نوَّمْتَ النجوم وصِحِيت ..
 

.
حبيبة ودودة
طارِيها الحبيب
و ناسية الشمِس فى خدودا

كاسيها الجمال
و الفواكه عُودا
كمَّلـَـت المحاسن
وأوفت للحبيب موعودا

من لطايف جودا
طافت فى القليب
وطال فى مقامو سجودا

النسيم فى عيونا
و الضل و المقيل
أدتني الأمان
سّواني العِشِقْ مسكونا ..

تاورنى الحنين
لى ذوقا ..
نوَّمْتَ النجوم
وصِحِيت ألاقى شروقا

الصفا و الدلال
الجمال و الروقة
نزَلَنْ دُعاش والقلِب تبروقة






#

وأشيل أنفاسي وأستغفر
واشوف وش القمر ظاهر ..
واعاين فيهو واتسائل
يا ربي الحبيب ساهر ؟
مساك الريد حبيب الروح
حد ما جيت على الخاطر ..

عاصم جعفر حين عشق

صباحتو ريدة

الباش
الحبيب
النسيم فى عيونا
و الضل و المقيل
أدتني الأمان
سّواني العِشِقْ مسكونا ..

( جيب معاك ناصر يوسف في يدك)

اقتباس:

المشاركة الأصلية كتبت بواسطة معتصم الطاهر (المشاركة 197548) . حبيبة ودودة طارِيها الحبيب و ناسية الشمِس فى خدودا كاسيها الجمال و الفواكه عودا ... وبعد دا عودك فيها عود مرا يا حبيب ... وإلا ما وظيفة الشعر ؟؟؟ تاورنى الحنين لى ذوقا .. نوَّمْتَ النجوم وصِحِيت ألاقى شروقا #

عبدالقادر محمد عبدالقادر قال
هل معقول يكون في حبيب ويبقى السهد ليهو برا ؟
حكاية الريد عيون اتنين تتابع رحلة القمرا

شغل فكهاني برتبة وزير والله
وتقطيعة الموسيقى ذااااااتا جوافة جوافة

صباحتو زولة ودودة

أسع يجوا الجماعة ويقولوا على أنا البكّاى

وبعد دا عودك فيها عود مرا يا حبيب ... وإلا ما وظيفة الشعر ؟؟؟

أسامة الجميل

عارف السهر متجاوز و متجاوز .
لكن نحن البنشيل همو ..
السهر الذي اللذيذ ..

كان شفت الفواكه يابا !!!

في هكذا نظم بديع و معتق

لا يحسن إلا أن يقال


الدهن في العتاقي


أستاذنا معتصم



ناضرات من الأماني و أرتال من الود و التقدير

بعض الناس يا حبيبى يطلع منك مفردات لا تظن أنها داخلك
بعضهن مبعث إلهام

و بعضكم .. يدفرنا نحو التجويد والاستمارا ... شكرا .. خالد ..

فتحى يا جميل

الجنينة كلها أدونى منها ( أعلاه) ..
والباقى هدية ليك ..