سودانيات .. تواصل ومحبة

سودانيات .. تواصل ومحبة (http://www.sudanyat.org/vb/index.php)
-   منتـــــــــدى الحـــــوار (http://www.sudanyat.org/vb/forumdisplay.php?f=2)
-   -   يا خرطوم ثوري ثوري .. مظاهرات الخرطوم اليوم (http://www.sudanyat.org/vb/showthread.php?t=24648)

اسامة عبدالماجد 17-06-2012 01:11 PM

يا خرطوم ثوري ثوري .. مظاهرات الخرطوم اليوم
 


إنفجرت اليوم 17/يونيو 2012 غضبة طلاب جامعة الخرطوم وبعض شوارع العاصمة ومدن أخرى في مظاهرات الغضب..
* يا خرطوم ثوري ثوري ضد الحكم الدكتاتوري.
* والشعب يريد إسقاط النظام.
* مليون شهيد لعهد جديد.
هكذا كان تردد الجماهير بحناجرها الغاضبة بعد أن أكتوت بسياسات هذا النظام القمعي..

http://www.sudanyat.org/upload/uploads/Sud2.jpg

http://www.sudanyat.org/upload/uploads/Sud3.jpg

* كيف يمكن أن تتحول هذه المظاهرات لبدايات نهاية هذا النظام؟؟!!
* وكيف يمكن أن نصنع الثورة الحلم؟؟!
* وكيف للمناضلين والشرفاء أن يتقدموا الصفوف اليوم لكسر حواجز الخوف والتردد؟
* كيف يمكن للنخب السياسية أن تحول تحالف قوى الإجماع الوطني إلى رقم أساسي في الشارع السوداني؟

هيفاء عبدالستار 17-06-2012 01:20 PM

أييووووي يوي يوي يوي يوي ............

أخيرا نطق أبو الهول ....

والله دي فاتتني ..

كان جريت جنس جري ...gap:D:mad:

أسامه كيفنك ..

ياريت تنزل لينا أحداث الشارع أول باول ...

وممنونين علي الاخبار المبشّره ...

زول الله 17-06-2012 01:46 PM

http://www.youtube.com/watch?v=SzQiL...layer_embedded

نبيل عبد الرحيم 17-06-2012 02:25 PM

الشعب يريد حياة كريمة

زول الله 17-06-2012 02:55 PM


شهادة الكاتب و الصحفي الأستاذ:فيصل محمد صالح
الشبيحة والبﻼطجة: رأي العين

لم يكن حلما وﻻ خياﻻ، لكني رأيت
الشبيحة والبﻼطجة رأي العين. الساعة
الثانية عشر والنصف نهار اليوم، وأنا
أدخل من ناحية حدائق السﻼم على
النفق المؤدي لشارع الجامعة. في
بداية شارع الجامعة يقف ما بين 10
إلى 15 من الشباب صغير السن،
مظهرم يدل على أنهم طلبة جامعيين،
سنهم مابين 18 إلى 22 عاما تقريبا،
يحملون سيوف وسواطير تتشابه كلها
في الحجم والشكل، وهم يهتفون الله
أكبر، ويصرفون حركة المرور عن
شارع الجامعة. كانت معي زوجتي،
حين اقتربنا من مدخل النفق وقف
شاب صغير أمام السيارة وهو يلوح
بالسيف: أمشي قلنا لينا أمشي من هنا،
الله أكبر ألله أكبر. كان رجل المرور
يقف عاجزا، تجمع حولي آخرون وهم
يلوحون بالسيف والسواطير: أمشي يلﻼ
أمشي، سالت رجل المرور : هل من
الممكن أن أدخل يسارا في شارع
الجيش؟ أجاب نعم، طيب ديل مالهم،
هز كتفيه ووقف بعيدا، حين تولوا هم
إدارة الشارع وأمر السيارات باﻻنحراف
شماﻻ نحو شارع الجيش.
حين انعطفت ناحية اليسار كانوا
ينظرون نحوي شذرا، وباقي هتافهم
مازال في اذني : الله أكبر
من جاء بهم هنا؟ ومن صرف لهم هذه
اﻻسلحة ليرهبوا بها الناس؟
اﻹجابة عند علي عبد الله صالح وبشار-انتهى-
منقول من سودانفورم دوت نت

-------------

اذا صحت هذه الرواية فهل نحن موعودين بسوريا أخرى؟؟

قبل قليل أخبار عن تظاهرات في مدينة بحري -شمبات- وايضاً امدرمان
إذا تضامن الشعب مع الطلبة فهي الثورة والتغيير ان شاءالله





اقول قولي هذا واستغفر الله لي.............

طارق صديق كانديك 17-06-2012 04:26 PM

مهما تأخر الفعل الثوري ضد هذا النظام ، فإنه آتٍ لاريب فيه.


رحاب سليمان 17-06-2012 05:26 PM

غضب الامة اتمدد نار والشارع ثار

أسعد 17-06-2012 05:49 PM

واللاي يا سمسم انا خايف ناس الحكومة ديل يقوموا يكتلو ليكم الدش في يدكم
ويقوموا كدة يجيبوا قريشاتهم المجدعة في ماليزيا
ويقوموا كدة يعملوها في شكل فوطة مبلولة يمسحوا بيها جبين الشعب السوداني عشان يهجدو حرارة الاسعار الولعت نار دي وفجعتن كدة نلقى الشعب السوداني بقى كويس وما عندو عوجة

وبعد داك بدل نقول (يا خرطوم ثوري ثوري )
نقعد نقول (يا جمال النيل والخرطوم بالليل)





موش الثورة ثورة جوع وغلاء وكدة؟!
يعني ما مضمونة
باكر بجيكم احباط يجهجهوكم في الثورات القادمة

بدر الطائف 17-06-2012 06:03 PM

اقتباس:

المشاركة الأصلية كتبت بواسطة وجدي الأسعد الأسعد (المشاركة 466197)
واللاي يا سمسم انا خايف ناس الحكومة ديل يقوموا يكتلو ليكم الدش في يدكم
ويقوموا كدة يجيبوا قريشاتهم المجدعة في ماليزيا
ويقوموا كدة يعملوها في شكل فوطة مبلولة يمسحوا بيها جبين الشعب السوداني عشان يهجدو حرارة الاسعار الولعت نار دي وفجعتن كدة نلقى الشعب السوداني بقى كويس وما عندو عوجة

واللاى ياوجدى فى اشاعه بتقول انه حايكون فى تعديلات فى قرار رفع الدعم خلال
72ساعه.
ياولد انت حاوى.:D

أسعد 17-06-2012 06:13 PM

اقتباس:

المشاركة الأصلية كتبت بواسطة بدر الطائف (المشاركة 466199)
واللاى ياوجدى فى اشاعه بتقول انه حايكون فى تعديلات فى قرار رفع الدعم خلال 72.
ياولد انت حاوى.:D

عاين
اوباما ح يموت بكرة ^ــــــ^









علي وزن وهداك قمر تاني gap

حافظ حسين 17-06-2012 08:23 PM

خلوني أفوق شوية و بجي صادي هنا....

إن لله يا أسامة يا ماجد...
بنات في عمر الزهرة... حازمات وسطهن بالطرح يهتفن دون وجل أو خوف و من وين يجيكين الخوف يا الرضعتكن رابحة الكنانية و لجتكن مندي بت السلطان عجبنا... ما بتعرفن الخوف أنتن يا حفيدات الميرم تاجا ... ما قلتن أدونا السيوف و هاكم رحاطتنا... لكن لبستن الراحطا و حملتن السيوف ... و لله دركن نساء بلادي... شباب يا الكانديك اطول منا و أكثر شجاعة ... يهتفون بغضب بحياة الشعب و حقه في الحرية ... يا شباب أن لسا ممتلئ ما قادر أكتب لكن بكرة بجي راجع تاني

هيثم الشريف 17-06-2012 08:42 PM

ثورة حتى النصر
اما القبر اما القصر

لحن الحياة 17-06-2012 08:56 PM

للشفتو قبيل يا هيثم
شكلو القبر وليس القصر
اسلوب القمع كان ارهب من الارهاب نفسه
وعدم تجاوب الشارع مع الشراره ، يفسد الثوره
والله القوات (النظاميه) ، اليهود أرأف منهم ، ترى هل هم مبسوطين؟؟؟؟؟؟

طريق الثوره هدى الأحرار

رحاب سليمان 17-06-2012 10:02 PM

مظاهرات قوية الآن بامدرمان شارع الوادي .. بحري حلة كوكو … الكلاكلة ميدان الحرية...
خرج طلاب كلية التربية جامعة الخرطوم عصر اليوم رغم كثافة التواجد الأمني حول الكلية وتم إغلاق شارع الوادي بالكامل وامتدت التظاهرات لتشمل أحياء بيت المال والثورات وحي العمدة وفي الكلاكلة خرج مئات المواطنين بشكل عفوي بعد صلاة العشاء ليمتلئ بهم ميدان الحرية عن آخره ولم تقتصر التظاهرات على فئة ولا عمر بعينه إذ شارك النساء بجانب الرجال والشيب بجانب الشباب وحتى الأطفال كما أفاد شهود عيان بخروج مظاهرات عفوية هادرة بحلة كوكو بالخرطوم بحري.
http://www.smaxnews.com/2012/06/17/%...8%d8%a7%d8%af/

رحاب سليمان 17-06-2012 10:10 PM

http://im26.gulfup.com/2012-06-18/1339967227271.jpg
يا خرطوم ثوري ثوري ضد الحكم الديكتاتوري ..


الساعة الآن 06:37 AM.

Powered by vBulletin® Version 3.8.8 Beta 2
Copyright ©2000 - 2024, vBulletin Solutions, Inc.