العرب والفرس والملة
بالأمس شاهدت فى التلفزيون برنامج (طباخة) فى قناة ألمانية .. فكرة البرنامج تحديد وجبة ويأتوا بفريقين من جنسيتين يقومون بأعداد الوجبة من بطريقتهم الوطنية .. بعد الأعداد يأتى طباخ (شيف) يأكل من الوجبتين ويعلق على الإيجابيات والسلبيات ويحكم من الفائز وجائزته ألف يرو .. بدون أن يعرف الذى أعدها
الوجبة كانت عبارة عن سمكة وشوربة وتحلية وده ما المهم .. أثناء الأعداد تتم دردشة ظريفة عن الطباخة تتخللها أشياء أجتماعية عن الدولتين .. الفريقين كان تركى ودولة (أعتقد) من شرق أوربا لأنى لم أشاهد البرنامج من أوله بهمنى الطاقم التركى مكون من فتاتين إحداهما محجبة .. البنت المحجبة زى لهطة القشطة بالعسل .. الحديث عن الحجاب أخذ حيز كبير من النقاش معاها .. كانت أجابتها مزيج من الذكاء وخفة الدم أضحكت الحضور ونالت كثير من التصفيق الحار .. كانت واثقة بمرونة نالت أحترام الجميع لها ولحجابها .. أحترام فقده كل شيوخ العرب والفرس تخيلت عدد مسلمى العالم الذى يفاخر شيوخ العرب والفرس بأنه يكاد يغطى رقعة الكرة الأرضية .. ناسيين بأنهم الأقلية (العرب والفرس) الذين يشوهون عقيدة هذه الملة .. بل بلا أختشاء ينصبون أنفسهم الأحق بها بجعل أنفسهم أهل البيت مسلمون البوسنة وكرواتيا وصربيا (نعم يوجد كثيرون من المسلمين الصرب) وألبانيا ودول الأتحاد السوقيتى سابقاً والأتراك وجتى الأفغان يذكروننى بمسلمى السودان سابقاً قبل خروجهم من الملة ويصيروا فى قطيع رعاع العرب والفرس كلام مأثور: كل من يبدأ حديثه بآية قرانية أو حديث شريف .. فهو فى مشروع خداع أو أحتيال أو سيتنصل من المسئولية آية الله رأفت بن ميلاد |
اقتباس:
التعميم هنا مخل بالطرح سردب للبجيك اقول قولي هذا واستغفر الله لي............... |
اقتباس:
والافغان العرفتهم كانوا بيشبهونا كتير في سلوكهم , طيبتهم و عفويتهم . وعدم تقبلهم لأي حقارة. ومن صادقته منهم كنت أعتمد عليه تماما كإعتمادي علي أي صديق سوداني. طبعا التعميم مخل , ولكن دي تجربتي فيمن تعرفت عليهم فقط . |
يازول قول عجبتك البنية ساي
يحكى هنا اثناء حرب البوسنة اتي كثير من النساء للدولة هربا من الحرب احد الامة في احد المساجد خطب في الرجال بالزواج منهن لحفظ كرامة المراة المسلمة ودعى للتعدد والجماعة ما قصرو بعد كم شهر اتت نساء الصومال ايضا هربا من الحرب ولم يحرك احدا ساكنا:) |
اقتباس:
تعرف يا زول الله كان فتشت أسمى بالأنجليزى فى الأسكايب .. بطلعوا ليك أتنين .. واحد فى سويسرا وواحد فى إيران .. خليه يسردب هو لكن كلهم كضابين |
اقتباس:
هل هناك أمل فى هؤلاء الصبية بنية للمستقبل :( |
اقتباس:
شوتاتك خطيرة يا أنتيمة |
زول الله ما لاقى لى زول أسردب ليه .. ولا حتى شيوعى :p
|
اقتباس:
بعدين اسلوب التحجيب ليه عموما انا مع كلام جيجي والله عاشرت الصوماليين في الجنوب ممكن يكونوا افضل من الافغان في التمسك بالحجاب ياخ ديل نسوانهم مابفوتو جمعة كبيرة علي صغيرة قمة الاخلاص قمة الامانة قمة الاستقامة قمة الثقة في الله بعلم فيهم اللغة العربية وبعلموا فوقي كيف اقرأ القرآن مرتل بتجويد وضبط وشكل شعب يستحق التحية |
اقتباس:
والله لي زمن مالقيت زول هنا قال انا مع جيجي:D |
اقتباس:
هسي الشوايعة قالوا شغالين تنصير ساي . حكمة الله قالوا ملاحدة وبرضو ينصروا الناس . يعني شغالين مع المسلمين بسهر الجداد ولا نوموا. |
اقتباس:
كدى أوع أكون أنا قاب قوسين أو أدنى من النار :eek: يا دى مرحلة متأخرة ياخ .. أنا وفتحى ضامنها تب .. بس هو عندو محاولات كده :D:D وبعدين أنت مع جيجى فى ياتو ملف .. والجاب سيرة الصوماليين بالكعب منو عشان نعتمد شهادتك .. المحتاجين شهادة مخارجة العرب الطوعوا الدين نبل منهم لأحتواء اللحم اللحمر .. أها الفتاوى عند الصوماليات قطعت نور وموية .. خليك حصيف ياخ .. يعنى شوتت حرمة زى جيجى تعدى فوقك ساى ;) أفو عليك ياخ |
اقتباس:
تعرفى اليومين ديل عامل لى قلق شديد لى بتى وأمها .. حالف ما يقدوا أضان مريومة .. قلت ليهم ده قرارا براها بعدين على كيفا .. ما تقدهم ولّ تعملم نملية ما شغلكم ;) رايك شنو فى الكلام ده |
اقتباس:
ود سميرة قال الحلق بختوا يعني جابر بخاطر الحلق:D عارف انا هسه عندي بت اختي وبت اخوي اهلهم رافضين حتة الحلق دي وهسع عمرهم خمسة وواحدة سنة وانابرضو مابحبو- حلوين بدون رتوش:p شكلوا كدا بعد شوية الموضة دي حتنتهي نملية دي شنو؟ |
اقتباس:
تعرف عندى صاحبى فى فرنسا شبوعى مقلق شديد كدة .. ركب التيوب وقعد جمب مرتين مغربيات .. قامت قالت لى أختا (هسة ده ما لقى حتة إلا جمبنا هنا) بأعتباره أفريقى ما بعرف عربى .. قال ليهن (بى تذكرتى أقعد محل ما داير .. كان ما عجبكن قومن) .. النسوان بهتن .. قام واحد أتدرع وقال ليه (طالما بتعرف عربى ربنا بقول) قاطعوا وقال ليهو (شوف يا خوى أنا هنا فى القطر ده الله بتاعى تذكرتى دى) :D:D يوم ضرب لى يعيد علىّ فى واحد من أعياد النصارى .. ردت بتى فقام عيد عليها .. قالت ليهو (يا عمى أنا مسلمة) .. قال ليها (ليه كده يا بتى .. أنتوا بى تخلفكم ده أخير من المسلمين) :D:D |
| الساعة الآن 09:40 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.