حاجة غريبة
حاجة غريبة
انك تجرح جرح الجرح النازف ديمة وحاجة غريبة انك تقتل روحا ليك تعانق وتفضل تطعن تطعن تطعن تدمي الجسد النازف حبك تمزق بايديك القاسية القلب المليان ريدك حاجة عجيبة |
حاجة غريبة
انك تحرق اشواقي اليك وانك تخمد نفس الحن الطالع بيك وكل ماتلقي عيوني قصادك بيك متحامية وتضحك ليك تحلف الا تصبه جحيمك في عينين تتونس بيك |
حاجة غريبة
كل ماامسح دمعي عليك تحلف الا تعصر الدمع الساكن المك ومليان وجعك في خدين اتجملو بيك حاجة غريبة |
اقتباس:
وحاجة غريبة انك تضحك وجرخك نازف حاجة غريبة انك تضحك ودمعك جارف حاجة غريبة تجامل وتضحك وانت مخالف لما حياتك تبقي حزن ترجع تضحك وبرضو توالف حال الدنيا اني أجامل وأعمل فاهم وأنا ما عارف ان الموت آخر رحلتنا كان في قزازة أو في لفايف خرمان ياجيجي دليني علي القهوة آخد لي حجرين معسل بحريني ;):) |
اقتباس:
إتا لو باريت الدرب دا مالو عليك الله عيبو لي ؟؟؟ بس بيتك الأخير خربت بيهو القصة دي كلها ... جيجي ... أقول ليك شنو بس ؟؟؟ حرف صادق جدا ووقفت فيهو كتير علا شيطاني مربّط الشهر دا ... مع إنو متاروني جرح !!! يكفي إحساسي بيك ... |
اقتباس:
تصدق يابو حميد وأنا بكتب في لفايف دي اتذكرتك وقلت هسة أشتر يجي ناطي ويعترض واحساسي ما خاب.وياريت تفك ربطتك دي شوية عشان انت لو من الأول كنت موجود أنا ما كنت حأمشي أخش في مشاكل مع صحباني وكنت اشتغلت معاك خرمجة وخليت الخلق للخالق بدل ما أزعل طارق ورأفت وعبد الجليل مني..لكن أسوي شنو ما دي ياها قلة الشغلة ذاتا والفايق قالو بهمز أمو.. |
اقتباس:
شوف ... إتا نصيحة مني ما محتاج ليها... على باليمين غير الخرمجة دي ماف شي بعدل المزاج ... خليك من اللفايف والذي منو ... وتعال هنا ... ما لقيت غير اللفايف دي تتذكرني بيها في هذا الشهر الفضيل ؟؟؟ الحمدلله غايتو الله فكانا منها ... واللهم ثبّت قلبي على دينك ... لكن إتا ما بتقعد ساكت يسوو ليك شنو ... مقابضتك كتيرة وكترت المقابضة بتزيد احتمال وقوع الخطأ ... المهم عيد حساباتك كويس وبلا الخرمجة البنسوي فيها دي ما راح نستفيد شي ... لا بنعالج مشكلة ولا بنفك المِعصلجة ... فشوت زي شوتك الحلو دا وما ترجي الله في الكريبة ... معليش يا جيجي ... بوست يدخل فيهو الزول دا اقنعي منو gooodgoood |
معليش ياجيجي أنا كنت داخل بي حسن نية قام ابليس دا جا خاشي فتل البوست والمشكلة انو هو الزول الوحيد الما بشك في صدق كلامو لي ومع انو ليهو يومين قاعد يبرطع أنا ما اشتغلت بيهو وزحيت من الحتت الهو فيها لامن جاني قاصدني عديييييل هنا..
يلا يا أشتر زي ما فتلنا البوست تعال نرجعو تاني والدور عليك بي نفس نمط البوست.. أها بالمناسبة كل سنة وانتو طيبين ياجيجي ويا أشتر وتصومو وتفطرو باقي رمضان علي خير وانت يا أشتر ياريت تغير اللون الأحمر البتكتب بيهو للون الأخضر.. |
اقتباس:
والله أنا خايف ادخّل بت الناس في حوصلة بدون بوصلة وجيهة تقبّل عليها ما تعرف ... حاكم محاسيسنا مصبنة لأجلن مسمى وكدا ;) ... وس وس حسيت بيك زحيت من طريقي وانا زول يخلي لي الطريق ببقى ليهو في رقبتو عشان تكون عارف بس ... والحركة دي ما بعملا مع أيّ زول وهذا للعلم ... طيب اديني فرصة اشحذ همة شويطين كدا بجي حايم انصاص الليالي وكت الناس تنوم والهم يقوم والشوق يحوم ... تصوم وتفطر على خير يا يا يا برنس قتا برنس ما برنسيس goood |
جيجى...
عرجونة الزمن الندى.... فى معظم مشاهد الرومانس...الدهشه تصيب وتجمد البيان.. فتختلط الاشياء فى ازدهار .ذلك الفرح المشبوب... وفوضى عدم التصديق.وانقلاب الموازين.. لان اشاره بسيطه من دوزنة الاحساس .اعطت الاشاره بان.... اشارة المرور...قد اعطيت...!! هنا تدربك كل الاشياء..وتاخذه موجات الاضطراب العنيف... ويحتل الاختلال كل المساحات... وتعربد الفرحه باحساس الشجون.فى فوضىعدم التصديق.... جيجى. وانت الحصيفه... افهمى موجات اضطرابه... واوقفى مواسير النزف.واطفىء نيران الحرائق... واستكينى..واهدئى... وعيشى دهشة الفرحه... وذهول الحاله الارتباك وزغردى..لانه اخيرا.. غردت عصافير الجنه... لك الجمال سيدة السحر والجمال ويختلل التواززن... |
اقتباس:
|
حاجة غريبة
انك تحفر قبر حبيبك وانك تدفن جسده المهري وتمشي تسيبه وكل ماتنبت جنبه زهوره انت تبيدها وكل ماغنت عنده حمامة جاتها نبالك حاجة غريبة نحن بنعرف انه القبر جائزفيه الرحمة ورش الموية وغرس الزهرة ياخي دخيلك سيب الزهرة يمكن مرة توانس وحشته فيك وحاجة غريبة |
اقتباس:
لفايف ريزلآ ولا برنسيس ولا زيقزاق ولا ورق جرايد يا أخي لف وخلينا نشوف |
جيجي
دآ إحساس ولا الوسواس لعب في الرأس؟؟ مافي شي عجيب ولا غريب في الدنيا دي هي أصلها كدآ لفايف |
شن سوتلك روحا
سربت يوما في وجدانك صبت فيك نداها وكل الوانها طافت كل وديانك وناغت حتى حنين االدم الفي شريانك وحاجة غريبة |
| الساعة الآن 10:00 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.