بعد عملية ناجحة .. الخال يعود للبيت
بحمد الله .. خرج الخال من المستشفى معافى ..
والعملية نجحت .. حمد لله على السلامة .. و يا رب تكون آخر الآلام .. وتكون كفارة .. تلفون الخال:( بدون اذنه) 31475853338 + |
[flash= http://www.youtube.com/v/4F8e6mq3yqs&rel=1 ]WIDTH=400 HEIGHT=350[/flash]
لفيصل سعد وعكود [flash1= http://www.youtube.com/v/4F8e6mq3yqs&rel=1 ]WIDTH=350 HEIGHT=250[/flash1] http://www.youtube.com/v/4F8e6mq3yqs&rel=1 |
االفين سلام..وسلامه.. ايها الادميرال.. وانشاء الله ما تشوف ضرر..ولا تعرف سهر..ولا وجع..او الم.... وطبعا الشاعر المهندس..بيراوده احساس شعور...السن .بتضاحك..نديدها...!! لكن ما بين الادميرال.....وهو لايزال فى ميعة الصبا..وفوارق العبور لبوابات الخمسين...بتبقى المشاعر فى إضطراب...!! والفارق.بكا..ودمع غزير...!! وللشاعر..المهندس..معتصم الطاهر..كل بريق الامنيات..فى وهج تفتح الربيع.. ولعلك تذكر غنى البنات.. انحنا..جينا..وكيا..للمابينا... عام سعيد بلا الام..ولا اوجاع..ولا هموم.. مفروش بزهور اخضرار الربيع..وسندس المباهج...ومنى التفاؤل.. والف سلامه.يا ادميرال..ود الحاج.. |
الف بعد الشر عليك ..
|
ألف حمد الله ع السلامة.
في محادثة تلفونية، عرفت أن الروح عال العال غير أنّه محروم من كثير من المعافرة، المشروعة منها وغير المشروعة. لكنّي أرى في ذلك خيراً كثيراً للبلاد والعباد، فالأخ غير أنّه معروف بالشتارة، فهو علاوة على ذلك لا يخلو من شلاقة أيضاً. لم يتبقى له غير البحلقة والغناء: أنا ما بقطف زهور خدودك بس بعاين . . بعيونييييي، و . . يسيل اللعاب جداولا. لي عودات لهذا البوست، ويا باش أخد راحتك . . الراجل محروم من الكتابة شهر، فرصة زي دي تاني ما بنلقاها . . بعد الشهر الحكاية بتكون بردت. ما شايف شيخنا عصمت غنّى ليهو كيف؟ نحن جينا وكيّة للمابينا. |
المداخلة السابقة مهداة لفيصل سعد . .
مع أحلى الأمنيات. |
الف حمدلله علي السلامه
والشر مقسم وللاسف لن نستطيع الاتصال فهناك مشكلة في خطوطنا الخارجيه لكم الود |
حمدالله ألف على السلامه.
|
اقتباس:
مالك بيابوك فوق شنو؟ بكاى وحكاي !!! |
اقتباس:
الزول لما يصل مرحلة البحلقة فقط .. زى أخونا حمد ..بتاع المثل .. ما قادر يعمل حاجة و يقعد يكورك " أنا حمد .. أنا حمد " |
اقتباس:
زي البنطبق هنا ... |
حمدا لله علي السلامه
وأنشاء الله أجر وعافيه |
اقتباس:
يا عكود انا من الحمة و الصداع و الخبيتة من انتخابات المجلس، هديتك دي ما بدورها تب :D :D انا ما بطيب و ما ببرد بطني الا تنزلوا صورتة في العنبر مع السسترات الحنان "بضم الحاء" ديك :D:D:Dعشان تآمنوا البحلقة و التآمل و "الهبش" خلي لا تجيب سيرته، بس اوعاك قريبك الشقي يشخت في حيط المستشفي؟ |
اقتباس:
أها يا فيصل .. دى معلومة جديدة .. |
اقتباس:
الكلام دا ما بودي التونج ؟؟؟ هو الحيكومات هناك نايمة على أضنينها ؟؟ |
اقتباس:
لكن يا خالد ياخى بركة السلمت من البنج ... و كنت بره الحوداث فى الخرتوم محل البنج بفوت فى كسر بسيط ... تبرا يايابا ... بركة الجيت صادى لبيتك و سريرك خليت هضربة المستشفى و قطف الزهور .. اتمشى بس حدك البيت خروج ممنوع ... و الكى بورد ممنوع اللمس و الاقتراب اخير قرب تعال ما تبتعد |
عين ياخ
قولو ليهو ما يرجع المنتدى الا بحجاب كااارب من شيخ حلتو |
اقتباس:
|
خالد الحاج؟؟؟
مالو؟؟ الف حمد الله على سلامة العملية بري تبرى انت من العملية بعدين تعالو هنا يا عكود وفيصل ومعتصم!! مالكم مع الزول ده؟؟ عيان ما مريحنو مرضان ما مريحنو ولا حاسدنو من الاشراق المنور جنبه في المستشفى ده خلاص اتمارضو واقدو عشان تشوفوهم:o مرة تانية الف الف سلامة |
اقتباس:
تحياتي لزهير و حمد الله على سلامته.. |
عارف ياباش ،،،،، أنا لمن قالو لي الخال داير يعمل عملية وحيغيب شهر قلتا ايواااااااااااااااااااااا يكون حصل صاحبك القلبو رهيف :rolleyes::D;)لكن الحمدلله ربنا ستر والجاتو في كتفو سامحتو (الجبص هين );) لكن ماقايل الحكاية فيها الناعاسات عيونن وشي من شعر الحقيبة :eek:……..
ودي فرصة للهضربة ,,, هو يهضرب ونحنا نقول ليو استغفر ….:D:D نجر ليهو سلك … |
ألف حمدا لله علي السلامه
أجر وعافيه ان شاء الله |
معتصم و عكود الكعوا ،صفا ؛ انتباه ؛ لليسار در .
تحدثت مع الخال الشقي في عجالة و حمدلت ليه السلامة و طايبته ،تحدث معي بلهجة غاضبة و محروق و مغبون منكم تب :D:D و قال ليكم غاب ابشنب و لعب ابضنب :confused::confused: و وعد بالانتقام المر و حيلعن سلسفيلكم :mad::mad: و بنجمكم و بواسيكم تب و بفتكم فت :mad::mad: مسنجر و صور و فيديو يعني حافر ليكم Full Multimedia غايتوا انا قدرت خارجت نفسي و ادعيت الغباء و عملت اطرش و بررت انكم خدعتوني و قشرتوا لي باص مدنكل و انا شت اعمى و مطرطش . بعد تعب و جهد شديد؛ رخى حبة و راق ،و قال لي تستاهل الخسارة و تمشي الكوشة يا ملعون لانك بتابع الجداد الهم انتوا يا كوارث ،اداني نهرة بت كلب :D:D وقعت انا و الموبايل في الثلج لامن العربية وحلت و قال لي محظوظ سارة جات من المدرسة و حلتك مني ، لكن امشي كلم اصحابك يبلوا راسم :D:D و الوصية امانة و انا جبتها ليكم بضبانتها ، فدحين تدبروا اموركم يا رفاق :D:D و ربنا يحلكم من الكتاحة و الهبوب و الزوابع الجاياكم ساي. |
يا فيصل ما قايلك كدا ..
تحرش بي هنا و تتهرش بى غادى .. عالم تكسر فى التلج .. اقصد تكسر الموبايل فى التلج .. |
اقتباس:
يا زولة يا طيبة .. شخّيط الحيط ؟ ولا التيمم .. لا قادر يفتح ماسورة و لا يمسك صابونة رسلوا ليهو صابون سائل و ليفة اوتوماتيك .. .. وتلفون بتاع البيتزا هوت .. |
اقتباس:
بعدين ما ترموا مصيبتكم الكبيرة دي فوقي، انتوا دفعة و بتتفاهموا في دبي و السلع و اديس :D:D انا المسكين دا لا قدركم لا لحم سدركم :D:D و انا بطلت اكون حائط المبكي :D:D لانوا المنبر دا مصايبة كترت و كل زول/ة بقى يندرع في رقبتي ، فدحين يا توتي فروتي :o:o دبر امرك بالمهلة انت و البردان داك. اما من ناحية انهرشت ، هرشة عدوك :D:D بس كمان ما حلوة الاويهو و اناقروا و هو عيان و مجبص :D:D، و ذرات الانسانية لا زالت بخير يا ذو البصر و البصيرةـ. هسي انت بدل تشكرني على تحذيركم، تقعد تناقر فوقي و تضيع في زمنك لامن الفاس تقع في الراس . انا العلي عملته و انتوا مخيرين. |
تهنئة بنجاح العملية
ألأخ خالد وألأسرة الكريمة
ألف ألف حمدا لله على السلامة ونجاح العملية وانشاء ا لله شرك مقسم على الدقشم . والدقشم ديل بالمناسبة كل من تجاوز الخمسين ربيعا ومافى داعى لذكر الأسماء . |
سلام للأحباب..
وجدت اليوم من يكتب لي :( أخوكم (عضير) لما أزال ... سأعود شاكرا و (....) فلي في هذا البوست شجون وأشياء أخر :mad: |
الحمد لله على سلامتك وأتم الله عافيتك وأعادك إلى دارك فسودانيات تفتقدك بشدة
|
:D
اقتباس:
وقلنا ليك الحكم معانا .. |
اقتباس:
شنو يعنى خلاص اتهذب .. شوف .. نحن برضو كان عندنا كمرات .. والحشاش يملأ شبكتو .. والفورة ألف و هذا البوست فتحتو أنا و بسحبو متى ما أريد .. |
اقتباس:
يازول دا الكنج ما يصلح تتكلم معاه بالطريقة دي هسي لو فصلك من البورد .. تاكل وتأكل شفعك من وين قول لي بس |
اقتباس:
و نحن عملنا "أمين عام " غير المالك ..ليه؟ ما عشان ا يقوم واحد .. يقوم يمسك كل الحبال .. كدا .. حتحققى ما يفترضه مخير ..!!!!! بعدين أخاف من شنو زول بيربطو ليه الفوطة |
والله ألف سلامات خالد الحاج
وللجميع حمدلله على سلامته وأنا بالمناسبة طولت من سودانيات لأنه ما عارف أدخل لى مدة طويلة وكل ما تدونى باسوورد ما تلفق معاى ما عارف مسألة تقنيات ولا شنو لكن لكم جميعا تحياتى ولكم وحشة شديدة وسلام تانى للخال - خالكم صديق |
اقتباس:
حتى لا يطير الدخان :D:D:D:D:D |
اقتباس:
و كمان لا شاف لا طلح .. عفوا لا شاف لا سِمِع .. |
حمد لله على السلامة يا خال..
و يا رب تكون آخر الآلام .. وتكون كفارة .. |
اقتباس:
يا خال أرجوك بعدين تفرز . . أنا ياها مداخلتي "عوينة أم صالح" الويحيدي دي . . ركّز علي بولا وحسن موسى، الطابقين البوخة فوق البوخة ديل. |
اقتباس:
ويحيدة شنو يا ود العم ، دي مداخلة معلقة بس زي بتاعة عنترة و كدا :D:D اقتباس:
و بعدين يا حبوب المداخلة الثانية "الاهداء" التحفة دي مالك نسيتها ، قايلها جات طايرة مع النسيم العليل و لا جات مع البحر و لا يا ربي يكون البرد ، الاهداء دا على الاقل بديك اربعة خمسة عكاكيز كلععععع لعلعلع :D:D المداخلة السابقة مهداة لفيصل سعد . . مع أحلى الأمنيات. __________________ لن يمل الحزن من عينيك أبداً.. فتعلّم..كيف بالدمع تغنّي للجمال -عبد الله جعفر- معتصم انت مخير فوقو ، لكن انا ما تشبهني بجوز الفلاسفة ديك يا حبوب " ؟؟ و طبعا يا معلم عكود الشغل دا ما عندو علاقة بالورق و الايميلات و المصالح المشتركة البينا و انت زول عاقل و راشد و بتفرز الكيمان و كدة" . |
اقتباس:
عكود و معتصم : زولكم دا ظاهر انه زعلان جد جد و كدة :D:D حتى ايميلات ما برد، فبالله تعالوا لمو الموضوع الجريتوني فيو دا لا يدي لا كراعي :D:D خربشتكم في الكيس دا ما عندي فيها لا ناقة .. لا بعير ؟:D:D فما تبوظو علاقاتنا الاستراتيجية الحميمة و تعالوا اكلو ناركم بيجاي و ادونا براءة ذمة و حسن سير :D:D و السلوك خليناها ليكم تليينا للاصابع و وقاية من البرد و كدة :D:D:D |
| الساعة الآن 11:08 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.