Jennifer Love Hewitt - Bare Naked
[flash=http://www.youtube.com/v/0KFmS8h82SQ?fs=1]WIDTH=550 HEIGHT=550[/flash] أعتذر لمن خزلهم العنوان ..;) لكنها جينفر لوف هوييت .. وهي أسطورة في الجمال.. وكمان الأغنية حلوة .. وأنا .. لسبب ما ... مبسوط .. أي والله ..goood |
قال لي الخواجة زميلي : وأنا هنا سأسودن كلماته ..
شوف يا حسن "هكذا يسمونني في العمل" .. الحزن له حدود .. يا قتلك يا جعلك رفيق له يونس وحشتك .. والانسان كالكوب عندما يمتلئ حزنا ولا يبدو ثمة من مزيد يأتي الفرح .. ربما بتذكر الأحباب.. نكتة قديمة .. أغنية تدغدق أحلامك .. أو حتى بأشوق تحرك الساكن فيك من حنين المهم .. ربما لكل هذا أنا اليوم مبسوط .. ربما لأن الكوب إمتلأ.. وليس ثمة من مكان آخر يدخل الحزن منه .. |
:)
الله يديم البسطة ان شاء الله ما مستاهلة وما دوامة :) اليوم كان نفس احساسي اي والله مبوسطة ولم اعرف السبب فحمدت ربي وشكرته شكرا لرسمك بسمة على كل من يقرأ سطورك هنا عظيم هو من يبعثنا على الفرح والابتسام |
اقتباس:
خالك ممنون يا روح آدم ... بيني وبينك آخرتها كوم تراب .. نضرب الهم بالغنا .. وبعض من بهجة .. نحن أغرب شعب في الدنيا .. الشعب الوحيد البيقول (اللهم أجعلو خير) لما يضحك .. أي والله :D |
اقتباس:
حتى الفرح نستكتروا على انفسنا كان الله في العون انا غايتو عمري ما قلت كدا وخليك دايما مبتسم :) افرح عند الفرح وتناسى الحزن وان كشر عن انيابه كن متفائلا ولسة الدنيا بخير والا كانت القيامة قامت ربنا يخلي ليك وليداتك |
أن شاء الله ديما مبسوط يا الخال
ماعليك الأ بوصفتك " أضرب الهم بالفرح " اللهم دمها عليك وعلينا بسطة وأحفظها من الزوال تحياتي؛؛؛ |
اقتباس:
خلي للافراح مساحه شويه ما تقهما على كل حال الحمد لله انك مبسوط و الحمد لله نو الكاس امتلا و خلي الحساده لما تجي بنمشي بيك الهضبه زاتا موش ميركاتو looool |
يا خال د
يسعد أيامك الفرح وتفرح الدنيا بي فرحك وينوبنا من فرحك نصيب الحياة ايام معدودات لنزينها بالحبور والسعد فرحان والله بفرحك يا خال الله يديم عليك الفرح ود أختك الفرحان عزيز |
عزيزي خالد
انا بصراحة واحد من الناس الخذلم العنوان وقلت عمك ده زي مابيقولو جابا ضقلا يكركب لكن والله بقدر ما خذلتنا امتعتنا جدا حقيقي نحن ثقافتنا الغنائية ضعيفة جدا يعني لمن تحاول هنا (السعودية) تتظارف مع امريكي وتقول ليه بسمع تريسي تشابمان او بتاعت الكونتري ميوزيك شانايا توين بيقول ليك بالراحة كدة ديل كانو بيغنو قبل اكتر من 20 سنة ، اما عن حزنا وفرحنا ترجعني دوما الى السؤال الازلي هل نحن خلقنا الصوفية ام الصوفية شكلت ولا تزال تشكل حياتنا يعني الدين السمح الجوانا ده بقى جزء من اعرافنا وتقاليدنا تحياتي |
| الساعة الآن 11:17 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.