــــــــــــــه وانتا محل حارقك حك:D وخليها تتفاصح انتي زعلان من فصاحتا و لا مسمار امبارح القدا ليكم الشبكه دا معليييييييييييييييش نحنا عيدنا انتو كيف ضابحين و لا نديكم فنيله ايداهو:rolleyes::rolleyes::rolleyes: |
الراجل دخل وسأل من أم فتفت .. قالوا ليهو الليلة ما جبناها .. أشر ليهم على "الأتى" وقال ليهم " وده مودينو للتحليل "
__________________ اها دي أشرحها ليها كيف يا رأفت ,اقول ليها الاتي دا أحنا بناكلو كيف وليه وهو شنو0يازول احسن اعمل نفسي أنا ذاتي ما فاهم0ام فتفت هي عارفاها شنو والمرارة بتاكل فيها بس الكبدة ما في داعي تفتكرنا ناس متوحشين0حكايتك دي زكرتني جماعة كان عندهم صاحبهم كل يوم يكابسهم بالليل أول ما يختو قزازتهم وعمرو لا دفع شير ولا جاب حاجة0الجماعة زهجو وقرروا يتخلصوا منو وفي الوقت البيبتدو فيهو واحد من الاتنين زاغ ووصي صاحبو يتصرف كيف0المهم الضيف الثقيل وصل وقعد شوية وبعدين قال لي القاعد :شنو ياخ ما تكب كاس:)أخونا قال ليهو ما بقدر انت عارف القزازة دي شراكة وأنا ما بقدر أفتحها الا صاحبي يجي فالراجل قال ليهو كويس وقعد منتظر بعد شوية قال ليهو :أسمع مش انتو شركا في القزازة دي التاني قال ليهو أيوة شركا 0فدا قال ليهو طيب ياخي كب لينا كاس من النص بتاعك0أخونا قال ليهو ما ممكن لان نصي انا النص التحت |
وخليها تتفاصح انتي زعلان من فصاحتا و لا مسمار امبارح القدا ليكم الشبكه دا
--- معليييييييييييييييش __________________ انتي يازول حلفاوي ولا انتي دي جات بالغلط |
عارفيين انا قلت اكون بت عندها روح رياضية
وابارك لي المريخاااب الفوز اليتيم لكن طلعتو ناااس بلا روح رياضية لذلك ما مبروووك وازرق علشااان هلالنا |
آلاء
يا حبيبتي أسمعي ونقولو ليك بالعربي البيفهمو كل زول (أمشي قولي ليا زول دي معناها شنو كمان) العاوز أوقعو ليك وأفهمك ليهو حاجة إسمها شروط اللعبة سياسة ما فينا ذي عمو مجدي كدا كورة ما فينا ذي عمو رأفت كدا (هو بيحب يكتب قام لقى الموضوع بتاعك دا ونط فيهو) علوم ما فينا ذي عمو بابكر كدا شعر ما فينا ذي أبوك كدا تضحكي ذي عمو خالد كدا (شفتيهو كيف محتير ويدو في خدو) غلاط ما فينا ذي عمو فيصل كدا وأحسن حاجة تسجلي إسمك في المنتدى وتقعدي تعايني ساكت كدا حتكوني الأحسن وما خيبتي ظن الناس الرحبة بيك لمن جيت حبيبة وبنيت فتحي مسعد ومريخابية، طيب ما أهو أبوكي راجل عاقل وظريف إنتي مالك ولدوك كدا وحاجة جات بعد كبرتي نقول شنو غير مبروك للمريخ لأنو البيشجعوه ناس حلوين ذيك وأنا برضو عندي بنتي زينب عندها نفس الأعراض بتاعتك دي ربنا يشفي لك المحبة بنتي |
اقتباس:
مشيت من هنا وإحتلونا فتحى وفيصل .. وعكود جاب لينا جنس أسايطا :eek: إنتخبناهو شرعى وبحسن نيه والله .. لكن جاب مليشتو وجا :D:D ما نحن تربية إنقلابات زى ما قالت د.إشراقة مصطفى هسة شوف آلاء دى .. وحلاوتا .. مش زى أبوها المكشر داك مشتاقين والله يا زول .. لا مسنجر لا سكايب دى لى آلاء وإنت عليك الترجمة [media]http://sudane4ever.com/q1.wma[/media] |
الف مبرووووووووووك للذعيم الفوز المستحق
وحظ اوفر للعرضه شمال شكرا آلاء علي هذه النافذه هاردلك عمنا فتحي مسعد وبقية الاهلا |
يا اخوانا ده شنو ؟ انتوا بتدقوا في بعضكم في البوست حقي امشوا اقعدوا في الحلة و شاكلو بعض انا هنا ببارك للمريخ ما بدور العوض
|
يولد المرء هلاليا
الابنة آلاء
كل سنة وانت طيبة وربنا يحقق امانيك مبروك فوز المريخ وده طبعا تنازل من الهلال عشان المريخاب يقدرو يبتهجو بأعيادهم .. ولكن على العموم والمقولة تقول ... ( يولد المرء هلاليا فأبواه اما يمرخانه واما يموردانه ) .. المشكلة انو ابوك ما مرخك ( يعني ما ساهم في انك تكوني مريخابية ) .. اذا ارجعي الى صوابك :) مودتي |
[mark=FFFF00]الرائعة المريخابية الأخت/ آلاء
كل سنة وإنتي طيبة وربنا يديم الإنتصارات مريخابية وسودانية وأهديك وجميع المريخاب بالبورد ....[/mark] [align=center]http://www.openiu.com/upload/071217/...6ca4f276e2.gif[/align] [mark=FFFF00]ضحية المريخاب هذه السنة هذا الكبش الدعول ....[/mark] [align=center]http://www.openiu.com/upload/071217/...6cba65f745.jpg http://www.openiu.com/upload/071217/...6cba6602fb.jpg[/align] |
[align=center]http://alsadda.net/admin/uploads/merkass4.jpg[/align]
[align=center] [rams]http://www.sudaneseonline.com/video/It727737.mp3[/rams][/align] |
رأفت ميلاد
انت بس أقعد للفتن والتلاف0خليت بتي تتمرد علي وعايزة تمشي تكمل تعليم في سويسرا عند عمو رأفت0 حكم |
ألاء ياعسل
شكرآ على البوست الظريف مبارك الفوز والمريخ دائمآ بطل الابطال ويستاهل صدارة السودان وكان لعبه جميل.... هاردلك يا أهله أنا ماعارفه زول بعقله كيف يكون هلالابى:p:o تعرفى ياألاء انتى ما حضرتى واحد اسمه نميرى وهو أبلد زول مر على السودان ومع ذلك وبشوية الفهم الحكم بيه السودان 16 سنه بس تتصورى كان مريخابى وده المريخابى السئ الوحيد...كل سنه وانتى وكل المريخاب طيبين حبيبتى.... |
هاردلك يا أهله أنا ماعارفه زول
بعقله كيف يكون هلالابى ===== أهااااا جابت ليها نبز كمان وطلعتونا مجانين000صبرا آل ياسر ولا دا ذكاء منك في الأول قلتي زول بي عقله يعني نصيح وجيتي بعد داك طبزتيها |
اقتباس:
اصلوا السياسة لو خشت في الموضوع انا بمرق طوالي انتي ماجربتي لساني السياسي و الله مايوريكي و علي اي حال اسمحي لي ان اقول الجينرال النميري لانه الشماعة التي حملت اخطاء النظام الاخواني ، و اجعليني اسالك سؤال واحد و هو ليه اطلقتي عليه انه ابلد زول حكم السودان ، فانا لا اتفق معاك علي هذه الجملة التي اعتقد انه قد خانك التعبير فيها لا ابلد زول حكم السوادن ما حيكون عنده وطنية زي الراجل ده و اذا كنتي تفضلي النقاش و المجادلة في هذا الموضوع فاهلا بك حبيبي و عيدك مبارك |
ليه اطلقتي عليه انه ابلد زول حكم السودان ، فانا لا اتفق معاك علي هذه الجملة التي اعتقد انه قد خانك التعبير فيها لا ابلد زول حكم السوادن ما حيكون عنده وطنية زي الراجل ده
[غبي وستين غبي كمان والكلام دا ما احنا القلناهو الكلام دا قالتو شهادتو في الثانوي الساقط فيها في كل المواد وانتي عارفه الراجل دا بعرفو شخصيا وبقول ليكي راجل شماشي ساكت والمثل بيقول كريم ادا غشيم وللأسف احنا بنشاركو في الغباء عشان احنا الجبناهو وخليناهو يحكمنا السنين ديك كلها عشان قلنا غبي وللأسف طلع أأشطر مننا وطلعنا احنا الأغبياء ولو انتي بتتكلمي عن الشهادات العسكرية الأخدا وهو رئيس فدي كلها فخرية بيدوها للرؤساء0 أما حكاية انو وطني فدا ما حكم لأن التصرفات العفوية في بعض الأحيان بتكون فيها لمحة من الوطنية الغير مقصودة ودا ما بيعني انو وطني 0الله يرحم كمال سينا0لما كان النميري بيخطب وقال أيها الشعب السوداني البطل فقام رد عليهو كمال سينا صديقو وود حلتو قال ليهو ياريس قول أيها الشعب السوداني الفضل] |
معلومة صغيرة ليك و للتاريخ يا بابا النميري حصل على الماجستير في العلوم العسكرية من الولايات المتحدة الأميركية و يكفي ان عهد النميري الذي دام 16 سنة كان قد عرف أطول هدنة بين المتمردين والحكومة المركزية بالخرطوم دامت 11 عاما، لاسف لا نعرف الابطال و الوطنيون الا بعد رحيلهم او نفيهم الصوري الي مصر اما عن حديثك للوطنية فانه لاداعي عنه لاننا كعرب نجهل معني الكلمة التي هي من المصطلحات التي تحوز اهتمامي وتثير انزعاجي في نفس الوقت مماوصل إليه من تخريب مصطلح "الوطنية" ولهذا اقول ان"الديموقراطية شرط أساسي للوطنية "، "والتقدم وطنية"، " وسيادة المواطن أساس سيادة الدولة "، و نحن كعرب لا نعرف من هو المواطن لنجد الوطن و نبحث عن الديموقراطية لنجد الوطنية ، فيا من جئت لنا بافكار الاشتراكية انظر حولك و قل لي من هو الوطني في اي بلد عربي
ان مفهوم الوطنية لدي اغبياء الحكام تحول مفهوم ديني بحت جعل الوطنية اسلوب من الدين بمعني انا وطني انا اسلامي انا اخواني و هنا اختلط الحابل بالنابل فالكل يلعب ويتاجر بالوطن والدين معا من جعفر النميري إلى السادات إلى حماس والجهاد وحزب الله وصدام حسين وحتى ياسر عرفات الذي كان يصرخ "يريدوني قتيلا.. يريدوني اسيرا ولكن أقول شهيدا شهيدا شهيدا ". فلا داعي عن التحدث عن كلمة نجهل معناها و شكرا |
فلا داعي عن التحدث عن كلمة نجهل معناها
و شكرا عجايب0 دي يقولوا ليها شنو؟ ياخوانا كلموها انتو عشان لو اتكلمت انا ما حيحصل كويس وردي عليها حيكون من منطلق اني أبوها وكدا ما حينفع لأننا ساكنين في الطابق السادس ويمكن أنزلها الأرضي بالشباك0 |
اقتباس:
هلالابي |
احيييييييييييييييييييييييييييييييييييييييييييييييي ييي
الليلة الهلالاب ويييييييييييييين ما شايفم الف الف الف الف مبروك للمريخ العظيم صاحب مسمار الخاصرة المؤذي للهلالاب احي احي احي احي احي يلا يا فوفو اضرب الحمام |
الف الف مبروووووووووووووووك للمريخ العظيم
ولجماهير الصفوة |
اقتباس:
بالنظر لما ورد أعلاه من بنتنا آلاء أنا شايف .. يا فتحي يا خوي .. أنو موقفــك كـده بقى صعـب جـداً جـداً ، عموماً أنا بعرف لويس مورينو أو كامبو .. يعني لو إحتجت قول لي عوووك |
إبنتي الحليـوة آلاء.
ألف ألف مبروك للشقيق المريخ والذي قدم عرضاً أفضل كثير من الهلال في معظم فترات المباراة ؛ حيث تسيـد منتصف الميدان مشكلا ضغطاً متواصلا على مرمي الهلال وكانت النتيجة مرجحة ومنصفة عطفاً على الأداء الجدي والحماسي، فقد فقد الهلال السيطرة على مجريات اللعب وتفرغ لاعبوه للتدخلات الخشنة كرد فعل لسيطرة المنافس على الميدان. والتهنئـة مكررة لك ثانيـة ولكل الإخوة في المريخ من شيخ الهلالاب عمك هاشــم. ملحوظة: ما قادرين نفرح معاكم أكثر عشان وفاة المناضل الشاعر محمود درويش ، فأرجوك المعذرة. |
مبروك يا سيد الوصافة
قوون ملح ما فيهو اى حصافة يا ريكاردوا لو دخلت النعيم ود الصحافة الجماعة كان اسيكوا فى قبولن ومسكنا عنده بلاطة طمبل ماسورة والزهرة الخوافه الشغيل مع البرنس يا كروجر انت الله ما بتخافه دا السفير وسيدا تلعب معاهو ود الجرافه امشوا يا رجافه تعالوا زريبة العيش تاخدوا سبعة مع الرافه .. |
[media]http://sudaniyat.net/up/uploading/Gala.WMV[/media]
والله يا أمير خالك رشاشة كبير لكن النصيحة لله القون سمح :( |
اقتباس:
تعرف يامهند انت كان كنت ولدي كنت ضبحتك كرامة للمريخ البتتوحوح ليه داhi |
[align=center]و تاني قون .. زي السريحة في الضفر gooodgoood
و مريخنا عظيم رغم التحكيم hihi[/align] |
[align=center]حوارات: (عريس) ليلة الخميس وصانع الفرح الجميل الطوربيد طمبل يدلي بالمثير لـ (المريخ)[/align]
http://sudanyat.org/vb/imgcache/546.imgcache.jpg استمتع باحراز الاهداف وردي القاسي دائماً وسط الثلاث خشبات.. الماسورة ستصب عسلاً للصفوة.. وهذه قصة الهدف الرهيب.. استعدادنا كان كافي للرد الشافي.... (شغال) أقوان وامتهن الاهداف.. اتفاءل بالهتافات المضادة وكلما هتفوا ارد عليهم بالخبر اليقين.. حاوره: أبو العلاء محمد- أحمد ادريس بابكر هيثم كمال طمبل لاعب بوزن الذهب ونجم بتاريخ العظماء والكبار.. الهداف لا يعرف التثاؤب امام الشباك مهما كان ويعد من طينة العباقرة واصحاب المواهب الفطرية في كرة القدم.. وهبه الحق عزوجل كل الجمال وجعله انشودة عذبة التقاطيع وحلوة التراتيل على كل الشفاه.. لا يعرف الرأفة والرحمة امام الشباك يفك دوماً الطلاسم العصية ويفعل ما يعجز عنه الجميع في لمحة بصر. كان اللاعب بمثابة البشر والبشريات وهو يدخل في العشر الاواخر من عمر المباراة ويعلن عن الفرحة الطاغية التي عمت القرى وكل الحضر بهدف يحمل في طياته الشهد والدموع .. حقق الطوربيد لنفسه مجدا تليدا وحفظ لتاريخه اجمل الاهداف واكد ان خزانته لازالت حبلى وتنوء بالاهداف. (المريخ) حملت أوراقها واتجهت إلى الهداف العالمي والطوربيد الخطير ليتحدث عن ليلة من أجمل الليالي في التاريخ البعيد والقريب عبر صفحات المريخ.. لنسجل افادات لاعب لا يخطئ الشباك ولا يعرف الحلول الوسطية حينما يواجه المواقف العصية ليرسم احلى واجمل تهديفة عالمية على الشباك الهلالية. (شغلي) أقوان .. ومهنتي هداف في بداية الامر تقدمت لطمبل بسؤال صريح وواضح عن هدفه الحاسم في شباك الهلال وهنا قلت له وجب ان يكون المدخل إلى هذا التحاور الجميل هدفك الحاسم والرهيب؟ بعد ابتسامة عريضة اشار الطوربيد إلى انه كان متوقعاً لهذا السؤال وعاد وقال في حقيقة الامر انا لاعب كرة جئت إلى المريخ محترفا امتهن الكرة واحراز الاهداف هواية قبل ان تكون وسيلة لاظهار المقدرات العالية.. شعور عميق كان يتملكني ويهز دواخلي مفاده (ان الجرة لن تسلم كل مرة).. كنت واثقا من انني سأكون عند حسن ظن جمهور المريخ العظيم وكان تركيزي كله ينحصر في كيفية الوصول إلى الشباك الهلالية ليست لاطماع شخصية واثبات الذات بقدر ما هو واجب تمليه على الامانة التي تحملتها وعملت على ان اوفيها كما كان واشكر الله كثيرا بعد ان سهل من مهمتي وحقيقة مهمة احراز الاهداف امر فطري والحمد لله حققت ما اردت ليست بالوصول إلى شباك الهلال فحسب ولكن بارضاء نفسي اولا قبل ان ارضى جماهير المريخ العظيمة. (11) قوون.. خالية من (الدرون) وهنا عقبت على الطوربيد بسؤال واضح ولكنه قصير وبعد ان تحدث عن اسرار الهدف قلت له ثم ماذا بعد؟ وكان الرد منه بطريقة لا تخلو من الدعابة التي تميز روح هذا اللاعب الرائع حيث قال لي بعد هذا الهدف هناك المحصلة النهائية والتي اصبحت (11) قوون احرزتها في مجموع (11) مباراة لم اشارك في ثلاث منها وحتى ارد عليك وعلى سؤالك الذي يقول ثم ماذا بعد اقول بعد هذا الهدف هناك (11) قوون حققتها مع زملائي خالية في مجملها من التعادل والدرون. الاستعداد كان كافي.. للرد الشافي اشار الطوربيد هيثم كمال طمبل إلى ان استعداده لهذه المباراة كان كافيا وكان يعمل على الظهور المشرف لذا كان همه الاول والاخير هو ان يحافظ على اللياقة البدنية والذهنية ويحسن الاعداد والاستعداد النفسي لهذه المباراة التي تعتبر الاهم له ولفريقه المريخ الذي كان يلعب هذه المباراة على طريق واحد هو الانتصار ونيل ثلاث نقاط غالية على العموم عملت على الاستعداد الكافي للرد الشافي. أنا (ماسورة) بتنقط عسل هنا سألت الطوربيد طمبل الا يعتبر ان هدفه الذي احرزه في شباك الهلال يعتبر ردا بليغا على بعض الذين ظلوا يناودنه في الشوارع وداخل الملعب بالماسورة فكان رد طمبل نعم انا (ماسورة) قد تستغرب لذلك ولكن (ماسورة) انقط شهد وعسل لاهل المريخ وحقيقة حزنت وغضبت لكل هذا الذي يحدث لان الامر في النهاية كرة قدم يجب ان لا يتعدى حدود الادب واللباقة من البعض على العموم اسعد بهذا الهتاف وكل ما اسمعه سانقط عسل عديل كده. تفاؤل كبير بهذا الهتاف اشار طمبل مواصلة لحديثه عن الهتافات المعادية التي ظل يتعرض لها بقوله انه وعندما سمع مثل هذه الهتافات وهو داخل الملعب يتفاءل بها لابعد الحدود وتعطيه قوة ومنعة اضافية تجعله متفوقا على نفسه وقال الدليل على ذلك انني سمعت مثل هذا الهتاف في مباراة الاهلي مدني بود مدني والذي مثل لي الزاد نحو الهدف وذات الامر انطبق على مباراة امس الاول التي حققت فيها المطلوب والمراد والمنشود. شعرت بسعادة غامرة وأنا على الخط كشف الطوربيد انه وعند وقوفه على الخط وهو يهيئ نفسه بالدخول إلى ارض الملعب شعر بسعادة غامرة في دواخله اعطته الانطباع الايجابي في الوصول إلى شباك الهلال وبالفعل لم يتسلم سوى كورتين منذ دخوله ولم يمضي على دخوله اكثر من خمس دقائق حتى حقق هدفه الذي كفل لفريقه الظفر بثلاث نقاط كانت كافية لوضع المريخ في مقدمة الروليت واعطاء الفريق دفعة معنوية كبيرة. أيادينا مع بعض في المريخ هنا يعود طمبل ويتحدث عن هدفه ويقول ان هذا الهدف الوحيد الذي تحقق لم يحرزه طمبل لوحده بقدر ما تكاملت فيه الادوار والتقت فيه المجهودات حيث لعب كل اللاعبين الدور المطلوب في هذا الهدف وجاء بجهود مشتركة من كل اللاعبين وقال طمبل ان كرة القدم لعبة جماعية والدور الجماعي من خلالها يساهم في احراز الهدف والوصول إلى المطلوب مؤكدا انهم في المريخ دائما يهمهم الوصول إلى الشباك عن طريق اي لاعب لاننا لا نبحث عن الامجاد الشخصية ونحن كلاعبين مبسوطين (مية المية) من بعضنا وعلاقتنا علاقة اخوة وصحبة خارج الملعب قبل ان تكون داخله وقال نعمل على وضع ايادينا مع بعضنا البعض خدمة لكيان المريخ ومن اجل جمهوره الراقي والعظيم فقط نطلب ونتمنى من الله النجاح والتوفيق والسداد. هذا الهدف الأغلى والأجمل اشار الطوربيد إلى ان الهدف الذي احرزه في شباك الهلال يعتبر هو الاحلى والاجمل في حياته ومسيرته الكروية مع كرة القدم لان الهلال فريق كبير ومحترم ومباريات الديربي هي مباريات تاريخية لا يمحاها التاريخ مهما كان والاتفاق على اهميتها مسألة معروفة وتمنى الطوربيد طمبل ان يكون هذا الهدف هو فاتحة خير على المريخ خلال مشاركاته القادمة سواء كانت في البطولة الكونفدرالية او حتى في البطولات والمشاركات المحلية. هدف هدية للوالي الغالي طلب الهداف العالمي والطوربيد الرهيب هيثم طمبل ان يهدي هدفه عبر صحيفة المريخ إلى رئيس المريخ السيد جمال الوالي الذي وقف بجانبه وظل يمثل له السند والعضد وقال الطوربيد طمبل ان كل اعضاء مجلس الادارة هم اباء بالنسبة له واحباب ويهدي لهم ايضا هذا الانتصار لان الاهداف التاريخية يجب ان تهدى وتخلد وحيا الطوربيد مجلس ادارة نادي المريخ على مجهوداته الكبيرة والمميزة متمنيا ان يحقق المطلوب باذن الله تعالى. فقدت (الفانيلة) الشهيرة قال الطوربيد هيثم طمبل انه كان يمني النفس ان يظهر بالفانيلة التي كان عليها صورة الاستاذ جمال الوالي رئيس المريخ وان يقوم باظهارها والاشارة اليها عقب احرازه للهدف ولكن هذا ما لم يتمكن من فعله ولكنه عاد واهدى هذا الانتصار الذي تحقق لكل اهل المريخ وجماهيره ولكن سيظل الاهداء الخاص منه للاستاذ جمال الوالي رئيس النادي. الفريق الذي لا يهدر لا يحرز اهدار الفرص شئ طبيعي وجد الهداف العالمي الطوربيد هيثم طمبل العذر لزملائه المهاجمين في عدم احراز الهدف وقال ان التركيز العالي في الوصول إلى الشباك كان يمثل لهم الهم الاكبر مؤكدا ان اهدار الفرص شئ طبيعي وظاهرة غير مزعجة لان الذي لا يهدر الفرص لا يتعلم من اخطائه ولا يمكن ان يحرز اي فريق في الدنيا كل الفرص والسوانح التي تتوفر له مهما كان والا لما خرجت المباراة على ماهو مطلوب ولكن اعتقد ان الوصول إلى مرمى الخصم وتهديده في اكثر من مرة هو تعبيد للطريق نحو الوصول للهدف المنشود. المريخ قدم مباراة تاريخية واستحق النصر اشاد الطوربيد بالمجهود الكبير الذي بذله زملائه اللاعبين داخل ارض الملعب وقال انه كان يتفرج على هذه المباراة من خارج الملعب وتولد اليه الاحساس بان المريخ سيكون له رد داخل الشباك وان تاخر وحقيقة الفريق لعب واحدة من اجمل مبارياته على الاطلاق وكانت بمثابة المباراة التاريخية لان كان فيها البذل والعطاء هو عنوان عريض تفوق ومتعة اللقاء. لن اتنازل عن عرش الهدافين اكد الطوربيد هيثم طمبل إلى انه يعمل على احسان الظهور خلال الجولات والمباريات القادمة واصبحت المسؤولية لديه كبيرة خاصة في الفترة القادمة التي تتطلب بذل مجهودات كبيرة وشاقة وقال الطوربيد هيثم طمبل إلى انه عازم على ان يواصل مشوار التألق مع المباريات واشار إلى ان همه لن ينحصر باي حال من الاحوال في هداف البطولة باعتبار ان البحث عن الفوز هو هدف كل اللاعبين الذين يمكنهم الوصول إلى الشباك ولكن اعتقد انني اعمل جاهدا بمساعدة زملائي على ان احافظ على لقب الهداف واحراز الاهداف لانها هي المهنة الحقيقية التي اعمل على اتقانها مع فريقي واتمنى ان يزيل الله كل العقبات وان يبعد عني العوارض حتى احقق المطلوب لجماهير المريخ الراقية والتي اثبتت علو كعبها ومكانتها الكبيرة. لقاء الشبيبة فاتحة خير للمريخ هنا عرجت باللاعب هيثم طمبل إلى اللقاء المنتظر خلال الاسبوع القادم في البطولة الكونفدرالية وهنا قال اللاعب هيثم طمبل ان لقاء فريق شبيبة القبائل الجزائري يختلف جملة وتفصيلا عن لقاءات الدوري المحلي باعتبار ان فريق المريخ يسعى لكسب نتيجة مباراة الارض حتى يضع قدما على الصدارة لان المريخ الذي وصل إلى نهائي البطولة في العام الماضي لن يتنازل باي حال من الاحوال عن النهائي هذه المرة وقال ان مباراة الشبيبة تعني لهم في مجملها الكثير وفي نهاية الامر هي مباراة مهمة بالنسبة لنا كلاعبين ونعمل على الظفر بنقاطها لان دوري المجموعات يتطلب نفس طويل ولياقة بدنية عالية وفي نهاية الامر التوفيق والنجاح من عند الله تعالى. عرفنا افريقيا ودرسنا مجاهلها اما عن المباريات التي ستقام خارج ام درمان وبالتحديد مباراة الفريق امام الاشانتي كوتوكو الغاني وهنا قال طمبل اعتقد ان الفريق اخذ الوصفة الكافية للعب في مجاهل افريقيا وسبق لنا سوى ان كان مع المنتخب او الفريق ان لعبنا عددا من المباريات خارج الارض وبالتحديد مع فريق الاشانتي ونعمل على ان نحسن الظهور ونقدم مستوى طيب يجعل الفريق في وضعية افضل واقوى واعتقد ان المريخ وبفضل ما يملكه من لاعبين اصحاب خبرات عالية وكبيرة قادر على الظهور الطيب والممتاز وتحقيق الهدف المنشود والمطلوب بمشيئة الله. سعيد بمشاركة العجب لافراحه عبر اللاعب هيثم طمبل عن سعادته الكبيرة وهو يشارك زميله قائد الفريق فيصل العجب افراحه بعيد ميلاده وقال طمبل رائع بل وجميل ان ياتي عيد ميلاد القائد فيصل العجب متزامنا مع هذا الانتصار الذي حققه الفريق على نده التقليدي الهلال متمنيا ان يكون هذا الاحتفال فاتحة خير لفريق الكرة حتى يحقق الفريق الانتصارات التي يبحث عنها انصاره وقال طمبل فيصل العجب لاعب بمواصفات الكبار ويستحق ان نكرمه ونقف بجانبه وامثال اللاعب فيصل العجب يندر وجودهم سواء كان فنيا او حتى في تعامله خارج الميدان مع زملائه واقول له عبر صحيفة (المريخ) الف مبروك وعمر مديد وانتصارات متواصلة ودائمة. و لجمهور المريخ العظيم كل الحب في ختام هذا التحاور مع الطوربيد هيثم طمبل صانع افراح المريخ وعريس ليلة الخميس حيا اللاعب جمهور المريخ الذي قال عنه ان جمهور راقي يحسن الوقفة مع فريقه في كل الظروف وهو ما ظل يعطيهم الاحساس بالمسؤولية تجاه الفريق في كل مباراة مهما كان مستوى الخصم واشار إلى ان هذا الجمهور الراقي يستحق مثل هذه الانتصارات ووعد اللاعب هيثم طمبل جمهور المريخ ببذل اقصى مجهود حتى يكونوا على موعد مع الافراح بمشيئة الله تعالى. حديث الوالي.. كان زادي وقال الطوربيد هيثم طمبل انه لن ينسى ابدا كلمات الثقة الغالية التي منحها له رئيس النادي جمال الوالي قبل اللقاء حيث قال طمبل كنت حزينا بعد ان ابعدني كروجر عن التشكيلة الاساسية.. وهنا تحدث معي الرئيس جمال الوالي وقال لي لا تحزن اطلاقا وهذا شئ طبيعي وانني لاعب كبير. قلت له انا اتمنى المشاركة منذ البداية.. لانني متعطش لهذه المباراة والتي اعتبرها تحدي بالنسبة لي شخصيا خاصة بعد ما تردد عني من سخرية وكلمات استفزاز. رد على الوالي وقال لي انا شخصيا اثق في مقدراتك وجهودك واثق تماما بانك ستحرز هدفا متى ما اشركك المدرب. وقبل دخولي وضعت ثقة الرئيس امامي ودخلت والحمد لله فقد وفقت في ترجمة جهود زملائي باحراز الهدف الذي اسعد الملايين من الصفوة.. وهذا يعني عندي كل شئ فهي تستاهل اكثر من كده. لا خوف على المريخ محلياً وخارجياً ويقول طمبل بثقة النجوم الكبار اعتقد ان فريقنا اصبح الان في قمة الجاهزية وهناك بدائل ناجحة وجهاز فني مقتدر. وقال لا خوف على المريخ ابدا لا محليا ولا خارجيا فقط ننتظر المزيد من المساندة الجماهيرية وجماهير المريخ لا تبخل ابدا علينا. على لسان الطوربيد هدف الفوز الذي احرزته في شباك الهلال يعتبر من اجمل اهدافي على الاطلاق وردي على كل الهتافات سيكون على الدوام وسط الثلاث خشبات. الهدف الذي احرزته جاء بمجهود مشترك مع كل زملائي وفي النهاية الهدف واحد هو المريخ. احساس بالانتصار لم يتبدل وكنت احمل هدفي بين جوانحي لحظة دخولي. المريخ لعب مباراة تاريخية وفعل كل شئ بالكرة واذا لم يضيع الاهداف فالبتأكيد لن نتمكن من احرازها وضياع الاهداف طريق الهداف نحو الشباك. سانقط على الدوام في شفاه اهل المريخ الشهد والعسل واشعر بانني مستقر فنيا ونفسيا وبدنيا. اهتمامنا يتزايد ويتعاظم بكل المباريات القادمة سواء كانت محلية او حتى افريقية والكرة اصبحت الان في ملعبنا. لا نخشى اللعب خارج القواعد ونعرف تفكير الافارقة وندرك قوة الخصوم وسنحقق الهدف المطلوب. لعبنا في كوماسي وندرك اجوائها تماما والاشانتي لن يخيفنا مهما صار لاننا عرفنا افريقيا ودرسنا طرقها ولدينا الرصيد الاكبر في الظهور المشرف. عازم على مواصلة الصدارة في الهداف وان كان الامر ليس هدفا اساسيا ولكن الحفاظ ضرورة تقتضيها مهنتي في احراز الاهداف. لقاء شبيبة القبائل الجزائري هو الاهم ولا نفكر في المباريات التي نعقبها ونسعى للانتصار حتى نؤمن الصدارة من ام درمان. العجب يستحق ان يحتفل به وانا سعيد بان يتزامن هذا الانتصار الجميل مع عيد ميلاد قائدنا فيصل العجب فهو لاعب وانسان بقيمة الذهب. نعمل على المحافظة ومسؤوليتنا تتضاعف في الفترة القادمة والمريخ اصبح الان فريق بطولات. نقلا عن صحيفة نادي المريخ www.mariekhnews.com |
[align=center]متابعات وتقارير: مشاهد من ليلة الفوز التاريخي
جمال الوالي رابط في الفندق قبل أربعة أيام.. وهذه قصة هدف الطوربيد.. في مباراة سيد الاتيام قال طمبل للجمهور تعالوا القمة بدري.. والحرس القديم ينال ثقة الجمهور وينجح في المهمة..[/align] إعداد: الفاتح مبارك [align=center]http://sudanyat.org/vb/imgcache/547.imgcache.jpg[/align] حفلت مباراة القمة بين المريخ والهلال في ختام مباريات الدورة الاولى من منافسة الدوري الممتاز بالعديد من الاحداث خاصة بعد ان حقق المريخ فوزاً غالياً ومستحقاً على الند التقليدي الهلال بهدف من توقيع الهداف هيثم طمبل (المريخ) رصدت هذه الاحداث بالصورة والقلم أطفال في الشوارع يحملون الاحمر الوهاج ونجوم سطعت في سماء الخرطوم اذن نتابع من خلال السطور التالية:- الوالي في خندق واحد مع نجوم المريخ أخذت هذه المباراة اهتمام قائد سفينة المريخ السيد جمال الوالي رئيس النادي حيث انه وقبل اربعة ايام ظل مرابطا بفندق قصر الصداقة ببحري بل ان ادارة الفندق خصصت غرفة خاصة للرئيس المحبوب ومن هنا كانت بشارات النصر بعد ان ظل الربان الماهر يحث اللاعبين على تحمل المسؤولية ومضاعفة الجهود من اجل تحقيق فوز غالٍ يسعد القاعدة المريخية ويجعل الفريق في صدارة اندية الممتاز مبتعداً عن اقرب المنافسين. كان الوالي في خندق واحد مع الجهاز الفني واللاعبين وظل يقدم الارشادات والتوجيهات من اجل تكامل الادوار انتظارا للفرح القادم.. الوالي عرف تماما من اين تؤكل الكتف بعد ان تسلح بالمعرفة وأصبح واحداً من أبرز الاداريين في الساحة الكروية ان وجود القائد مع جنوده جعل اللغة السائدة في المعسكر هي لغة الفوز فقط بعد ان ابدى كل اللاعبين حرصهم على اسعاد الملايين من ابناء الشعب المريخي وابلغ رسالة هي ان يكون الرئيس مرابط مع ابنائه اللاعبين مما يؤكد عظمة المسؤولية واهتمامه الخاص بهذه المباراة اذن تضافر كافة الجهود الرسمية والشعبية جعل الفريق قاب قوسين أو ادنى من تحقيق مبتغاه ونجح في نهاية المطاف في كسب الجولة والجلوس على صدارة الممتاز بجدارة الشئ الذي اسعد الملايين من ابناء القلعة الحمراء. قصة الهدف التاريخي الوقت يمر والزمن في دقائقه الحرجة والكل حسبها تعادلية بعد ان رفضت المجنونة ان تطاوع ملوكها بقيادة القائد فيصل العجب والضباح ايداهو والكل في لحظات شد وجذب فاذا بالجهاز الفني للمريخ يعلن عن اجراء تعديل قضى بدخول الطوربيد او قل الهداف العالمي هيثم كمال طمبل إلى ارضية الملعب خلفا للمهاجم العراقي علاء الزهرة وعندها تأكد كل من بالاستاد بان المريخ فائز لا محاولة في ظل الضغط الرهيب من كل الاتجاهات وفي الدقيقة 88 بالتمام والكمال ومن كرة تسلمها الظهير الطائر بله جابر ومررها قوية اصطدمت بايداهو وغير مسارها إلى مجاهد احد نجوم اللقاء والذي مررها بدوره إلى الطوربيد طمبل والذي استعمل كل خبراته عندما دار حول نفسه وخدع دفاع الهلال باكمله ومن خلفهم الحارس المعز محجوب وسدد كرة يسارية اصطدمت بالقائم ودخلت الشباك (بلياردو) جميل هدف جعل الملعب يغلي كالمرجل لانه جاء من قدم الطوربيد هيثم كمال طمبل. الحرس القديم ينال ثقة الجمهور وينجح في المهمة عندما جاء النداء من الكيان المريخي لابنائه الخلص الاوفياء وتحديدا من قائد الركب السيد جمال الوالي رئيس النادي لم يتوانى الحرس القديم بقيادة السادة جمال احمد عمر الكيماوي وعصام طلب وعصام فضل الله وعميد عبد العزيز حسن وعقيد طارق محمد ابراهيم وعبد الرحيم الشفيع اعضاء دائرة الكرة السابقين هؤلاء النفر الكريم استطاعوا ان يقدموا الغالي والنفيس من اجل تقدم الفريق ونجحوا في رسم خارطة الفوز التاريخي بعد ان نسقوا مع القطاع الرياضي بقيادة المهندس عادل محمد عثمان وحسن يوسف مدير الكرة ولما كان هؤلاء الرجال اصحاب خبرات واسعة في مجال كرة القدم فقد الوا على انفسهم ان يكونوا خير دعم وسند للمريخ في اهم المراحل واصعب المباريات وهكذا دوما ابناء المريخ كلما نادى المنادي جاءوا من كل صوب وحدب للدفاع عن الاحمر الوهاج بالغالي والنفيس. ما قام به اعضاء الدائرة السابقين نالوا به ثقة الجمهور المريخي الكبير الذي راهن على نجاحهم في المهمة التاريخية. من هنا نأمل ان يواصل هؤلاء الابطال مجهوداتهم في ذات الدرب خاصة وان للفريق مواجهات قوية في دوري المجموعات من بطولة الكونفدرالية وهم قادرون على دعم الفريق ومساندته بكل ما يملكون من اجل موسم ملئ بالبطولات والانجازات هذا العام. مجاهد.. طمبل.. أكرم والفرح الهستيري الانتصار على الهلال له مذاق خاص وان يكون صاحب الهدف هو الطوربيد هيثم طمبل فذاك حديث اخر لذا فان الفرح عقب انتهاء صافرة حكم اللقاء جاء هستيري من جانب الثلاثي مجاهد احمد محمد النجم الاول في المباراة وصاحب الهدف في المباراة الطوربيد هيثم طمبل والحارس العملاق اكرم الهادي سليم الذي صعد على المرمى ورفع علم المريخ عاليا يرفرف في سماء ام درمان الشئ الذي جعل الكل في لحظات حبور ونشوة نعم الجميع فرحوا للانتصار التاريخي ولكن فرحة هذا الثلاثي كانت ظاهرة من واقع انهم لعبوا من قبل في الهلال ووجدوا الظلم ونكران الذات لذا كان لا بد لهم ان يردوا على المتشككين داخل ارضية الملعب وعندما تحقق الانتصار جاءت الفرحة بصورة طاغية اسعدت كل من كان بالاستاد. الاطفال يحملون الاحمر الوهاج في كل الشوارع من المناظر اللافتة في شوارع ام درمان ليلة الانتصار التاريخي على الهلال وجود عدد كبير من الاطفال وهم يحملون شعار المريخ ويهتفون بحياة نجوم الزعيم وما شاهدناه يؤكد ان المستقبل كله للمريخ بعد ان نجح القائد جمال الوالي في جعل القلعة الحمراء واحدة من اجمل القلاع في السودان اجمل مافي الامر عبارة طمبل طمبل عند اولئك الاطفال الابرياء. لاعبو الهلال ومشادات كلامية في غرفة الملابس عقب انتهاء المباراة والكل في لحظات الفرح الغامر فاذا بلاعبي الهلال وهم يتوجهون إلى غرف الملابس والكل مشدوه وبعد دخولهم بدأت المشادات الكلامية وكادت ان تتوصول إلى معارك لو لا تدخل الاجاويد.. وظل بعض اللاعبين يكيل السباب للبعض الاخر موجهين الاتهام لبعضهم البعض في عدم استغلال الكرة الاخيرة التي جاء منها هدف الفوز المريخي وانطبقت عليهم مقولة ناس افراحة زايدة وناس يتألموا.. وقتها كان نجوم المريخ في وسط الميدان يحتفلون مع جماهيرهم الوفية. طمبل العريس أكد أن هدفه يوم الخميس اذكر جيداً وعقب انتهاء مباراة المريخ واهلي مدني على نصف نهائي كاس السودان باستاد الخرطوم ان جماهير المريخ حاصرت المهاجم الخطير هيثم طمبل وعاتبته على اهدار فرص مضمونة في اللقاء فكان رد الطوربيد بان هدفه قادم مع شباك الهلال يوم الخميس وجاء الوعد وصدق حديث الهداف العالمي وزار الشباك الهلالية بهدف قاتل في الزمن الصعب لتفرح القاعدة المريخية ويجلس الطوربيد في صدارة الهدافين. نقلا عن موقع نادي المريخ زعيم الكرة السودانية www.almerrikh.com |
اقتباس:
والأحباء حسن محي الدين هاشم طه الأمير شعراني خلود أبوها (ظاتو) فوفو ود سعد الما صدق ولقي ليهو شماتا رأفت ميلاد المعارف لي حسي ما عملها وغلط ذي إخيانو، ليييييييه؟؟؟ 0000000000 الجنس اللطيف عندهم خط أحمر ما بيحبو زول يتجاوزو ومنه؛ السؤال عن العمر العبث في أغراضهن الخاصة، من شنطة اليد ومذكراتهن وكدا،،،،،،،،،،،،،، حسي بنيتنا دي مافيشا!! يعني تجي تلقا الأمانة الخلتها معاك يا خلود وفوفو مجيوطوا ليها كدا؟؟؟؟؟؟؟؟؟ غايتو من تأدبي كهلالي قح والقيم التي غرسها فيني هذا العملاق من كمال الروح الرياضي؟ بقول ليكم يا رشاشات!!!!! مبروك وعقبال الكاس البتدافرو فيهو والسنة الجاية في الكاس المحترم إنشاء الله لكم المودة |
يا الحبيب اهم حاجة تغني معانا :
فوق فوق مريخنا فوق .. بالطول بالعرض مريخنا يهز الارض .. يا الزعيم عجبنا ليك.. يا نجوم الليل اشهدي مريخنا غلب هلالكم .. الهلال مغلوب و القليب محروق .. المريخ فخر السودان المريخ روح امدرمان.. النجمة فوق في السماء و رب العباد عظمها .. ما همانا ما دام طمبل معانا .. يا الله ادينا و لمريخنا ودينا .. مريخنا عظيم رغم التحكيم.. و برضو تقول لي شماتة :D:D الشماتة لمن يرشكم تيم آخر يا رشاشات لكن لمن تتطقطقوا من الزعيم فدي قمة نشوى و فرحة الانتصار يا حبوب ،، و اثار الصدمة و الدهشة و الهزيمة و الغلب الحار ما يلخبتوا عليك الاختصاص يا حبيبنا و قريبنا و هاردلك و سوري ليك :D:D لك من المودة احلاها و اعذبها .. |
| الساعة الآن 08:00 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.