اعتذار بأمل الوصول إلى منتديات سودانيات
أعزائي إدارة وأعضاء منتدى سودانيات
بكل بلاغة النابغة الذبياني أصوغ إليكم اعتذاري واسفي حيث أني كنت السبب فيما حدث ليلة أمس من مشكلة إغلاق المنتدى من قبل الهوستينغ برر العمدة عكود أنو المشكلة كانت في تخطي الحد المسموح في الداتا وإليكم خطيء الذي ساهم في تخطي الحد المسموح في الداتا حيث كنت أن طلبت من الادارة بتسجيل الصديق (خالد غالي) ومشكورة الادارة قامت بسرعة تلبية التسجيل وكان ليلة أمس أن تم منح صديقنا خالد عبدالوهاب محمد الملقب ب (خالد غالي) باسويرد جديد وفي غاية الجمال وإذا بي أتفاجأ في إنه ليلة أمس تم أغلاق المنتدى الآن أنا عرفت إنك قدر شنو نحس يا خالد لا حولاااااااااااااااااااااااااااا أي نحسٍ يحتويك يا خالد وكمان خليت المنتدى يتعدى الحد المسموح في الداتا لا حولاااااااااااااااااااااااااا اخوتي الآن أصوغ إليكم غاية أسفي ومبلغ اعتذاري مغلفة ببلاغة النابغة الذبياني عسى ولعل أن تشفع لي ذلتي وغلطتي هذه غايتو لو قبلتوا اعتذاري كان بها ما قبلتوهو علي كيفكم فالزول النحس دا من ناس القرير وأنا بتربطني بيهو مجرد صداقة لا اكثر ولا أقل يعني ما اظن نحستو بالصداقة لأنو النحس بتم بالوراثة |
اذاً ....هى الحرب على خالد غالى :mad:
لكن ياخ خالد ده اظرف زول لاقيتو ! وشدة مازول خفيف ورهيف لمن طاير فما اظن بكون هو سبب النكسة ! وانما بكون اليوم داك ماكل قراصة بتاعة الشوايقة اهلو ديك ومتقل عشان كدى الداتا قلبه الشيل خالد غالى نرحب بيك ياخ وادخل " بدون القراصة " عليك الله :D |
بصراحة يا سمراء أنا كنت عارف أنه زول نحس
لكن ما كنت قايلوا قدر دا:confused: |
اقتباس:
بس اسع ماعاوذين نضرب محاثيثو وهو جديد كدى خليهو لامن يدخل ونقوم نفتو:D |
سلام يا وجدي،
أوّلاً ألف مرحب بخالد غالي. ثانياً، شايفك ،وبكل بلاغة النابغة الذبياني، نسبت لي سبب النحس المتوارث بقولك: اقتباس:
:D:D بس برضو مقبولة منّك، ما دام جبت لينا الغالي ود الغالياب. |
ياخ جديد شنو يا سمراء؟!
دا أقدم من شلتوت حبوبتي زول صعلوك سايبر من سنة دقوا الالياف البصرية ومسألة تنقلوا من بكان لي بكان عندو عااااااادي بعدين في زول نحس عندو محاثيث طبعاً لاع لانو لو عندو محاثيث ، فاكيد طبعاً حيقوم ينتحر ودي حكمة ربانية إنه نزع من أي زول نحس محاثيثو |
الليلة والليلة
جاك العمدة سخصيا شكلك بقت عليك قصة توم مع الكلب صاحب جيرى كروووووورك اعتزر ياخ اعتزر قبل ما الهناى القالو عكود بنفت ولا الشنو داك !!:D |
أووووو العمدة
غايتو عشان أمرقها من روحي ما تقوموا ترموها فوقي وتطلعوني أنا برضو نحس عشان كدة ختيت الأمور في نصابها:D الظريفة أول أمس وريتو البوست بتاع القرير وقلت ليهو كتر خير أصحابي مبر والرشيد وعظمائنا بدري والنور إنهم بحسن بلاغتهم ونفاذ بصيرتهم قدروا صلحوا صورة القرير اتلحني ليك ووراني النجوم عز الضهر:D |
وجدي الأسعد2 سلامات
يعني اسع السبب انت ولا خالد ;) غير كدا شنو الدخلة (بكل بلاغة النابغة الذبياني أصوغ إليكم اعتذاري واسفي ) بتخدع في الإدارة عايز ترحب بصديقك بس مغلفه بي إعتذار ياوجدي اعتذارك مابفيدك وشايفاك محاور الادارة جديد (سمراء) وقديم (عكود) البوست دا مفروض يمشي منتدي الحوار لموافاته كل الشروط ;) (خباثة وكدا) يا خالد ياغالي اتفضل طوالي ووجدي دا ماتشتغل بيه الشغلة |
اقتباس:
|
أكاد أشك إنه اروى دي حسس
أو بتمتع بصفة من صفات الجكس لانو مافي جكسوية بت مقنعة بتقدر تبلع كلام لي راجل شكيتك علي الله ياخ ويا رب الحجر الألقمتيني بيهو دا يفلقوك بيهو لكن البوست ما بوست ترحيب الود به حياء ، احتار يدخل كيف قال لي ما عارف أبدأ من وين بالعربي الفصيح (داشو رايس) فقمت فتحت البوست دا عشان استفذوا وكدة |
اقتباس:
|
اقتباس:
حياء حمي هو مايدخل بي رجلو اليمين وخلاس هو زاتو في المظاهرات القايمة دي مابيفرزوه قول ليه خش خشوشك سااااااكت ولاتخشي لومة لائم :D[/justify] |
ياخ زول اسمو خالد بيكون نحس؟؟؟
يا وجدى انا من زمان داير لى سبب لى كوماج كارب معاك خلينى ارحب بالجميل خالد ود القرير وبعدين برجع ليك قال نحس قال{ وش طافى عينو اليمين} |
اقتباس:
|
| الساعة الآن 03:19 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.