الصادق المهدى .. هل اتى بما لم ياتى به الاولون ام هى جيبوتى 2 ؟ ؟ ؟
؟ ؟
؟ ؟ [color=#0000FF]اوردت الاخبار ان الصادق المهدى على وشك توقيع اتفاق مع الموتمر الوطنى ولم يتسرب شى مفصل عن الاتفاق حتى الان ولكن كل ما ذكر هو عناوين كبيرة نحتاج ان نعرف ما تحتها سوال مبكر هل سوف ياتى هذا الاتفاق بجديد ام هى جيبوتى 2 ؟ ؟ نشيل الصبر حتى يتم الافصاح عن تفاصيله او يتطوع واحد من حراس حزب الامة ليبرد بطوننا ( الطامة ) |
طارق
سلامات كنا فى انتظارك و كملنا الصبر كلو و تساؤلك يجعلنا فى انتظار ود مخير وودالعمدة .. |
اقتباس:
وهل يعلم أعضاء حزب الأمة ما يفكر فيه سيدهم؟ شاهدت اليوم جزء من اللقاء الصحفي في التلفزيون بل قمت بتسجيله .. توثيق وكده ... زمان قلنا (بيعفن وينشم) قربوا يمرقونا من البلد.. فاجأ الصادق أكثر الناس وعيا في حزب الأمة (خالد عويس) .. فهل تعتقد أن هنالك من يحمل تفسيرا أو يدعي معرفة كيف يفكر الإمام ؟؟؟ أنا لا أعتقد (كما قال عادل إمام في -شاهد ما شافش حاجة- ) :( |
اقتباس:
قلنا السودان بلد العجايب قالوا مجانين وحاقدين أها يا صاحبي ود مخير خلك من قولي نا انت قولك شنو كما قال القاضي اياهو أما صديقي اللدود ود العمدة أنا ما بهبشو لانو بزعل قوام والهزار بعدين يتقلب جد علي الرغم من اني واثق انو لو الكلام دا فعلا حصل حيكون ود العمدة من أول المعارضين لقرار السيد الصادق.. |
يا اخوانا الصادق ده الفيهو اتعرفت من زمان
المصيبه فى الهتيفه |
اقتباس:
ود مخير حبابه وود العمدة حبابه ( درق سيده 2 ):D ملحوظة ود العمدة حمبكة ما معانا ;) |
اقتباس:
اقتباس:
اقتباس:
اقتباس:
|
الأحباء
طارق، مرحب بيك عضو في الحزب، (ما هو إلا زول وجعة لين يسأل عن الخصوصية يا هو من الحزب) 000 عمر (بس شوية حكاية الهتيفة دي صعبة أو بالأحرى ما حلوا، يعني ما بتثري النقاش الديمقراطي) 000 أبو حلب يا ود يا تإيل وظريف وحنين إنشاء الله ما تصبرو كتير وغيرتكم على حزب الجميع دا، دي تستديم 000 خلود نرد ووووووووووووووووووووووووب ما نرد وبين بهدي ليك غنية إحترتا معاك أعملك أيييييييييه أعملك أيه [media]http://sudaniyat.net/up/uploading/muna.mp3[/media] 000 يا باشمهندس، نعل إنتظارك ما طول شايف الحبيب ود العمدة، رفع القزاز وآسر السكوت وأنا قلتا تب ما بضيمكم وبرد 000000000000000000000000000000000000000000 الحبيب عكود بالله جيب معاك فيصل وخليكم قريبين يمكن تسخن (هتيفة دي بتجيب هوا) الأغنية ما قدرتا أرفعها إنشاء الله خيرا في غيرها |
اقتباس:
يا باش يا معتصم ...عووووووووووووووك أها جاك كلامي :( |
الاعزاء
يعني انتو كنتو راجين شنو ؟؟؟؟؟؟؟؟ خاصة بعد وفاة الاستاذه ساره الفاضل لانها صامده وثابته علي مواقفها يرحمها الله لكم الحب وياطارق والله نورت |
عمر (بس شوية حكاية الهتيفة دي صعبة أو بالأحرى ما حلوا، يعني ما بتثري النقاش الديمقراطي)
الاخ بابكر لك اعتذارى و يبقى النقاش و الحوار بيننا ديقراطى و حلو كمان لك الود |
اقتباس:
راجع ليك وبمهلة والله ممكن اكون واحد من ناس كتر خذلو فى الصادق الحزب وراجع مودتى التى تعرفها |
[align=center]بعد سقوط النظام المايوي ، هتفنا كثيرا في الفترة الانتقالية :
"عاش الصادق أمل الامة" فهل لا زال أملها اليوم ؟ و هل سيحقق آمالها؟ و هل لا زالت هناك آمال؟ اسئلة تنتظر اجابة !!! قبل ان تجيبنا الاحداث و الايام و المستقبل. على جنب : نقول للدكتور المحترم بابكر مخير ان كلمة "هتيفة" كلمة عادية و ليست بها اساءة و كل حزب له هتيفته ، و كل فريق له هتيفته ،و كل زمان و مكان و احداث و قضايا و مواقف و صراعات لها هتيفتها ، يعني انا فوق هنا هتفت ، و خلف الشواطين الحمر هتفت و بح صوتي ،و مع وردي و ود الامين هتفت ، فلا داعي للتحسس خصوصا انه اخونا عمر طيب خاطرك، اها نحنا معاك حاضرين و جاهزين للنداء مودة و تحنان :D:D الزبدة :D:D : اذا كان لكل منظومة هتيفة ، فنحن بكل فخر هتيفة "سودانيات" :D:D[/align] |
اقتباس:
لا يحمل الانسان في نفسه إلا مِن مَن يحب شعرتا وقبل أن أستشعر غضبا؛ صارحت وبحتَ بما جال في خاطري وعشانا كتبتا الكتبتو لكني دريت وعرفت وإتأكدت بأن بيننا دايمن هو أكبر من آي إختلافٍ، حتى أضعف أنواعه وهو إختلاف الرأي كدي:confused::confused: يا فيصل من باب المعرفة وقصدي الإستفادة، لأنو مهما وصل المرء من علم فهو دوما جاهل في إمور أكثر من التي يعرف ويعلم ويدعي فهمها قول ليا كدا :(:o وأشرح ليا ووضح ليا وبدون زعل على قولك (ذي ما بتقول ليا في أغلب الاحيان) يعني لمن نقول هتيفة بنقصد مشجعيين ذي بتاعين الكورة ولا فراجا في المسرح القومي في كونشرتو بتاع ود الامين،،، ما هو معروف القصد فيها منو هم وشنو هم لأنو الاحزاب السياسية فيها قيادة ومجالس ومكاتب وأعضاء مغفلين نافعين وهتافا ضارين وعامة وغوغاء وشنو تاني باقي واحدة وما حنقولها (نخليها مستورة وتامزين وعشمانة وتور الجر) |
اقتباس:
[align=center]يا مشرع الحلم الفسيح يومنا النهب اسلبنا خوفنا كبرنا قدرك مرتين طول على كتفك كتوفنا يا رغبة الرعد البيسكن بين غناوينا و حروفنا ضوي الدساكر و الضفاف عبي الحناجر بالهتاف سدد مسامات الرعاف و نور مغاراتنا و كهوفنا[/align] |
اقتباس:
شكرا فيصل على مرورك[/align] |
يا دكتور
بعيد عن السياسة والله اغنية فى السلك وبردت على موقتا حتى نرى تفاصيل طبخة ( السيد ) تخريمة 1 : ارجو انه تضع لنك الحفظ عشان نشاركك الجمال ــــــــــــــــــــــــــــــــــــــــــــــــــ ــ ــــــــــــــــــــــــــــــــــــــــــــــــــ ــ تخريمة 2 : سوال فى الجك ود العمدة ويـــــــــــــــــــــن ؟ ؟ ؟ ؟ سوال برى طبعا مودتى يا حبيب |
ود العمدة زايغ
والطبخة بين ( الشريكين الجدد ) لم يتم سبكها حتى الان منتظرين العبقرية (الامية ) |
سلام للجميع
اها الجنازة لسع ما دفنتوها ؟؟ ولا الميت صح من موتوا ؟؟ ولا كان فلم هندي ؟؟ انا اتمنى بس مافي زول يرجع ويعدل مداخلاتو اقتباس:
واحده من الاشياء الاساسية في اداب التخاطب ان لا تحقر محاورك ولا تنال منه ود الحاج زولا عندو غبينة صاريها ودافنا ولابد فوق راي انت يا اخوي كورس ولا المحنبكك شنو ؟؟ لامن تنادي زول بينتمي لحزب سياسي مدني وتقول ليهو حارس حزب الامة هل ترى ده اسلوب فيهو ادب تجاه الاخر ؟؟ وفي النهاية وصلتو من بيت البكاء ده لي شنو ؟ هل شارك حزب الامة وحصل الحزب الشيوعي السوداني ام لا يزال صامدا ؟؟ وعموما لو كان المشاركة مرفوضة مبدئيا وفضيحة ان تسترو جنازتكم وفضيحتكم في مشاركة الحزب الشيوعي لنظام الجبهة الاسلاموية !!! قالو اكرام الميت دفنو كده بنكون ادينا البوست قوة دافعة قوية والبكاء بحررو اصحابو وكترو من حق الكشف وزي ما قلت يا طارق الحنبكة ما معانا :p واي واحد يضبب عكازو ويلبد :D انتهينا من مرجفين سودانيز اون لاين والان نشوف سودانيات دوت اورغ امسكو الخشب ساي واوعكم من الجري للادارة فتحي والجيلي خليكم قراب ويا الجيلي خليك قومي موش تبقى لينا زي بابكر النور ;) |
ويا الجيلي خليك قومي موش تبقى لينا زي بابكر النور
يعني انت لازم لما الله يعدل دربك تقوم تجيب حاجة تبوظ بيها الكتبتو كلو:confused:هسع انت مالك ومال بابكر النور وجايب سيرتو مالك يا ود العمدة وبابكر النور لما استشهد انت لسة كنت بتترسل تجيب موية للكبار فياريت تسيب الحاجات الما عاصرتها وبتعرفها بس بالسمع وتركز في الانت عايشو. دا لو انت فعلا بتعرف آداب الحوار وبتغلط غيرك لما تشوف انهم خرجوا عنو وصدقني انت بي طريقتك دي بتزود في عداواتك مع الناس بدون سبب وحتي المتعاطف معاك بعد داك بفتش ليهو طريقة يبعد عن بوستاتك:( |
عفوا فتحي
اقصد بابكر عوض الله رئيس القضاء السابق و رئيس وزراء حكومة نميري الاولى وعضو الحزب الشيوعي السوداني |
اقتباس:
الا ان ذلك ايضا لا يمنع ان اقول راي طالما انه وجد طريقه للبوست عن طريق الخطا ,, بابكر النور ( ولم نسمع ) ذلك بل قرانا في ما كتب عنه وعن تاريخه السياسي انه كان عضوا في الحزب الشيوعي السوداني وعضوا في مجلس انقلابي 25 مايو ورئيسا لمجلس ما سمي بالحركة التصحيحية انقلاب هاشم العطا او بالاصح انقلاب الحزب الشيوعي السوداني الثاني .. هذا كله يضيف رصيدا سيئا لبابكر النور فتنفيذ الانقلابات العسكرية ضد الانظمة الديمقراطية يعتبر جريمة وخيانة للدستور وخيانة وطنية من الدرجة الاولى وادخلت البلاد في شلالات من الدماء ابتداء من مجازر الجزيرة ابا وود نوباوي واغتيال الامام الهادي وانقلاب العطا وبيت الضيافة وما نتج من انقلاب هاشم العطا من اغتيال عبد الخالف محجوب والشفيع ومرورا باغتيال المقدم حسن حسين و عباس برشم وشهداء 76 وكل شهداء فترة النضال ضد انقلاب مايو الذي شارك في بابكر النور بابكر النور هو مثله مثل ابراهيم شمس الدين والطيب سيخة ضباط حنثو بالقسم و قادو انقلابات عسكرية ضد الشرعية الديمقراطية ومعلومة اخيرة انا لا اسعى الى ارضاء احد من الناس بل اسعى الى اكتشاف الحقيقة ارجو ان كان في كل ما ذكرت خطا ان تصححني لا تزجرني وبالمناسبة ما كان برسلوني للموية الوقت داك لانو لسع ما ولدوني ;) |
ياود العمدة لقد طلبت مني ان أصحح لك معلوماتك فلا تفضب مما اقول ...اذا تحدثنا عن الانقلابات فحزب الأمة هو أول من أدخل الانقلابات العسكرية في السودان يوم أن سلم عبدالله بك خليل زمام الحكم لزمرة الفريق ابراهيم عبود عندما أحس بانتهاء حكم حزب الأمة ووصول الحزب الوطني الاتحادي لمقاليد الحكم. أما أن تشبه بابكر النور بابراهيم شمس الدين فهذا والله خطأ في حق نفسك قبل غيرك فابراهيم شمس الدين سفاح قتل بايديه الكثير من الشرفاء فهل تستطيع أن تذكر لي اسم شخص واحد تم قتله علي ايد بابكر النور أو بأمر منه وحتي انقلاب هاشم العطا تم وبابكر النور كان خارج السودان..ثم لماذا كل هذا العداء علي الشيوعيين هل الشيوعية عار وهل في رأيك ان كل من اعتنق المذهب الشيوعي لا يستحق أن يعامل كوطني يحب بلده... أنا في رأيي أن ترد علي من هو يشاركك الانتماء لنفس الحزب وهنا أقصد د.بابكر مخير عندما قال ان كتابات ود العمدة بتجيب الهوا لحزب الأمة..لماذا تتركه وترد علي غيره أم اذا بليتم فاستتروا:confused: |
اقتباس:
بالهداوة وواحده واحده ونبدا من اخر سطرين قبل كده في بوست نبيل قلت حزب الامة طلع قرار بالمشاركة سالتك قلت ليك من وين جبت كلامك ده ويا ريت لو جبت لي القرار رجعت قلت والله انت سمعت النضم في سودانيات دي لكن ما متاكد منو دقيقة امشي اجيب ليك الرابط واجيب نضمك زي ما هو |
اقتباس:
وده الرابط http://sudanyat.org/vb/showthread.php?t=7501&page=2 انا قلت ليك : اقتباس:
اقتباس:
الان حزب الامة يعرض لحملة شواء علني في سودانيات والدليل هذا البوست وما جاء فيه من الفاظ سيئة من شاكلة سيدهم وهتيفة الخ الخ الخ من ما كتب من اساءات ترد الى اصحابها اولا انا بسالك انت تحديدا ود بابكر اي اسلوب يمكن انتهاجه في مثل هذه الهوجات الغير حميده ولا علاقة لها بالعمل السياسي واداب الحوار يا اخي العزيز لو انا بجيب الهوا غيري بجيب التراب والكتاحة تراجع البوست ده براك ولا امشي اجيب ليك النضم ؟؟؟ |
اقتباس:
الموضوع مكتمين عليه وياريت يكون الرد يبرد بطوننا لكن أعرف أنه سوف يطممها :D لك المودة |
انت يازول شغال رباط ولا صحفي عشان نعمل حسابنا في النقاش...أها وانت جايب لنك وبتقول لي انت قلت وسألتني سؤال جاوبتك عليهو بكل أمانة ولو اللغة العربية هي لغتك الأم حتفهم انو كلامي كان فيهو دفاع عنك لكن انت اسلوبك دايما حاد وبتفترض انو الناس خاتينك في راسهم والكل عايز يهاجمك ودا ما صح ولو انت فعلا حتستمر في استقطاب العداوات أنا من هسع دا طرفي من بوستاتك وخليك مع ناس نبيل بي طريقتك...ياسبحان الله يا ود العمدة الواحد ما قادر يلقي طريقة يخلليك تغير بيها اسلوبك العدواني دا وبعدين لو انت زي ما بتقول في حركة هاشم العطا كنت لسة ما اتولدت يبقي انا ولدي البكر أكبر منك سنا لانو من مواليد 1970 وما افتكر في السن دي انا محتاج أتملق زول ولا أخاف من زول وبعدين سؤال نسيت اسألك ليهو القال ليك منو بابكر عوض الله شيوعي؟كدي أمشي فتش الرد وتعال:Dوممكن تستعين بي صديق:D
|
قرقرقرقر
طيب كان ما قلنا يا عم فتحي اقتباس:
مافي نفس حار ولا اسلوب عدائي ولا اي حاجة حسع انت ما شايف انا ونبيل اتعايشنا على وضعنا كيف ؟؟ يا اخوانا النقاش ده طبعو كده يبرد احيانا ويسخن احيانا اخرى طيب يا عم فتحي انت برااااااحة امش راجع كلام الناس الرصو في بداية البوست ده شوف الاسلوب كان عادي ولا مسخن - ولا اقول عدائي - برااااااحة وبالهداوة والله تاني الا نجيب كمادات للنضم :D:D:D |
ياود العمدة راجع التاريخ وصحح معلوماتك
بابكر عوض الله كان رئيس القضاء من القومميون العرب ولم يكن يوما ما شيوعي . وكان قد قدم إستقالة إحتجاجا على رفض الصادق المهدى قرار القضاء برجوع الحزب الشيوعى للبرلمان وقال أن الحكومة غير ملزمة بتنفيذ الحكم وهو مما أغضب بابكر عوض الله وأعتبر تصريح الصادق إهانة للقضاء طبعا بعد تأمر الصادق مع نسيبه الترابى فى طرد الحزب الشيوعى من البرلمان ودق الصادق بذلك أول بسمار فى نعش الديمقراطية ا لتى قدمها على ورق من ذهب للنميرى صورة بالكربون لؤد اليمقراطية الأولى على يد حزب الأمة أيضا . ياأخى حرام عليك تشبه المرحوم بابكر النور بشمس الدين والطيب سيخه وده أسلوبك الذى تعودنا عليه فى إغتيال الشخصية المحترم فتحى سوف تتعب مع مراوغات ود العمدة وصدق مخير فى قوله أن ود العمدة يجلب لهم الهوا |
عزيزي فتحي
تعرف رغم اني بشغل امين عام ( منتخب لفرعية منطقتي لحزب الامة لكن لحدي الان ما عندي علم بقرار حزب الامة الانضمام لشركاء الحكم !!! فيا ريت تجيب لي القرار ده عشن نبني راي من ضوء مودتي أها في ذمتك الكلام دا ما عيب؟كيف تكون أمين عام في فرع منطقتك وتكون آخر زول يعلم:confused::confused::confused:ولا الجماعة بقوا بخافوا منك ومن الهوا البتجيبو ليهم:D:Dكدا فسر لي انت معني الكلام دا لامن ناس من خارج الحزب يجيبو أخبار الحزب قبال واحد من المسئولين:confused: وطلبت مني أجيب ليك القرار ولامن قلت ليك سمعت ساكت كلامي ما عجبك وفي الآخر الكلام طلع صاح وأنا لو منك كنت لبدت وما عملت البوست الأعلنت فيهو القرار ودي بقي ما تفلسفها لي لان دي فلسفة 64 سنة ما بتقدر عليها:Dوالله ثم ولله أنا ما ماخد جانب اي زول في نقاشكم دا وما بتدخل الا لما تكون في نقطة نظام الزامية عشان الحكاية ما تجوط ساكت والنقاش يمشي لي منحني ما دايرنو وبدل ما نتكلم في السياسة الحكاية في الآخر تنقلب نبز شخصي:(وبعدين ياخي هي التورتة خلاص ختوها فوق الطربيزة وبقينا كل واحد يغلط التاني عشان بعدين نصيبو يكبر يوم القسمة...ما تروقو المنقة ياشباب وشوفو لينا الكيزان ديل نسوي معاهم شنو وبالله بطل قراية كتب التاريخ المطبوعة في دار حزب الأمة كان بتقول ليكم بابكر عوض الله شيوعي....ما تستغرب ما انت القلت بتجيب الكلام دي من المواضيع السياسية المكتوبة ومش بالتحديد موضوع بابكر عوض الله..وكدي أمشي سلم لي علي السيد الصادق وقول ليهو بتعرف فتحي بتاع مصر الجديدة وللا ما بتعرفو؟ولعلمك انا كنت بمشي دار حزب الأمة في أرض الجولف ودار الاتحادي في شارع الحجاز لانها كانت اماكن تجمعات للمعارضة وعمري ما فكرت دا ياتو حزب لكن انتو جيتو خلقتو لينا انقسامات عجيبة المستفيد الأوحد منها حكومة الكيزان وانتو ما جايبين خبر الدنيا وكل واحد فيكم ساللي لسانو للتاني...أعقلو ياشباب وأصبروا الصبر طيب والخلاف في الرأي لا يفسد للود قضية ولا دي بقت حاجة قديمة....وبطل القرقرة الكتيرة عشان حبوباتنا قالوا عيب:D:D:D |
اقتباس:
تعارفنا قبل أن نعرف بعضنا البعض فأنت أخي وللتعريف أكتر تتذكر يوم التقينا أول مرة وكان في حضور أمات الكل؛ السيدة والدتكم والتي تسجل حضور دايم في كل المناسبات القومية في لندن، أتذكر قلت ليا أنك ما كنت بتظهر، لأنك بتوصلها وبتمشي وأنا أقدر ذلك جيداً فالمشغوليات في لندن لا تحد والأم التانية الكان لقائنا في حضرتها هي أم الجميع السيدة فاطمة (فاطمة السمحة أم أحمد). عرفت حينها الحبيب أن أصولك نوبية وذي ما بتقول المصاروة أجدع ناس، يعني ما لينا في القومية العربية ولا شنو؟؟؟؟ الهوا يا الحبيب نعمة من الله أوكسجين وأوزون وسر الحياة لمنم قلتا للحبيب ود العمدة بيجيب الهوا للحزب، كانت هذه لفت إنتباه لرفيق درب وعقيدة ولم أقصد بها مذمة أو إنتقاص وإحنا البنا ياها دي، أنصر أخاك ظالما أو مظلوما بالحق ولست في ضلالة لك التحايا وللأسرة وللسيدة الوالدةعلى وجه الخصوص |
اقتباس:
يا عم فتحي قرقرقر قلت لي انا بقرا الكتب الطبعوها في دار حزب الامة ؟؟ طيب اخونا نبيل ده باقي ليك بقرا في بوفي دار الحزب الشيوعي ولا شنو ؟؟ مع انو عامل البوفي نفسو بيكون مثقف سياسيا وفكريا اكتر من الكتبو اخونا نبيل ده !! يعني شفت المسالة ما مسالة عمر وكده مسالة فهم وقراية وليس كل من يقرا بفاهم ... معقول كادر حزب شيوعي يقول كلام زي ده ؟؟ يا حليل زمن الشيوعيين والله ...!!! طيب وحتى ما تقولو بجيب من كلام ومطبوعات حزب الامة .. دي معلومات من المعهد الدولي للتاريخ الاجتماعي قرييييييييييب لناس ود الحاج في امستردام بقول : اقتباس:
http://www.iisg.nl/arab/ يعني وقت اتحل الحزب الشيوعي الصادق المهدي ما كان رئيس وزراء ولا يحزنون وعلى ذلك قس معلومة بابكر عوض الله ما كان عضو حزب شيوعي !!! يا نبيل بابكر عوض الله عضو حزب شيوعي وهو من ضمن اختراقات الحزب الشيوعي السوداني لمؤسسات المجتمع المدني النقابات والاتحادات والخدمة المدنية ودي واحده من اسباب انهيار الديمقراطيات وعدم الاستقرار السياسي في البلاد وده نفس الاسلوب الاتعلموا الاخوان المسلمين والجبهة الاسلاموية من الحزب الشيوعي .. وللاسف الحزب الشيوعي استطاع توظيف اختراقو واستخداموا في الديمقراطية وفشل في استخدام هذا الاختراق في الانظمة الشمولية والنتيجة كانت توظيف هذه المنظمات والتكوينات من قبل الشموليين عموما سوا في الديمقراطيات او اثناء حكم الانظمة الشمولية يبقى الحب الزيادة من اللزوم لشخصية الصادق المهدي ده حقو تقللو منو يا نبيل المكجنج قالو في الضلمة يحدرك !!! الصادق المهدي لم يكن رئيسا للوزراء عند حل الحزب الشيوعي ولم يتآمر مع نسيبه الترابي وكان رافضا لذلك الامر بل عندما خطب احد الاخوان المسلمين في مسجد الانصار واثار الحماس الديني وقف الامام الهادي خاطبا في الحشد وطالبا منهم عدم التدخل فيما لا يعني الانصار وان ما يحدث عبارة عن كيد وحتى تكون اخي العزيز في الصورة فقد قدم الحبيب عبد المحمود ابو الامين العام لهيئة شئون الانصار اعتذارا من دافع المسئولية الوطنية عن حادثة طرد نواب الحزب الشيوعي بصفته امينا عاما لهيئة شئون الانصار وبصفته عضوا بالمكتب السياسي لحزب الامة وقياديا بالحزب كما اعتذر حزب الامة رسميا للشعب السوداني عن كافة الاخطاء التي وقع فيها الحزب في ظل الممارسة الديمقراطية ومعارضة الانظمة الشمولية وذلك في احتفالات التجمع الوطني الديمقراطي باعياد الاستقلال بمباني وزارة الزراعة المصرية في القاهرة في العام 1997م وان لم يعلن حزب الامة رسميا دعمه لطرد نواب الحزب الشيوعي وحله الا ان نوابه من داخل البرلمان قد صوتوا لحل الحزب وهذا ما وجب الاعتذار عنه .. وحتى مجلس الوزراء لم يكنن له دخل في حل الحزب بل كان قرارا صوت عليه في البرلمان واجازه مجلس راس الدولة عبر رئيسه الزعيم اسماعيل الازهري فلماذا يحشر حزب الامة حشرا ؟؟ الامر كان تصادما بين الجهاز القضائي والتشريعي ولا علاقة للجهاز التنفيذي به راجع يا اخي نبيل معلوماتك جيدا قبل توريط حزبك وان كان ود العمدة بجيب الهوا البارد المنعش لحزبه في هجير شمس السودان اللافح بما ياتي به نبيل ليس هواء بل اعصار كاسح يشل مقدرات بقية اعضاء الحزب الشيوعي في الدفاع وحتى تعلم كم انني حسن النية ومسالم:o:o حتى النخاع سالتك بالامس واستفسرت واستنكرت بالايحاء ولكن وجدتك يا نبيل مصرا ومصرا جدا على هذا الاعصار المعلوماتي فكان واجب التصحيح وهوا زي ده بفرح حزب الامة موش بضرو لانو بتكون في مقارنة بين هوا حزب الامة المنعش واعصار الشيوعي المدمر :D |
فهل يا نبيل وعم فتحي نطمع في اعتذار من الحزب الشيوعي عن مجازر الجزيرة ابا وود نوباوي ؟؟
على الاقل في حادثة طرد الحزب الشيوعي لم تكن هنالك دماء بل كان اجراءا ديمقراطيا رغم عدم مبدئيته وعدالته ولكن مجازر الجزيرة ابا وود نوباوي كانت دماء قتل فيها بشر آدميون وهذا ما يستوجب الاعتذار الغليظ |
اقتباس:
اعتذار شنو العايزو من الحزب الشيوعي في مجازر الجزيرة وود نوباوي؟هو النميري كمان كان شيوعي:confused:بعدين ياود العمدة الضبح ما لازم يكون بي سكين ولا انت ما قريت مقالة منصور خالد: يوم نحر(ذبح) الثور الأبيض.... تاني بقول ليك بابكر عوض الله ما كان شيوعي كان له ميول يسارية..احرز الحزب احد عشر مقعدا برلمانيا من بينها مقعد واحد لاول امرأة تنتخب الي البرلمان في الشرق الاوسط وهي السيدة فاطمة احمد ابراهيم عضو اللجنة المركزية للحزب. عقب ذلك مباشرة نظم الاخوان المسلمون، تحت وطاة مخاوفهم المتزايدة من المد الشيوعي، حملة ضد الحزب الشيوعي بدعاوي الالحاد ومناهضة الاسلام وانتهت بحل الحزب حظره وطرد نوابه من البرلمان في 24 نوفمبر 1965. أي نعم قاد الأخوان المسلمون حملة علي الحزب الشيوعي ولكن الذي قاد المظاهرة التي نادت بحل الحزب الشيوعي كان اسماعيل الأزهري.. الخطأ الذي ارتكبه الحزب الشيوعي في تلك الفترة هو السماح للترابي بالفوز ضمن لستة الحزب للخريجين وكان باستطاعتهم الفوز بكل المقاعد ولكنهم فضلوا ان يكون هناك شخص مستقل وشخص من الطرف الآخر وتم اختيار الترابي لنشاطه الملموس في ثورة اكتوبر ونحن اليوم مازلنا ندفع في الثمن نتيجة هذا الخطأ.. أكتفي الآن بهذا القدر وأنا علي استعداد للمواصلة ان اردتني أواصل وذلك بعد قراءة ردك واقتناعي بأنه ليس مجرد مغالطة:D:D |
اقتباس:
اها يا عم فتحي يعني كلامي طلع صاح بالله كلم نبيل ده اصلو اي نضم بجي من ود العمدة بقول عليهو غلاط وبالمرة لو ما اعتذر الحزب الشيوعي عن اخطاء الماضي يعتذر نبيل عن ادراجو لاسم السيد الصادق وتحميلو المسئولية بحكم انو كما قال نبيل رئيس وزراء حسع من المداخلة دي انا عرفت معلومة جديدة انو المظاهرة كانت بقيادة اسماعيل الازهري :confused:.. طيب نحنا ذنبنا شنو بالله ؟؟!!! منتظرين نبيل وانت يا عم فتحي خليك قريييييييييب بالله وجودك مهم جدا عشان تحامي لي كان كترو علي الحمر ديل ;) |
محمد حسن العمدة في نفس هذا البوست وفي الصفحة الثانية
كتب : اقتباس:
اقتباس:
|
ابو مناهل مرحبتييييييييييييييييييييييييييييييييين واهلييييييييييييييييييييييييييييييييييييين وشرفت كتييييييييييييييير بعد طول غيبة لينا زمن ما اتقابلنا اها انت رايك شنو في كلام نبيل غلاط ولا صوح الصادق المهدي كان رئيس وزراء لامن اتحل الحزب الشيوعي ؟؟ |
اقتباس:
أنا سوف أخليك تقرقر لحد ماتبكى ياعمدة ولله بأسلوبك هذا ماحصلت حتى غفير وأنا عندى من طول اللسان مايجعلك تبكى لكن ليس هنا فى دار سودانيات الهادئة لنا لقاء فى سودانيزاونلاين . رأى مثلك الأعلى السابق فيك صحيح لأنك تكذب تزور التاريخ لأن بابكر عوض الله رئيس القضاء الذى إستقال عام 67 إحتجاج على رفض سيدك تنفيذ قرار القضاء برجوع الحزب كان قومى عربى وسوف إستعمل لأسلوبك الممل فى نقل التفاصيل فى تلك الفترة التى لم أتولد فيها بعد . خلاص لم نغلط فى البخارى نشيل أسم الصادق ونضع أسم محمد أحمد محجوب رئيس الوزراء فى تلك الفترة . طرد الحزب عام 65 وكان رئيس الوزراء محمد أحمد محجوب وعندما حكم القضاء برجوع الحزب للبرلمان رفض تنفيذ حكم القضاء سيدك الصادق رئيس الوزراء حينها عام 67 . خلاص ياعبقرى و فيلسوف زمانك الذى لم تلده ولاده نشيل أسم الصادق ونضع أسم محمد أحمد مجحوب رئيس الوزراء فى تلك الفترة الحالكه لحزب الأمة لم نغلط فى البخارى أحمد زى الحج أحمد واحد طرد الحزب عام 65 والثانى الصادق رفض تنفيذ حكم القضاء عام 67 أما أسلوبك المستفز ولغة الإستحقار إن دلة فهى تدل على إفلاس فكرى وعقل طفولى ومازلت أقول إن وضعك غريب فى حزب الأمة وكيف فات عليهم أن يكشفوا حقيقتك . ولو نتكلم عن ثقفتك بالله ورينى هل عمرك كتبت موضوع مفيد فى حياتك كل موضيعك إقتباس من هنا وهناك هذا قبل خلافك مع مثلك الأعلى عادل عبد العاطى و كلها تدور فى موضوع واحد البعبع بتاعك وهو الحزب الشيوعى زيبقى السؤال الذى يطرح نفسه من ورائك...........:confused: أما إسلوبك المستفز عندى منها الكثير لكن ماتبكى فى الأخر |
الصادق المهدي حفيد البطل الفذ الامام محمد احمد المهدي محرر السودان ،، زعيم حزب الامة ،، و امام الانصار ،، و رئيس الوزراء السابق،، و رئيس اكبر حزب سياسي سوداني ،، شخصية سياسية من الطراز الاول و رقم يصعب تجاوزه ... رجل ديمقراطي و وطني غيور ،عفيف القلب و اليد و اللسان ... و لكن خلال مسيرته السياسية الطويلة اعيب عليه ما يلي:
يستخدم العواطف و المشاعر في ادارة شؤون الدولة و الحزب مما افقده نوع من الحزم و البأس و الشدة يحتاجها القادة و الزعماء في الادارة بعدل و شفافية و حكمة. و كذلك لم يقدم الدعم السياسي المطلوب لاتفاقية الميرغني - قرنق 1988 و بذلك يساعد و يسهم في حل مشكلة الجنوب و استقرار البلاد و سلامها و امنها، بل ظل يراوغ سياسيا حول الاتفاقية و بنودها ، و كذلك تعنته في تعيين بعض مرشحي الاتحاديين للوزارة و رأس الدولة بحجة السدانة لمايو لم تكن مقنعة ، و هو عضو المكتب السياسي السابق للاتحاد الاشتراكي. تميزت فترة رئاسته في الديمقراطية الثالتة 86-89 بنوع من التسيب و عدم الانظباط في الاداء الحكومي ،و تفشت ظواهر المحسوبية و الفساد في تسويات سدنة مايو و التعينات و المناصب ، و لم تسلم اغاثة السيول و الامطار 88 من النهب و السرقة في مطار الخرطوم و رأينا الاغاثة تباع في سوق ام درمان.. و كذلك كانت الرخص التجارية تطبخ و تباع و تشترى داخل الوزارة بعلمه او بغير علمه الله أعلم.. لم نرى اي نوع من الرقابة و التحكم و الانظباط في اجهزة الدولة 86-89 ،و تحديدا الاجهزة الامنية و العسكرية ، ربما نجد له العذر في ان تركة النظام المايوي و المجلس الانتقالي كانت ثقيلة و مدمرة و لم يحدث توافق و ثبات في ائتلاف الحكم اضافة لتآمر الجبهة الاسلامية في عدم الاستقرار و دور صحافتهم الصفراء في تاجيج الحرب و اختراق القوات المسلحة، الا ان كل ذلك لا يعفيه من فشل الديمقراطية و عدم قدرة حكومته على حمايتها و بذلك ضاعت الديمقراطية في غمضة عين و قتلت في مهدها ،و اصبح الكل يلوم في الكل ، الا ان الصادق و حكومته اصحاب تلك السلطة هم المسؤلين في الاول و الاخير. هذة ملاحظاتي الشخصية المتواضعة حول الامام / الصادق المهدي دافعها المحبة و المودة و العشرة و الجيرة و الصداقة و تاريخ العلاقات الحميمة بين اسرتينا . و كل الملاحظات اعلاه ، عن هذا المناضل ، السياسي ، المفكر و الزعيم الوطني الكبير، قابلة للخطأ و الصواب مثلها مثل كل الآراء و الملاحظات، انقلها هنا اثراء للحوار و النقاش ،ان كان ذلك مبتغاكم و غايتكم ، دون ذلك فلنختلف و نتفق مع الرجل بأدب و توقير و احترام مستحق له، و واجب علينا .. |
نعود قليلا للوراء نوفمبر عام 61 حدث تطور تاريخى فى قيادة حزب الأمة بعد وفاة السيد الصديق وكانت ضربة كبيرة على الحزب والبلاد لما له من تاريخ نضالى طويل ولم يصبح رئيسا الا بعد أن برهن على مقدرات قيادتة عند وفاة والدة عام 59 أصبح إمام للأنصار ولعب دورا فى معارضة الحكم العسكرى أشاد به الحزب الشيوعى .
وخلفه أخوه الهادى فى إمامة الأنصار الذى لم يكن فى نفس المستوى ولا يملك مقدرات السيد الصديق كما كان قليل الألمام بالتحولات فى البلاد وبقضايا العصر. وأختير الصادق المهدى أبن الصديق وكان عائد تواه من إتمام دراستة فى بريطانيا وهو لم يتعد 30وكان خبرة السياسية محدودة وتزحم أفكارة تصورات إسلامية ونظريات أوربية مشتتة وأدخل البلاد فى منهج تجريبى أضر بالبلاد وبحزبه وكان على صلة وثيقة بالترابى زادت بزواج الترابى من شقيقة الصادق . فتحالف الصادق مع الترابى وشنوا حملة على الحزب الشيوعى فى ندوة فى حى المهدية فى أم درمان مع نصر الدين السيد . بداية المؤمرة أو المسرحية نظمت جبهة الميثاق الإسلامى ( الجبهه الإسلامية ) ندوة فى دار المعلمين عام 9/11/65 ودار نقاش عن البغاء فنهض طالب أعلن أن ماركسى خاض فى حادث الأفك فى بيت الرسول ص ففجر الحديث مشاعر غاضبه وأصدرت رابطة الطلبة الشيوعيين بيانا أدانت فيه الطالب وصرحت أن الطالب لم يكن يوما ما عضوا فى الحزب الشيوعى بل أنه يصدر صحيفة حائطية تهاجم الشيوعين . خرجت مظاهرات نظمها الأخوان توجهت لمنزل الأزهرى الذى خاطبهم وقال أنه يجب تطهير البلد ودخل الأمام الهادى فى الصورة وأستغل الموقف وإستدعى الأنصار من الأقاليم للعاصمة فهجموا على دار الحزب بالأسلحة بأسلوب همجى أطلق عليه المرحوم عبد الخالق عنف البادية وحاصروا البرلمان. []فتقدم محمد أحمد المحجوب فى 15 نوفمبر عام 65 زعيم الأغلبية ورئيس الوزراء بمشروع قرار بحل الحزب وطرد نوابه من البرلمان وتعديل الدستور وإجيز القرار باغلبية 151 ومعرضة 12 وإمتناع 9 رفع الحزب الشيوعى ثلاث قضايا دستورية :- الأولى ضد تعديل الستور الثانيه ضد قرار الحل الثالثه ضد طرد النواب من البرلمان وقبلت الأحزاب الإحتكام للقضاء أى قبلت النهج الديمقراطى إستغرق نظر القضية عام وفى عام 22 /12 / 1966 أعلن قاضى المحكمة العيا صلاح حسن بعدم دستورية التعديلات وإعتباره لم يكن . وفى يوم 20 / 2/ 67 أصدرت المحكمة حكمها ببطلان حل الحزب الشيوعى وببطلان طرد الحزب الشيوعى من البرلمان . ولم تنهى المعركة لأن سيدك الصادق المهدى رفض حكم المحكمة وقال أنه حكم تقريرى ودق بذلك بمسمار فى نعش الديمقراطية . مما دفع رئيس القضاء السابق بابكر عوض الله إلى تقديم إستقالة إحتجاجا على عدم إحترام القضاء ولمعلوماتك هو قةمى عربى ولم ينتمى للحزب الشيوعى كما أدعيت روح راجع معلوماتك التى لا تخرج عن الأستفزاز وعدم إحترام أراء الأخريين . إعنرف الصادق بهذى الغلطة عام 85 فى حديثة لجريد مجلة الخرطوم وقال أنه كان إنفعال وموقف غير محسوب وكان الأجدر به أن يعتذر كفايه عليك النهارده يا من تسمك عمدة حرام ولله وتدعى كمان إنتمائك لحزب الأمة وأنا أشك فى هذا يمكن كلام ورأى مثلك الأعلى عادل عبد العاطى فيك صحيح بعد إنقلاب السحر على الساحر لأنك لا تلتزم بأداب الحوار ودائما تنهى بوستاتك بالغلق ولو تريد الأسلوب بتاعك نتقابل فى سودانيز ونلاين حتى تظل سودانيات واحه هادئه [/size] |
| الساعة الآن 02:50 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.