سودانيات .. تواصل ومحبة - ارحل يا حمام.... كيف انسى البلد والخضرة والنيل والنخيل

شكرا لجيجى وشكرا لك يا عمدة
والله بعد ما تهنا فى ديار الغربة اتانا هذاالمبدع محمد النصرى ليبث الشوق والحنين فى نفوسنا و وينعش الذكريات ويرحل بنا على انغام طمبوره واوتار حنجرته الى ديارنا ...الى سواقينا الى نخيلنا الى اهلنا السمحين ......قمة المحبة وقمة الفن وقمة الانسانية ان تهدى الآخر نفحة انعاش تبعث فيه الوعى والحياة بعد ان كاد....
ربنا يحفظه ويوفقه مبدعنا محمد النصرى

ارحل يا حمام شيل اشواقي وارجوك لا تغيب
وصل كل مشاعري وريدي لي دار الحبيب
*************
ارحل يا حمام قول ليهو اصبر يا جميل
لو مالت على الدنيا عنك ما بميل
كيف انسى البلد والخدرة والنيل والنخيل
والوجه السحرني جمالو والطرف الكحيل
*************

مشتاق لي نجيمة تضوي لي قلبي الطريق
وللبسمة التفيض حنية من ثغرو الرقيق
تهت انا في ديار الغربة لا زاد لا رفيق
وما كان يا زمان ترميني بي ما لا اطيق
**************

ما فارقني طيفك لحظة في ليلي البهيم
وياما الشوق برجع سيدو لي دارو القديم
لا بد الزمان يجمعنا والحال يستقيم
وانسى ايام شقاي والقاك وارتع في النعيم*************