قصص قصيرة جداً (( ممنوع إصطحاب الأزواج )).
|
القصة الأولى:-
جعلته يتوسد ذراعها ....كان ضوء القمر يغسل وجهيهما.. سافرت مع النجوم البعيدة.. همست له ... كل يوم يزداد حبي لك.... تري... هل تحبني مثل ما أحبك؟؟؟ و هل أنت سعيد في زواجك مثلي ؟؟؟؟ رد عليها:- ده ما وكت هزار...عندي شغل كتيير بكرة.... |
القصة الثانية:-
أدار ظهره لها...كعادته حين يرتوي منها.... إلتصقت بظهره و همست في أذنه....(( ربنا يخليك ليا ))...تمتم بكلمات غير مفهومة...همست مرة أخرى....(( عندي مزاج ونسة معاك ))...إلتفت بشدة و هو يقول (( إنتي دايماً توقيتك غلط....حسي ده وكت ونسة؟؟؟؟)).... إغرورقت عيناها بالدموع من (( القهمة )) فما كان منه إلا أن صرخ و هو يجر عليه لحافه (( خلاص ح نبتدي الدراما....ما قلت ليكي إنك زولة نكدية ))...!!! |
اقتباس:
ليه كدة يا ممكونة تنكدي عليهو باااااااالغتي وشذيتي.. أنا عاجباني الضحكة دي والسنون الرهيبة.. :D :D :D :D |
اقتباس:
يا ربى ما كان فى شبشب تحت السرير ؟؟ |
بسم الله الرحمن الرحيم
الاخت الممكونة اذنك معاك كنت اريد ان انزل هذه القصة في بوست منفصل ، ولكن تقديرا لك وايمانا بمبدأ المشاركة قررت انزالها في بوستك ولك مني الاحترام والود قصة قصيرة جدا جدا ( ريفيات سودانية) كانت امراة صارمة.. يشهد لها الجميع بالحزم والهدوء .. قناع وجها من الاستحالة سبر اغواره... انتشر الخبر في الفريق ان زوجها تزوج ... جاءتها النسوة كي يسرين عنها في مصابها ... استقبلتهن بهدوئها المعهود فيها وقالت ( مابيهمني.. ما يعرس.. الحمدلله ما ناقصني شي .. بحلب في جدادي وبلقط في بيض غنمي)! |
القصة الثالثة:-
قصٌت شعرها الفاحم الطويل...أرادت أن تفاجئه بالنيو-لوك....تأنقت....تعطرت....إنتظرت عودته.... تناول غداءه صامتاً و إستعد لقيلولته.....لم تجد بداً من سؤاله.... (( ما ملاحظ حاجة جديدة فيني ))؟؟؟؟ تأملها لعدة ثواني ثم رد بإستخفاف : (( حركات المُراهِقات دي شنو؟؟ ركٌبتي عدسات؟؟؟؟!!!!))!!! |
اقتباس:
إنت ناسي ممكونة متموم حلوها.... ;) خلينا من الهزار (( ده ما وكت هزار )) :mad: و قول لينا...بما إنك بتاع (( مخ )) و (( أعصاب ))... الزول ده (( مخو )) قال ليهو شنو ؟؟؟ عشان زولتنا دي خلااااااس ...(( أعصابها )) باظت. :rolleyes: . |
[align=center]لا تعليق .. سوى .. يا نســاءنا لا تؤاخذننا بما فعل/يفعل عديمي ( الرومانسية) من رجالنا ... تذكرت الآن قاعدة 10/90 تلك !!
الممكونة ... فقط أحاول أن أضيف ما يزيد إشتعالك -الإشتعال - Watch out ,, The Blood Pressure is SKYROCKET [/align] |
قصة رابعة (بعد اذنك يا ممكونة)
طال غيابه...هذه المرة طالت ماموريته خارج البلاد كغير العادة اتصل هاتفيا خلي محمد ود سميرة اختي يجيني في المطار بكرة الساعة 6 مساء ) حاضر حبيبي قضت تلك الليلة لم تذق جفونها النوم ..تخيلت كيف احتضنته وهو خارج من( صالة القدوم) في المطار .. غير ابهة بنظرات الناس وصلت البيت .. ساعدته في تغيير ملابس السفر و و و المهم منذ الصباح الباكر بعد ان وصلت العيال للمدارس بدأت في تجهيز البيت وترتيبه كالعادة ذهبت الكوفير ولبست اجمل الثياب واستقلت التاكسي نحو المطار ها هو قادم نحوها... ضايقتها ضربات قلبها حتى اعطت ثغرها فتحة تستطيع استنشاق قليل من الهواء لتريحها .. ما ان احتضنته الا وقال ( مية مرة ما قلت ليك ما تطلعي براك؟؟) :mad: |
استأذنته ليشاركها الرقص في حفلة عيد ميلاد بنتها رشا
ما ان امسكت بيده الا وبادر (خيطتي لي الزرارة القلت ليك عليها قبيل ولا نسيتي كالعادة) |
معليش يا اخوات ممكونة وام سهي
عالم الرجالة دة عالم بحورة غويطة انا شخصيا بحب عيشة الرومانسية جدا لكن تكوني رومانسية وووووب تكوني عادية وجادة ووبين جد معادلة صعبة جد |
القصة الرابعة:-
على أنغام أغنية محمد عبده (( إختلفنا مين يحب الثاني أكثر....و إتفقنا...إنتي أكثر و أنا أكثر )) كان يراقصها و يهمس في أذنها (( إنتي أمي و إنتي أختي و إنتي بتي ...إنتي حبيبتي و حتة منى ))... خارت قواها من النشوة...أسندت رأسها على صدره و هي تردد (( و إنت سندي...و إنت سبعي و إنت ضبعي...أنت بابا و إنت ماما و إنت أنور وجدي ))!!!! أفاقت من غفوتها ضاحكة...و هي تردد (( خير...اللهم أجعله خير ))...!!! |
:
اقتباس:
:D :D :D :D :D ندوية... في الحالات دي ما بينفع الشبشب... مسدس....أو....قاتل مأجور :mad: ....will do ....!!!! |
ممكونة
و اقتباس:
|
قالت له :" سيقام معرضا للكاتب في دبي الاسبوع القادم .. ما رأيك ان نكتب اسماء بعض الكتب التي لا نقتنيها الان ..."" رد عليها وهو يقرأ الجريدة اليومية .." اكتبي معاك عليك الله أسبيرات العربية .....!" |
بسم الله الرحمن الرحيم
كتبت الاشراق (.." اكتبي معاك عليك الله أسبيرات العربية .....!" ) حلوووووووووووووووووووة شديييييييييييييييد زوج واقعي :D :D :D |
ممكونه ...روعة الصفاء المتداخلين الاحباء ايامكم دائما حلوة وعسل ورمانسية للطيش يارب العالمين انا غايتو ماعارف انا مستمتع جدا جدا جدا وبالجد سعيد اني بدخل الحوش دا علشان ارمي كل همومي وراي واطلع بعدكم نظيييييييييييييييييييييييف زي التوب البفتا الابيض ...علشان كدا اقول ليك الله يحفظكم من العين يارب العالمين بالجد متعة غير عادية .. وانا عندي قصة قصيرة ... تعود كل يوم ان يصحي علي صوتها وهي تهمس في اذنه (صباح الخير ) ثم يلتفت اليها ويجذب يديها لطبع قبلة منعشة علي خدها شكرا وعرفان وبداية ليوم حلو ...ولكن هذا اللحظة لم يجد همس النسيم ولا صوت البلابل ففزع من نومه متوجسا ..ثم أدرك اخيرا ...انه غائب عنها وبعيد عنها اكثر من خمسة ايام ..ثم عاد الي وسادته الخالية يضرب راسه بيها عله يفيق . ودمتم في الخير والعافية يارب |
اقتباس:
عزيزي الدكتور محمد حسن... أنا عاجزة عن الشكر لسماحك لي بإستعارة فكرتك...و كمان تخصيص جزء من قصصك لهذا البوست (( الرومانسي)) الممكون.... :D قصتك دي ذكرتني نكتة لطيفة.... واحدة زوجها إتأخر في الشغل....قالت لأمها...خايفاهو يكون عرٌس فيني... امها قالت ليها...قولي خير...يمكن ضربتو عربية..!!! :D :D :D لك منى فائق الود و الإحترام |
:) ممكونه وام سهي
بالله ما تقلبوا المواجع خلونا ساكتين احسن :) :) :mad: |
سألته بتحبني قدر شنو؟؟؟
رد عليها: (بحبك قدر الكون ده كلو وأكبر بكتير)، وقد نسي أنه واقفاً في مواجهة المرايا. |
الممكونة و كل الممكونين و الممكونات المروا علي البوست دة.
كل ما أقرأ و أشوف الوجع الهنا دة أتعقد أكتر و تذداد قناعتي في كل مرة بإن الحل يكمن في الزواج من الأجنبي يا ساتر يا رب :( :( |
بسم الله الرحمن الرحيم
كتبت الاخت حنينة (و تذداد قناعتي في كل مرة بإن الحل يكمن في الزواج من الأجنبي) بما انو الاخت حنينة على ما اظن حلفاوية - يعني ألمان السودان المجهجه ده!- وانا انتسب الى سكان المتمة جذورا ومن مواطني امدرمان فانا اجنبي :D |
اقتباس:
عزيزي أبو بشار... حسب ما يتوفر لدي من معلومات...فأنت من تنظيم الرومانسيين الجُدد ......و أنت إستثناء للقاعدة....(( و الآخرين من تنظيم القاعدة )) :D ... يا ريت تنٌزل لينا ذلك الدوبيت الشهير الخاص بأم بشار (( يمكن يفٌشنا شوية )).. و يا ريت تورينا 10 / 90 دي شنو!!! is it what is meant when we say.... 10% of life is made up of what happens to you. 90% of life is decided by how you react. tell us more about it...please......... |
اقتباس:
غاندي الايا م دي في حالة انحياز جندري.. ممكونة نشاركك بقصة الراجل" السقيل" في يوم عيد زواجهم لبست ابهي حللها و تعطرت وتأنقت.. فتحت له قبل ان يفتح الباب..وقفت امامه قال لها: زحي يا ولية خلينا النخش.. دخل تبتعته الى الغرفة التفت اليها نصف التفاتة.. قال لها : جني وجن زول يبارني انت مالك الليلة.. قالت له: ما مذكر الليلة شنو؟ قاليها : لع في شنو بخيبة امل قالت له: اليوم عيد زواجنا .. سالها العيال وينهم؟ قالت ليه مع ناس امي. عشان قلت نطلع اليوم نتغدى برة.. قاليها: انا تعبان ما بقدر امرق وما كان تودي العيال ناس امك.. سكتت رن جرس الهاتف رفعت السماعة وجدت صديقه الذي لا تحبه في التلفون.. سمعته يقول له : اليوم الولية قالت نحتفل بعيد زاجنا ضحك شديد وتعليق بصوت منخفض موش بالله؟ اوكي اديني نص ساعة بكون معاك. التفت اليها وقال ساخرج وفي الرجعة بجيب العيال.. تسسسسسسسسسسسسسس نفس البالونة |
اقتباس:
غاندي الايا م دي في حالة انحياز جندري.. ممكونة نشاركك بقصة الراجل" السقيل" في يوم عيد زواجهم لبست ابهي حللها و تعطرت وتأنقت.. فتحت له قبل ان يفتح الباب..وقفت امامه قال لها: زحي يا ولية خلينا النخش.. دخل تبتعته الى الغرفة التفت اليها نصف التفاتة.. قال لها : جني وجن زول يبارني انت مالك الليلة.. قالت له: ما مذكر الليلة شنو؟ قاليها : لع في شنو بخيبة امل قالت له: اليوم عيد زواجنا .. سالها العيال وينهم؟ قالت ليه مع ناس امي. عشان قلت نطلع اليوم نتغدى برة.. قاليها: انا تعبان ما بقدر امرق وما كان تودي العيال ناس امك.. سكتت رن جرس الهاتف رفعت السماعة وجدت صديقه الذي لا تحبه في التلفون.. سمعته يقول له : اليوم الولية قالت نحتفل بعيد زاجنا ضحك شديد وتعليق بصوت منخفض موش بالله؟ اوكي اديني نص ساعة بكون معاك. التفت اليها وقال ساخرج وفي الرجعة بجيب العيال.. تسسسسسسسسسسسسسس نفس البالونة |
اقتباس:
:D :D :D .... اجازى محنك يا ممكونة ... |
ممكونة ازيك .. ومشتاقين عديل كده
وحمد الله علي سلامة العودة [align=center]دخل غرفة النوم والتفت إليها، جهزتي لي العشاء، نظرت إليه وقالت له أمشي المطبخ بتلقى فول سخنو، نظر إليها بسخرية وقال لها: (الفول أنا بسخنو لكن الفراش البتجهزي فيهو ده .. أتخمدي فيهو براك :D:D:D)[/align] |
الأستاذة ممكونة والسادة المتداخلين
أسعد الله أيامكم بكل خير.. هذه أول مشاركة بالنسبة لي بعد بوست الترحيب أول موضوع دخلت إليه كان قصص قصيرة.. كانت لي محاولات لكتابة القصص القصيرة وكتبت منها الكثير ونسيت أغلبه.. القصة الأولى: سألها: إلى أيِ مدى تحبينني؟ قالت: أحبك (حتى) الموت.. فلما مات.. أحبت غيره القصة الثانية: رأى في نومه أنه قد مات وكان فرحاً جداً لهذا الحدث السعيد.. ولكن فرحته لم تدم طويلاً.. إذ أيقظته أمه أن الساعة قد تجاوزت الثامنة صباحاً.. |
اقتباس:
اقتباس:
عليكم الله شوفوا الراجل البارد ده!!!!! :p أختي و عزيزتي الغالية أم سهى... وجودك يسعدني...مشاركاتك تشرفني... أكتبي زيادة...أكتبي الفي قلبك كله...خلينا نتفشى...و نفش باقي الممكونات في الأرض. :mad: |
القصة الخامسة:-
تجاهلها...أهملها...أهانها...سخر منها...إستخف بها....مارس عليها كافة أنواع العنف اللفظي و المعنوي... وضعت رأسها المثخن بالجراح على وسادتها و منٌت نفسها بأحلام سعيدة....إنتهرها قائلاً (( النايمة ليها شنو...؟ عايز حقي ))...إستسلمت له مُسيٌرة غير مُخيٌرة....نال ما أراده...أدار ظهره لها و هو يتأفف (( عليكم الله شوفوا المرا الباردة دي ))!!!!!!! |
ممكونة...
ما شالته رمتو بي الشباك؟؟ :mad: :mad: :mad: |
ممكونة سلامات
قصص ممتعة جدا قصص مضحكة جدا قصص موجعة جدا |
قامت بعمل شاي المغرب احضرته له امامه..قال يريد سكر زيادة. ذهبت الى المطبخ بصعوبة وهى تتوقع
ان يبدأ طلقها في اي وقت فقد رأت اشارة للمخاض . وبطنها تخزها قليلا. رفعت يدها نزل الماء صرخت له. اتاها متثاقلا.. اتصل بأمها ثم اخذها الى المستشفي متزمرا.. حامل 9 شهور ما لقيتي تلدي الا يوم لعبة الهلال والمريخ.. اصلك ذي الديك الما بيعرف الوكت.. ( راجل سقيل ودمه بارد) |
الأخت ممكونة ، الصبر له حدود ، والمكنة كلما زادت، كان رد الفعل.......
كل قصصك من الواقع المعاش ، وكما أوضحت في بوست آخر ، أن الرجل الشرقي يهتم بنفسه فقط ألي أقصي حد وينسي أن هنالك زوجة أم العيال وشريكة الحياة ، بل وفي بعض الزيجات يبدأون من الصفر علي الحديدة ، وتتفتح أبوب الرزق ، وعندما يصير ذلك الزوج من أهل المال والشنة والرنة ، تحصل الخرمجة بكل أشكالها . الهزار والونسة وكلام الحب دايما خارج البيت ولكن في البيت ..... يدير الظهر بعد ان قضي منها وطرا وهنالك خارج البيت شيل يا ونسة وضحك وحاجات تانية من الواقع : قالت ليهو أن ماشة للبكي مع النسوان أديني حق المشوار قاليها ماعندي بعد ساعة زمن سمع أنو العربية أنقلبت لاقا واحد من أولادوا ، قاليهو : أن شا ء الله أمك لقت زول يسلفا حق المشوار من الواقع مرت صاحبو ماتت ، مشي يرفع ليهو الفاتحة ، بعد قرا معاهو الفاتحة قاليهو : أنتو النسوان البموتن ديل بتلقوهن وين وهو قادم من السفر ، أنتظرته في المطار بكامل أبهتها قابله في صالة الوصول قاليها أنا ماشي أوصل زميلتنا لبيتم وبحصلكم في البيت واقع آخر وهو قادم من الحج ، وهي والعيال في صالة الوصول في أنتظاره ظهر خلف حاجز الجوازات ومعه أمراة يضحكان ويتحدثان ، :كأنها معرفة دهر سلم علي ام العيال والعيال وقاليهم سلموا علي........... زوجة أبوكم !!! هل ينفع هنا شبشب أو مسدس أو قاتل مأجور وبعدين الواحدة برضو : الفول في الثلاجة سخنو وأتعشي! الأولاد ماناموا ، بناتك صاحيات ، والمرأة السودانية تتهندم وتتزركش للبكا والحفلات والمرقات والشمارات ، والفول في الثلاجة سخنو واتعشي هكذا الكل مسئول رجل كان أو أمراة والكل مجبور علي العيال والسترة |
10/ 90 !!
الممكونة الرائعة جدا ً ..
نعم هي التى أعنيهــا .. العشرة في المائة التى لاتملك خيارا آخر فيها وتكون فيها مسيـّـرا ً .. أما التسعون في المئة هذه إذا - أقول إذا - ما أحسنت التصرف فيها ، و كانت ردات أفعالك أكثر هدوءا و عقلانية .. لكانت حياتك كلها هنــاء وسعادة .. ولكن !! كم منــّــا من يملك زمام أمره لحظتها !؟؟ قصص تحكي واقع معاش و أعجبتني كل المداخلات و لعل الجميع وصلهم (رأس السوط) .. ذاك الرد ( الدوبيت !) كان نتاج إستفزاز ظريف من أحد الأصدقاء الأعزّاء جدا ً أن وصفنى و صديق آخر معي بجماعة ( رافعي الأعلام البيضـاء أمام حلف الست الحكومة ) كان بإمكانه أن يقول أمام زوجاتهم ... حبيباتهم - لاحظتي هنا فاتته قاعدة ال 90 إيـّـاها .. - فكــان أن جاريته برغم أنه يملك مقدرة خرافية فى مثل هذا النظم .. وتتقطع أنفاس الجميع وهم يجارونه [align=center]جيلاني الأســــد بداية ليكــا سلام إت ياكــا اللّزُوم.... و خاتـــي أى ملام يا شيخ العرب ال ... متلـــى ما بتـــــلام هاك مني الصحيح ال ما في بعده كلام دا ( الحـلــف ) القِدِر يكبـــّـل الأقـــــــدام بى خُلُقــا ً كريم مدْخـور مــع الأيـــــام و بى رمشــا ً طويل مسلولة منه سهــام وبى نَفَســا ً رقيق زايد على الأنســــام وبى (مُهْجَـة) الجميلة ال.. زيّنت أعـــوام وبى عُشـْره و وفــاء هى الخففت آلام دا الحلف المتين ( الهجّــنْ ) ... الضرغـام كيف أقدر أقيف قدامو رافع الهــــــــــام ؟ شاحد الله الكريم يرعاهـو مـا ينضــام و يديني العمر معاهو أهنـأ و أنـــــام و هاك مني الصحيح لى كلامي ختام ما من خوف يمين أنا رافع الأعلام[/align] قـــليلا فقط من الحب , و لنداوم عليه حتى نعتـــاد على إعطــاء الحب الغير محدود .. و لحظتها سنلاحظ الفرق شكرا ً ممكونة و كل من مر بهذا البوست المتفرد تحايا عطرات |
بسم الله الرحمن الرحيم
قال لها مداعبا: بما ان جوالك المحمول به كاميرا لماذا لم تاخذي لي صورة اجابته اخاف ان تحرق المحمول قال لها اكتشقت انني ساذج لانني صورتك بقلبي... فاحترق قلبي |
اقتباس:
إشراق...المرأة الرسول... حتى إنتي يا إشراق...!!!؟؟؟؟يا سيدة الشفافية و الرقة...!!؟؟؟ لا علينا.... لا يأس مع الحياة....و لا حياة مع اليأس... و الرجل الرسول حامل دفء أمهاتنا...ينتظر في مكانٍ ما... و كما قال أحدهم.......لو بطٌلنا نحلم..نموت... |
اقتباس:
من خلال معرفتي بك أكاد أجزم أنك من (( الرومانسيين الجدد )) ...و أنك مثال رائع لكل ما تتمناه الممكونات السابقات و اللاحقات (( الأحياء منهم و الأموات :D :p ))... دُم بخير...و كُن كما أنت...ربنا يهنيك ب أم العيال و يهنيها بيك... تسلم من كل شر.. و عيني عليك باااااااااااردة... |
اقتباس:
خلينا نفضفض ... إتفشييييييييييييييي..و فشينا معاك... |
| الساعة الآن 09:30 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.