غير مأسوف عليه.....
سواء كنت جود ام رشا.. عشان ماف زول يجي يقول لي حربوية والا بطيخ..
فأنا شخص واحد.. لن يضير سودانيات توقفي عن الكتابة او القراءة.. كما لن يضير الله فجور بعضكم او فسقه.. سأتوقف عن الكتابة او القراءة في هذا المنبر. كان ممكن اقفل البراوز واتخذ قراري من غير جعجعة وانتهينا.. بس حبيت اطلع النصيحة وكلمة الحق الواقفة لي في حلقي دي.. عبد الجليل سليمان جاب كتاب بحوي الفاظ ما عجبتنا عن طريق النسخ واللصق.. اعترضنا من باب اشاعة الفاحشة وماف داعي لكدا.. وقفوا الناس يدافعوا عن حرية القراءة بدعوى التثقيف وما الى ذلك.. الحصل شنو؟؟؟؟؟؟؟؟؟؟؟؟؟؟؟؟؟؟؟؟؟ نفس الكنا خايفين منه.. وصل الامر ببعض الاعضاء الفرحوا طبعا بالحرية دي لي انهم يكتبوا اي كلام او مصطلحات بذيئة وتافهة نتعفف عند سماعها من شماشة السوق الشعبي..... بقت معظم البوستات بتدور في نفس المواضيع.. وليتها تسمن او تغني من جوع.. يعني عادي الواحدة تفتح بوست تلقى الناس ماخدة راحتها ومنداحة ع الاخر.. ودي عينة من الاحتجاج على الحريات المصادرة http://sudanyat.org/vb/showthread.php?t=16001&page=2 لعمري هذا اسفه ما قرأت.. وطبعا دا تسلسل طبيعي للحريات.. والعافية درجات زي ما ذكر البعض مستحسنا هذا التقدم الرائع.. المرحلة الجاية عليكم الله ما تنسوا حرية المشاهدة ايضا.. اوكي؟ كل واحد يجي شايل ليهو فيلم اباحي وينزلوا لينا عشان نتثقف في نهار رمضان.. وما تنزلوا رابط.. اوعوا تعملوا كدا ياااااخ.. لإنه دي مصادرة للحرية بتاعتكم.. نزلوهو عديييييييل كدا وخلوهو يفتح اوتوماتيكلي مع البوست كمان.. وعلى فكرة.. ما حاعمل زي جاليلو او ارشميدس بتاع نظرية الطفو الفرحانين بيها دي.. واصحى بكرة عشان اقول ليكم مرّ عامي الذي هو يومٌ مما تعدون.. يعني بقيف.. عشان اقتنعت بي انه دا الحل الوحيد.. عشان حريتي في القراءة.. وعشان ما اصادر حرية الاخرين في الكتابة.. غايتو الانا واثقة منو.. انه اي راجل هنا بيدافع عن الكلام الفاضي دا بدعوى الحرية، لو جاهو زول بعدين واداهو رابط لي منتدى فيهو نفس نوع الالفاظ دي وقال ليهو بنتك بتكتب هنا.. حيطب ساكت.. اقول قولي هذا واستغفر الله لي ولكم.. |
اقتباس:
ده شنو ؟ فى السابق بوست ما بيأخد ثانيتين بمش الادارة الحاصل شنو نورونا يا مشرفين |
اقتباس:
والله ياجود مافى حاجة بتقعدك مع الناس الماعندهم أخلاق ديل, قرارسليم |
اقتباس:
|
اقتباس:
|
اقتباس:
|
تم التعديل والاعتذار عن التعميم لاجل اناس هنا احترمهم كثيرا..
انت منهم يا منال رغم انك لم تخاطبينني فيه.. وانت منهم يا الجيلي رغم اختلافي معك في المبدأ.. واعتذر لكل من اصابه رذاذ كلماتي فترك اسرا سيئا في نفسه.. رمضان كريم.. العفو والعافية. |
اقتباس:
يا الهى يا رشا هذه اللحطه فقط عرفت جود هى رشا ولم اصدق نفسى رشا العرفناه من اندى الحروف حبيبتى اعتذارك مقبول لدى لانى احبك اختا لى و كلنا العضب بخلينا نكتب الرجاء حذف البوست انها الكبوه |
الاخت العزيزة / جود
العارف عزو مستريح، لم نعهدك غاضبة و ساخطة لدرجة ان تقلعي و تغادري لان بعض الكتابة لا تعجبك، بنفس القدر كثير من محن الدنيا و بلاوي الزمن لا تعجبنا، فهل نقرر الانتحار ؟؟ لا اعتقد انك في حوجة لرجائي و توسلي لك بالبقاء معنا مجاملة، و لكن على كل حال يعز علينا فراقك كاحد احبتنا في سودانيات، الذين تمددت مودتنا معهم فوق منابر السايبر العريضة و حوائط الشبكات الواسعة، و صاروا احباب و صحاب و اهل و عشيرة، اما موضوع معرفة الاهل و اولياء الامر بكتابتكم في هذا المنبر و صدمتهم، فنحن نؤكد لهم ان سودانيات لا تزال عالما من التواصل و المحبة مهما تناثرت الالفاظ منحدرة، و لا نحكم على المنبر بالسقوط لعبارة جارحة او بوست به عبارات مسيئة و الفاظ منفلتة، و اعلمي ان كل الاخوات هنا يجلسوا بعزتهم و كرامتهم و لا نسمح لاحد كان ان يصيبهم بسؤ .. و لك الاعزاز و المودة .. |
اقتباس:
بالايمان و المحبة يا منال .. طلباتك ؟؟ |
اقتباس:
ماتجننونا يااخى مين هناك :D |
رشا العزيزة ،
قبل كده قلتى لى كلمة ولسه حبرها مانشف ، انى اتسامى فوق كل الحاجات واكتل قلبى عن اى شى مايعجبنى ... يارشا نحن فى مجتمع اسفيرى ، يشبه المجتمع النحنا عائشين فيهو بالظبط !! يعنى كل الانماط بتلقيها ... وسودانيات ما المدينة الفاضلة ، وبالتاكيد ذى مافيها الماعجبك ، البعجب كتير ، وكتير شديد طيب ليه نحكم على الجميلين بسبب عبارة او اتنين ماراكبات فى محلها !! عرفتك اكبر واكبر بكتير .. وكلامك مرتب وموزون يارشا ، موش كلام زول زعلان وبضرب من طرف !! استهدى بالله |
اقتباس:
الليلة الويكند ولا شنو ابا اليشيا ؟؟؟ |
اقتباس:
انا لله يااخى, كان دى رشا, التكتب سااكت, والله البسألا فيكم بحقَدوا.. رشا يااخى ازيك, جننتونا الله يجننكم _________________________ عليك الله يافيصل شيل لينا الكلام فى الاقتباسات |
بالله ياشباب البوست دا لازم تكون فيهو ربة كاربة كدا,
شوفوا لينا حمادة كولا وعوضية سمك , واسماعيل قندفة .. وانتى يارشا, مالك بقيتى ضعيفونة كدا:D |
| الساعة الآن 01:00 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.