ســـــــــــــــــــاحة ســــــــــــــــــــاره
 

بسم الله الرحمن الرحيم


وهكذا ،،
توافق الحضور على تسميتها ،،
تلك الرقعة الموشاة بالمحبة المعطره بورد التواصل ،،
وادى حنيفة فى سيره الحثيث ، كان حاضراً ،،
الليل فى طبعه البهيم ، كان شاهداً ،،

( ... ويا ليل ابقالى شاهد .....

وامتد السمر ،،
تهدهده كل السوح ،،
على ميمنته ساحة الكرملين ،،
وعلى يساره ساحات الفداء ،،
وفى القلب ساره تغازل التاريخ والبهاء ،،


( يتبع ...

هذه الكلمات كانت لتكفى

لولا أنها بحق سارة

فاتبع

الزولة الختيرة دي بالله خلوها تحافظ علي اللياقة
كويس عشان عليها الرك في الدوري..:D


ديمة ملمومين في الخير يا رب..
عمرة مبرورة إن شاء الله

بالله الصور سرييييييييييييييع



نوركو كيفك يا حبيب..

بسم الله الرحمن الرحيم

لم يكن ثمة ترتيب يفسد بهجة اللقاء ،،
بضع محادثات هنا وهناك ويتداعى جسد سودانيات الشامخ ،،
يرسم بكل الود عظمة الجميع ،،

المايسترو أسامة عبد الماجد ،،
حبيب الممكن وخصيم المستحيل ،،
تهون على كفيه كل القواسى ،
ولا يعتريك فى رفقته كدر ،، يا الله ياخ ،،،
نصـار الحاج والأدب الجم ،، تلميذى وأستاذى فى آن ،،،
رحاب ،،
رحاب الجمال ،،
حين تعشق الحياة وفضائل القيّم ،،
زول الله ،
يدُ تعزف البر والنغمات ،،
لن يدركها الفتر يا صديق ،،
لله درك ، فجرك وغادتك وأنسك الحبيب ،،
كرمك يا ودود ، سوي ليهو حدود ،،
أنبابتود ، عبد الحفيظ ، ود الإشلاق الكارب ،،
يدخلك من جوانب الولف وكل شبكات المعارف ،،
حتى تظن ان بينك وبينه عمراً من تواصل اللقاء ،،
ما أجملك ياخ ،،
اربانتود ، جمال عبد الناصر ،،
الزول الوسيم فى طبعو دايماً هادى ،،
ملح الجلسات ونكهة الحكاوى الضاحكات ،،


( .. يتبع ..

بسم الله الرحمن الرحيم

ويتواصل البهاء
ويا محاريب النبى تمددى
ويا معاريج القبول تجاوزى
ركس ،،
عباس الشريف ونخوته ،،
جاء تسبقه ارتال من السمو والنقاء ،،
مرحباً بك يا صديق فى دوائر القلب الوسيعة ..
أبو الزهور ،،
ول سيف الدين ،،
بالله يا الباسم الضحوك هدهدنا لى وقت السحر ،،
كم أنت راقى ،، لله درك ،،
مواهب ،،
حين يأخذ الحرف حصته من الرصانة ،،
ويشكل ذاتك وممشاك ومبتداك ،،
وحين يستحيل الأدب خماراً وعباءة وكلماتٍ راسيات
شكراً لتجميل أنسنا بالحضور ،،
والشكر من قبل لعاطف ، وعلى أعتاب سودانيات نرتقب خطاك ،،

بسم الله الرحمن الرحيم


أمـــا عن تلك الندرة ،،
أم لينة الباسقة كنخل بغداد ،،
الناضرة كجبين الصالحين ،
فالحديث ذو شجون ،،
والحرف بطئ حرون ،،
عنها وعن سيدة اللقاء ، سأكتب هذا المساء ،،

(وفرح الأحبة يتم فى الأمسيات ...

أو كما قال ود الشفيع ...

بوظتو ليها العمره خلاص
لغاية ما وصلا فخري الزين المطار الزولة دي عمرتا مية المية

وكان الزمن كفاني كنت بوظت ليهم الحفلة :D
بالله يا يحي خلي بالك لي سارة دي؛ الزولة دي باقي رواحة :)

ما احلاكم والله .... ما احلاكم
متابعين جداً
ادام الله المحبة
.
.
سلامات يا النور

يا اخوانا وين وجدي؟