صديقي وأرض حنيني أمين محمود زوربا (هدهد) بيننا .....يالفرحي
أمين ياصديق الأنجم والوعد
صحوت صباحا وأن أحس بطعم ألفة تتربصني في مكان ما وكنت قبلها قد ركنت لغربات كوني منبتة ووحيدة كرّب غزلته المنافي......أبعدت الخاطر الماطر بضراوة حلزون يصارع الموج.........ولم أكن حينها أشتهي غير كتف صديق وثرثرات حنين والآن ادرك بيقين خاشع أنك ثابت في خانة وحي يتنزّل عليّ دوما رحمة وأنك هاتف بأن هناك ارسال يربطني بهذا الكوكب وهذي المجرة أمين محمود ماغبت يوما ياصديقي ولا تآكلت عرى رحمتك سعيدة أنك هنا وسعيدة بأياديك التي تساند أحلامي وكينونتي دوما وكونك ياامين طوق نجاتي وعرّاب كوات النور وضي ذاكرتي كونك كل ذلك لايمنعني الاحساس باني لم اسعى جيدا نحو سماء محبتك....يملؤني العار الآن ياصديقي لكني مليانة بيك عافية رغم ذلك صديقي انت هنا؟؟؟؟؟ الأحبة سنتحدث كثيرا عن أمين محمود كما يبدو وعن ماكندو وعن حبات عقد دوما يلملمها أمين ذو المقدرة الهائلة على تجميع بازل بهي شاءت له هذه الارض الحزينة أن يكون متناثرا أمين يااصدقائي رجل بوسع الحلم والرؤيا اليوم ارحب بعرابي أمين محمود الرجل الذي اراني الشمس ومدن الصحو أمين محمود ليك التحيات النواضر كما تقول دوما مزهوة جدا بك ياصديق وسنحكي كثيرا يافارع لك المحبة بقدر ما تستطيع أن تعبئ أنفاسك من شهيق ولك ذاك الوعد الازلي الذي بذلناه للحياة ولطعم عالمنا شهي المذاق شكرا كونك مانح أبدي لكل هذا الوهج واحتفالي بك داااااايم يافرس الرهان محبتي ياصديق وأقامة طيبة جدا |
العزيزة لنا
هذه الأسطر النواضر اليانعات حبلى بوعد شهي عبرك نرحب بصديقك وصديق الجميع لاحقاً محمود زوربا في إنتظار دفقة من البهاء والألق |
اقتباس:
اولا اهلا بك هنا وشكرا كثيرا للاطراء على اسطري ومعا للاحتفاء برجل جدير بذلك لك المودة يااسامة |
بوست يحسس الواحد إنو ولا حاجة ;):D
مع إني حاجة ;)!!!! وديني ... مهما نهرب من حتة الغيرة دي بنلقاها في وشنا ... احساس طبيعي ... اقوم اعمل شنو ؟ ... استسلم للأمر الواقع ... هذا الواقع الما مبلوع ... الناس الدخلت دي كلها بتكون مرقت بالحسرة ... احساس قوي:D:D نفس شعوري دا ... لكن السؤال شنو؟ ليه ؟؟؟؟؟؟ ... إمكن بنفتش على زول يحسنا ويكتب عننا ... وإمكن لا ... بغض النظر عن منو زوربا ؟ ويطلع شنو ؟ بالجد نفتقد تلقائية زي دي ... عشان كدا وقفت ... اتشرشح بصمت ... ألوكها الغربة ... وأنعل ميتين الفرزع عيشتنا وخلانا ضهب !!! اها تاني شنو ؟!!! اعتمد المشاركة وقبلها على الله ثم على نفسي الأمّارة ... غايتو ما عارف اذا ردي دا صاح او غلط ... لكن !!! الحسيتو قلتو ... وان الله مع الصابرين |
امين محمود زوربا .. التقيته عبر جدران لا ترحم ولا تستحي .. وكان مدخل لشاب يافع ممتلئ ضراوة وضياء .. وعزف بنا الزمن لحن الشتات .. وتشتتنا كدقيق .. لتعجِنا المنافي .. ولأول مرة نتعرف على الوحدة .. (وأقسى انواع الوحدة وانت مع الناس)! ..
وطال أمد ، إلا ان كُتب لي ان التقيه ثانياً .. فألتقيته واحمد الله على انني ماطلبت من رب العباد شئ إلا والأستجابه .. احمد الله كثيراً على ذلك .. وهو كما هو .. كالسحاب الرويان مطر .. وأبريق وضو .. أمين يازوربا .. مساحة جديدة تُفرد لك للتواصل عبر من حفظهم / ن قلبك العامر .. فهيا ومرحب بك مُحلق في فضاءت هذه القبيلة الجميلة وهادءة .. وشكراً يالنا جعفر شديد .. على هذا الــ(برش) الوهيط وعامر محنة .. وفياض محبة .. وصحة ريحة سمحة مدفونة في سقف الأنوف .. تسلمي كتير يمه .. وناصع الود للجميع |
اقتباس:
حقيقي مشتاقين وليك طولة ووحشة كمان ياصاحب والله الغلط حاشاك ياباش لكن تعال اتأمل معاي فكرتي دي زاتها ,,,,,,,,انك يامحمد تتمسك بي مشترك الحنين للاصحاب والرعاة الرسميين لي حياتك وتمسك حضن الذاكرة وتكاد تخرقه وتلوذ بيهو وانك تشعل حريق حميم ويسيل مصهور التفاصيل المطر من رؤى لازالت ماثلة ....تفتكر بيكون ليه؟؟؟؟ يقيني في الاجابة هو انك بتفتش عن نفسك برضو وتكون بتحاول تمنع عنها انقاض ركام النفي والنسيان يامحمد .......انا برضو بحاول اكتب نفسي و وبمنع في سقوطي من ذاكرات الاحبة وتفاصيلهم وبفتش لي ملامحي في مرايا الخلود دي زاتها حقيقي ده دفع لي اللاوعي فينا كلنا عشان نقول انه نحن هنا ولازلنا وبنرفض نحنا نموت وكلنا بنبحث عن خلود وعن زول يكتبنا ويقرانا ويحتفظ بينا ياعزيزي وبنبقى بس ضهب لو فقدنا بحثنا عن بعضنا واحلامنا ومحاولاتنا لي تدوين حياة ووجود بيركض بينا وحلنا الوحيد فيهو والمحكومين بيهو هو نفس الركض ومزيدا منه وجد ينعل الفرزعنا وخلانا نستعيض عن وجود ماثل وحميم ومرصوص بمحاولات تواصل في اسافير واقاصي حنين وزي ما قلت ان الله مع الصابرين وزي ما بقول خضر حسين الله في تحياتي يامحمد ومفتقدة وجودك ياولد يافكرة ومنسوج من خيط جنون محبتي التي تعهد ياباش والبوست ده عشان يحسسنا اننا كلنا حاجة بس خلونا نخضر ذاكراتنا وحنينا |
[ramv]http://sudaniyat.net/up/uploading/yamolay.rm[/ramv]
لنا |
مرحبتين قول تلاتة أربعة وزي ما تعد .. !! البيت بيتك .. في انتظار حرفك نتأمل باهتمام .. !! شكراً لنا جعفر تحياتي |
العزيزه لنا
كان لي شرف مقابلة ومعرفة زوربا بالقاهرة في العام 2004 وقد وجدته انسانا ودودا وجميلا يستحق كل ما كتبته عنه ... 1000 مرحب حباب زوربا ... طبعا لو قلت لي نسيتك أزعل منك اتذكر زيارتي للقاهرة ومعي صديقنا السقدي أتذكر وانجا وشقيقها المريض (الفاضل) كسره بعد ده الا أجيك بالباب |
اقتباس:
يبدو أن الشوارع لا زالت تحتفظ بطعم المشاوير وفي غياب الخطى عن مدينتنا الفاضلة ييصبح اقاع الخطى مسكونا في ذاكرة الحلم الليلي صباحاً في وقت ما من زمن بعد زمنك لقيتها بالصدفة بنت من حقول الكلام عرفتها عبر صديقتها وصديقها وصرت اقرب الناس ليها كانت تشبهك في حرفك واناقة لغتك وكانت تتجاوز المتاح لتفتح للممكن مكان الهبوط قالت توصف لحظتنا الانية من ذالك الزمن [align=center]ليس على الأفق ما يلمح الآن غير المراثي التي أوقدوها وهذا العويل الذي يترك الروح عريانةً في المتاه[/align]. هكذا صرخت ليلي عبد المجيد وهذا زمني الان وانا افقد العم الطيب صالح فاتبكم ولا اقوى على العوييل لقد شلحت ولم تبقى معي غير خربات الجسد ليتني استطيع نزع جلدي حتى اضمت انسجتي المهتوكة وحبالي الصوتية التي انهكها الفايروز ساعود للكتابة وبيدي باقة ورد ليوم الثامن من مارس |
اقتباس:
أتذكرك تماماً وانت تلوح باتسامة تتسع بحجم المكان وتنتشر في الاخرين أين انت الان في هذه الدنيا وكيف ذلك الرجل المسكون سقدي وكيفها جوى وهي المسكونة بالغليان وكيف لا عبنا العظيم الفاضل لهم جميعاً ارتال المحبة وكثيف الحنين وسوف ارد قريباً على رسالتك توقعني ولا تمل الانتظار زووربا |
اقتباس:
شكراً كثيراً لطلتك بأريجها اتمنى أن أكون قدر هذا البهاء والالق وجميعنا بطرف الوعد الشهي وافتح مسارات الغناء |
أمينٌ ومحمودٌ
طالما كان التقديم من غاليتنا (لنا)... فحريٌّ بمن لم يتشرف بمعرفتك -مثلي- أن يقرأ أسمك الكريم بما يوحيه من معاني :) مرحبا جميلا بك والمودة ل(لنا) |
نورت يا زوربا
و حقيقي اتمنت لو كنت بعرفك اكتر . . . او لاقيتك من زمان يا زول يا زين الف مرحب بيك مع اني من " المؤلفة قلوبهم " في درب التآلف و التواصل الحميم التام الهنا دا هنا للمحبة الف " سبيل " . . . و جمالهم عناقيد " في الرقاب " . . . و اهو دعاءنا " اللهم اجعلنا من العاملين عليها " محمد ابو عاقلة انا داير اصاحبك . . . قلت شنو ؟ و عربون محبة : " كويست نت " احسن من يوظف خلاصات العلوم عموماً و التطبيقية و السلوكية تحديداً ، في التسويق الشبكي واحدة من استخداماتهم الطريفة للخلاصات العلمية بخاطبو ليك " البوتينشيال كستمرز " و دي ترجمتها بعربي البطانة " الدراويش " : بخاطبوهم بخطاب يخليهم يتحسسوا قلوبهم التي في صدورهم بأنو الانسان الطبيعي الذي بلغ او تعدى الـ 20 سنة مفروض يكون عنده على الاقل 150 صديق . و بطلبوا منه انو يمسك ورقة و يسجل اسماء معارفه و بانطلاء الحيلة يكون تم استيلاد 150 درويش جديد البي دورهم ح يكون قاعدة او منصة لايلاد ملاييين الـدراويش لما يسوقونا لعودة الدراويش من جديد . ما علينا . . . جرب تطبيق قاعدة بيانات الاصدقاء الذين تحن لهم في اللحظة دي . . . و فكر في كم اصدقاءك البعمق الفكرة دي . . . و حاول قدر مدى حنينهم ليك |
اقتباس:
لك كل ماتشتهي من امنيات من الآخر ردك دا صاح ويبدو أن نفسك اجمل مما تتصور أو تتخيلك حببيتك بالمناسبة عجبتني حبيب الشعب وهي مفردة استطاعت لنا أن تلخص فيها معزتك جواها بشكل عميق دون الولوج الى مخاطرة تعال نتأمل الفكرة كما قالت ونكتب عن الحنيين البقى نفسنا وروحنا وهمنا |
| الساعة الآن 05:27 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.