المك نمر ..... جــــــراياً لبوة
البحصل شنو لو كان قعد وواجه مصيرو
مش كان اضاف للعمل المؤرخ بطولياً بطولة جديدة كلما افكر في اين البطولة في حرق سكاري استسلمو للنوم واتتهم النيران من كل فج اين البطولة في عمل خلف وراءه مئات من الموتي والارامل والخراب ؟ لعلها حماقة ...... او هي كذلك ............. هذا الهروب الذي لم ينسب له التاريخ اي صفة ليس بطولة وليس جبن ولكن في رأي اقرب للتانية.............. لو واجه الموقف وقتل في حملة الدفتردار الانتقامية ربما اكتفي الرجل بذلك عوضاً عن فقده لرجاله ......... وبالتالي حقنت دماء الكثيرين ممن طالهم الخراب في حماقة ليست لهم فيه ناقة ولا جمل حين تُزل أمام قومك اما ان تسامح بحكمة ............. او ترد الزُل امام الحاضرين وبكامل قوي الرجل العقلية وهذه هي البطولة او تعلن الحرب رداً علي مصابك وهي منتهي البطولة |
اصبحنا بى الله :D
هسع ده النمته وقمت بيهو يامحمد مصطفى ! يازول والله نحنا متكيفين للطيش من عمليتو دى ..اها رايك شنو ؟ كونو يحرقهم ويطلع عينهم ويحرق حشاهم ، وبعداك يمشى الحبشة يعمل ليهو متمة بهناك ويدخلنا فى زمرة الحبوش ديل ....والله انه لعمرى قد اجاد صنيعه .. وبعد الحرب كر ...وفر !! يعنى انت دايرو بعد مصيبتو دى يقعد ينتظر الجماعه ديل باسلحتهم النارية وهو ماعندو :confused: |
اقتباس:
ياتو متمة دي يا سمراء المتمة السماها بعد ما أتاكد انو مافي زول في قفاهو ......... بالله اسي انا لو زول اهانني اسكروا واحرقوا كده انا بطل ........ البطولة مواقف والحرب مواجهة والخدعة المقصود بيها تيكتيكياً لكن الوضع بكون حالة حرب انت متخيلة حجم الخراب الاتسبب فيهو بهروبو ده ............. وبعدين انا لسة ما نمت ....... مضايقني موضوع الزول ده ..... :D لسة يا سمراء كتاحة رجلين الزول ده بتجينا من دربو ...... :p قال عمل بطولي قال .......... :rolleyes: |
اقتباس:
ان كان ذاك ال ( زول) محتل ... أنت بطل .. !! ان النظر لهذه الواقعة مجردة هكذا .. خارج سياقها التاريخي حتما سيفضي الى الكثير من الرؤى .. !! تحياتي |
اقتباس:
ليتنا نحترم التاريخ بكل ماورد فيه ،، فالظرف بالتاكيد يختلف عن الان وطريقة الفهم وتناول ضروب الحياة ... فالبحد الادنى ليتك تحترم وقوفه لمواجهة ذلك الاستعمار بحسب قدرته وانه لمن يفعل كما فعل الكثيرين بالتضامن معه والعمل معه فى ضرب اهلنا |
اقتباس:
نفس الرأي يا طارق، و لا يمكن محاكمة و تقييم تاريخ الماضي و ظروفه بمنطق الحاضر ، الاخ محمد مصطفى له ان ينتقد و يختلف و يجادل و يبين وجهة نظره بحرية كاملة، فقط ارجوه الابتعاد عن نبرات السخرية و التهكم و الاساءة، لانها لن ترجح كفة الحوار و صواب رأيه، خاصة عندما يكون الحديث عن رمز وطني و بطل قومي له في تاريخنا بذلا و عطاء .. و لكم وافر الود و الاحترام و التقدير .. |
اقتباس:
علي مدي تاريخ البشرية يا طارق وضع الانسان قوانينه للحروب وساعة القتال ومهما قاتلت في حرب سميت شجاعاً وأن قتلت كنت بطلاً او شهيداً في عهد الاسلام في نفس السياق حرم الانسان الحر علي نفسه الغدر وطرق القتال الرخيصة ......... وفي مجزرة المتمة وضح فيها الغدر اكثر من انها بطولة لو نظرنا اليها بقانون الحروب تحياتي |
[align=right]رايك شنو يا محمد مصطفى --
ما تمشى تشتكيهو لى حقوق الانسان -- والمحكمة الجنائية الدوليه -- وزى ما سمعت انو الجرائم ضد الانسانية لا تسقط بالتقادم -- ما هم الارمن للان عاملين شوكة حوت للأتراك -- عشان كده شوف ليك كم محامى شايقى شاطر -- واتفقوا مع اسرة محمد على باشا -- او ما تبقى منها -- وأكيد حتكسبو القضية -- ما هو الزمن كلو بقى زمن لغوصة فى لغوصة -- وممكن تصلو الى قرار ما -- حتى لو بالادانة -- و ما دام فى فرنسا وامريكا اكيد حتصلوا للادانة -- ويمكن يبنى عليها سوابق قضائية للبشير -- بحكم جعليته -- وممكن يصلوا لى انو جد جد ابو البشير كان الساعد الايمن للمك نمر --- ومن شابه جد جد ابيه ما ظلم -- ياراجل ----[/align] |
اقتباس:
وين نبرة السخرية والتهكم في الموضوع ده .. :confused: انا بتكلم عن عملية قتل تمت اعتربتها غير شريف اما الشخص نفسه ما عنيته بشئ يهز قدره ....... وبعدين نحن زاتو بنعرف ليهو شنو غير المحرقة الحصلت دي ....... منطق الحروب واضح منذ قديم الازل وكلنا بنعرف ان الحروب بيعلن عنها مسبقاً اما في حالة المك نمر اصلاً ما كانت في حالة حرب موقف استفز الرجل فكان رد الفعل .......... محرقة احرقت بعدها جزء كبير من أهل السودان تحياتي |
اقتباس:
هنا قصدي يا صاحب بالتهكم و السخرية " جــــــراياً لبوة " و في عنوان البوست .. لذا لزم التوضيح .. بس ما تقول لي دا ما تهكم و سخرية بل وصفا لسرعة الجري والطيران !!! و مجدد التحايا .. |
اقتباس:
تصدق فكرة كانت رايحة عن بالي المبلول ده ........ :rolleyes: وبعدين انا ما عايز اعمل الموضوع قبلي جعلي ولا شايقي ولا دينكاوي ما هو ده زاتو الجايبنا نحن ورا ................ :mad: انا موضوعي واضح طريقة المحرقة الكانت وتبعها هروب الرجل ... ما عملت خير في البلد في الفترة تلك تحديداً ..... بس المؤرخين للامر اهتموا بالجانب بتاع المك نمر وادرجوهو في قائمة البطولات ..... انساهم ان يؤرخو بصورة كافية تبعات العملية وخسائرها .... أهم شئ بدور بذهني وكان سبب في الموضوع .... لو كان اختار المواجهة ... كان دور البطولة حا اكون غير قابل للانتقاد تماماً ............. وما زلنا في انتظار محامي شايقي شاطر ............. |
اقتباس:
معروف اصلاً اللبوة جرايا ......... لكن انا قصدت الجري الذي يصحبه الفزع والخوف ..... لذا وصفته باللبوة لصفة الجري .... واخذت اسم المؤنث لصفة الخوف ... ودي |
اقتباس:
محمد مصطفى صباح الخير أو ( مساءه ) .. !! دعني أتفق بداية مع الأخ فيصل سعد .. اذ على المتناول لهذه الشئون أن ينأى عن التهكم والسخرية حتى ينفتح بابا للحوار الهادف دون اثارة أو استفزاز .. ويقيني أنك لا ترمي اليها ..!! ثم أقول .. : عن أي قانون نتحدث .. وهم قد استباحوا البلاد والعباد زمانئذ .. ؟ ان ما تسميه ( قوانين الحرب ) هم الذين وضعوها .. لكنها لا تحكم حركة نضالات من اكتوى بافعالهم بأي حال .. ان حالة ( المثالية) التي تدعو اليها فكرة هذا البوست فكرة خيالية في ظني .. اذ كيف تتصرف بمنتهى الكمال وأنت ترى غاصباً محتلاً يجوب فيافيك .. ! فذات القوانين لا تساوي بين السلاح الناري المدرع به المغبور اسماعيل باشا وبين سيوف الحق وحرابه التي على ايدي الرجال في بلدي وقتها .. اذن كيف يستويان .. ؟ الذي يدخل بلادك يقتل هذا وينهب ذاك .. لا توجد قوانين في الأرض ولا في السماء .. تطلب منك ان تنتقى وسيلة دفاعك .. !!! ان حادثة المتمة في تقديري عمل بطولي لا يقترب منه إلا الرجال .. اذ يعلم ( المك نمر ) ومن معه أن ذاك الإسماعيل ليس وحده بل من خلفه كل الامبراطورية العثمانية ومع ذلك أقدم على حرقه وكان حريصاً ألا يغادر منهم أحداً .. !!! تحياتي |
اقتباس:
|
اقتباس:
طارق صديق هي بداية الصباح اطاب الله يومك انا لا اقصد بقوانين الحروب تلك الموضوعة من قبل الانظمة الحاكمة علي مر التاريخ انما قصدت صفة الحرب نفسها ......... وبما ان المك نمر ينتمي الي قبيلة الجعليين فهي من القبائل المشبعة بروح العروبة وعرفت ان الحرب اشهار وميعاد .... اما تلك القوة العثمانية والاسلحة غير المتكافئة مع اسلحة جنود المك فهي قد تكون من الاسباب الداعية للحكمة في مواجهة الامور حتي تحقق بعض الامن لشعبك ويقيني لو ان المك اطلع علي ما سيحدث نتيجة عمله لاختار خيار الحكمة دون التهلكة تحياتي |
| الساعة الآن 06:11 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.