غياب القبلية في تونس و مصر
 

ساعد غياب القبلية في تونس و مصر على إشتعال الثورة و تلاحم الشعب

مصر و تونس في طريق الديمقراطية التركية و بثبات يحسدون عليه

المرشح الثالث؟؟ لطريق الديمقراطية التركية هو

من هو؟

السودان يا بدور فيهو ظلم و فساد أكثر من مصر و تونس و حا يحصل فيهو تغيير و التغيير دا محتاجين ندعموا بمحاربة قوية جدا للقبلية عشان نؤسس لنظام ديمقراطي قوي
النماذج بتاعة التعايش التمت في أم درمان و وسط السودان، الإنقاذ دمرتن تدمير شديد و عن قصد...و التمازج الإتعمل في السنين السابقة جا بانقا شالو

محتاجين نحن ناس الوسط و الشمال نرسل رسالة لناس دارفور و الهامش نقول فيها: الإنقاذ لا تمثلنا و نتبرى و نستبرى من عمايلها

اقتباس:
المشاركة الأصلية كتبت بواسطة بابكر عباس http://sudanyat.org/vb/images/buttons/viewpost.gif
ساعد غياب القبلية في تونس و مصر على إشتعال الثورة و تلاحم الشعب

مصر و تونس في طريق الديمقراطية التركية و بثبات يحسدون عليه

المرشح الثالث؟؟ لطريق الديمقراطية التركية هو

اوعااااااااااا نكون نحن

بابكر احسن الله عزاكم

ناس دارفور والهامش ما حيصدقوك في تبرأك من عمايل الانقاذ
الشر يعم يا حبوب


بعدين اقول ليك عشان تتلاشى القبلية في السودان
كدي في الاول يتم تأليف كتاب (الشخصية السودانية)
على غرار أعظم كتاب علم اجتماع أحوال مصر جغرافيا وتاريخا واجتماعيا كتاب(الشخصية المصرية) للدكتور جمال حمدان رحمة الله عليه
وبعدين القبلية دي بتتلاشى

ياخ عندي سؤال كدة
انت لماذا تم استبعاد مقدمة أبن خلدون من ضمن المنهج الدراسي في السودان؟!
مع إنه مقدمة ابن خلدون افضل كتاب وأول كتاب مؤسس لعلم الاجتماع

اوعى يكون عقدة من الحتة الهبشنا فيها ابن خلدون

التهاني كلها للشعب المصري العظيم
هذه اعظم انتفاضة عرفها التاريخ
المصرين معلمة ياجدعان
مصرموحدة
من مرسي مطروح حتى الاسماعيلية والسويس
ومن اسوان حتى اسكندرية ليه

نحن غرب وشرق
وعرب وعبيد
ووهم
قبلية وعنجهية وواحد رضيان بالتاني مافي
كلنا تكتمل سعادتنا بالرجوع لقريش
كلنا قريشيون
مع ان هذا ضد منطق التاريخ والجغرافيا
وعلم الاجناس والاثنيات والظاهر للناس
وبرضو مصرين اصرارعجيب ومضحك
هنا الازمة
مالم تحسم مسالة الهوية والوطن في دواخلنا
نظل مقيدين للابد بتخلف وفقر العباد رغم ثراء البلاد
النظام الحالي فجر القبلية
التي كادت ان تموت
احيوها ليضيق الوطن تتوسع القبيلة
تضعف الوطنية
تقوى القبيلة المرتبطة بمناطقية ضيقة
والكلام يتحول من الوطن الكبير للمنطقة المعينة
بهذا المنطق تتقسم دارفورالواحدة لثلاث ولايات
تتقسم المظالم وبالتالي في كل منطقة تسود القبيلة
فرق تسد
وبنفس المنطق يتقبل الناس انشطارات البلد عادي
هو في محس مثلا في يانتيو
ولا جعليين في نمولي
اذن لا مشكلة
وبعد شوية يسود المنطق على دارفور وكردفان والشرق والشمال
وتحكم الانقاذ الخرطوم الكبرى
منطق حوش بانقا عجيب
ولوقدر لاحدكم ان يرى حوش بانقا المنطقة على الطبيعة
لقتله الحزن على الفقر والمعاناة
هناك
متلا متل شنقلي طوباية
لن تجد اي ذهب