حبى و مودتى
فى مثل هذا الصباح من العام السابق تعرفت على سودانيات وفيها وجدت من الحب و الجمال ... مراتع مازالت احبو في رمالها و انعم بنسميها العليل ..
معرفة بى اناسا أعتز و اسعد جدا ان عرفتهم فى سودانيات من خلال اسطر التعارف وجدت الاب (رغم فقدى لابى مبكرا) الاخ الاكبر و الاصغر ... الصديق الوفى .. العم و الخال ... انها الحوش الكبير ... اما عن بنات جنسى يا الله كم هن رائعات ... نتعارف و كاننا نجلس فى ذات الجهاز و نعيش فى ذات الغرفة ونشم هواء واحد... احس دوما بانى صغيرتهن التى تنعم باخوة صادقة و صداقة قوية وزمالة راسخة وفى المكتب و فيه اقضى ساعات طوال ... و كل ما اتحرك وادور فى المكاتب اجد ان ايدى بتاكلنى و امشى على الجهاز ... و على ثلاثة اجهزة سودانيات المين بيج ... و على جهاز البوس فى اول قائمة الفيفورت ... و منذ اول افتتاح للجهاز بعمل كليك و توووش سودانيات ... كم انا محظوظة لابدا بها يومى ... استزذ معرفة و علما ... و اضيف رصيدا من الاحباب و الاصدقاء . سودانيات عندى نجدة غريق ... ارسل و اطلب الاستشارة... واجد الاستجابة برغم علمى بالمشغوليات ربنا يقدرنى على رد الجميل طبعا هترشتة كتييير و معها خستقة وكدا... وجدت انها باااردة ...لان القلب الكبير الذى احتوانى هنا مثل قلب الرضيع ... ( والله وجدت بعضهم اكل و اقش فى طرفهم ) يااااااااا انها سودانيات و كفى ... عاجزة عن السرد فقد ضاعت حروفى احبكم جميعا مودتى اليكم |
منال...
فعلا سنة و مشوار جميل مع سودانيات و لقد عرفنا فيك كل ما هو جميل و تبقى دايما المحبة الصادقة و المؤدة بين الجميع هنا... و مبروووك سنة تانية...:D |
الإبـنـة منـال ..
كل سـنـة وكل لحظـة وإنـت طيبـة وبخيـر .. عبـرتي عـن حبـك لسودانيات في كلمات عميقـة الدلالة ... من يتـذكر اليوم الذي إنضوى فيـه تحـت دائرة هـذا القبـس الفضي .. لا بد أنـه صادق الإحساس والكلمـة .. زخـم المحبـة التي تكنينها لسودانيات حفـر في ذاكرتك حتى اليوم الذي أنضممـتي فيه لها. قلتي الحق في حق هذا المنبر العفيف الراقي وأرجـو أن يحافظ على تلك السمة الماسية حتى يصبح مثلاً لنقاء الضمير وقلعـة للإخاء والمودة ومنبراً للديمقراطيـة صحنه يسـع الجميع. |
أجمل ما في سودانيات
أنها بتتولد كل مرة يجيها قمر تشرق فيها شمس، تجدد عمر أقمارا؟؟؟ إتي وإنتي وإخياتك شموسا رجال ساترين الحال ووحاتك إن في شي جميل في الدنيا!! يا ها معرفتكم الفي الخير والمحبة لمتكم... منو،، منال إنشاء تعمري ذي ما إتي معمرة سودانيات.. ليك محبة أبوة صادقة ونبيلة يا بنيتي!؟!؟ الجميلة |
اقتباس:
نستعصم بذات الحب والجمال لنقوى على (شيلة باكر) :) مودتي منال |
منال
سعيدة وبمعرفتك بوجودك وكل من يزرع المحبة والود وجميل التواصل والمعرفة الراقية في هذا المكان حقو الليلة يكون دا يوم منال وكل البوستات تقيف ونجي هنا نحتفل بوجودك كاجمل نموذج لهذا النسيج الرائع |
اقتباس:
استمد منك الاحساس الصادق و زخم المحبة... و شرف الكلام احبك كثيرا هاشم ... و اسعد بوجودى معك هنا دامت سودانيات للتواصل و المحبة |
اقتباس:
انا و اخياتى ... محظوظات ان جمعتنا بك سودانيات ... لانك كنز المعرفة ... و نبل المشاعر ... و صدق الابوة ...احساسى ان اعرفك من زمان و عن قرب كمان ...اتوق كثيرا لرؤياك ... فانت قمر اربعتاشر سودانيات احبك ... احبك ... احبك |
سنة حلوة ياجميلة
منال : بيت مال وكتابة نجيضة ، يتربن السنوات الجايات في عزك ويشبن بي مداد العافية . كل سنة إنتي وسودانيات والناس الهنا كلهم متميزين |
اقتباس:
معك انهل من نهر الحب و الجمال حبى و مودتى |
[flash1=http://alawamra.com/cards/images/swef/mrtsna.swf]WIDTH=400 HEIGHT=350[/flash1]
منال مرت سنة الليلة عيدك ياضينا باقي الكلام ادي الخلا:D |
اقتباس:
كنت اتمنى ان انزل هذا البوست باسمك (عشان الخبط الاسماء) loooollooool المحبة هيلنا و نحن الزرعناها و نرويها بحنانا ... و جميل نضمنا ... وتاخذ الاحرف ألقا من شرفنا (النون و التاء) ... حقا سودانيات نسيج رائع و نموذج يحتذى يه ... (باعضائها) حبيبتى و سنبدع الدنيا الجميلة وفق ما نهوى امال بوابتى نحو الحب و الجمال |
اقتباس:
انشاالله تباركو لى بيت المال و اشيلو جناى ...اقول ليهو ده خالك اكان بكتب معاى فى سودانيات ;) :D goood خدر التميز كل سنة و انت الحب |
يا امال مبالغة لكن الكابوى ( وقال بهز فى رجلو ) الحارس الجمال ده كلو
يا سلام على الاحرف الندية اجمل عيد ... لا غرو فانها اهداء من احب |
العزيزة امال
تعرفى انا لى ثلاثة سنوات فى سودانية اشارك فيها بفترات متقطعة وحين اعود اليها اعرفى انى انشد السلام الذى افتقدته فى مكان اخر او انشد الصدق والاحترام فى نفق اخر او انى اطلب الحجة بالحجة والمنطق فى النقاشات بصراحة رغم ان معرفتى بالكثيرين هنا فقط بين السطور هنا ما عدا امى العزيزة دكتورة بيان الا انى اجد الاحترام بين اعضائها مهما اختلفت الافكار ببساطة انه (البيت الامن) كما فى المصطلح الامنى شكرا لحروفك |
اقتباس:
واحد تاني بخلط بين اسمي واسمك ممكن ارد نيابة عنك شكرا يادوت سودانيات فووق goood بي تناغما وتجانسا عالم من المحبة والتواصل والنشاز زاتو مرات بكون اضافة عشان يظهر انو نشاز:cool: |
انتماء حقيقي ومشاعر صادقة ...
حاجة جميلة يا منال واحساس رائع ... تسلمي يا بت أمي ... وكل اعضاء سودانيات نفر نفر |
اقتباس:
|
اقتباس:
و شهد شاهد من اهلها ... فلنكن ناس سلام بحق متعك الله بمعارفك من سودانيات فانت اخو البنيات و مقنع الكاشفات و عشا البيتات ... سعيدة بمعرفتك الى ان القاك |
اقتباس:
هسع اكتب منو ولا منو تانى الا اكتب (بالاشارة للموضوع اعلاه) الموضوع جميل وندخل فى بياخة المكاتبات الحكومية عموما منال امل امال وكل الاخوات هنا وهناك اكن لهن احتراما كبيرا اكيد يوما ما لناء لقاء على ظهر هذه الفانية احتراماتى |
اقتباس:
ربنا يجعل سودانيات كما هى اخوة دائمة واحترام متبادل وما اقله هذه الايام تشكرااااات |
اقتباس:
بشرفنى الانتماء معك ... و مشاعر انعم بها من الرائعين مثلك ... احساس فنان مرهف بقول مفك نجمة :p:p صديقى كثير الاحتمال لازعاجى ... و الخستقة ... شمعتى التى تضئ دربى فى النفق المظلم فانت وضوح الرؤية ود بنات المك ... البساهر الليل و يخوض السيل و يعدل الميل (اخى و صديقى و د امى براى) اخذت ريشتك ... و اشخبط فى لوحة اعطيتنى مساحة لونك الوهاج.. لاعزف وتر الحانا شجية يا محبوبى هاك من مكتوبى ليك من شوقى كل الشوق |
اقتباس:
يوم شكرك ما يجى حبى |
ميني ياحبيبة
دايما انتي مليانة رقة واحساس والله سودانيات بالنسبة لي ملاذ وضل وباحة للقاء الاحبة كلما القى الدنيا غباش وسواد وكلما تتداخل الصور والمشاهد وكلما افتقد السند ولمة الناس الحنان بجيكم جارية برتااااااح وبروق همي وتفتح عيوني على حقيقة بسيطة لكنها جدا ساطعة انه الناس في سودانيات اولاد ناس وأسر وانهم اخوان بنات وخايفين على بعض وعملتنا دي في كل الاسافير ما موجودة ابدا.....عشان كده سودانيات ملاذ وبيت عيلة واعيان وولاد بلد جدعان انا بحبكم كلكم وياكم السند وأمل باكر ------------------------ يادوت سلامات ياخي وسعيدين بوجودك معانا دايما يااصيل وجميل ------------------------ تعالي يامنال ياختي ليييييييه بتقولي لي ود ابوعاقلة تؤام روحي؟؟؟ امال انا شنو؟؟؟ ----------------------- اسمعي القوالة دي كويس وكلمي بيها تؤام روحك قوليهو لنا جعفر شافتك مصور بي تيشيرت اصفر مع خليل ودكتور معز والصورة منشورة في الفيس بوك وكلميهو قولي ليهو الجكس مكسر وين دي ما مشكلتكم .....المهم حاصل وحاصل وحاصل اها فتكم عافية ومشتاقين جدا ياود ابو عاقلة ياتؤام روحي انا برضو:p;) |
اطيب سلام يا منال و انبل تحية لك و لعموم الاحباب في سودانيات المحبة و الخوة و المودة، و كل عام و انت بالف خير و شدي حيلك راجيينك تنوري دروب العتمة و الشك، و معا لخلق واقع افضل عشان عيون اطفالنا ما تضوق الهزيمة ، و حنبنيه البنحلم بيه يوماتي ...
|
منال السمحة..
كل سنه وإنتي سمحة في كل شي ، إعتدادك بنفسك، إحترامك للتاني، إلتزامك.. السنه الجايه ناسفه توقيعك بإنو " شيلة باكر أجمل" |
[align=right]
إزيِّك يا منال .. كنت ولا زالت إضافة حقيقية ومقدَّرة لهذا المكان الذى تشرف وسعد بحضورك جنباً إلى جنب مع مثيلاتك الرائعات - الأمثلة الطيبة على خصوبة حواء السودانية - ورقيِّها ونضارة فكرها وإسهامها .. [align=center]Happy Anniversary[/align][/align] .... |
[align=center]الكريمه , الخلوقه دوما ....منال
كلما اقراء لكى كلمات , تؤكد لى بما لايدع مجال للشك انكى لستى بانسانه , بل اكثر من ذلك .... ما انظفك , واكرمك من انسانه ....صدقينى كلما اوغل فى يئس من ان هذه الدنيا صارت غابه ولايوجد بها من يتحسس ذلك الجمال الداخلى والذى كرمنا به الخالق سبحانه وتعالى من صفات واخلاق ميزنا بها عن باقى الخلق , ولوان بعض مخاليقه يتصفون بصفات تشتهر بهم من الوفاء والاخلاص ...وغيره .. وتاتى انتى كعادتك , وتثبتى لى مقوله ان الحياه ماذالت تضج بمن يتعائش بتلك الدرر الغاليه من معانى وصفات .... هنينا لنا حبك لبيتك سودانيات دمتى بخير[/align] |
اقتباس:
حبيتى نجمة المساء تعالى الى فكم احتاجك لنزيح ستار الهموم بالجنبة ود ابوعاقلة براهو بمشى الفيس بوك ... لكن هو ما صاحب الحروف و فردة بروف معز ...اها اكان شفتى من الحاصل التى شيرت الاصفر هو مدستر فيهو (اللون الاصفر و جنو تى شيرتات بس كويس انو ما بشك ) وقال ليك الطباعة فيس و باك خطرى والله و مكسر الجكس تخريمة الباقى بجيك بيهو محمد ... ما تحمر لى ما قلت شىء هههههههه |
التحيّة والإنحناءة لك يا منال . .
فأنتِ من تفخر بهم المنابر وتعتز. سعيد أنا بأنّك هنا. |
اقتباس:
الغالى فانت لى الاخو القريب ... و لا ود امك البعيد ...وبرضو عشان عيون اطفالنا ما تضوق الهذيمة ( تعرف يا فردة لو الغنا السمح ده كنت طقعتا زمان) اشفق على الطفولة المعذبة بوطنى فى زمن الانكسارات و الهزيمة ...و لكن محجوب شريف بقول اجمل الاطفال قادمون عيونهم اشد من عيوننا بريقا بقول مع عقد الجلاد ياخرطوم اذ نامت عليك عيون تشوف الضلمة فى الضحى و النهار مكلوم ولو غنيتى والغنا بالسلام مخنوق ... اعرف انك الزمن اللجى شرووووق و اعرفى انو الزمن الحبيب وحنون فيا الخرطوم عيون الحق ما بتنوم حبى اليك |
اقتباس:
اتكئ و انا مجهدة مع احرفك و افتح كل نوافذ لكل ما هو جميل فاجدك متحكرا يا ملك الجمال ... عزيزى دائما عندى تفكيرى كدا انو انت قائد الاسطول لجمياليات سودانيات جميعها ... و تسمح دوما بان نتواهط فى دواخلك و تفرد جناحك تلمنا فانت التنقوش و كفى ساجور ما انفك فى رحم الليل ما ا نفك بقى بسر الطير شيل شيلتك بقيت للنص |
اقتباس:
ازيك يا كل الناس ما زيك الحبيب الوليد سودانيات كلها قد نضمتها عقدا اتزين به للمارة و جواى اللؤلؤ يبرق من ضيكم ونور عيونك ... انت الذى اعطيت الخصوبة لحواء ومابرحت تعطى من غير منَ ... فقد سعيت لان تنبت صادق المحبة و المودة هنا ...فمعا ومزيداً من التواصل الحميم ايها الجميل |
اقتباس:
اسعدنى وجودك هنا ... دعنى الى تلك الغابة ... و احمل الفاس معك و المعاول و نبنى اكواخ الحب ... و راكوبة المحنة ... فالنهر حتما يشق نلك الغابة كما النيل الذى ألهمك ان تكتب هنا... الحياة حلوة بك ومعك ...متعك الله بالصحة و العافية .. سودانيات البيت الكبير بالجنبة احب العيون السودا و احب سمار فى عيونا... انت المياه العذبة و انت النسيم الصافى حبى منو |
[align=center]منال يا بت بلدى
يا نوارة الشدرة الطارحه البكره ... يا مرسومه بقندول عيش ...ورزازة مطره ... يا شموخ النخله وطعم الثمره ... لوزة قطنة وريحة زهرة ... نيلك طرحه وضلك سدره ... عيونك ضفه .. سر النظره ... قليب أطفال بساطه وفطرة ... [/align] [align=justify]منولة يا نوارة سودانيات ...كل عام وأنتي وسودانيات بخير [/align] |
اقتباس:
شان بعشقك وخاتا صورتك في الغمام شان بعشقك وحافظ حدود الإحترام ما قلت ليك أدمنت حبك وانا السجينة في حضرتك ودائماً ما ملام شبارقة سودانيات هى فى عيني حبيبُ ساحرٌ في نبل وجلال واثق الخطوة يمشي ملكاً مشرق الطلعةٍ في منطقه لغة النورِ وتعبير السماء |
[align=center]http://sudaniyat.net/up/uploading/yuuu.bmp[/align]
[align=center]مع حبي لزهرة سودانيات[/align] |
على سبيل التحية
|
اقتباس:
|
ان شاء الله العمر ليك نعلات صحة وعافية وفرح |
| الساعة الآن 01:07 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.