ارجو....المساعده
كنت قاعده فى امان الله ..بقرا لى فى كتاب ..فجأه تلفونى ضرب على غير العاده طبعا ..مشيت عاينت للنمره لقيتا ليك عزه صاحبتى ..
- وين ياسكره مشتاقين..قبل مااتم مشتاقين انتى يا عزه اتفقعى بالبكاء .. - طبعا اتخلعت شديد ..وابوها عيان كدا طول ..قلت خلاص..بس مافى حاجه تانيه ..قبل ما اقول ليها انشاء الله البركه فيكم ..وحال الدنيا والدوام لله وكدا .. البت بخنقة صوت شديده .. يا بسمله ..احمد شكلو زهج منى .. قلت ليها احمد منو ؟ ياخى احمد اللاقيتنى معاهو يوم داك فى بريستا .. اها ..بالله؟ هو انتو مآنتمين مع بعض ؟ ياقول عادل امام .. ايوه ايوه .. طيب الحصل شنو.. قالت لى ..هو كان كويس مابنوم الا بعد ما يسمع صوتى ..اتكلمنا واتفاهمنا فى حاجات كتيره ..ولقينا روحنا مع بعض..كتب لى القصائد وكتبت فيهو الخواطر ..لكن فجأه كدا بقى مابيضرب خالص الا لامن اضرب ليهو ..بعدين بقى عادى ممكن "يجلى "تلفون بليل دا عادى يعنى ..وبعد داك ..ما عارفه صوتو متغير وكلامو ذاتو اتغير .. تفتكرى انو زهج منى ؟بقيت بحس انى ما فارقه معاهو ..زمان لامن يضرب وما ارد بيجنن هسه بقى عادى شديد ..يعنى ..ولابيضرب ولابيسال اصلا .. قلت ليها والله ما عارفه ؟ لكن كدى اسأل ليك ناس المنتدى ديل ..يمكن يكون عندهم تفسير .. اها يا اخواتى واخوانى الطيبين .. طبعا الملل لامن يدخل العلاقه العاطفيه ممكن يقتلا مش ؟ لكن شنو الحاجه الى بتخلى الرجل يصاب بالملل ؟ او المرأه؟ وكيف ممكن الواحد يتفادى الطريق دا ؟ ونصيحه لعزه ..ممكن تقولو ليها شنو .. منتظراكم اختكم بسمله |
اقتباس:
وفي التجلية فوائد جمة منها 1- تنوم بدري 2- تقلل مصاريف الاسكراتشات 3- بلا رجال بلا وجع قلب فاذا كان شاريها حيرجع ليها والا احسن ليها نوم بدري لحد ما تلقى راجل يستاهل يساهروا ليه وفي الختام سلام |
بسمله تحياتي ليك
و قولي ل عازة ابحثي عن المرأه الرجل لا يمل امرأة الا بسبب اخرى ومع بحثها تبحث عن اسباب الملل يعني تكون بتعزف على وتر واحد طلباتا كتيره ما ضروري طلبات ماديه يعني مثلا تكون بتلح عليهو عشان يجي يتقدم ليها وهي عارفه انو حاليا ما ممكن او تكون دائمة المحاسبه مشيت وين جيت من وين دي منو الحصار الشديد ما بنفع مع الرجال بخليهم يزهجوا اذا اردت شيئا بشده اتركه يرحل اذا عاد فهو لك والا فهو لم يكن لك ابدا |
سلام يا دوك ...
والله صحى دوك ..كلامك كلو دكتره والله عارف ؟ انا غايتو بتفق معاك وخصوصا فى حكاية الاسكراتشات دى ..ياخى البت دى من يوم عرفت الولد دا المصاريف كلها ماشه لى زين ..بس ذكرتنى مباراه مصر والجزائر فى الخرطوم ..وانتعاش الاقتصاد مع كروت الشحن .. لكن يا دوك ..طيب ..انت تفتكر انو الناس كيف ممكن تمل من بعض وهم بيكونو بيحبو بعض ؟ والزول مفروض يعمل شنو يعنى عشان ما يكون ثقيل على الطرف التانى ؟ ارجو منك العوده |
اقتباس:
الكلام الملياااااااااااان ومرتب منهج توعوي وتنويري عديييييييييل ومجاني كمان والله ولا حرف زيادة على المقتبس |
بسسسسسسسسسسسسسسسسس
انا اقول ليك تشخت ليهو وتشخت لي حنانو زاتو يعني هو يزهج وهي تتفرج علي زهجتو يعني هي زاتها تزهج ولمن زهجتو تفك ويجي راجع هي زهجتها تمسك فيها وتوريهو قيمتها بس النقول ليك لو حنينه حتبوظ المخطط ده بس لو جامده تعال قولي واتم ليك المخطط الجهنمي ده احبو بي كرامتي طار يطير ووراهو 60داهية |
اقتباس:
سلام سلام يا استاذه نبراس والله كلامك كلو حكم .. عارفه كلامك دا ذكرنى بنفسى قبل سنتين ..مع قصتى الغريبه ..فعلا بتكون فى واحده تانيه ..وما شرط تكون اجمل منك و لااظرف منك ولا اذكى منك ..دا كان درس قاسى جدا لكن اتعلمتو.. تفتكرى يااستاذه معدل اخلاص الرجل اقل من البت؟ ولاالرجل عموما ساهل عليهو البصبصه ..واحيانا الخيانه ..حتى ولو خيانه الفكريه ..؟ .. غايتو زول عزه دا ..شكلو صادق كدا ..لكن ماعارفه .. عموما ..انتى قلتى حكمتين عدم الالحاح وعدم المحاسبه .. هسه هى بتقرا فى كلامكم وانشاء الله تستفيد شكرا جزيلا .. |
اقتباس:
:) سلام يا تاتاى.. استاذه نبراس دى حكمه ..ووجودها هنا شرف لى .. ووجودكم جميعا .. شكرا للمرور |
مش كانو زي "السكينة في الطحنية" على قول اللمبي
بياخدو وبيدو مع بعض في الطحنية طيب أحمد ده بيتجنن مالو ؟ مش يمكن في سبب عشان كدة رافع سعره ولا بطنو طمت كدة سااي بس؟ يا بسملة سلامات |
اقتباس:
:D:D جانيييييييت عسسسسسسسسسسسسسسسسسسسسسسسسسسسسسسسسسسسسسسل سكر ومخططك رهيب .. انتظرى بس خلينى اعيش لى قصه حب ..عاوزه لى مخطط جهنمى كدا .. ياختى حاجه مغتسه لينا حجرنا غير الحنيه دى مافى .. والله عزه حنينووونه شديد .. مااظن تقدر تشخت غايتو سريع ..بتكون عاوزه ليها زمن طويل .. انشاء الله يرجع ليها زى ما كان وموضوعا يمشى كويس. وانتى سكر عديل .. تحياتى بسمله |
اقتباس:
والله انا علمى علمك .. لكن عاوزه اسالك انت والساده الرجال عده اسئله هل صحيح انو الرجل بطبعو ..بيزهد فى الواحده لامن تسال منو طوالى ؟وتتفقدو .. وهل صحيح انو الرجل يميل للبت الى بتحرك جواهو غريزه المطارده ؟ وانو الرجل عموما ..لازم الواحده تمارس عليهو اداره عاطفيه عشان تقر تضمن قلبو ؟والله اعلم ؟ يعنى شغل الحنيه والمعامله بسجيه البت الطيبه الحنينه ما بينفع ؟ ولماذا لا يكتفى الرجل بواحده ؟ ارجو الافتاء |
اقتباس:
يا جنو ما اي زول بستاهل يشختو ليهو في ناس لازم تعرف نقطة الخلاف او سبب المشكله شنو كتير قصص انتهت و ناس تعبت و اتعذبت بعد الشخيت دا لانو عملو بمبدأك ,, ما ح اقول ليك كلامك ما صاح بس بنسبه معينه يعني انا بحب زول شديييييييييييد و هو نفس الشيء حصل بينا جفا فجاه سوا مني او منو اقوم طوالي اشخت ليهو معنى كدا انا اصلا ما حريصه عليهو و ما فارق معاي اسالو لو لقيت اجابه مقنعه كان بها و الا اتركه يرحل اذا عاد فهو لي و الا فهو لم يكن لي ابدا بسملة يا حبيبة استاذة دي شختي ليها خلينا بسملة و نبراس تاتاي هي تجارب الحياة نكتسب منها بعض الحكمه شكرا لحسن الظن |
اقتباس:
بسمله وينك واحشاني انا بثني علي رأي نبروسه العسل وبلا رجال ولا بطيخ..............قال بزهج قال دا مالاقي واحدة توايكوووووووووووووووو وقنبوا عافيه |
اقتباس:
بالله مثال مثالين لـ توايكو دي :D:D:D بسملة : بجيك صادي بي رأي واااااضح وصريح اقول قولي هذا واستغفر الله لي ........ |
اقتباس:
وجيده اسكتى ساى والله الماسينجر دا ما عارفه مالو مالو .. لكن يا وجيده يعنى هسه كيف بلا رجال بلا بطيخ .. ديل شر لابد منه مش كدا ؟ بضرب ليكى بعدين .. تحياتى :D |
| الساعة الآن 01:28 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.