الفيس بوك ورايكم شنو ؟
..
يوم الجمعه يوم ثابت نتلاقى فيهو كلنا اختكم بسمله و المجموعه .. سوسو وبوتى وشذو و و عزوز المهم .الجمعه الفاتت شذو كانت بتشتكى انو خطيبا ما عاوزا تشترك فى الفيس بوك .. لييييييييييه يا شذو؟ والله ياخى قال الرجال كتار ..وهو بيغير ..على مووت..نظام راجل حمش وكدا قلنا ليها بختك.. شديد .. قالت لينا ايوه اصلو ..هو راجل محترم وبيكره المسخره بتاعه الاولاد.. نطت ليها بوتى .. قالت ليها يعنى هسه .هو مامشترك فى الفيس ؟ - بوتى ..طبعا لا مستحيل . طيب ..ماتحاولى تفتشيهو ؟ -افتشو ليه ..هو قال مابيحبو وحمانى انا فمن باب اولى .انو ..تموها فيلم هندى ..طبعا اتفرتقنا واحنا ندعو ليها بالتوفيق والثبات .. فى الحقيقه انا انتقدت بوتى على تصرفا .وقلت ليها ياخى ..ماكان تعملى كدا .. هسه انا ماعندى فيس بوك ولابحبو .قالت لى ايوه .احتمال يكون كلامك صاح..لكن الرجال ديل اها اااااااااااا البت صاحبتنا احسن تفتح عويناتا ديل بدل ما تقع الفاس فى الراس امس لامن اتلمينا شذو..محنبكه حنبيكه السواد والرماد وتشيل وتبكى اصلو عملت سيرش ولقت الختيييييييييييييييب المحترم صاحباتو كلهم من الجكس النظيف .. حتى نعومى كامبل من الاصدقاء طلعت .. القائمه مافيها ولا ولد ولا مذكر ولو بالغلط .يا كاقى البلا وحايد المحن انتو رايكم شنو فى الفيس بوك بشكل عام .. هل انت انتى مؤيد ام معارض ولماذا؟ |
بسمله الحبيبه
ازيك و كيف اخبارك غايتو انتي و صاحباتك تمحنو شوفي يا ستي المشكله ما في الفيس بوك المشكله في الناس البتتعاطى مع التكنلوجيا بشكل عام في من يحسن استخدامها و يوظفها لخدمتو وخدمة المجتمع من حولو و في البستخدما لكل ما هو سيء اما صاحبتك فاحسن ليها تعيد النظر في خطيبا قبل ما يمشوا لقدام لانو شكلو عندو مشكلة ثقه فيها و في نفسو في الاول |
goood
نبرووووووووووووووووستى العسل والله احنا عاوزين نلاقيك ..ياخى .. احنا نمحن وانتى تجننى .. عارفه ..التكنولوجيا فعلا جميله لو الناس عرفت تتعامل معاها بشكل صحيح ..لكن ماعارفه ليه بعض الناس بيكونو عاوزين يستخدموها "كستار او طاقيه اخفاء .. ليه الواحد بيحاول يظهر بشخصيه غير ؟ وليه كمان الواحد يحلل لى نفسو اشياء ويحرما على الغير ؟ تبقى الاسئله يا نبروستى ... ودى |
[align=right]شوفي يا عسل
الإنترنت عامه وبمختلف أشكاله سيف ذو حدين ويجب علينا أن نوظفوا التوظيف الصحيح واجمل ما في الموضوع انه نحن البنتحكم في حيثياته يعني انا بملك قرار مع مين اتعاطي ..... ومين اعمل ليهو تجاهل يا صديقتي الإنترنت هو مجتمعنا .... فيه الصالح وفيه الطالح تماما كما المجتمع الذي نعيش فيه ولكن بمقدورنا ان نجعله منه أداء تثقيفية وتعليميه وإجتماعيه ... أو ان نحعل منه اداء تدميريه لان هنالك كنير من الاشخاص .. أصحاب العلل النفسية ... والأمراض الخبيثه ... اصبح الإنترنت مرتع خصب.. لممارسة عللهم [/align] |
اقتباس:
أنا شخصيا بدين للفيس بوك بالكتير لأنو لماني في أحباب و زملاء تفرقت بينا السبل و فقدنا إتصالنا بي بعض لفترة طويلة و برضو أتاح لي التعرف و بناء علاقات إيجابية جديدة و دي هي أهم إيجابيات الفيس بوك أداة من أدوات التواصل الحميد ده طبعا ما بيعني أنو ليهو برضو سلبياتو الكتيرة لكن السلبيات دي في ما فيهو و إنما في سوء استخدامو و دي ضريبة التقدم التقني بقدر ما بنستفيد منو بقدر ما بلحقنا بعض الضرر من سوء استخدامو أجمل كلامي في المثل بتاع زمان داك بتاع الكباية الممكن أستخدما في إنو أشرب بيها لبن و ممكن برضو اشرب بيها ما حرم الله يبقي المشكلة ما في الكباية المشكلة في صحب الكباية معزتي و خالص تقديري |
| الساعة الآن 07:55 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.