إعتذار واجب
[justify]
بكل خفر عذروات ما قبل السادسة عشر ألج إلي هذا المكان مرةً أخري, عاضاً أصابع الندم لما اقترفته من جرائم مؤذية بكامل كيبوردي و لا أحد سواي ... و كما غنت ماجدة الرومي دعوني منها أسرق و أقول: أعترف أمام الله الواحد أعترف أعترف أني أخطأت في حقكم جميعاً قراءا و أعضاء أعترف أن ما كتبته مكانه ليس هنا و ليس أي مكان آخر كلماتي كانت نذلة... حروفي نتنه و لا تفوقها نتانة سوي أنفاسي ... أعتذر للجميع عن ساقط قولي و بذيء حرفي, فيا أصدقاء الإعتذار قبل ان يكون لكم فهو لي ... اعتذار يطهرني من بعض ما علق بي من دق كيبوردي و بكامل قواي العقلية (يا راجل عشان ما يجي يقولها لي أحد أصدقاء السوء)... و رجاء لا أريد من أحد أن يربت علي كتفي بدعاوي مجموجة و قول فاقد سعره ... دعاوي علي نافلة (أنت ما براك القلت كدا... فلان قال ما هو أسوا و علان طعن بما هو أبشع , فلماذا لم يوقفوا فلان أو علان و لماذا و لماذات أخري لا تخصني ), فلهؤلاء المتبرعين أقول يكفي أني قلت و أوقفت و شكراً للإدارة أنها فعلت ذلك و إلا تركتني بغيظي أموت , فلا يهمني من فعل ماذا أو من قال ماذا و لم يعاقب, بقدر ما يهمني أنني فعلت ما يستحق العقوبة و عوقبت و شكراً سودانيات أعلاه بوست الأدب أما لقلة الأدب بعد أن ينتهي حدادكم و حدادي علي حميد سوف أتي و سوف لن تأخذني رحمة بأحد. شكراً أحبتي [/justify] |
اقتباس:
لكن يا حافظ قصة ركوبك فى ضهر الفيل عملت لي لخبطة وخاصة صورتك النضالية ويدك فى الجبص بعد المظاهرات ما زالت فى مخيلتى. اوع تكون بقيت زول بتاع راحات :D |
و الله يا زين ان ذنبي و الله ذنب كبير غير إني بحلمكم استجير
يا زول كويس انك ما عارف اني عملت شنو لكن شيتاً كعب و ما بنتمناه لحبيب علي العموم شكراً للقبول و القبول عند الله... و فيما يختص بالفيل فأنه فيل الله و الرسول ما المجازي ... لكن كسير يدين ما معانا تاني:D:D:D |
المهم يا صديق
غداً سآتيكم بإذن المولى،، ولك هدية عبارة عن 11ساعة وخمس واربعين دقيقة من الإلقاء الشعري.. تحياتي وخالص الاحترام.... في انتظار بوست محاور2:D:D دا ما بلزمني |
جميل يا صاحب جميل جدا
تحياتي لامي حليمه في عيد الام واحسن الله عزاء الجميع في حميد |
أشرف و نبراس أنتو أخر اتنين من أربعة ما ناقصكم تجزوا هنا ... عليكم الله ممكن تحترموا نفسكم و ما تعتبوا بجاي؟
و بالمرة كلموا معاكم السمين و لنا |
اقتباس:
اها الحداد 3 يوم لسه باقي يومين تاني |
وها قد عادت لسودانيات عافيتها
مرحباً بعودتك أيها الفارس النبيل هذا ولتعلم انه الظلم دائماً يختار ضحاياه من النبلاء هذا والا بالله عليك يوقفوك انت ويخلو طارق صديق كانديك ^__^ |
اعتزارك ما بفيدك ٠٠ العملتو كان بكيبوردك :D:D
والله يا حافظ اخوى ; كل يوم بتثبت انك رجل بمعنى الكلمة٠٠ الله يحفظك٠ ثقافة الاعتزار دى ما عند آى انسان إلا انسان بحق وحقيقة ٠٠ وهى نعمة من الله سبحانة وتعالى٠ المهم ; اعتزارك دا مابقبلو إلا بعزومة فى عوضية سمك لمن أجى :mad:٠ *يا جماعة انا عارف حفوظى عمل شنو ولية وقفوه ٠٠ العاوز يعرف بى 10 $ دولار ٠ :D:D حافظ الله يحفظك بجاة النبى (ص)٠ وشكرا للادارة الموقرة٠ :) |
والله الشمار كاتلني.. لازم أستعين بصديق عشان أكون في الصورة وآخد فكرة:D
|
اقتباس:
ــــــــــــــــــــــــــــــــــ خارج النص: صفحتك تحفة يا حبيب وإن شاء الله تكون اسبوعية |
صديقي حافظ ،،،،
لن اتطرق لما حدث ، ولكني ساطرق بعضا مما حدث بعد ذلك ..... منذ انضمامي لسودانيات تعاملت وعاينت حالات ايقاف عديدة ،،،لكن مقدار المحبة التي ظهرت بشكل (شماتة ) من كثير من أصدقائك هنا كانت حرثاً جديدا لم أره في أي حالة سابقة ... نحن ياصديقي قوم خطّاءون واحسبك من خير الخطائين ، استرجع هنا سؤالا طرحته حبيبتنا باولينا ذات عصرية قالت لي ماالذي يمنعك وحافظ من الاحتراب والقطيعة ؟ فقلت لها لا أدري ، فقالت : لأنه يحمل من الاصدقاء أوزارهم فيغدو خيرهم...! هذه الروح التي تتدثر بها هي ماتجعلك كبيرنا فعلا ، وستخطئ ياحافظ مرات أخر ، وترجع من أخطائك أصفى مما سبق ، سأتوقف هنا ياعزيزي لأدعي أن شهادتي فيك مجروحة ولكني سأبقى أحمل لك حباً وصداقة وعرفانا بكل ما أعدت خلقه فينا لنقترب من بشريتنا...... لك التحايا والتجلة ياصديق ....... بالجمبة كده: قلت لي السمين ونبراس ولنا وأشرف؟:D ياخ والله جني وجن الزول الخواف;) قلت لباولينا حافظ ماجاب سيرة الجيلي أحمد في قائمتو الجديدة للأعداء ، ضحكت وقالت لي غايتو الخواف ربى بوستاتو:D:D:D:D |
يا زول حمد الله على السلامة، و الجاتك في حسابك سامحتك...الإعتذار سمح و الأجمل منو إستحسانك لسلوك الإدارة..دا موقف كبير منك يا حافظ...
اقتباس:
|
خال فاطنة و قيس؟
أمرقوا لي منهم بجاي الفاتحة يا خال فاطنة و قيس* ------------------- *حبوبتنا بت بلالة جوها الناس يشيلوا ليها الفاتحة بعد إسبوعين من وقاة إبنها و كانت بتكره كل الناس الجوها بس معاهم عفاف بتريدها ... أها قالوا ليه الفاتحة رديت عليهم قالت ليهم: عفاف أمرقي لي منهم بجاي الفاتحة يا عفاف |
حافظ حسين كيفنك وعساك فاين ياخ
التوقيف عندك والله حسدتك تصور؟؟ مامواكب الاحداث لكن ان شاء الله تكون اتفشيت بس عوداً حميداً مستطاب اقول قولي هذا واستغفر الله لي............ |
| الساعة الآن 11:28 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.