العطور التي تجذب الرجل وتربطه بالجاذبيه الانثويه !!!
[align=center] http://arabic.myvivvo.com/thumbnail....article_medium[/align]
|
بالنسبة للمرأة فإنّ العطر واحد من أساليب التعبير عن حضورها وشخصيتها، وبالنسبة للرجل فإن عطر المرأة مرتبط بالحب والحضور والإثارة والجمال فأي العطور يفضل الرجال أن تضعه النساء
أهم 5 عطور يفضلونها. ومن خلال استفتاء الرجال على الفيسبوك توصلنا إلى النتائج التالية: - كوكو شانيل Coco Chanel رائحة كوكو شانيل تتميز عن باقي عطور شانيل بأنها أكثرها إثارة، وهي رائحة تتلائم كثيراً مع ثوب سهرة مغرٍ أو ثياب في غاية الأنوثة، كوكو شانيل عطر المرأة التي تريد أن تكون مثيرة ولافتة للانتباه. يليق بالعرائس و مرتادات الحفلات الكبيرة بالدرجة نفسها التي يليق فيها بسهرة ناعمة في المنزل. - جا دور J’adore Dior من كريستيان ديور عطر جادور من أكثر العطور مبيعاً في العالم، وهو مزيج من عبق الأوركيد والبنفسج . كما أن به نفحة من رائحة زهر اللبلاب وزهر الخوخ الدمشقي. يضفي هذا العطر كما وصفه كثيرون طابعاً كلاسيكياً على حضور المرأة المعاصرة. إينجل Thierry Mugler Angel بتصميم من تيري موغلار عطر إينجل المحبوب جداً، يقال عنه إنه رائحة شرقية جداً، وهو مزيج من رائحة العسل والشوكلاتة والفانيلا والكاراميل. غوتشي راش Gucci Rush 2 يقال بأنّه لا يقاوم، الجاذبية التي يمنحها غوتشي للمرأة تجعلها الأكثر حضوراً في جلسة تضم الكثيرين، صفاته الرقي الأصالة والثقة. ومكوناته النرجس العنبر وخلاصة خشب النخيل. أوبسيشن Calvin Klein’s Obsession تقول صديقتي إنّها أفضل هدية قدمها لها زوجها. ولكنه يعتقد أنه أهدى نفسه هدية خاصة. العطر الذي يقدمه كالفين كلاين يستحوذ على الرجل بقوته. انه عطر استحواذي مثل اسمه. العبق الذي يظلّ عالقاً لأيام في ثياب المرأة و على كل ما تلمسه يوصف بأنّه حسّي ومثير وغامض. المصدر: موقع العرب وصحيفة كل العرب |
[align=center]http://www.mimifroufrou.com/scenteds...di-gioia-B.jpg[/align]
|
جئنا نتبخبخ بالعطور الفرنسية
شامة لي عطر جميل اسمه شنو؟ |
اقتباس:
عطر اصلي بس حصري بدور ازيك وكيف احوالك |
يامحمد ياوسيم..كل سنة وانت طيب.
وقيل: وسائل الذكري ثلاث.. العطر.. اللحن.. والمكان.. ما ان تشم عطراً كنت تتعطر به في ازمان سابقة الا وامتثلت تلك الازمنة امام ناظريك.. وما أن تسمع لحناً ألفتْه أذنك.. إلا وتقفز بك الذاكرة إلي زمن أليف.. وما أن تري مكاناً يقاسم أمكنة سابقة ذات التفاصيل.. إلا وإسترجعت ذاك المكان معايشةً وحنين.. أما بعد.. معاك مجنون ومهووس بالعطور.. دايما بتكون معاي تلاتة انواع من العطور وين مامشيت.. وماممكن أكون مارق من غير البخبخة.. يعني ياسيدي حكايتي مع العطور حكاية.. مرات في الشارع لو شميت لي عطر بكون عارف إسمو شنو..!!! ياخي تسلم |
محمد كل سنة وانت بالف خير والعيد الجاي شايل تيمان يطيرو ليك الفي راسك ده ونرتاح:D:D
مجنونة عطور واقربها الي جادور هسي عليك واحد جادور هدية :p واسكادة و212 ديل انا بيبهدلوني وبسرح معاهم ممكن تلقى عندي مجموعه من العطور البستعملها والبحتفظ بيها حتى العطور البلدية عندي محتفظه بيها بس ما بستعملها :eek::eek: امممممممممممم والعجيب حقيقي العطور الاماراتية الزيتية غايتو انا بحتل في البوست لانو عطرو فايح looool |
اقتباس:
بالله عليك طول حياتي وقايل أنه Old Spice و Tabak والفلير دمور وبت السودان أصيل. ياها العطور، إلا يوم دآك وزيارتك الكريمة "أريتها تبقآ تاني، عشان الهاديتيني ليهو" والسايل العجيب عديم اللون، طيب الرائحة، خلاب القلوب، محبب الحسان الفي القزازة الكريستالية (مكتوب فيهو إسم لي يوم الليلة ما قادر أنطقه، بث بتمطقه)... في يومها دآك، عرفتا أنه الدنيا دي فيها جنس عجايب.. موية وتباع غاااااااااااالية كدي.. هو دآك كان شنهو ومن وين عشان أحاوله تاني... يا أخي بالله القزازة يا دوبك كفت مسح الرأس!! مع أني كنتا ناوي أتوضابو شكرن ليك، بي هديتك القيمة دي.. دخلتني دنيا الموضا والرقي |
اقتباس:
وخلاااااااث مجادآ أسماء العطور الباريسية ولا من مواليد الشانزلازء.... إتي بطلي "جنك" وعليك أمانة الله توصلك قارورة من العطور الاماراتية الزيتية |
الأخ محمد علي
إزيك ياخي وعيدك مبارك جعل الله أيامك كلها مُعَطَرة .. في زمن غاااااااابر كِدَه وغابر دي خًت تِحتها مليون شخيط .. زمن الجَهَل .. وأنا وليد سغنتوووووووتي وجاااهل :p :p كنت مولع بريحة الكَبَريت والدُخان والدلكة ( ريحةالمرأة السودانية) .. وطبعاً دلوقت تغير الحال تماااااماً .. بقيت أشم الكدحة ما أشم الريحة النسائية السودانية ديك ... المهم ... كنت لما أكون ماشي في طريق ما في الحِلَه .. بتصيد مرور النساء المتزوجات في الطريق .. وبمجرد مرورهن بفتح خياشيمي ديل قدر الريال أبو عَشَرَه داك وهااااااااااااااك يا إستنشاق .. لأآآمِن أآمن ظاتو ... وفي يوم من الأيام وأنا بمارس في العادة دي .. مرَن من قِدامي بنيات زي الليل بنات سمحات سماحه شديده خلاص..ما شفتَ زيها في الوقت داك .. وكانن متزوجات وأظنهن ماشات ليهن لي بيت عِرس .. والتياب دي ما تديك الدرب .. منجَهَة صاااااااااح ميه ميه .. فقلت لنفسي .. يلا يا أبو الشباب أمش عكس الريح عشان تملأ خياشيمك بخور .. وكان :D :D :D واااااااااااااع يا أخي ريحة الصُناع ديك بتعرفها ... بس أسكت وكِب ... :D :D لي يوم الليلة بقيت ريحة المرأة السودانية دي مش لو كتبوا فيها ناس الحقيبة أشعارهم .. لو شنو داك تعمل لي حساسية .. وبقي زي فاصل نفسي بيني ما بينها معليش قلبت ليك فتيل ريحتك ده صُناع كدي بالله زول يغير قرفي ده بتاجر عطور البغنيها الزول الصوفي الجميل شفاه الله صلاح بن الباديه |
اقتباس:
الحالة محولة الى طبيب نفسي :D:D:D:D طيب رايك في العطور الفرنثية شنو ;):p |
اقتباس:
قلت لي كنت شاقي المقابر قبل ماتموت.. صعب لكن.. |
التحية لى صاحب البوست
قبل يومين كنت فى قعدة مايسمى بى ( دق الريحه ) لعروس وحقيقه شاهدته وشميت ماادهشنى من اتقان صناعه العطور السودانيه ، وانواعه واذكر ليكم منها انواع الخمور البلدية ....:D اقصد الخمرات العطرية الخُمــــــرة / خمــــرة 0 الضفرة /ودى من ضفر التمساح :D/ وخمرة الزيت وخمـــــرة المحلب / وخمرة الصندل / وخمرة التفاح / وخمرى البرتكان ودى عجيبة مرة واحده سمع نخرتى ;) اقصد شم نخرتى / وتانى فى حاجه كدى بقولو ليها الصاقعه looool بكمل ليكم لو حابين ;) ________________ كلامى ده مالو بقى لى بدر الدين الكوز بدر الدين الكوز :D |
اقتباس:
ياخ ده ما ملعبي انتي رايك شنو في خمرة البرتغال بالقرنفل والله دي تشميها تدستري عارفة دي انا اتبعتها من يوم خرمو البرتغال وشبكو فيه القرنفل واستنوهو لحد ما نشف يعني موية البرتقال اتشربت في القرنفل وبعدو شالو القرنفل سحنوه وكبو ليه ناس صندلية وهكذا عطور يعني ابداع اكتر من كده في looool بعدين انت هوووووووووووووي الود قال ليك العطور الباريثية تقومي تقلبيها ليه خمر وصندليات :D:D:D |
[align=center]يا الله بوست رائحته جميلة وعطرة
برضو هناك في انواع جميلة من العطور منها http://nuranium.files.wordpress.com/...-by-escada.jpg طبعا اسكادا دي جميلة بصورة ما طبيعية وتتوافق مع انوثة المراة [/align] |
| الساعة الآن 07:40 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.