سيستم.. !
إذا كُنّ البنات يلبسن المحذق لإظهار بعض (التفاصيل) التي أمر الله بسترها.. فماذا يريد أن يثبت الشاب الذي يلبس (سيستم)؟!!
والسيستم .. لمن لا يعلمون ، هو أن يلبس الشاب بنطالاً يترك نصف مؤخرته عارية؛ إن استحى غطى عليها بـ(شورت) شفاف ، وإن شذ تركها لمرأى الآخرين لايبالي!! البغيظ .. الواحد فيهم بتعمد في المواصلات (يورّينا) إنو لابس سيستم!!! سؤال ليس للإجابة (قال ليك مصطفى سيد أحمد وكدا): نفهم شنو يعني؟!! |
أخ قيس السلام عليكم .. الظاهرة دي قبيحة جدآ .. وإنتشارها بين بعض شباب هذا الزمن يدعو للإشمئزاز .. هذا السستم وقصات الشعر الغريبة والسلاسل والحلقان .. لكن أين الرقابة الأسرية ؟؟ أين الوازع الديني ؟؟ |
اقتباس:
في الفصل الثالث من دستور السودان الإنتقالي وفي البند ج/الحريات والحقوق الأساسية:- تُضمن حقوق الإنسان والحريات الاساسيه الآتيه وفق سيادة حكم القانون: 12/حرية التعبير عن الثقافات واللغات وتطويرها فيا أخي نتمنى إنو الدستور الدائم للسودان فى ظل الحكومه ذات القاعده العريضه يعالج الظواهر الدخيله عاى مجتمعنا كما أرفع يديك بالدعاء معي أخي العزيز أن يولي الله حكم البلاد من يعدل سيستمنا وحالنا ولا يوليها من يزيد السستم سؤاً. |
اقتباس:
وعليكم السلام أخونا زاهر الظواهر الغريبة - يا زاهر - لو بقت علي السلاسل وقصات الشعر ، هينة والله! لكن تحصل بالصورة دي؟ ما بتتهضم أبداً .. تحياتي |
اقتباس:
أخونا - ود الخير .. قاصد يقول يا جماعة : حكومتنا ذااااااتا لابسه سيستم :eek: وإذا كان رب البيت طبال ... |
اقتباس:
يارااااجل! كضباً كاضب حاول تاني وأعصر يسارlooool |
اقتباس:
قيس قال الحقيقة دا الفهمنا من كلامك |
اقتباس:
سلام صاحب البوست والله انا ما عارف انت مستغرب ليه يعني عشان الشباب ظهروا مؤخراتهم طيب انت متوقع شنو يعني من ناس ربتم الانقاذ يعني زول من كان صغير بيحضر تلفزون الانقاذ وافلام كرتون الانقاذ وبيمشي مدرسة الانقاذ ويقرى مقررات الانقاذ ويمشي معسكر الخدمة الالزامية بتاع الاتقاذ ويدخل جامعة الانقاذ انت داير ديل يطلعوا ليك رجال ما طبعاً لازم يطلعوا خيابة بالله الواحد تلقاهو عامل سيستم ولابس تي شيرت برتقالي قصير وجزمة برتقالية (بي تفس لون التي شيرت) وشراب قصير وخاتي نضارة شمسية في راسو ( ما في عيونو ) ولابس سلسل وممسح وملمع وخاتي سماعات في اضانو اليوم كلو بيسمع في احمد الصادق ( الهو برضو عامل سيستم) وبعد دة السودانيين يقولوا ليك لحنا عايزين نطلع ثورة هههه |
تعرف يا قيس
واحدة من اجمل الكاركتيرات القابلتني كاركتير اظنو لخواجة اتناول نظام (دق السيستم) جاب ليك صورة لاتنين داقين سيستم وجمبهم قام رسم هياكلهم العظمية بناء على نسبة وضعية كمر البنطلون (الطبيعي) وبعدو عن القفص الصدري تصدق وتأمن طلع قفصهم الصدري داقي في جعباتهم في اشارة من الرسام إلى ان الناس ديل اجسامهم حتتشكل بناء على توجهاتهم ورغباتهم كان كاركتير بديع وفيهو طرفة ذات كعب عالي |
الظاهرة مستجلبة من مشاهدة الفضائيات ومتابعة آحر تقليعات الموضة في الملابس والموسيقى.. وهي ظاهرة لا تخص السودان فقط بل منتشرة في العالم بأسره.. وغالبا ما يتبعها المراهقون.. وهناك حملات في المجتمع المدني لمناهضتها بأساليب التوعية حول الذوق العام..
يسمونها في الغرب بعدة مصطلحات منها low cut jeans, hipsters, hip-huggers وتسبب في ظهورها مغنو الراب، الذين قلدوا ما يلبسه السجناء في السجون الأمريكية اذ ان المقاسات غالبا ما تكون أكبر من مقاس السجين.. حاولت رفد البوست بالصور (لكن ما وجدته لا يشبه سودانيات) لذا اكتفي بالكاريكاتير :D http://www.cartoonstock.com/newscart.../tmcn2008l.jpg |
|
|
|
اقتباس:
|
| الساعة الآن 06:58 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.