فرفشة مهنية من الصديقة بت طربوش..
فرفش تعيش تنتعش مع هذه المطارحة الشعريه المجنونه
الميكانيكي: يا واقفة بين صبري وتروس الفرملة أنا بحكي ريدك للملأ والجاني من بستم مشاعرك بلفو طار بحكيبو لليل والخلا و أنا بعذرك وأوزن دركسون الصبر وأضغط كلتش الأمنيات لو ألحقك يا ال حنتا زي زيت رجوع أسود من الشقا والدموع الميكانيكي التاني يامكنه قاعده جوه القلب شغاله بس بتخربي شايله المفاتيح دايما معاك شغاله تفتحي وتقفلي قلبك مسمكر بالحديد تديه بس للبعجبك الجزار: يا طاعمة زي كبدة ابل بالشطة والليمون شفا أنا بي وراك سبت القطيع ضّل الدريب وعليك حفا يا كاسرة بي فرار هواك أضلعي وظروفي المؤسفة المكوجي: يا كاوية قلبي قبل قميصي رشيت لياقتو وما انكوى يا ريتني لو أغسل دواخلي من الهوى زي عمة بيضا أشرها صابون هواك غسل النوى النجار: مسمار ودقيتي في خشب الليالي المحزنة منشار هواك قطع الصلات الممكنة يا أبلكاش وفورمايكة أو تك خشب الجنوب وفي الختام نشوف حب الجوعان: يا حاجة أشبه بالرغيف مرقوها أسي من الفرن أنا بفقدك لما العيون تشتاق أماسيك الشبع واتخيلك قدرة ورحيق الفول انشالله في أحلك ظروف ما نشتهي الجبنة ونطوف كل الدكاكين مغلقة والزيت صبح يا زيت مناي مافي ونشف مصران مشاعري المرهفة ودمتم بخيييييير (أم يوسف) |
اقتباس:
يا خااااااااال رجعت تاااااااااااني سودانيات |
اقتباس:
انت شكلك وقعت ليك في مخنجي تمام:eek::D هو ود عوضون رجع لي عبدالله تاني:confused::confused: يازول أنا اتداخلت معاك في كم مداخلة ولا انت بقيت تنسي ههههههههههه |
| الساعة الآن 10:27 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.