للحردانين والحردانات
صاحبت لي هندي بتاع IT وفي اليوم التاني حكيت ليهو مشكلتي مع الحردانين بالمنتدى وقلت ليهو: داير أعرف هل الحردانين ديل، قاعدين يشوفوا المنتدى ولّ لا؟ وأديتو أسماء عشرة حردانين وحردانات (ففتي ففتي) ووريتو يترصدم لمان يوقعوا ويعرف لي الIP Address بتاعم ويشوفم قاعدين يجوا يتاوقوا ولّ لا؟
|
قال لي: ولا يهمك رفيق، هاذي سيم سيم موية.
|
في زولة كانت معانا هنا إسمها منال، حردت في إحدى حروب الصيف الزمان ديك، الزولة دي مرة بلتني بل شديد وهي الوحيدة المستعد أحنسها بتلفون مُباشر
ينوبكم ثواب لموني في تلفونا |
الناس السقطوا في الإنتخابات، صعب خلاص أحنسهم
|
كوثر أُختي، مرة زمان كنا بنتغدى وفي نص الغداء في زول زعلها قامت حردانة، قبل ما أي زول يحنسها قلت بصوت عالي:
أبدا ما حردت، بس هي ماشة تغسل يدها للتحلية تش تش غسلت يدها وجات قعدت لهطت البطيخ كلو |
سمرا، قالوا بتحب الشعرية المترتر فوقها طحنية
بجيبها ليها قصرت؟! |
:p:p:p:p
:D:D:D:D |
أها
التحلية شنو؟:rolleyes: |
:D يا بابكر الاغنيه دى بتلفق معااك و مع الهندى بتاعك...:rolleyes: خصوصا و فيها البلابل...looool [rams]http://sudanyat.org/vb/uploaded/741_1361625454.mp3[/rams] لينك للحفظ و الاستمااع |
بابكر ازيك وحات سيدك الحسن , أنا دا واحد من السقطوا في الانتخابات غيبتي ماكانت حردة , كنت علي سفر . و أول مارجعت جيت أكلت البتيخ . نجرتك بتاعة صاحبك الهندي بتاع ال آي تي – وانا عارفك شايت وين- أعرض عنها , و ماتفضحنا مع الشويعيين و أنصار السنة , لأنو مستحيل يعرف حاجة وهو ماعندو أكسس للسيرفر. سرورة-رضي الله عنها- شوفها بتحب شنو , حتي لو ويكة بالطحنية – وليك علي أنا أجهز الويكة وصاحبي أسعد (وجدي سابقا) يجهز الطحنية – لانو جنو طحنية . ياخ بدون شكلات سرورة و لياقة بابكر وبل أمين و غضبات رأفت المنتدي ماعندو طعم . |
اقتباس:
معقولة يا السكر المعقود؟!!! |
اقتباس:
لكن أها :L سلام وهاد |
اقتباس:
http://sudanyat.org/vb/uploaded/2252_1361627331.jpg انت بكون رايح ليك الطعم:p... لكن بابكر الا يمشي يصاحب ليهو زول بيعرفه :D حبابك والله يا عمدة. |
يا بابكر، بما إنو كتاب الأسافير السودانيين المدلعين باتوا بيحردوا أكثر مما بيكتبوا فأنا بقترح سن لائحة تنظم وتضبط الحردي دا، أقلو ياخ نأسس لحرد قانوني. بعدين ما ممكن يكون للكتابة لوائح وللحردي لا!
|
اقتباس:
وهمة الاسم دي اهم من الطعم زاتو:p http://cdn2.alnaddycdn.com/images/20...4757c3805h.jpg |
| الساعة الآن 07:06 AM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.