غايتو خشمو خفيف خلاص....
|
غايتو شمشار شمشرة اليوم كلو يجيب في الشمارات...!
فلان صار صديق لفلان... فلان خت صورة جديدة جري امشي شوفا فلان صاحب فلان علق على صورة فلان هناي داك عندو عيد ميلاد شيل هديتك وامشي سريع قوم بالواجب الزول دا صاحب فلان بتعرفو اضيفو لي اصحابك ماقت ليكم شوبااار وشمشار...ومكشوف حال..كمان غايتو بعد شوية ح يقول فلانة عرسوها وفلانة طلقوها...:D الغريبة الشريط البيمر باليسار داك جنس قطيعة وشمارات..:) لا وكمان مابيكفيهو رسايل الفيس ..كمان في ايميلاتنا ملاحقنا غايتو دي قطيعة مقننة!!!!..:) سلام يا فيس بوك يا مكشوف الحال http://www.vip4soft.com/news/wp-cont...ebook_logo.jpg |
:D:p
دا غايتو ما ادونا ياهو في المقرر....:rolleyes: |
اقتباس:
دا الفيس بوك وما ادراك ما الفيس بوك,,!!! بس رؤيتك في فيس البوست دا ممنونين ليها كتير ثم سلام وتشكرات بس اعمل لايك قبل ما تمشي:D |
الفيسبوك اختراع عظيم جدّاً، وسيلة تواصل فعّالة وسهلة في نفس الوقت، بس بخليك تتعلّم الركلسة بشكل مقنّن، علي حسب استخدامك ليهو، لو اعتبرتو ضل شجرة ببقاها ليك، لو اتعاملت معاهو علي اساس قعدة جبنة، ببقاها ليك، لو افترضتو ركن ولّ عمود تلاقي فيهو الشباب، ما عندو مانع.. إلخ..
الفيسبوك وسيلة وأداة تواصل مهمّة في الزمن دا، استخدامك ليهو هعو البحدِّد فعاليته من عدمها، وحتي الفعالية ذاتها نسبية باختلاف المستخدم. المهم: بالنسبة لي، أكبر سلبيات الفيسبوك الآتي: لو كتبت استيتس فيهو: "أوووووووف" تمشي وتجي تلقي عشرين لايك، وتلاتة تعليقات..!! لو كتبت: أبوي مات!! تجي تلقي عشرة لايك!! وكدا سلامات يا مرافي |
تحيه وسلام
الفيس بوك ، مع الشمارات وقالو وقلنا ، بيني وبينكم صلح حال ناس كتاااار لكن بتتفقو معاي إنو برضو خرب بيوت ناس كتار .. ده طبعا سوء إستعمال الكثيرين ليه ، والله الواحد بطنو بتطم لما يلقى ليه واحد/ه قاعد/ه من الصباح لمن تمسي ومما تمسي لما تصبح في الفيس .. والأهم إنو نص الشعب السوداني بقوا شعراء والنصف الآخر كتاب وناقدين ومحللين سياسيين ورياضيين .. وحكماء وغيرهم اما ناس قريعتي راحت ديلك ناس (الجكس) والله ديل كمان حالتن حاله ، إحننو .. الواحد تلقى يتونس اليوم كلو وهاك يا حب ودردشة مع فلانه ، وفي الآخر تطلع فلانه دي اخوهو الصغير بس داخل بحساب بت .. هع والله يهون بس .. جنس محن !.. |
اقتباس:
اولن لايك..:L :D انت وآخرون معجبون بهذا,:) والله ياخ الفيس بوك دا ليهو فوايد كتيرة فعلا هو ساحة للتزاصل الاجتماعي الناس الزمان شتتا وتفرقت بيها الدروب ولكن بفضل الفيس بوك صارت دايما في تواصل وسؤال عن بعض حسع انحنا عندنا قروب للعايلة والله لولا الفيس بوك في واحدين كدا ليوم الدين مانشوفن ولانعرف شكلهم كيف .. البيجيبوا ليهو مولود جديد من يومو الاول نشوفوا المريض نعرف خبرو ,,,ا لله يخليهو لينا الفيس قوى صلة الارحام :D بس المابحبو فيهو الشاتينق..looool في ناس كدا بقوا مدمنين شات.!!! وكل اليوم في الونسات والشمارات.. ومرات تكون في صورة حزينة زي صورة المرحوم الحوت والناس تعمل لايك ماعارفاهم لايكين الموت ولا الجثمان.,.:( ممنوين بالحضور البهي.. |
اقتباس:
اهلين بي اخونا احمد والف مرحب بيك معانا بس والله رغم فوايدو في ناس بتسيء استخدامو وزي ما قال الرشيد الواحد البيقود دفة الفيس يا لصلاح يا لاشياء تافهة والله النت دا كلو خوازيق...:D الله يكفينا شرو.. بس يظل الفيس بوك اكثر واسرع مكان للتواصل الاجتماعي مهما اساء البعض لاستخدامو والله الواحد في ناس ليهم سنين ماعارف عنهم شيء ولكن لقينا عند الفيس بوك الخبر اليقين وطمنا على كثيرين بعاد عننا الله يديك العافية يا الفيس بوك ويكفيك شر المُخربين المُهكرين... ممنوين ليك للاعجاب بالصفحة..:D اخونا احمد والنبي اعمل لايك...قبل ان تغادر:) |
| الساعة الآن 08:54 PM. |
Powered by vBulletin® Version 3.8.8 Beta 2
Copyright ©2000 - 2026, vBulletin Solutions, Inc.