معقولة بس! بدري الياس ليهو يومين بالمنتدى، ولا بوستاي واحد للترحيب بيهو!
 

بالنسبة لينا نحن ناس ثقافة الوسط والمقيمين بالإمارات، يعتبر الأستاذ بدري الياس، لا يقل شاعرية عن المرحوم حميد. ولو ما خائف ينكسروا فيني ناس الزين ود حامد وست الدار، كنت قلت: بدري الياس، يلامس مشاعرنا أفضل من حميد بدون "ترجمة"*.

مرحب بالشاعر الرقيق بدري الياس، وعليك الله، يا بدري، راقب لينا أسامة وطيبان ديل، في قرايتم لحميد، وخليك أمين زي أحمد طه، باقي لي الناس ديل، مرات كدا، منحازين للبيئة.
* الحقوق لجي جي

أبوبكر عباس

و الله الف مرحب بالشاعر بدري
لكن كونك ترحب بيه انت ما في صالحه

بدري خش برجلك الشمال رغم أن الترحيب جاي من بابكر

لو سمحت
انتبه !!
الترحيب جاي من ابوبكر
بابكر الليلة نايم وجاء بالانابة عنه ابوبكر gap

:D
بدرى الياس
حبابك والله
لكن الزول دا بعد ترحيبو بيك,
شايفو استأسد علينا

مرحب والله و ألف مرحب ببدري الياس ، الزول الحبوب أخو الأخوان
وأنا بعتبر شهادتي في بدري مجروحة بحكم الخوّة القديمة البيناتنا ،

أماني يا سودانيات ما جاكي ولد !!

تصدق يا بدري، مداخلة عبد المنعم، الطيب دي، زيها وزي مداخلات، طيبان، احمد طه، الجيلي، حافظ حسين، سارا، نبيل، ووجدي، للترحيب! بس دي، طريقتو ونحن إتعودنا عليها ورضينا بيها إلتزاما منّا تجاه الحد الأدنى من شروط العضوية (إمتلاك جهاز كمبيوتر أو إمكانية الوصول إليه).

والثورة "زالت" مستمرة!

أهلين يا عريس

غايتو يا بدري الياس الدنيا حظوظ

ناس يستقبلوهم ناس شئون العضوية ( سموحة ) وكدا

الشقي يعتر ليهو أبو بكر عباس :D

العريس الشنو كدا داك

حبابك في البيت التاني

بث زي ما قالوا ليك السبقوني


جيت خاشي قاردن سيتي بكرور:p