بتــ صبـاح ضلـ الحرفــ
كتبتك كلمة في العنوان نثرتك نص حروف بتحاكي قمرية وصفتك رسمة من شمسك صباح ضلك و لي صفيق درب شافعة تلاعب في وليد حلة معاها في ليلة قمرية كتبتك واضحة ذي ريدي وضوح وش السماء الفوقنا وضوح الصورة فوق النيل وكت تعكس وجيها غنا وضوح الصورة في الخاطر وكت تنداح ضفافي منى خاطر صورة منعكسة ظاهرة الغيمة والزرزور رقاد مركب ونخلة لافحة التوب مطرز وشايلة كم تمرات رطب وصورتي هيمان يا اميرة مرة سارح في الحقيقة وفي الخيال مرات كتيرة تاخد الموجة الملامح مرة راكزة و مرة هايجة الا ريدك ذي بيوت حلتنا ثابت ساعة يجيها الضيف و يقيل فرحة تملا سقوفها مطرة تابا تنزل بالدراوي تسيل تنقط بالسقوفة بالسقوفة . |
محي الدين عوض نمر
ياخي حبابك وحبابو قلمك هني في سودانيات وده حكي مُريح ياخ مريح بالجد شكراً ليك وشكراً لهدي البِنَيَة التي قد أوقدت فيك نيرانُ البُكاء النبيل |
اقتباس:
هكذا أحسست.. وامتلئت بالجمال.. بعدما امتلأ الجمال بك.. محي الدين.. شكرا ياخي علي بساطة الحرف وفصاحة التعبير |
ياااااااحبايب
قبال ماارد ليكم بدور اعتزر عن التاخير وداير اهديكم قصيدة إختارو : الممشى العريض للعميري اكون كضاب للعميري إختارو اني منتظر |
الممشى ..
وقبال دا داير أقول .. الصور عندك جميلة .. |
اقتباس:
المشاركة الأصلية كتبت بواسطة معتصم الطاهر http://sudanyat.org/vb/images/buttons/viewpost.gif الممشى .. وقبال دا داير أقول .. الصور عندك جميلة .. داير الممشى العريض ؟؟ يااااخ بالغت ياخ الجو نسيمو علييييل وانت داير تبكينا :( ياخ عليييييييك الله شوف ابو السيد لامن يقول وضحكت ماهماني شي وبكيت ولا هماني شئ عندك وقفت من المشي !!!!!!! ياخ تتمنى يكون المسجل مشلول شان يقيف في الحتة دي ياخ بس طلباتك اوامر وبس قصدك ياتو صور ؟؟ |
و.......................
تقديم جديد لنص قديم |
| الساعة الآن 11:57 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.