رحبوا بحبيبتي
التي بعثت لي البارحه بأجمل هدايا إقتنيتها في حياتي :
1/ عدد واحد جواب من إبني سعيد عباره عن ورقة A4 عليها آثار أقدامه وأياديه مصبوغه بالكركدي تتخلله شخبطه هيروغليفيه وخطوط متعرجه سأفك طلاسمها يوماً ما 2/ عدد واحد دبدوب لا يتوانى عن ترديد i love you كتعويذه أعلقها على سيارتي أو تحت وسادتي لإستنطق حلماً ما.. 3/ أشواق.. وأمنيات طيبه. فعليه ، من دواعي سروري أن أنتقل إلى إستديوهاتنا الرئيسيه لإلتحق بمصاف الأمراء ، والرجاء من الجميع أن يفقدوا الذاكره في بعض ما كتبته ذات زهج إلى حين. هي نانا.. صديقتي وحبيبتي وأم أولادي مهبط وحي قصائدي الرجاء من الخال تنشيط عضويتها.. والرجاء كذلك من أصدقاء السوء الشعبي أن يختفوا قليلا من بوستاتي " والتي غالباً ما ستكون أدبيه" الحب لك. والعزة للسودان. |
هنيئا لك بها وبسعيد
وهنيئا لهما بك ومتعكم الله بالصحة والعاقية لكم كل الود |
شكراً لمرورك الطيب
ولك ما تستحقه من الأمنيات الجميلة تحياتي وتقديري |
اقتباس:
التحية اولا لبيانك رقم واحد ;);) با جماعة شليل لسان حالو داير اقول كل الكلام الما اتفهم لي جاري لي صاحبي واخويا ولا اتشرح جوه الدفاتر داير اقول همسي الصريح وقصه الحزن المحكر جوه فيني في دروب الدنيا متغرب مسافر و عزيزتى نانا اليك وحدك اهدى اغنية عقد الجلاد الطمبارى و الغناى (ساعدونى فى اللينك فشلت فى ابلود)لكن باخذ منها مرحب بيك فى المنتدى حبابك و تحياتى لصغيرك نحن اهل الفرحة جينا لا المدامع و قفتنا و لا الحكايات الحزينة لما درب الرايحة جابنا فى هاتى المدينة يا ولدى الدروب شقاقا بحر التيه ليك درب و لا دربين مساك الدروبب ضهاب ليك قلب و لابالين ليك ضهر و لا سرجين شق يا ولدى بحر التيه و لما على حكاينتا ديك ترسى نعزك لقبيل داخرنو ليك الشوق بحر يا ولد بحر قلت ليك العليك اقراهو لا نتغش .....و لا ترضاهو و لا تنغش فى الزمن الذميم و الكى يسوق فى المخلا تشيل ما شلنا من الهم روح يا با و ابقى قافك لا تعاين ....و لا تعاين على موطاك ....و لا تندم على خطوا تملى مشيتو لقدام ...و ابقى العاتى زى سنطتنا و زى صبرا نلوك فوق مرو زى الزان ...لا شيتن نزل فى الجوف و لا برجع و لا بنزاح.... و اركز للبجيبها الريح .....تفيف انت و يشيلها الريح ...و ابقى العاتى و الدرب الوراك مسدود .. شيل شيلتك بقيت للنص ...لا حلما يجيب البر ...انبليت اختا الرملة ما تقع بكان الهش دى الممطورة ما بتبالى من الرش .... النعمة بتعرف عاطيها ..و الجمرة بتحرق و اطيها.. بالكيلة عطانا و ما لقينا.. فوق جمر خطانا و ما لقينا... يوم الوعد يا حليوة فيك الدنيا ما كانت شروق ....الا الارض متكشفة و متبلمة نعمنو من خير الخريف لوحةا لمشاقق.... يوم الوعد الفرحة متشابة بعين الشمس البت حليوة اللبسة بيضاء كما الحليب و الروح مشعتفة فى البلود الفيها رحيتك.. للبعود من فزعة الغربة للبعود و لا بالحيل الروح مشعتفة فى الحبيب و القلب بكر الدنيا ماشافت جديدو و لا الحزن داقالو باب لو شفتى كيف يوم الوعد كفينو مترامى الغمام و القمرى يغرد للبلوم و النسمة هبت مرتين يا حليوة يوم دقيت بارضك فاس خصيب و التانية فى الوعد ..و اليد تسالم فى الايدين و الام تقالد فى جناها تشمو زين با حليوة صاحية كما النسيم كل البلد شايل غناوى الحزن ليش ... شابل مسدايرك مجامر دمع ليش ......... ليش با بلد ليش ........ لو صحى غنينا بالدمعة الحبيبة ....و دموع الفرحة ما لاقت غنانا ...بكرة نرجع تانى للكلمة الرحيمة شانا هنانا... شان منانا ...شان عيون اطفالنا ما تضوق الهزيمة |
ولك التحيه التي تستحقينها وأكثر
ليكي يا آخر الخيول وفرس الرهان الماكبا للعصافير الماخده من حزم الشعاع نار البدايات البتول للسحابات التلوح قوس قزح بشرى وهطول لضيا الفجر المقرًح ضد قوانين الإفول. |
[align=justify]هنأكم الله أنت وحبيبتك وأسعدكم بسعيد وأهلاً وسهلاً بكم جميعاً على متن منتدياتنا ورواكيبنا وأوضنا وقلوبنا الواسعة والفسيحة [/align]
|
شليل وحبيبته نانا
احبكم من اقصى وجعي خلوني افيق شوية من حالة الهم الانا فيه واجيكم واغني معاكم كل الاغاني والامنيات الجميلة لكم معزتي اقتباس:
|
اقتباس:
الرجاء إرسال معلومات "الحيكومة" في الخاص (إيميل واسم) .. وأرسل لي بعض أشواق وحنين فخالك لا زال في دولابه ولو قلت ليك منتظر البص ما حا تصدقني:o |
ما قلتو نوبة وهسع جاي تكتب أدب ساكت:Dياسيدي الجاك يتربي في عزكم والجايانا البورد مرحب بيها وبي اللجام الرابطاه في أيدها وباقة الورد جاهزة لساعة الوصول..
|
الف الف مبروك يا جميل
لملم جراحاتك و أمش الدنيا احلى من النحيب على زمن فات ما رجع ابقى طيب و انتا طيب ارجع تعال وايه الدنيا غير لمه ناس في خير او ساعه حزن ربنا يهنيك بيهو و يتربى في عزك و عزيزك |
التحيه لك يا شليل
و و الله يعنى انا اول مره اشوف لى رجل سودانى يصرح بالحب لزوجته و ام اولاده .. يعنى ما تتخيل الحاجه دى اثرت فينى كيف .. ياخى انا من شده ما بلقى الناس المتزوجين بيتكلمو كيف عن الزواج لامن اقرب اعرس مصرى .. كلامو حلو و فيض رومانسيه كدا لكن نعمل شنو فى عينا الما بيملوها غير السودانين .. المهم الف مرحب بيها و ربنا يخليكم لى بعض |
ياسلام ياشليل .............
حباب اخيتنا ........ لكن اذا انت بالحلا دي نصك الحلو يكون كيف ......؟! الف مرحبا صف. |
اقتباس:
ياخي ولدك طلعوهو من وراك حنكوش دي كنت بتعملها انت بالطين ( مهذبة كدا) اقتباس:
اقتباس:
هنيالك عقبال .. البقية فى العدد القادم اقتباس:
وهي عارفة نفسها معرسها ليه ضرة مليون ميل لكن تقول شنو الريد قسم .. اقتباس:
فتحي كان أشطر كيس 10 كيلو صعوط ما نقلوا لمرحلة (NUTRAL ) اقتباس:
وكان اختفوا ديل .. أها كيف مع الغاويين ..[/overline] |
اقتباس:
و كانت عايشة وين ؟؟؟ قلنا حنكوشة قالت لا .. بتركب الحافلات .. قلنا .. دايرة احتكاك بالمجتمع .. قالت لا .. زملانها كعبين يا بتى والله شليل متميز .. بس الزيو كتار كدى وسعي الرؤيا .. |
بى دبدوب و وورقة ..؟؟؟
فتحي كان أشطر كيس 10 كيلو صعوط ما نقلوا لمرحلة (NUTRAL والله يا معتصم رطل واحد معلم الله ودرجة تانية لكن نسوي شنو الشكية لي غير الله مذلة..لكن رغم دا كلو أنا أكتر زول محايد في العالم لدرجة اني كنت عايز من عصابة شين تغير ..بدل ما يغشوني ويقولوا لي فاكهة المنتدي يغيروها لي حمامة المنتدي..بس عليك الله يامعتصم ما تفهمها بالمرادف الكعب داك .خسيمك الله والرصول(تكتب كما تنطق):D:D:D |
اقتباس:
مالو عيارك تقيل شوية على البنية و هدى اللعب حلوة شديد و سعى الرؤيا كمان |
اقتباس:
والله يا منال ( ما عارف بدلعوك كيف ؟) و ما طالباني حليفة ريدة ساكت لوجه الله .. البنية يرجا منها ..لكنها - زى كتيرات - قافلات على المواصفات .. افتحن البيبان والطاقة تشوفن رجال سمحين .. بالحيل مش زى انا و نحن و تُلنا .. |
اقتباس:
الأخ فتحي .. بالشين .. أول حاجة أى لقب فكهاني من اختساسي انا .. تانيا حمامة دى كتيرة شوية .. .. حمامة دى سِنّة ناعمة .. و صقر المنتدى يادب الجماعة ما فهموها غلط .. خلينا نشوف ليك حاجة من المشلعيب .. |
اقتباس:
|
هنيئا لكم ابا سعيد
و ربنا يجمع الشمل.. و ابقوا طيبين و عوافي.. |
مرحي لنا بك ومرحب بها بيننا
صادق الموده |
اقتباس:
عميق تحياتي. |
اقتباس:
سلام حتى مطلع الفجر. |
اقتباس:
أرسلت لك إيميل نانا في الخاص.. + باقة أشواق وحنين حبًه عند اللزوم. |
اقتباس:
شكراً على مرورك |
اقتباس:
لمًا ترتاح ضفة جناحك بالشجن وتقلد الزمن العديل يا جراحك لما تفرد غيم جناحك فوق عذابات الوطن.. تحياتي لك ولحبيبتك .. مشرع الحلم الفسيح. |
اقتباس:
هلا والله.. أنا مجرد رقم فيما ذكرتيه ، هذه الأرض حبلى بالكثير. بالمناسبة: سأتزوج حبيبتي ثانية فور عودتي السودان وسأفصح عن ذلك في وقت قريب. كل الأمنيات الطيبة. |
اقتباس:
حبيبتي تجزم بأنها تفوقني صدقاً : إذ أنها تؤمن بمثيلوجي يفيد بأن الزوجة إذا أحبت زوجها فإن المولود يأخذ سمات أبيه ، والعكس صحيح والحق يقال أن المولود خزلني قليلاً http://www.l44l.com/up/uploads/4bfa8c9c5d.gif |
شليل . . الحرف الندي
روح سودانيات الجديدة . . مرحباً بك . . وبها . . رفيقة الروح والدرب نانا مرحباً بكم . . لا أجد حروف مناسبة أفخم بها فرحتي بكم . . ولكن الله الشاهد كم أنا فرح بكم وبهذا الألق الجديد الذي تزدان به سودانيات طبتم مقاماً |
اقتباس:
إذا الغاويين اليتبعون للشعراء ما في مشكله , نرحب بيهم في كل المشاركات الحتكون أدبيه ، من هسي ماركيز جاك بلا.. ولا نامت أعين الجبناء |
اقتباس:
مالك جادي شديد كده ولا في أغنيه نزلتها لينا ولا ورود شكراً على مرورك الطيب. |
اقتباس:
لقد ورطتني بإحتفائك بنا إلى الدرجة التي أعجز عن مجاراتك لكنني أجاهر لك وللجميع بأنني أحبكم أكثر مما ينبغي. |
اقتباس:
تتزوج حبيبتك ثانية وللا حبيبتك الثانية:confused::confused::D شكراً لترحابك ولطيب كلماتك.. حبيبتي تجزم بأنها تفوقني صدقاً : إذ أنها تؤمن بمثيلوجي يفيد بأن الزوجة إذا أحبت زوجها فإن المولود يأخذ سمات أبيه ، والعكس صحيح والحق يقال أن المولود خزلني قليلاً(دا يكون السبب) |
اقتباس:
بس ناقص لي حق المخلل |
ألف مرحب بيها يا شليل
ومرحب بالشبل المليتو غُنا بعد ما مليت أمّو حنين ود النصري عندو أغنية بتقول: أرقد علي سدرك وانوم تملاني ريد واملاك غُنا |
الجميل شليل
اسمك جميل ..لكن اتكون انت شليل الحلم ام صاحب التمساح؟ اهلا بك صاحب المطالع البهية انا اعتبرك صديق ........لكني متل الفريك مااحبش شريك .وانت جايب ام سعيد وبكده انت فركشتنا يللا ياانا ياهي... بعدين ياخوانا فهمونا شليل حبيبته جايه ولارسلت ليه دبدوب وصور بس ولاحايلاقيها ...هو فيه ايه الولد متكبكب لدرجة اصابتنا بالدوار يااخي اركز ماك جنا بطان جنيات آخر زمان. على ذكر توبتك من مبارات اصدقاء السوء الشعبي جدا اذكرك بمقطع لي مظفر النواب.. هل تاب النورس من ثقل جناحيه طبعا بتصرف الاستشهاد ده وكمل الباقي في سرك . لكن اصدقاء السوء دي أنت قاصد بيها زول في قطر ولا انا مابشوف بين السطور كويس؟ اقعد اركز وشوف شعرك ومظفر وخلينا نستمتع بحلو النشيد وانسى الدباديب والبقولو الدباديب واسمعها مني لما سعيد وامو واخوانه (انشاء الله) يشرفو حاتنسى اسمك مش الشعر بس الكلام ده من تجربة لاني متزوجة شاعر مستقيل هههههههههه |
اقتباس:
أوعي تكون قاصد المحلل:D:D:D |
ياسلام يابنج
المرأة التى تغنيت بها دوامآ بيننا, مرحبآ بيها والله مرحب بأم شليل الصغير وقولى ليهو نحنا راجينو فى المطرة اقتباس:
هلا هلا حليلم البطبقوا العرسه فوق العرسه فى ضحوه..:D:D تعرف يابنج أخوك تزوج من أم الفقرا أيضآ مرتين.. المرة الأولى كان زواج سودانى بكل طقوسه (قبل ستة أعوام) والمرة الثانية فى العام الفائت (منذ حينها ومعتصم يسمينى بالعريس :D2),وكان زواجآ "صقليآ" بكل تفاصيل وطقوس أهل صقلية, وأنا عازم على الزواج منها مجددآ كلما سنحت فرصة لذلك |
اقتباس:
|
اقتباس:
[align=center][rams]http://sudaniyat.net/up/uploading/samha_w_samhriyya.mp3[/rams][/align] |
| الساعة الآن 04:16 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.