مكتبة سودانيات للصور
بحمد الله تم انشاء قسم جديد بمنتديات سودانيات، يختص بالصور
ومكتبة سودانيات للصور هي مشروع يهتم بتجميع الصور وأرشفتها مع التركيز نوعا ما على "سودانوية" الصور ... وتحتوي المكتبة على الأقسام التالية: - صور السودان القديمة - صور السودان الحديثة - وجوه سودانية - صور متنوعة وكلي أمل أن يسهم كافة الأعضاء في إثراء المكتبة بما في حوزتهم من صور رابط داخلي للمكتبة من هنا |
سلام يا أشرف،
حقيقي مبادرة ممتازة وتستحق الإشادة، وماها غريبة عليك. يكون جميل لو برضو نقلت البوستات ذات العلاقة، إن كانت تناسب توجّه المكتبة، فمثلاً هناك بوست الزوول صور نادرة جداً وبوست كنت فتحته باسم جولة الكاميرا - من ألبومي ديل البتذكّرِن، ويمكن في غيرهم كمان. تحياتي وسنكون معاك. |
فتح الله عليك يا عكود...
كايس للبوستين.. وغتسن وما كنت متذكر اسماءهن بالضبط... تشكر... |
سلام يا أشرف،
في حالة ما تكون متذكر اسم البوست ومتذكر كاتبو، ممكن تضغط على اسم الكاتب، بيفتح معاك ملفو، تختار "إحصائيات" وبتلقى خيارين "مداخلات العضو" و " مواضيع العضو". الأخيرة دي، بتديك قائمة بكل بوستات العضو. زيادة خير، أخونا الغائب محمد الجزولي عندو بوست ممتاز عن الصور باسم فوتوغرافيا (1) ... رمضان كريم، وبرضو ممكن تضيفو عندك. |
سلامات يا اشرف فكره جميييله :L
|
شكراً عكود لتنبيهي لبوست محمد الجزولي... والذي وجدت ان له بوستات متعددة تختص بالصور قمت بنقلها وتبويبها حسب الموضوع...
ويا ريت اي عضو متذكر اسم بوست يخص الصور... او اسم الشخص الذي أنشاه يساعدني هنا... ------------- |
اقتباس:
ويلا يدك معانا لإنشاء المكتبة ورفدها بالصور.. قديمها وحديثها... |
اشرف
تحية طيبة ...الفكرة اكثر من ممتازة انا من محبى البحلقة loooolلكن اتصور ...صعبه . اتمنى تجد الفكرة النور من خلال مساهمات الجميع ... سودانا فيه الكثير من الجمال لم يكتشف . تسلم واحة |
اقتباس:
السودان يعاني من قصور واضح في مجال تصوير المعالم والمناظر وأوجه الناس.. غالبية المتوفر صوره أجانب... اتمنى ان يسهم أبناء وبنات السودان في عكس الجمال المنثور في السودان.... وما زال هناك أمل أن يسهم عضوية سودانيات في رفد القسم بما يحبون... تحياتي..... |
فكرة جميلة يا أبو الشوش، بس بالله ركز لينا في "الحق الأدبي" للمصورين لأنو بالنسبة لينا أهم من الصور.
|
سلام يا مبر
وبركة الظهرت هنا ياخ.... الحق الأدبي... ما أمكن... سيتم الالتزام بالحق الادبي... واحب التنويه الى ما استشرى في الانترنت (الناطق بالعربي خاصة) تجد الصور ولا تعرف مصدرها الاصلي او مصورها.. ولا مندوحة حينئذ من الاستعانة بها على أمل ان يعرف أحد ما صاحب الحق الأدبي فيها... من هنا أشيد بمجموعة المصورين السودانيين.. إذ غالباً تجد اسم المصور على احد جوانب الصورة... |
| الساعة الآن 10:03 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.