الغلطات الاملائية...
في مرات كثيرة تصادف القاريء للبوستات غلطات املائية (تضرس) ومتكررة!!!
والادهى ان تكون الغلطة في العنوان..!!!!! وللاسف يظل الخطأ متحكرا على وجه الصفحة الاولى!!!! السؤال اعلم ان هناك مشرفين من صميم مهامهم تصحيح الاخطاء الاملائية واذكر ان الاخت سارة كانت مكلفة بهذا الامر فماذا الحدث ولماذا لا تخضع الغلطات الاملائية للتصحيح الآن..؟؟؟؟ واغتقد ان لاضير اذا نبه العضو لخطئه الاملائي ولو برسالة داخلية ويقوم المشرف بعد ذلك بتصحيحه اي الخطأ... والله انا شخصيا مرات بحتار في الهمزات على سطر ولا على واو!! بس الله يخلي لينا عمنا قوقل...ما قاعد يقصر معانا تب... |
اقتباس:
يا زولة هي انت بعضمك لسانك قلتي استاذة انجليزي يعني عربي وايس زيك زينا و بعدين تعالي هنا المشرفين ديل يتقطعوا يباروا الشكل و لا الأخطاء مرافي ازيك يا خي تصدقي هسي بتذكر فيك و شبهتك باستاذتنا لئيمة خلاص في الابتدائي الا حقانية التحية ليك يا ست إخلاص اينما كنتي |
سلام يا مرافي،
بوست مهم خالص والله. رايك شنو نخليهو للأخطاء الإملائية الشائعة؟ إن بقيتي وافقتي، عندي مجموعة ما بطالة. |
اقتباس:
المشرفين نعملن فئات ناس للمحاثيث وواحدين للغلطات وواحدين للم الشمل...وجمع راسين في الحلال :eek: وواحدين للفئام مهند نموزجن..:D ماعليك من كلامي خميس وآخر شهر!!!;) بس آخر كلامي البيقطع فيني الله يسامحو شفت التسامح والاخلاص دا كيف...:D كنت عايزة اخت الاتنين ديك بس ما قاعدة اصرفن لرجال ابوظ اخلاقن..:p |
اقتباس:
اوافق ونص يازول كأنو بوستيك مش انتو الحيكومة فا اسكت كب...:D |
اقتباس:
و الله داير اكتب ليك يا العمدة لكن غلبني كتر علي http://www.youtube.com/watch?v=o8FcpGF__Wk و مهداه |
يا حافظ والله ما قاصدك،
رغم تجلياتك بعض مرّات :D من الأخطاء الشائعة اللاحظتها (إنتو وين قيس شحاتة؟): إنشاء الله = إن شاء الله حتى يتثنى لي= حتى يتسنى لي سؤ = سوء، ومثلها هدؤ = هدوء الخلط بين الإطّلاع والإضطلاع: بعد الإطّلاع على ما كتبته = بعد أن قمت بقراءة ما كتبته (جاية من الإطّلاع) يضطلع بمسؤولياته = يقوم بواجب مسؤولياته فالنقرأ، فالنتّفق، فالنذهب .... = فلنقرأ، فلنتّفق، فلنذهب .... يا أخوانّا كان غلطت صحّحوني. ممكن أجي تاني. |
الهمزات العلي السطر ما شغالين بيها
لكن همزات ولمزات الضمائر اخطاءها بتكون كيف؟ |
مساء الخير يا حكومة يا بائدة:D
أثمن فكرة البوست، أحياناً يحتاج الأمر الى بعض التركيز ونماذج العمدة الفوق دي جزء من كثير يستحق التصحيح. حقيقي يشعر المرء بالحرج حين يقرأ كلمة خاطئة، وأحياناً يكون الخطأ نتيجة التسرع في الكتابة ولكن بتغافل التعديل تصبح مزعجة فعلا، فتجدها (ياعملات الجيلي) غازة كوعا ومقمبرة.:) نموذج آخر إستبدال الزين بالذال في كثير من الكلمات يجعل الكلمة تنادي وتبحث عن الرحمة.:) أنا زاتي زي أخوي العمدة ممكن أجي تاني. |
جرينا بنبرنا و قــــ3دنا ...:rolleyes:
جمب الشباك....:) |
جيتي المرة دي، عشان أحي انصاف مدني :D
شكرا يا سلفي .. صوت جميل والله |
اقتباس:
ياخ حكومات بائدة لكن نتمتع بالحصانة مازلنا :D صدق يا طارق كل ما اسمع كلمة ادارة شعرة جلدي تقوم :eek: ياخ الادارة دخلت فينا خلعة.:) طبعا هذا البوست مفتوح للجميع حتى تعم الفائدة الجميع فمرحبا بمساهماتك ومساهمات الآخرين.. |
اقتباس:
ياخ مرحب كيفما جيت |
اقتباس:
خلاص بجيب ليك اغنيه دايره تصحيح...:rolleyes: |
الكلمات التى تنتهي بهمزة قبلها ألف لا تُزاد بعدها ألف فى حالة النصب مثل : سمعتُ رجاءً - رأيتُ فناءً - سماءً - رداءً) ،
يعني الكلمات المنصوبة بالالف وتنتهي بالهمزة لاتضاف لها الف وتكتب الفتحتين فوق الهمزة المتطرفة مثل مساءً غناءً تكتب الهمزة على الواو وليس على السطر اذا كان ماقبل الواو مضموماً مثل تباطؤ تكافؤ |
| الساعة الآن 03:04 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.