الطريق الى بروكسل
 

عثمان حمد كنت أتخيله قصيرآ على الدوام, فله لسان فالت, وذلك اجتهاد منى لتطبيق مقولة "القصير ياحكمة ياعثمان حمد"
أمينة التى أتت متوشحة بالبهاء من النرويج لم يتغير فيها شئ, مابالها كل مرة يصغر عمرها, كأنها فى العشرين
رشيقة, لطيفة كما النسمة تعبرك..
قطعت سارة المسافة من النرويج الى برلين, وتقاسم معها عصمان (طلع شايقى شهادة عربية) بقية الست ساعات حتى وصولهم الى نايمخين, مكللين بالمحبة والارهاق والمكاواة.. فهما لايفسحان لك مجالآ .. مناقرة (زى مصارين البطن)

أمضينا الليلة فى نايمخين, وباكرآ:D توجهنا الى بروكسل حيث اسامة معاوية
و وفاء, وعمو صبا, وعربية ياسر..

أمينة كانت تتبرم من الموسيقى الغربية, وتبرمت أيضآ من الموسيقى العربية الوحيدة التى وجدناها, فاستعضنا عن ذلك بموسيقى الذاكرة فى الموبايلات, استجابة لرغبة أمينة فى انها تسمع حاجة سودانية, سيل من المكاواة كان ينساب , وأمينة ترفع أصبعها فى وجه عثمان حمد (هوى ياشيطان الجن, لسانك دا اطبقو عليك لمن نصل هناك)
عصمان حمد زول بيعمل ليك توتر بالسواقة بتاعتو.. زول مهذب فى الطريق العام :D

وقفنا أمام السفارة .. حى لايشبه بقية الاحياء التى عرفتها, فى وسط المدينة,
الأعلام فى الطريق تنبئ عن سفارات ..
دخنا سيجارة أنا والكاشف, قبل أن نكملها ظهر اسامة معاوية بى هدوم الشغل ,
كانت بدلة أجبرت عثمان حمد على اطفاء سيجارته

تحركنا من هناك (حيث طفى عثمان حمد سيجارته) وبقينا مباريين كلام اسامة معاوية

الباقى خلو يتمو ليكم

:D:D:D
شكرا علي الضحكة الاستثنائية دي

ود حمد زول استثنائى, لمن عوير

وصلنا ليهم جيعانين تب,
الزول الفضيحة الاسمو عثمان دا, قعد يعوعى فينا .. الاكل لأكل الأكل ,
اسامة وقفنا قدام محل بتاع عيش,
وأنا عارف زولى داير يقرض العيش لكن خجلان..
ياأخى الود دا شكلو أبدآ مالطيف لمن يكون خجلان..
وصلنا هناك, وست الدار قامت بالواجب..
بعد البارد والشاى الهرمونات اشتغلو, اسامة قال: الليلة نتفسح نمشى الغابة
عندهم غابة بس التقول جبل مرة وفيها بحيرة وفسحة بتاعت نجيلة,
دقينا قيم بتاع كورة زى الترتيب ,
وغلبناهم كمان :D
الحاجة اللطيفة انو فى زول صاحبنا اتشنقل ووقع لمن قطع القاش بتاعو

يا الجيلي

مدينتكم دي اسمها شين شديد جدا خالص ياخي !!

ماممكن كده والله

مشيها ياحكم

سمج الوصف

مسيحة بلا صور


عصمان قبضتوهو كيف ؟

صور مافى ياهندسة,
وبالذات لأنو كتفنا انو الزول الوحبد البعرف فرنص

إجازة سعيدة يا شباب
لحقتونا وكدا بدون صور
نايمخين بروكسل بنين

يا جلجل لو شلنا الخاء المحمرة دي تاني ما بتكونوا بدون صباح عديلgap

الطريق الى بروكسل ينتهى الى هنا
واشار الى قلبه:cool::cool::cool::cool:

معقول زول يخرب عمرته بالسرعة دي:D

وأهو الصباح فاتكم
حليلكم لحقتونا
...
يا جيجي
حد يقابلني
وتفضل ليهو عمرة تاني:D