قيقراوي يا جابر الخواطر
العزيز قيقراوي كتبت في بوست الأستاذه نهلة كلام في تقديري مفخخ جداً و لا يسنده المنطق الكافي , و حتي لا أحرف بوست الأستاذه نهلة عن مساراه في حوار الأديان ختيت أني أجيب الكلام دا بجاي و ببوست جديد و يا ريت السيد قيقا يشرفنا هنا.
|
ممكن نشرفكم نحن كمان?
|
هذا ما كتبه السيد قيقا
[QUOTE=كلام زي قِسَم الدهب اتذكر في نقاش في المغدورة سودانيز اون لاين ضط كوم، عن الدولة المدنية مقابل ( العلمانية الفجّة ) كما اراها انا، كتبت عبارة مقاربة للمفهوم اعلاه : اسمعوا مني، و بلغوا عني : " دعاة الدولة الدينية، و دعاة العلمانية الفجّة، قوى متساوية في الرجعية و الشمولية. فقط متضادة في الاتجاه! " رواه قيقا راوي من ن ن ن راسو دا المافي شنو هو!؟ ---------- ياخ عاوزين نعيش ناس عاديين، بدون هوس و ايدلوجيات وبطيخ معلب و مستورد جاااهز.. من أين أتى عرب و لّ غرب! ياخ لو هفت لينا نصلي الخمس اوكات في المسجد. و نطول دقونا و نقصر جلاليبنا و نلبس الحجاب مالو ياخ! .. بس بدون ما تنصب لنا عيدان المشانق في الميادين العامة .. او ما نصلي كلو كلو - حسب توقيت المزاج - و برضو نظل مواطنين صالحين .. من غير ما يتأله علينا أحد. ما للرب للرب و ما لقيصر لقيصر .. حسب ما اعلم فإن الرب لم يفوض صلاحياته في المحاسبة لأحد البشر! .. " لست عليهم بمسيطر " و دا خطاب إلهي لخير البشر و خاتم النبيين. فتاملوا يا اولي الالباب! و لّ انا غلطان!؟ .[/QUOTE] في البداية عشان الحوار و كدا أنا داير أعرف العلمانية الفجة الفي تقدير قيقا دي شنو؟ و بعدين فيما يختص بالدولة المدنية و العلمانية ... بتفق معاك يا قيقا أن الدولة المدنية أرحب من الدولة العلمانية ... يعني الدولة العلمانية عادي ممكن تكون دكتاتورية و دكتاتورية بشعة جداً زي ما التاريخ ورانا ... تركيا أتاتورك العلمانية , و الإتحاد السوفيتي و الخ ... دي دولة علمانية لكنها كانت دكتاتورية .. لكن حسب رؤيتي أن أي دولة مدنية لازم ترتكز علي أسس علمانية و لا رأيك شنو؟ و بعدين نجي لباقي جبر الخواطر |
اقتباس:
|
اقتباس:
ما قاعدة أشرب قهوة بحب العصائر شكرا لك وتسلم ومتابعين وحاضرين |
اقتباس:
طيب وين التفخيخ هنا يا حبة؟ ما ياهوندا انت كتبتني عدييييل المافي شنو؟:D اما ما دار محور سؤالكم عنه بـ : في البداية عشان الحوار و كدا أنا داير أعرف العلمانية الفجة الفي تقدير قيقا دي شنو؟ فاجابتي هي - حسب تقديري و قرايتي - هي بالضبط : الهوس اللا ديني ؤ بالضبط ( دا حسب قرايت لبوست الاستاذة نهلة ) شفت كيف؟ يعني لو سألتني بهناك لما ( فتلت ) البوست و لا حاجتين!! بعدين انا و اخونا الكاشف مهند دا سمعتنا بايظة اصلاً .. فرقت بويت واحد يعني:p:D هاك دي هدية : http://www4.0zz0.com/2011/07/13/08/707315521.jpg القائل انضم حديثاً للمؤتمر الوطني عدييييل !! فتأمل و تجهم .. و ادي ربك العجب!! |
هلا يا قيقا
دا اسمو كوار عديييل الجبتو دا (راوي) بجيك سلام حافظ |
اقتباس:
ما تجي قايلني خايف منك و لّ شنو!؟:p:D مرحب بيك كتير و الله و مشتاقين يا فردة و الله ----- و الله الكوار جنس مداخلتك دي ذاااتا!! مش تقتبس تحدد تنصص .. و بعدين تسميهو زي ما عاوز؟ المافي شنو هو؟ شغلة الكورجة دي ياها الكوار بعينه.. اما الحساب .. فااا ولد و بت .. و لّ شنو؟ |
و الله يا قيقا قصصك قصص يعني في تعريفك للعلمانية الفجة دي إستندت علي كلام بيناوي الفوق دا بس يا زول كان كدا ما في أي مشكلة فجة فجة لكن تبقي العلمانية المرتكز الأساسي لقيام أي دولة مدنية...
لكن كدي نجي نشوف أمانيك الوردية دي فيما يختص ما لقيصر لقيصر و ما لله لله دي , إنت ما ملاحظ العبارة دي قاعدين نسمع بيها كتيييييييييييييير و حد علمي البسيط أنها عبارة إمكانية صمودها في وجه الإسلام السلفي صعب شديد.....أسمح لي يا قيقا أقول ليك كلامك دا إنشاء ساي ... شنو قصة علي كيفك دي , تصلي الصلوات الخمس في الجامع, تربي دقن, تقصر جلابيتك و تلبس حجاب , أي دي مظاهر دينية لكن نابعة من فكرة متماسكة جداً صرف النظر عن إختلافنا أو إتفاقنا معها .... يعني الزول البصلي خمسة صلوات في الجامع دا قطع شك ما داير يتريض, و لا البربي دقنه متعامل مع الموضوع كجزء من الزينة فقط كما قالت السيدة الحميراء , و لا قصير الجلابية عبارة عن رغبة في إظهار السيقان, كمان الحجاب دا ما لابسنه من البرد .... دي أفكار متماسكة جداً و مطلعنها من الدين دا ذاته أصلاً ما قعدوا كدا و قالوا نجر لينا دين متشدد و مواصفاته كيت كيت, و علي فكرة الأفكار دي عادي جداً يسحبوها علي الزول المختلف معاهم و من هنا بتجي محاكم التفتيش و تنصيب المشانق الخايف منها دي .... و يا حبيب عشان مسلمو جبر الخواطر أو moderate muslims ديل كما تقول عنهم السيدة أمريكا ذات السر الباتع.... عشان مسلمو جبر الخواطر ديل ما ياكلونا حنك ساي يجوا يحددوا كيف عبارة ما لقيصر لقيصر دي يطبقوها في بلد سكانها مسلمون؟ يا خي إنت بتدرس الشفع من صغار و بتكلمهم عن الجهاد كركن أساسي من أركان الإسلام, بتدرسهم الحجاب, بلقوا سورة التوبة قاعدة في المصحف .... دا كلو في في النهاية بعد ما يكبروا تجي تقول ليهم دايرين دولة مدنية و أي زول علي كيفه... و الكلام داك كان كلام مدرسة ساي؟, قادر تتخيل الشرخ النفسي الممكن يحصل للإنسان بعدين شنو موضوع (لست عليهم بمسيطر ) ما عادي ممكن أجي أقول ليك البدل دينه فاقتلوه , أو أقول ليك و قاتلوهم حتي لا تكون فتنة و يكون الدين كله لله...... غايتو نصيحتي ليك زي ما بقول المغني If u wanna do it Do it rightly لكن جنس الحكي دا ما بأكل عيش مع الدين السلفي. |
اقتباس:
يا حافظ عشان ما نجوبك الشغلة قول كلامك انت مش تجي تمعط في فهمك لكلامي على كيفك اتفقنا!؟ حيرتني في قصة ( بس ) دي كلو كلو:eek: اسي ( بسـ ) ـك دي، ( بكسر الباء و لّ فتحها؟ ):D:p ------ بعدين في ذمتك اقرأ ما سبق ( كابشر مداخلة ياسر بيناوي قبل شهر واحد بس من اشهار اسلامه ) و الانتقال من معسكر ( اليسار ) العلماني السلفي ( هذا او الطوفان ) الى معسكر مسلمي بني أمية جناح ( فلترق كل الدماء ) العلمانية البقصدا انا ياها العلمانية الشمولية الرافضة للدين و مظاهر التدين من اساسو دي.. و عاوزة تقلع الدين من لغاليغو من ( الدولة ) .. و دي بديلها المقبول - بالنسبة لي على الاقل - هي الدولة المدنية و المجتمع المدني دولة الحقوق المدنية و كفالة الحريات عامة .. دولة المؤسسات و سيادة حكم القانون .. شفت كيف؟ |
اقتباس:
و دي خطوة لقدام ... طيب يا حبيب دولة الحقوق دي حتتعمل كيف؟... حتتعمل كيف و أنا عندي نصوص دينية متماسكة جداً بترفض الدولة المدنية دي يعني مثلاً عندك المادة 18 من الإعلان العالمي لحقوق الإنسان بتقول: ( لكل شخص الحق في حرية التفكير والضمير والدين، ويشمل هذا الحق حرية تغيير ديانته أو عقيدته، وحرية الإعراب عنهما بالتعليم والممارسة وإقامة الشعائر ومراعاتها سواء أكان ذلك سراً أم مع الجماعة)*. طيب أتخيل لي بناء علي دولة الحقوق المدنية و كفالة الحريات الفوق كتبتها ديك المادة 18 دي أتخيل لي مرتكز أساسي جداً من مرتكزات الحريات, لكن ما ننسي عندنا نص ديني واضح برفض تبديل العقيدة , دي بقي حتلايقها كيف يا قيقا ؟ ------------------- *المصدر: http://www.un.org/ar/documents/udhr/index.shtml#a18 |
اقتباس:
و لا اعتقد اني عندي مشكلة مع المادة 18 من الاعلان العالمي لحقوق الانسان .. المسألة دي بحسمها الدستور .. و في الدولة المدنية الدستور ديمقراطي بدون أي مرجعيات .. اي زول يلصّق في مصطلح " الدولة المدنية " لاحقة بمرجعيات اسلامية ( الاخوان المسلمين - مصر، نموذجاً ) فدا واحد من اتنين : - ما واقع ليو مفهوم الدولة المدنية. - دجال بخشم الباب داك .. و علج مقطوع من المؤخرة عدييل( او كما قال الصحاف:D ) العاوز الاديان - لاحظ الاديان، مش بس الاسلامي - تبقى جزء من مصادر التشريع فليخضعها للمداولة و التصويت الديموقراطي اولاً مش العكس.. او بنقايس الحقوق و الحريات بالدين!؟ * ياخ لو رجع موقع سودانيز في كلام سمح جداً في الموضوع دا ممكن الواحد يستعين بيو .. لكن الله غالب نهارك سعيد ------- انت يا اخوي ما عندك شغل اكل عيش و لّ شنو جيت اتفغت لي:p:D |
اقتباس:
يا قيقراوي انت في عضمك انا ما قلت ليك عندك مشكلة مع المادة 18 من الإعلان , لكن تساؤلي المادة دي لأي مدي ممكن تجرح الزول المتدين و عشان الجرح أو الشرخ دا الأمر محتاج لقعيد الكلام وقع ليك؟ ... يعني ما بنفع نجي نسمع إعلان حقوق الإنسان دا و نتخارج. إن لله يا خي ... طوالي قفزت في موضوع تصويت ديمقراطي (أحب القفز بالزانا ذاتو يا خي).... يا قيقا القفزات الزي دي وقعتها صعبة و بعدين صحة الدولة المدنية تهمنا يا خي ... يا صديق صدقني لو مشيت طوالي لموضوع التصويت أن الأديان تكون جزء من التشريع بتكون الخاسر إنت ... يا خي قبل التصويت و المداولات دي محتاج تضع بيز قوي جداً لانو عبارة ما لله لله و قيصر لقيصر دي ما بتأكلك عيش مع الدولة الدينية المرتكزة علي الدين الإسلامي كدين جامع و صالح لكل الأزمنة و الأمكنة, عشان كدا في البداية فكك صواميل الدولة الدينية دي من رسين الناس و بعدين تعال شوف موضوع التصويت دا و الا بكون الموضوع (أتمني أن تكون لي دولة مدنية).... طيب يا قيقا اتز أوكي قول الناس صوتت فيما يختص بأن الدين يكون مصدر للتشريع .... أها الدين البجينا في التشريع دا بجي بحمولته القدسية و لا بجي ساي؟ قبل نختم المداخلة ... شايفك كاتب الأديان و قلت ما الدين الإسلامي بس.... يا حبيب في تقديري أن بقية الأديان ديك حسمت موضوعها فيما يختص بالدولة بس باقي الإسلام و دا البهمنا نحنا تحديداً في هذه اللحظة, عشان كدا ركز في ورقة الدين الإسلامي يا خي. |
جميل جدآ ياسلفى وقيقا ..
خاتى طوبة مبدئية ومتابع معاكم ياصحاب .. |
اقتباس:
وبجيكم بعد 48 ساعة |
| الساعة الآن 03:46 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.