هاشم صديق...أحوال طقس غائب
إتشرقت الليلة
في وكت العصير قحيت قحيت و قحيت لامن دموعي اتحتلن و في حلقي حسيت الحبال إتقطعن .... جرحوني و ظلموني و حاصروني خلوني ما أشتاق لوطني لن أعود مرة أخري و بلاد الله واسعة و أنا ما رق مارق.. ... حتشتاق لينا يا هاشم؟ |
فكيت زرار صدري
و سلمت الحنين أمري فتحت الضلفة و الضلفة والضلفة .... حتشتاق لينا يا هاشم؟ |
لم
تعد في الكوب قطرة أيقظ بيأسك هذه الروح التي ملت تخاريف البطولة .. أ الآن تخرج ؟ حتشتاق لينا يا هاشم؟ Never ولا لي أهلي ..أنا هسه في مطب نفسي خطير أدعو الله أن يخرجني منه |
مرات بتحس زي إنك زي الداير تدسا من نفساك وما تلقاك؟
طيب مرات بجيك إحساس إنك وسط الناس و في الزحمة غير ضلك ما لاقي ونيس؟ لعنة الله علي حوار جريدة المجهر بالأمس و اليوم مع هاشم صديق فقد أيتمتني نصال مواجع هاشم حتي قلت ليته سكت ليته أنا في كرب عظيم منذ الأمس يا هاشم ... تبا لهذه البلاد يا هاشم التي تمطرنا بمظالمها فنستقبلها بجير البيوت |
يا خضر حسين خليل وينك بس
أسامه معاوية سامعني؟ أنا...طالع و سأتحاشي الإستغفار هذا اليوم فما عاد لماء وضوئي طعم بصراحة كدة فاتتني ركعة فقد سبقني وطن بحاله بكامل مواجعه إلي سجدة خنوع و لكني مصر علي حسن الخاتمة رغم كيت و كيت ...و كيت ... مخصوص مشيت النيل في هذا المساء الكيف كيف يا خضر كراسي و طاولات آيسكريم و حبيبة جبنة و شاي و خطوات كتيرة خلاص أبت تنفض من جواي أيتها شي سأقسم أني رأيت فيما يري العاشق أني أدمعت فأمتلأ النهر و فاض أما كبري المنشية فتواطأ جيدا مع سوط الجلاد و أرغمني علي العودة للملمة ما إنسكب من أحزاني علي طريق المشاة ... ياخ نفسي أسب تخيل |
بسم الله الرحمن الرحيم
ممتع يا اميرى ،، ممتع وأنت تثير أسئلة بحجم الوجع المدفق ، الوجع الذى بات يسابق العمر والأجل ،، الوجع الذى نحتسيه مع قهوة الصباح وعناوين الصحف .. وأحياناً نعانقه هنا فى أساطير الفضاء .. ياخى سب ،، سب ياخى ،،، ولا تستثنى منا أحد ............... |
وطن خلاص ،
غابت فيه الرغيفة ، الكرامة ، والامل .... انسد الافق كامل السواد اما هذا الشعب ، الدولة الان في قمة تفككها ، والبلد تنهار عن بكرة ابيها ، والخرطوم تغني حبيبتي اه كما قال حميد عليه سلام ،، اميري شوق شديد ياخ ... |
اقتباس:
خشية الوقوع في الفتنة... ... الشي الوجع ده ما عندو أبو يلموا مننا؟ هو جنا حرام ولا شنو؟ .... من يومين إشتريت نضارة سودا خاتفة لونين و محايدة في نظرتها لا تميل كل الميل و لا تسترق الصمت غايتو ممشية حالي والدنيا..نور ... بالنسبه للشوف والشوق فاللهم بلغنا نواحيكم نرفع التمام و بالمرة نحج..والله حاج ياسر دي ماتنشنغ شديد مع النصارة تبااااه أمامك...ضابط |
اقتباس:
الطيب صالح قال ليو أنا أحمله في قلبي وإن تفكك يا منعم سنحمله حبا و كرامه في قلوبنا و نجوب به بلاد الله الواسعة.. شيم أوف أس إف وي لفت إت بهايند أور باك ... والله يا منعم مرات بتخيل عمك بعانخي إرتكب خطيئة مهولة و نحن نتوارث لعنتها كابرا عن هناي يا ربي يكون عمل شنو ود أم ظق ده؟ ... الشوق شوطين بي أوفر تايم والله يا منعم و بدون ضربات جزا كمان هدف ذهبي بس |
سلامات يا صاحب و عودتك برغم
حزن حروفها مفرحة جدا .. و ماك محتاج اي دليل و كدا .. |
ثم عملا بوصية النور في عدم إستثناء أحد من السب حسب بس سأترفق بمخارج الحروف و أرقق الدين و قد أستثني حبيبتي
ذنبها شنو في الليلة الكافرة دي بس؟ و قليبي رادك أرجوكي حافظي عليهو ... بالله المقطع ده دوزنوهوا بي موسيقي كردفانية أو أمشوا اليوتيوب أكتبوا كورال كلية الطب الرزينة وسترقص مواجعكم جيدا بس المهم الطشمة تكون مناسبه المزة ما مهمه أبدا والله فيكفي أن نقتات بأحزاننا |
اقتباس:
... والله بقة موية بالك ما يمشي بعيد ههههه |
ذات قهوة ، قلت لصديقنا بدر الدين صالح : أوجعنا يابدر ...
قال : "أمي قالت أني ولدت قبل تلك العاصفة... وحبيبتي لم تستحي أن تشتهيني وسط آلاف الدماء النازفة... أنا لم أعترض أبداً عليك كعاهرة! لكنني ما قلت أن العاهرات مدائن الضوء التي تشتاقها أجسادنا السمراء حين يخنقها الظلام" بعد صمت ثقيل وهواء له خواص الماء استنشقناه قلت له : حبيبة؟ قال تافهاً: بل وطن!! أعطيته ظهري وعجاج قدميّ وأنا أردد " الرب في هذه البلاد ضابط في الجيش السوداني!! الرب في هذه البلاد ضابط في الجيش السوداني!! " حتى قلت : ليت بدر لم يفعل ....! وليتك لم تفعل !! |
اقتباس:
تبلغ الشرطة , أقصد تبلغ ناس بسط الأمن الما شامل مثلا ؟ خرج ولم يعد حتي الآن , أوصافه كالتالي : كان مليون ميل مربع , حسع كم ماعارفين , لسع ماشبرناه . أغبش اللون . عيونه ما عسلية . يقوده أقزام . ينتعل نيلين . حزين و قابل للإشتعال . و ....... نكمل الأوصاف فيما بعد . |
يا أميري
ألم تر كيف أنشد الشنفري صعلوك العرب: ثلاثةُ أصحـابٍ : فؤادٌ مشيعٌ ، وأبيضُ إصليتٌ ، وصفراءُ عيطلُ ولعمري أي الثلاثة أنشدتَ كان نشيدُك نشيداً شديد. أحبك ياخ |
| الساعة الآن 05:39 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.